كل واحد يدخل يحكيلنا كيفاش يعقب أيام رمضات و سهرات الرمضانية" فريق أولاد قسمطينة "

[Adel Adel1]

أهلا بيبكم حبابنا باللمة
هادا موضوع مشترك بن ADEL ARK و lil-mirou

فكرة الموضوع و ببساطة هي
كل عضو يحكيلنا كيفاش يفوت اليوم في رمضان وواش يدير
يحكي السهرات في المدينة تاعو كيفاش يفوتوها و تقاليدهم و عاداتهم كاملة
وواش هو أكثر شي يحبو
بطبع نهدرو تاني على أكلات تاع الافطار
لازمة
ههههههههههه

ممممممممممم
سي موا درك lil-mirou حبيت نزيد شوي
بالنسبة للبنات يحكيولنا كيفاه يعقبو رمضان مع الكوزينة و التيلي طبعا :001_tt2::001_tt2:
(واش يحبو يتفرجو....) وواش مخططين يديرو في رمضان هادا و كشما إضافات من عندكم


ايا رووووووول

اليكم الخط
​

 

[طيور الجنة21]

عادل يا حبذا تبدأ أنت بالحكايات ok

نحن ننتظر؟؟؟؟؟؟؟؟؟؟؟؟؟؟؟؟

 

[طيور الجنة21]

lil-mirou و انت كذلك؟؟؟؟؟
ثم سآتي أنا

 

[Adel Adel1]

أوكي
رمضان لي عدا كان أسوأ رمضان .. على خاطر حكم فيا الدخان و تعلمتو مليح
لكن عموما

رمضان كنت نفوتو فالمدرسة قبل مانحبس
يكون الجو دايما حلو بين الناس غير حاجة وحدة
ماعلاباليش علاه عندنا يكثرو المشاكل و القباض مابين الناس
فالمدرسة تاني
بصح معظم الناس يتعاملو مع بعضاهم بحلاوة تعطي لشهر الكريم نكهة خاصة
نضحكو و نصبرو و دايما نخليو ساعة على الأكثر نحكيو فيها على الفطور و الماكلة
هههههههههه
في المساء كنت نروح للمسجد حتى يأذن المغرب نصليو و نولي لدار نجري
كي نفطر و نخلص تحكمني غلبة كبيرة و دوخة ماعلاباليش علاه
نستناو وقت التراويح نروحو أنا و الوالد و الجد و عمومي نخلصوهم
و نوليو نلقاو النسا يديرو مايدة كبيرة و يجتامعو عليها العايلات تاعنا
عمومي و تاعنا
معبية غير حلوة
يا بدات الزلابية هي لي لازمة
معضم الأحيان نروحو نتفرجو تاع الضحك و مبعد نرقدو
هادا هو رمضان تاع بكري​

 

[lil-mirou]

بالنسبة ليا في وقت الليسي كنا نعقبوه فووور

يعقب الوقت ثمثم كنت نخرج على 14.45 كنت نعقب ل CEM تاع ختي باه نعقب الوقت كانت تخرج على 15.15 معناتها تعقب نص ساعة :biggrin:ونولي نمشيو بالعقل نوصلو على 16 باه نلقاو الفطور يطيب ما نطيبوهش حنا:angel_not::angel_not:

و مبعد نتفرجو شوي حتان يوصل وقت الفطور نحطو الطابلة و علابالكم بالدعوا كيفاه و مبعد من وراها لازم ندخلو للكوزينة نغسلو و الماعن :glare::glare:

ومن وراها طول يجي باب الحارة :yahoo::yahoo: و يخي في رمضان يكثرو المسلسلات نوليو مانلقاوش واش نتفرجو نقعدو غير نبدلو

يوصل وقت الصلاة نصليو التراويح و بعدها يجي وقت الديسار و نعياو ههههههههه

ونوليو نرقدو مي العام هادا سير يتبدل مع الجامعة و جا في العطلة
مبعد نزيد نحكيلكم
​

 

[salma2010]

lilممكن اتعرف عليكى انا سلمى مصريه مقيمة بالجزائر وتشرفنى صداقتك ممكن؟؟؟؟؟؟؟؟؟

 

[salma2010]

انا سلمى من مصر ممكن اتعرف بيكيlil-mirou

 

[salma2010]

السلام عليكم ورحمة الله وبركاته انا سلمى عضوة جديده وسعيدة لوجودى بينكم

 

[salma2010]

انا بقول لكل الاعضاء المتواجدون حاليا وغير المتواجدون كل عام وانتم بخير

 

[Adel Adel1]

سلمة مرحبة بيك فاللمة
امتا سجلتي أختي
أول ردين كانو فالموضوع تطلبي صداقة مريم
ممتاز للموضوع
هههههههههه
أهلا فيكي​

 

[Adel Adel1]

كل عام و أنتي بخير أختي أهلا بك

 

[maria13]

الســــــــــــــلام عليكم :001_wub:
مريومة وعادل هادا صحيح موضوع مليح
مي مايجيش عليا
انا نظلي قاعدة
في رمضان مانتحركش قاع في النهار نكون جيعانة -طبعا لاخاطرش في الفطر كنت نظلي ناكل-
وفي الليل نشبع سايي ما نقدرش نتحرك ههههههههههههههههه:crying::crying:
مي هادا لعام راح يجي ماشي كيما الي فاتو إن شاء الله
نسيي ندخل للكوزينة
بصح ما نطيبش نغسل الماعن :scared::scared:
لمهم واش نقولك صحا رمضانكم كل عام ونتم بخير

​

 

[banyahya]

انا من 6 صبح نخدم حت قبل مغرب 15 ساعة

 

[طيور الجنة21]

أوكي
رمضان لي عدا كان أسوأ رمضان .. على خاطر حكم فيا الدخان و تعلمتو مليح
لكن عموما

رمضان كنت نفوتو فالمدرسة قبل مانحبس
يكون الجو دايما حلو بين الناس غير حاجة وحدة
ماعلاباليش علاه عندنا يكثرو المشاكل و القباض مابين الناس
فالمدرسة تاني
بصح معظم الناس يتعاملو مع بعضاهم بحلاوة تعطي لشهر الكريم نكهة خاصة
نضحكو و نصبرو و دايما نخليو ساعة على الأكثر نحكيو فيها على الفطور و الماكلة
هههههههههه
في المساء كنت نروح للمسجد حتى يأذن المغرب نصليو و نولي لدار نجري
كي نفطر و نخلص تحكمني غلبة كبيرة و دوخة ماعلاباليش علاه
نستناو وقت التراويح نروحو أنا و الوالد و الجد و عمومي نخلصوهم
و نوليو نلقاو النسا يديرو مايدة كبيرة و يجتامعو عليها العايلات تاعنا
عمومي و تاعنا
معبية غير حلوة
يا بدات الزلابية هي لي لازمة
معضم الأحيان نروحو نتفرجو تاع الضحك و مبعد نرقدو
هادا هو رمضان تاع بكري​

الله اكبر والله رمضان هايل وسهراتوا أحلى و أحلى ربي يقدرك هاذ العام وتصوموا وتقوموا على كاروا.....ربي يوفقك....
بصح عادل خويا راك حكيت كلشي ونسيت أهم حاجة:cursing: وهي انك راح تعرضني نفطر عندكم...هههههههه
​

 

[طيور الجنة21]

بالنسبة ليا في وقت الليسي كنا نعقبوه فووور

يعقب الوقت ثمثم كنت نخرج على 14.45 كنت نعقب ل CEM تاع ختي باه نعقب الوقت كانت تخرج على 15.15 معناتها تعقب نص ساعة :biggrin:ونولي نمشيو بالعقل نوصلو على 16 باه نلقاو الفطور يطيب ما نطيبوهش حنا:angel_not::angel_not:

و مبعد نتفرجو شوي حتان يوصل وقت الفطور نحطو الطابلة و علابالكم بالدعوا كيفاه و مبعد من وراها لازم ندخلو للكوزينة نغسلو و الماعن :glare::glare:

ومن وراها طول يجي باب الحارة :yahoo::yahoo: و يخي في رمضان يكثرو المسلسلات نوليو مانلقاوش واش نتفرجو نقعدو غير نبدلو

يوصل وقت الصلاة نصليو التراويح و بعدها يجي وقت الديسار و نعياو ههههههههه

ونوليو نرقدو مي العام هادا سير يتبدل مع الجامعة و جا في العطلة
مبعد نزيد نحكيلكم
​

واش كل عام معولة تبقاي تغسلي في المواعن لا....:cursing: ماكانش هاذ العام الخدمة هاذلك لازم تشمري على ذرعيك وتوريلي صنعة يديك....ياك راح نزوجك..:angel_not:.ههههههههههه
وزيــــــــــــــد ماقلتليليش بلي رايحة للجامعة هاذ العام ...راني كيفك أنا في جامعة قسنطينة لغة انجليزية و انت؟؟؟؟؟

على العموم ربي يفرحك ويهنيك برمضان
​

 

[طيور الجنة21]

السلام عليكم

اووووووووووه جات دالتي باش نحكي

اولا نحكيلكم شوية على رمضان الي عدا كان صامط علي و ماقدرتلوش مناه صحاباتي كامل في الدار مناه أداو الباك غير انا في الليسي نكركر...هههههههههه
المهم الحمد لله ظرك هاذ العام رايح يكون حاجة فوور وخلاف راح نجوزوا في الدار يعني أنا نصبح راقدة عادي جدااااا حتان 10 وامبعد نوض نسيق ونعاون شوية في الخدمة الخفيفة تاع الدار وامبعد نطل عليكم طلة خفيفة في اللمة ونروح ندخل للكوزينة .....آه هاذ العام الكوزينة مدايرة كونترا معاها....
يأذن نفطروا ياك تعرفوا كيفاش الدعوة مدايرة غير الماكلة المخيرة وامبعد الفطور يجي غسيل المواعن وامبعد نروح نصلي مع جداتي التراويح ونجيكم بعد الصلاة نحكيو ونضحكوا شوية و حولي 23.00 نروح نتسحر ونرقد حتان للصباح

ملاحظة فقط::
التليفيزيون في رمضان خاطيني وسيرتو باب الحارة
​

 

[طيور الجنة21]

انا من 6 صبح نخدم حت قبل مغرب 15 ساعة

ربي يكونلك في العون ولكن ماهي وظيفتك؟؟؟
وايلا كنت تطيب الزلابية ابعثلي كيلوا تاع أصبع العروس
​

 

[lil-mirou]

الســــــــــــــلام عليكم :001_wub:
مريومة وعادل هادا صحيح موضوع مليح
مي مايجيش عليا
انا نظلي قاعدة
في رمضان مانتحركش قاع في النهار نكون جيعانة -طبعا لاخاطرش في الفطر كنت نظلي ناكل-
وفي الليل نشبع سايي ما نقدرش نتحرك ههههههههههههههههه:crying::crying:
مي هادا لعام راح يجي ماشي كيما الي فاتو إن شاء الله
نسيي ندخل للكوزينة
بصح ما نطيبش نغسل الماعن :scared::scared:
لمهم واش نقولك صحا رمضانكم كل عام ونتم بخير

​

مشكورة على المرور وعلى صراحتك
صحا رمضانك وكل عام نتي بخير
​

 

[Adel Adel1]

الله اكبر والله رمضان هايل وسهراتوا أحلى و أحلى ربي يقدرك هاذ العام وتصوموا وتقوموا على كاروا.....ربي يوفقك....
بصح عادل خويا راك حكيت كلشي ونسيت أهم حاجة:cursing: وهي انك راح تعرضني نفطر عندكم...هههههههه

مرحبا بيك طير الجنة
على الأقل نلقا لي يخسل الماعن معاهم فالليل
ههههههههههههه

 

[lil-mirou]

انا من 6 صبح نخدم حت قبل مغرب 15 ساعة

هذا ماكان؟؟؟؟؟
انا قلت اليوم حصة تعبير كتابي
ايا معليش الخطرة الجاية نسحقو التفاصيل

مرسي على المرور
​