السلام عليكم ورحمة الله وبركاته
كيف ترفعين ضغط الشباب ؟؟ سؤال يتبادر لذهن العديد من الفتيات في بعض المواقف واليكم الطريقة بالتفصيل
** على النت **
* إذا قال ممكن نتعرف ؟؟قولي : آسفه ماعندي وقت .
* إذا قال طيب ليش داخله النت دام ماعندك وقت قولي : عشان أتفرج على هبلكم يالشباب بالعامه ..
* إذا كلمك واحد منهم برايفت لاتردين بسرعه يعني بين رد ورد ربع ساعه .
* إذا قال شنو رأيك بالشات ؟؟قولي :يجنن بس ماأحبه
** في السوق **
* إذا مريتي جنب واحد منهم ناظري نعاله وأضحكي .
* اذا دخلتي انتي ورفــيــجــاتــك محل وفيه معاكم شباب طلعي عطر من شنطتك ورشيه ((بالمصعد)) وقولي: يارب شنو هذا الكتمه والريحه البايخه .
* اذا كنتي في محل وواحد لازق فيكم وبس طردي وراكم من محل لمحل
قولي لـرفـيـجــاتـك: ترى من جد مايمدحون اللقافه
* اذا واحد رمى الرقم في شنطتك او بالأكياس اللي معاكي ألحقيه وقولي له:
هذي الورقه الظاهر طاحت من جيبك .
* اذا تعمد واحد فيهم يكون قريب منك بالسوق وصار يناظر فيـكي ارفعي تلفونك
وكنك تكلمين أحد وقولي هلااااااااا والله وغلاااااااااا((لــيــن))
شنو أخبارك مري علينا اليوم بالبيت بقولك عن قصة قرد شفته اليوم بالسوق .
** في الشارع **
*لما توقف سيارتــك جنب سياره واحد عند الاشاره الحمراء أول
مــا تــوقـفـيـن للاشاره عطي الشباك ظهرك
* اذا جيتي تعبرين الطريق وأنتي ماشيه موقف واحد معهم (( يقاله ذوق ))
وخلاص تعبرين ... لاتعبرين من قـدامه روحي اعبري من ورا السياره .
هههههههه مساكين والله يالشباب
يوم لك ويوم عليك
بس ابيكم تطبقو
