برد قلبك............

[sisila]

السلام عليكم ورحمة الله تعالى وبركاته
والله لما قريت اسم الرك جاتني هذه الفكرة
الفكرة أنو كل واحد يحكيلنا أطرف أو أغرب ما حصل له في شهور رمضان الفائتة
ولما لا رمضان لهذه السنة
ما يهمش وين ...........في الدار ، في السوق ، في الشارع ، في الخدمة.....................
أرجو التفاعل مع الموضوع

 

[Adel Adel1]

الموضوع مش كيما الموضيع ع الأخرى
أتمنا عدم حذف الموضوع

 

[amir.dz]

للأسف للغلق و ألف تحية

 

[** غزال الصحراء **]

ههههه , هاذي كي كنت صغير أول مرة جربت صمت ايا بقات 30 دقيقة على المغرب دار لقاوني داخل في وصت لي فريجيدار نرهج كليتو كامل ايا ما جيت كملت الماكل أذن المغرب هههههه يعني ومي راح باطل مي كنت عقلة أصبع مازال نتعلم مرسي موضوع فور .
​

 

[sisila]

يا أختي توجد مثل هذه المواضيع في قسم خيمة
الرمضانية

كل واحد يقول شو راح يسوي في رمضان؟

لهذا سوف يغلق الموضوع من طرف هذا مشرف هذا القسم أو إداري اللمة
وشكرا

تحياتي لك أخي
أريد الاشارة فقط الى أن الموضوع مو مثل الموضوع المطروح في الخيمة
لأنو الموضوع المطروح في الخيمة هو واش راح ادير في رمضان
لكن موضوعي كان القصد منو انو كل واحد يحكي واش صرالو في رمضانات الي فاتو من نكت ومواقف طريفة صراتلو، ولما لا اذا تعرض أي شخص لموقف طريف في رمضان هذا يحيكيهولنا
اشاء الله تكون فهمت قصدي
شكرا لمرورك

 

[sisila]

يا أختي توجد مثل هذه المواضيع في قسم خيمة
الرمضانية

كل واحد يقول شو راح يسوي في رمضان؟

لهذا سوف يغلق الموضوع من طرف هذا مشرف هذا القسم أو إداري اللمة
وشكرا

أود أن أشير أنو الفكرة مو نفسها الي في الموضوع الي في الخيمة
لانو موضوع الخيمة القصد من وراه كل واحد يقول واش راح يدير في رمضان
بصح انا موضوعي القصد منو كل واحد يحكيلنا المواقف الطريفة والغريبة الي صراتلو في شهور رمضان الي فاتوـ وأذا كاش واحد تعرض لموقف طريف في رمضان هذا يحكيهولنا.
أتمى نكون وصلت فكرتي
تحياتي أخي
شكرا على المرور

 

[sisila]

الموضوع مش كيما الموضيع ع الأخرى
أتمنا عدم حذف الموضوع

شكرا على المرور نورت
يا ريت المرة الجاية تحكيلنا كاشما صرالك من قبل في رمضان خلاك تضحك على روحك
واذا ما صرالك والو راح سلكت برافو عليك
تحياتي

 

[sisila]

للأسف للغلق و ألف تحية

شكرا على المرور أخي
مع أحترامي لرأيك
يمكن أنا ما وضحت الفكرة مليح من الأول ولكن وضحتها أكثر في ردي للأخ kikim
نورت ورمضانك مبارك

 

[zagane]

salam alaycom

كي كنت صغير حبيت نبدا نصوم رمضان في نص النهار شفت العنب كليت و قلت العام الجاي نبدا نصوم

 

[sisila]

ههههه , هاذي كي كنت صغير أول مرة جربت صمت ايا بقات 30 دقيقة على المغرب دار لقاوني داخل في وصت لي فريجيدار نرهج كليتو كامل ايا ما جيت كملت الماكل أذن المغرب هههههه يعني ومي راح باطل مي كنت عقلة أصبع مازال نتعلم مرسي موضوع فور .​

هاذي الي يقولك "على آخر سبولة قطع صبعو"
بصحتك خويا كامل وش كليت
مرسي ليك
شكرا على المرور الطيب
رمضانك مبارك

 

[sisila]

بالتوفيق أختي

شكرا بالتوفيق لينا كامل
رمضانك مبارك

 

[أبو عاتكة]

الموضوع يدعو الى سرد الحوادث المضحكة والطريفة في ايام رمضان

وهذا ما يهدف اليه هذا الركن والمتخصص بالمواضيع الطريفة والهزلية

والتي عبرنا عليها بعنوان سكتاتش الذي يعرفه جميع الجزائريين

بانه فسحة للضحك والطرافة والسرور تدخل البهجة والفرحة في قلب الصائم

بعد يوم من المجاهدة والصبر

لذا فالموضوع مقبول مادام هدفه الطرافة والنكتة

الحسنة​

 

[sisila]

salam alaycom

كي كنت صغير حبيت نبدا نصوم رمضان في نص النهار شفت العنب كليت و قلت العام الجاي نبدا نصوم

راك خير من شي ناس
على الأقل في نص النهار ماشي 30د قبل المغرب
شكرا على المرور
ما تزعفوش علينا برك

 

[** غزال الصحراء **]

هاذي الي يقولك "على آخر سبولة قطع صبعو"
بصحتك خويا كامل وش كليت
مرسي ليك
شكرا على المرور الطيب
رمضانك مبارك

لا لا خاطي , هاذي تاع ** لباب لي يجيك منو الريح سدو و أستريح ** ايا جاني الريح في كرشي عبيتها ههههههه .
​

 

[sisila]

الموضوع يدعو الى سرد الحوادث المضحكة والطريفة في ايام رمضان ​

وهذا ما يهدف اليه هذا الركن والمتخصص بالمواضيع الطريفة والهزلية ​

والتي عبرنا عليها بعنوان سكتاتش الذي يعرفه جميع الجزائريين ​

بانه فسحة للضحك والطرافة والسرور تدخل البهجة والفرحة في قلب الصائم ​

بعد يوم من المجاهدة والصبر ​

لذا فالموضوع مقبول مادام هدفه الطرافة والنكتة ​

الحسنة​

وهذا قصدي من الموضوع
شكرا على المرور
رمضانك مبارك

 

[sisila]

لا لا خاطي , هاذي تاع ** لباب لي يجيك منو الريح سدو و أستريح ** ايا جاني الريح في كرشي عبيتها ههههههه .​

صح

 

[** غزال الصحراء **]

صح

:confused1:
​

 

[كلي امال]

السلام عليكم و رحمة الله تعالى و بركاته
انا نحكيلكم قصتي مي ماتضحكوش عليا
من قبل كان يغلبني رمضان بزاف لدرجة انو مرة قبل الاذان بشويا قعدت عند الطابلة و حاطة قدامي نص مطلوع و نص خبز و الشربة و نبكي صايي ماقدرتش نتحمل اكثر و العايلة كامل تجمعوا عندي و جاو اعمامي و جداتي اللي يصبر يصبر و اللي يضحك يضحك و في داك الوقت ماكنش صغيرة كنت وحد 14 سنة
المهم من داك رمضان كل اول نهار في رمضان يجوا يشوفوني واش راه صاير فيا
مي درك الحمد لله ماعادش يغلبني خلاص
بارك الله فيك موضوع باهي بزاف

 

[sisila]

السلام عليكم و رحمة الله تعالى و بركاته
انا نحكيلكم قصتي مي ماتضحكوش عليا
من قبل كان يغلبني رمضان بزاف لدرجة انو مرة قبل الاذان بشويا قعدت عند الطابلة و حاطة قدامي نص مطلوع و نص خبز و الشربة و نبكي صايي ماقدرتش نتحمل اكثر و العايلة كامل تجمعوا عندي و جاو اعمامي و جداتي اللي يصبر يصبر و اللي يضحك يضحك و في داك الوقت ماكنش صغيرة كنت وحد 14 سنة
المهم من داك رمضان كل اول نهار في رمضان يجوا يشوفوني واش راه صاير فيا
مي درك الحمد لله ماعادش يغلبني خلاص
بارك الله فيك موضوع باهي بزاف

وعليك السلام ورحمة الله تعالى وبركاته
عادي أختي ماكانش الي سلك من المقالب نتاع رمضان
بصح والله قصتك تضحك
وفيك بركة أختي
شكرا على المرور نورت
رمضانك مبارك

 

[maryouma.14]

مرســـــــــــــــــــــــــــــــــــــــــــــــي الصراحة أنا مصرا معاي والووووووووووووووووو بصح إدا

أ صرا معاي نقلك