صديقتي عشرة 15 سنة بسبب حاجة تافهة متحكيش معايا

[SOUMA.]

السلام عليكم
اليوم انا ما لقيت وين نفرغ قلبي غير هنا ، خاطر أعز صديقة عندي واللي موالفة نفرغلها قلبي ما فهمتنيش ؟
درك انا عندي صاحبتي 15 سنة صداقة نحكيو لبعضانا كلش مثل التوائم وأكثر ، المهم انا اتخطبت ، وأصبحت الدخلات والخرجات بالقانون ، يعني لازم ندي اذن باه نخرج -هكذا الشروط - المهم هادي صاحبتي عندها يومين قاتلي تخرجي معايا ، لكن ما سمحوليش باه نخرج ، وصديقتي هادي والله نعم التربية ، وخطيبي يحبها ومداير فيها ثقة ، المهم انا كان عندي امور لازم نقضيهم من الخارج ، قتلو تسمحلي نخرج مع صاحبتي قالي لالا قتلو مع ماما؟ قالي لالا أمورك مديهم لخوك يقضيهملك ... المهم انا قلت لخويا وخويا ما حبش ، المهم من بعد سمحلي نخرج مع ماما ، اصلا في هذاك الوقت ظهروا عندي اوراق لازم نخرجهم ولازم تكون معايا الوالدة ، لما سمعت صديقتي البارح بلي راني خارجة مع ماما ، بعثتلي ميساج ننقلهولكم بالحرف - goulou manich ...... hatana bant famila ki takhraj m3aya ma3andou mayasralha goulou nkhaf 3liha kthar man rohi w choufou li yahdar 3arskem- كاينة كلمة محيتها ... المهم انا قلتلها حبيبتي استناي نشرحلك الامر قاتلي منشرحلك متشرحيلي ، قلتلها يخي على بالك سوء الظن حرام ، قاتلي على بالي قاتلي بصح كلش واضح ، قاتلي احكيلي بصح راني منغيرش النظرة تاعي في الامر ؟؟؟؟ انا قلتلها مالا منعييش روحي ونحكيلك ونفسرلك .. من بعد قاتلي تروحي من بعد تصلي التراويح قلتلها نروح ايه ... انا صرالي مشكل واحد اخر في نفس اليوم ومرضت بعثتلها قلتلها سامحيني منقدرش نروح قاتلي مرة تقولي نروح ومرة تقولي منروحش واشبيك متناقدة في هدرتك ولا قالولك ماتروحيش معايا تاني لبت ربي ماني راح نديك لحتى بلاصة
قوليلهم ربي يهديك ويثبت عليك العقل و الدين ... انا عمري متوقعت منها ديرلي هكا ودرك راهي متحكيش معايا وراهي تبكي شغل انا اللي ظلمتها وراهي تبين للناس شغل انا غالطة وهي الضحية ؟؟؟؟؟؟؟؟؟؟
قولولي برك انا ظالمتها ؟؟؟؟؟؟؟؟؟؟ اذا كنت ظالمتها والله نطلب منها السماح ونسلم على راسها ..........

 

[SOUMA.]

:confused1::confused1::confused1::confused1::confused1::confused1:

 

[سوميثا]

هاذوا حوايج يصراو بين الصحابات ولوكان ماجاتش تحبك لوكان مارجعتش تهدر معاك و لوكان ماكونتيش تحبيها ما كونتيش تقولي نطلب منها السماح و هذا رمضان ومالازمتش تتخالفوا فيه وإلى كان تلزمت باش تطلبي السماح وين راه المشكل .المهم ربي يصلح الأمور بيناتكم
وصح فطورك

 

[SOUMA.]

أمين يا أختي
بصح هي ما رجعتش تحكي معايا .؟؟؟؟
شكرا على ردك

 

[(sarra)]

يا اختي تبالي هي لغالطة في حقك بصح وش راح ديري الناس تقرى الناقص بزاف
نورمالمو الصداقة ليدامت 15 سنة متموتش على حكاية كيما هاذي
نتي زيدي حاولي معاها شوي,لمبغاتش تفهم.....ربي يهديها و خطاك منها
تهلاي في روحك صح فطورك رمضان كريم .

 

[maya31]

السلام و عليكم ختي و صحا رمضانك

...اختي ماكانش مشكلة و ما عندهاش حل بادن الله


انت لازمك تحطي روحك في مكانها و تشوفيها كيراهي تخمم


اومبليس كان زدتي تشرحيلها الامر


و علا حساب ما لاحظت هادي صحبتك راهي تبغيك بزاااف


انت ما ظلمتيهاش

اختي و قبل ما تقوليلها حاجة لازم تكوني متاكدة منها
و هي لازم تسمعلك شوية واش تبغي تقوليلها


حنونتي ربي يصلح بيناتكم هدا ما نقد نقول

ما تفرطوش في بعضاكم
​

 

[* تسنيم *]

السلام عليكم
سومة راكي تعرفيها وانا نعرفها فهمتي وراني قتلك راك درك في ذمة راجل ..هذه هي عقليتها ربي يهديها
راني بربي ان شاء الله نجي ونتفاهم معاها .....سومة مانحبكش زعفانة عكبيلها برك راهي حاسة بلي رايحة وتخلينا ..راهي تغير من عبد الكريم راهي 15سنة ماشي قليل فهتيني ...نحبك يا نور عينيا

 

[sleepingbeauty]

لالا اختي انتي ما غلطتيش معاها
و لكن هي غاضها الحال ربما راهي تخمم بلي خطيبك ما راهوش مداير فيها ثقة على هادي ما يحبكش تخرجي معاها
يعني اللي صرا هو مجرد سوء تفاهم هادا ماكان
انت فهميها بلي خطيبك راهو يحتارمها و يدير فيها ثقة بصح يغير عليك بزاف هادا ماكان و الدليل انه حتى امك ما حبكش تخرجي معاها في اللول يعني ماشي معنتها بلي ما يديرش ثقة في امك
قوليلها الهدرة هادي و ان شاء الله ربي يصلح بيناتكم آمين
​

 

[hicham500]

ربي يرجعكم لبعضاكم

 

[da3boulla]

لالا ختي مكيش ظالمتها، هي اللي normalement تجي و تقولك اسمحيلي، puisk هي ثاني حيجي مكتوبها و تتخطب و تولي دخلاتها و خرجاتها بالقانون و ذيك الساعة راهي تحس و تفوق
ختي انا نقولك الصح، ماكانش حاجة اسمها صديق في الدنيا هاذي، راحت بكري هاذيك

سلام و رمضان مبارك
​

 

[أمــ وليــد الجزائرية]

نرد قبل للاخت الي جاوبت قبلي نقوللها راكي غالطة في كلامك اختي ممكن الصديق الحقيقي منقرض نوعا ما لاكن صدقيني مزال كاينين و راني نهدر وكلي على ثقة انو مزال اصدقاء اوفياء و نبلاء و يخافو اعليك كثر ماتخافي انت على روحك والدليل اختنا الي حكات دروك قصتها اهنا نقولك ياختي هدي صديقتك و لازم تفهميها وتعيشي واش راه تعيشوا وراكي قلتي صداقة 15 سنة يعني فاهمة مليح الشعور ديالها انت قلتي انها مثل التوام نوقفو برك في هدى الكلمة ونقولك اذا فرقتي التوام على بعضاهم تعرفي واش يصرى بعدها هكا هي تحس درك وحتا وانكم ماتفرقتوش مي هي تبقى ديما تستنى لحضة الفراق لانها دايرة في راسها انك بعد ماخطبتي جزء كبير راح من صداقتكم و القصة ديالكم تبين ذالك انا انصحك ياختي انك تعفسي على قلبك و تروحي لعندها حتى ولو طلبتي منها السماح مايكونش حاجة تندمي اعليها لان الصديق الحقيقي هو اللذي لا يتذكر هفواتك ملازمش تشدي على هدرتها ولازم تحسي بيها ولا اضطر الامر انت قلتي خطيبك يعرفها مليح و يعزها في هذه الحالة خليه يكلمها و يشرحلها الموقف و هي اكيد بعد ماتروحيلها طبعا باذن خطيبك الي لازم يتفهم هدا الموقف مليح و ان شاء الله ميكون غير الخير و ربي يرجع لقلوب عن بعضاها و يرجع المياه الى مجاريها ورانا كامل اهنا ندعيولك ياختي الكريمة........ ربي يوفقك وصح رمضانكم جميعا.

 

[SOUMA.]

السلام و عليكم ختي و صحا رمضانك

...اختي ماكانش مشكلة و ما عندهاش حل بادن الله


انت لازمك تحطي روحك في مكانها و تشوفيها كيراهي تخمم


اومبليس كان زدتي تشرحيلها الامر


و علا حساب ما لاحظت هادي صحبتك راهي تبغيك بزاااف


انت ما ظلمتيهاش

اختي و قبل ما تقوليلها حاجة لازم تكوني متاكدة منها
و هي لازم تسمعلك شوية واش تبغي تقوليلها


حنونتي ربي يصلح بيناتكم هدا ما نقد نقول

ما تفرطوش في بعضاكم
​

المشكلة انها متحبش تسمع وهذا هو الديفو اللي فيها
شكرا على مرورك وردك حبيبتي تسلمي

 

[SOUMA.]

يا اختي تبالي هي لغالطة في حقك بصح وش راح ديري الناس تقرى الناقص بزاف
نورمالمو الصداقة ليدامت 15 سنة متموتش على حكاية كيما هاذي
نتي زيدي حاولي معاها شوي,لمبغاتش تفهم.....ربي يهديها و خطاك منها
تهلاي في روحك صح فطورك رمضان كريم .

مرسي يا اختي على ردك ... تسلمي

 

[SOUMA.]

السلام عليكم
سومة راكي تعرفيها وانا نعرفها فهمتي وراني قتلك راك درك في ذمة راجل ..هذه هي عقليتها ربي يهديها
راني بربي ان شاء الله نجي ونتفاهم معاها .....سومة مانحبكش زعفانة عكبيلها برك راهي حاسة بلي رايحة وتخلينا ..راهي تغير من عبد الكريم راهي 15سنة ماشي قليل فهتيني ...نحبك يا نور عينيا

وعليكم السلام ورحمة الله وبركاته
ايه راني نعرفها ، بصح هي دايما تهدر حوايج عليا ونسكت ، خاطر صاحبتي ونفهمها مليح ، بصح وصلت تهدر فيه وتسئ الظن ما نسكتش خاطر يقدر في يوم من الايام ميخلينيش نحكي معاها خلاص ، بصح خاطر هو مداير فيها ثقة ويحبها كيما اختو راهو عيطلها ورضاها .. وربي يهديها ، مرسي يا عمري على المرور ربي يخليك ليا انتي وهي وهو ههههههههههه

 

[SOUMA.]

لالا اختي انتي ما غلطتيش معاها
و لكن هي غاضها الحال ربما راهي تخمم بلي خطيبك ما راهوش مداير فيها ثقة على هادي ما يحبكش تخرجي معاها
يعني اللي صرا هو مجرد سوء تفاهم هادا ماكان
انت فهميها بلي خطيبك راهو يحتارمها و يدير فيها ثقة بصح يغير عليك بزاف هادا ماكان و الدليل انه حتى امك ما حبكش تخرجي معاها في اللول يعني ماشي معنتها بلي ما يديرش ثقة في امك
قوليلها الهدرة هادي و ان شاء الله ربي يصلح بيناتكم آمين
​

ايه صح والله كلامك كلو صحيح ، شكرا لك حبيبتي على المرور ، تسلمي

 

[SOUMA.]

ربي يرجعكم لبعضاكم

امين شكرا

 

[SOUMA.]

لالا ختي مكيش ظالمتها، هي اللي normalement تجي و تقولك اسمحيلي، puisk هي ثاني حيجي مكتوبها و تتخطب و تولي دخلاتها و خرجاتها بالقانون و ذيك الساعة راهي تحس و تفوق
ختي انا نقولك الصح، ماكانش حاجة اسمها صديق في الدنيا هاذي، راحت بكري هاذيك

سلام و رمضان مبارك
​

كلامك الاول كلو صحيح يعني هي تتخطب وتولي خرجاتها بالقانون، اكيد انا نتفهم الامر ومنزعفش ... بصح راهو كاين الصديق الحقيقي يا اختي مي يصراو برك في بعض الاحيان مشاكل .. وانا نقول ربي يهدي الجميع .. شكرا على مرورك

 

[SOUMA.]

نرد قبل للاخت الي جاوبت قبلي نقوللها راكي غالطة في كلامك اختي ممكن الصديق الحقيقي منقرض نوعا ما لاكن صدقيني مزال كاينين و راني نهدر وكلي على ثقة انو مزال اصدقاء اوفياء و نبلاء و يخافو اعليك كثر ماتخافي انت على روحك والدليل اختنا الي حكات دروك قصتها اهنا نقولك ياختي هدي صديقتك و لازم تفهميها وتعيشي واش راه تعيشوا وراكي قلتي صداقة 15 سنة يعني فاهمة مليح الشعور ديالها انت قلتي انها مثل التوام نوقفو برك في هدى الكلمة ونقولك اذا فرقتي التوام على بعضاهم تعرفي واش يصرى بعدها هكا هي تحس درك وحتا وانكم ماتفرقتوش مي هي تبقى ديما تستنى لحضة الفراق لانها دايرة في راسها انك بعد ماخطبتي جزء كبير راح من صداقتكم و القصة ديالكم تبين ذالك انا انصحك ياختي انك تعفسي على قلبك و تروحي لعندها حتى ولو طلبتي منها السماح مايكونش حاجة تندمي اعليها لان الصديق الحقيقي هو اللذي لا يتذكر هفواتك ملازمش تشدي على هدرتها ولازم تحسي بيها ولا اضطر الامر انت قلتي خطيبك يعرفها مليح و يعزها في هذه الحالة خليه يكلمها و يشرحلها الموقف و هي اكيد بعد ماتروحيلها طبعا باذن خطيبك الي لازم يتفهم هدا الموقف مليح و ان شاء الله ميكون غير الخير و ربي يرجع لقلوب عن بعضاها و يرجع المياه الى مجاريها ورانا كامل اهنا ندعيولك ياختي الكريمة........ ربي يوفقك وصح رمضانكم جميعا.

شكرا لك على المرور حبيبتي ، وهو كذلك راهو عيطلها و شرحلها الموقف والحمد لله رانا تسامحنا
شكرا للجميع وصحا رمضانكم

 

[manare2009]

الحق ما راكيش ظالمتها لكن ما تخليش عشرة 15 سنة تمحى
حاولي بكل الطرق انك تراضيها حتى ولو انها غالطا
وهذي صحبتك اذا ما استحملتيهاش شكون لي غادي تستحمليه
كي تتفاهمو قولينا رانا رفدنا همك :crying:

 

[لينة]

راهم هك الصحابات ساعات
و هي الغالطة
ربي يهديها