اجرو غلبنى رمضان

[killua0555]

سلام عليكم ​

و صحا رمضانكم
غلبنى رمضان كلمة تاعنا حنا الدزايريين برك لخطر نص الكبير يغلبهم رمضان:sad: معلاباليش مسكيين رمضان علاش يلصقو فيه كلش بصح لقيت مبدعيين فى هاد مجال غلبات تاع رمضان:confused1:​

منهم​

واحد ينود على 12 كى يغسل وجهو و يفطن يفيق بلى رانا فى رمضان مكاش الفطور و مازال الحال على مغرب :crying: غلبو رمضان يولى للفراشو و يرقد حتى يادن المغرب و ينوض يفطر شاطر جاب نهارو :laugh:​

وحد اخر مبروقرامى روحو بلى غدوة رمضان رقاد حتى للعشية بصح جى ماماه و لا مرتو نوض تقضى ينوض بعد حرب اهلية و يروح غالق عنيه اونكا يروح النوم منهم و يبقى فاطن فى النهار يصبر للجوع و العطش :music_whistling:​

و هادا عارف سيدنا رمضان و مالفو ناض نورمال للخدمة بصح كى كان مولى للدار لقا غير الحوايج الى يشهو و الى حب ياكلهم مور الفطور زلابية بقلاوة مقروط قنيدلات تلقاه يوزن بكيلوات تقول عرض عرش للفطور :angel_not:​

واحد نهارو نورمال مالقرى تشومير ينوض للخدمتو :laugh: تكيال الرايح و الجاى و تشلال العينيين بصح كى جى لعشيا تلقاه يسحب باش يوصل للدار مع العلم بلى كان متكى على سور تاع دارهم مسكيين عيا راه خدام :sad:​

تروح للمارشى تلقا دنيا مقلوبة زوج يضاربو :cursing:على والو و مور للفطور تلقاهم كتر من للحباب ​

واحد كى ولى من خدمة لقا بلى نهار مازال طويل يدخل للكوزينة يشوف الفطور يلقى مرتو مازلها توجد يبدا يعيط :cursing:قبل خمس سوايع وين راه الفطور :glare:​

فى رمصان كى تلحق العشية واحد ما يعرف واحد كل مهموم و يخمم على فطور وين وصل :angel_not:​

تانى واحد ياكل واحد لوكان يهدر معاه :confused1:​

اييه حنا دزايريين يغلبنا رمضان ...:music_whistling:..هكدا :confused1:​

 

[zagane]

salm alaycom

كن ما غلبنى رمضان ما نرد على هاد الموضوع

 

[best-arch]

اييييييييييييييه في هذا الشهر نشوفو العجب في بلادنا

مشكووووووور أخي على الموضوع....................رمضان كريم





​

 

[killua0555]

salm alaycom

كن ما غلبنى رمضان ما نرد على هاد الموضوع

و عليكم السلام
ههههههه الحمد الله طفرت فى الاقتباس و الرد ماشى فى الموضوع

مشكور على المرور

 

[killua0555]

اييييييييييييييه في هذا الشهر نشوفو العجب في بلادنا​

مشكووووووور أخي على الموضوع....................رمضان كريم​

هههه شفتى غير العجايب

بلا مزية خيو
الشكر ليك على مرور

 

[mohamedsport]

 

[{مُدَلَّلَتُهُ}]

هههههههههههههههه عندك الصح

 

[{مُدَلَّلَتُهُ}]

صح فطوووووووووووركم

 

[farida91]

هههههههههههههههههههههههه
نتي هايلة يا كيلوا
انا ثاني يغلبني بزاااااااااااف هههه تجي تهدري معيا ناكلك
غير مكالله تخمي تعيطيلي ولا حاجه هههه
​

 

[killua0555]

اميين مشكور على المرور الرائع

هههههههههههههههه عندك الصح

انا جامى ميكنش عندى الصح ههههههههه

صح فطوووووووووووركم

الله يسلمك نتى زادة صحا فطورك و ميرى على المرور

 

[killua0555]

هههههههههههههههههههههههه

نتي هايلة يا كيلوا
انا ثاني يغلبني بزاااااااااااف هههه تجي تهدري معيا ناكلك
غير مكالله تخمي تعيطيلي ولا حاجه هههه​

مرورك هو الهايل حنونتى
اواه منكترش هدرة معاك قبل للفطور :angel_not: مور للفطور كى تاكلينى معليش اوما للواحد يموت شبعان

 

[fufa22]

البارح صرات عندنا
فينقا في سوقهرتس سبتها واحد قاس واحد
وتنوض
يا خالي الكايح كثر من النايض
************
ربي يهدينا​

 

[fufa22]

ci sa les algerian​

 

[killua0555]

البارح صرات عندنا

فينقا في سوقهرتس سبتها واحد قاس واحد
وتنوض
يا خالي الكايح كثر من النايض
************

ربي يهدينا​

ربى يستر برك هادى صارية فى دزاير كامل ....شهر الرحمة يرجعوه شهر مكالاه تهدر معايا
اميين
ميرى على المرور :angel_not:

 

[لينة]

هههههههههه
انا ليجي يقولي نوضي ناكلوا ههههههه
نحب انوض وقت منوض وحدي ههههههههههه

 

[sisila]

والله يلقاو غير في السبايب
الله يهدينا
انشاء الله ما يغلبناش رمضان
شكرا على الموضوع
رمضانك مبارك

 

[killua0555]

هههههههههه
انا ليجي يقولي نوضي ناكلوا ههههههه
نحب انوض وقت منوض وحدي ههههههههههه

هههههه صافى راكى جايبتها نهار كامل رقاد و الى يقولك ديرى الفطور واش ديريلو ههههههه

مارسى على المرور ما تزعفيش :angel_not:و يغلبك

والله يلقاو غير في السبايب
الله يهدينا
انشاء الله ما يغلبناش رمضان
شكرا على الموضوع
رمضانك مبارك

شفتى حنا دزايريين على كرشو يخلى عرشو لوكان مايكلش يقلبها كيما قلتى ربى يهدينا
صحا فطورك

 

[din@ c00l]

هذا هو رمضان في دزاير حبيتي و للا كرهتي

 

[killua0555]

هذا هو رمضان في دزاير حبيتي و للا كرهتي[/QUOTE


عندك الحق زعما رايحيين يخلوك تبدلى كاش حاجة...ادا شطرتى مع زوج يضاربو وقلتى ربى يهديكم رانا فى شهر الصيام يخلو الضرابة و يتحاماو فيك طولى لسانك ههههههه ربى يهدى

 

[هند العصفورة]

السلام عليكم
والله غير عندك الحق يا تسنيم هذا الشهر نورمالموا الناس يتعدلوا هما لالا هذاك وين يهبلوا وكيما قلتي في النهار تصير الحرب وفي الليل يولوا أكثر من أحباب وكي شغل حاجة مصرات

والله مواضيعك شابة
بارك الله فيك أختي تسنيم
يعطيك الصحة
وصح فطوركم​