ـــ،،,ــــ قتلتونا بالنسخ و اللصق احشمو شوية ــــ،،,ـــ

[SaMi_o7]

السلام عليكم

احبتي راح نقول زوج كلمات و علابالي مانلقاش آذان صاغية و مانلقاش ردود أصلا في هذا الموضوع

ياك منتدى واش راك تهدر


ماشي هو منتدى النقاش راني نشوف لافرق بينهم هل الملابس مظهر للشخصية؟ موضوع للنقاش :blushing:

ماشي منتدى صور يا سبحان الله ساعات رجال موضوع يحوي صور :blushing:


منتدى واش راك تهدر هنا نتكلمو بلهجتنا الجزائرية و نتكلمو على واش راه يصرا في بلادنا ...


والله شي عيب أني نكون عارف هدرة رجال و نروح نكسرها

في وقتنا رانا نشوفو مواضيع النقاش و المواضيع المنقولة قع راهم هنا في منتدى واش راك تهدر يا سبحان الله هذا منتدى مافيه لا نسخ لا لصق

هذا القسم اكتب انت ولا حبس

ياك رانا عباد و نفهموو و علاه ربي عطانا لعقل باش نعقلو برك

هذا منتدى نقاش نعقل عليه
هذا منتدى نكت نعقل عليه

مشي موضوع مضحك تجيبو لمنتدى واش راك تهدر و راك تجيبو علابالي كي تشوف عدد زوار هذا القسم


مثلا هذا الموضوع نورمالمون راهو في المنتدى العااااااام هل يستحق الرجل هاته الكلمات.....




ربي يهدينا هذا واش نقولو

السلام عليكم
​

 

[سماح4]

صح كاين فروع في المنتدى ما تحتاجش النقل اي انها لازم تكون من ابداعنا الخاص مثلا قسم واش راك تهدر
شكرا ليك اخي

 

[SaMi_o7]

صح كاين فروع في المنتدى ما تحتاجش النقل اي انها لازم تكون من ابداعنا الخاص مثلا قسم واش راك تهدر
شكرا ليك اخي

راهم باينين
منتــــــــــــــــــــــــــــدى النقــــــــــــــــــــــاش لمواضيع النقاش مشي ديكور لأقسام المنتدى

واحد يجي ينقل و يحط في واش راك تهدر علاه ؟ باينة لأنو الأعضاء يتواجدو فيه بزاف :crying:


ماعليش نروجيوك النهار لول و نقولو ماكش عارف مي النهار الثاني واش نقولو عليك :confused1:

والله تجي تفهم ادووخ
و شكراا ليك اختي على المرور
​

 

[**laila**]

يعني راك تشوف خويا جرح..

بصح يكون الشخص منوَع..دير كوبي وباست مرة مرتين..و مبعد جرب و خرج وش كاين في المخ ... راو كاين بصح يخدموا شوية

و سيفيني تتعود عليها و تولي فوووور في حطََََان مواضيع باهية

مراسك

حاجة باهية الواحد يحط و يشاركنا تفكيرو..

و في منتدى واش راك تهدر..نقولوا ما شاء الله

يعطيك الصحة آل خو على الموضوع

صح فطورك

 

[●¦[ الــفـــارس ]¦●]

ياخويا واش نقلك

مع من راك تهدر

إنا لله و إنا إليه راجعون

و لكلام قياس​

 

[SaMi_o7]

يعني راك تشوف خويا جرح..

بصح يكون الشخص منوَع..دير كوبي وباست مرة مرتين..و مبعد جرب و خرج وش كاين في المخ ... راو كاين بصح يخدموا شوية

و سيفيني تتعود عليها و تولي فوووور في حطََََان مواضيع باهية

مراسك

حاجة باهية الواحد يحط و يشاركنا تفكيرو..

و في منتدى واش راك تهدر..نقولوا ما شاء الله

يعطيك الصحة آل خو على الموضوع

صح فطورك

الله يسلمك
:crying:

للأسف الرأي و الآراء تعددت و لكن الآذان الصاغية راهي خلاصت مكاش يعني ولاو يلحقو هذو الآذان بار فاصيليتي :crying:

و إن شاء الله تتصلح الأحوال

و شكرا على مرورك الطيب
​

ياخويا واش نقلك

مع من راك تهدر

إنا لله و إنا إليه راجعون

و لكلام قياس​

:biggrin: للأسف
نقولوها و نضحكو :biggrin:

مارسي يا

ٍٍِِ●¦[ فـــارس الــشرات ]¦●



​

 

[pRiAnCa*mCeE]

هههههههههههههههههههه عندك حق قتلتني بصح بالضحك

 

[SaMi_o7]

هههههههههههههههههههه عندك حق قتلتني بصح بالضحك

يا أخيتي الغالية
الضحك راهو تحت في منتدى النكت و الطرائف

خلونا نعيشو الجد شوية

و شكراا على مرورك
​

 

[maya31]

هههههههههههههههههههههههههههه
ماقديتش نشدها ماعليش

شوف يا خويا و الله غير ديفوا يقولك في مواضيع منقولة و تلقى فيه زعما استفادة
مي كاين الي فضحوو هههههههههههههههه
سيرتو هاداك الموضوع تع تضحك على روحك بعد 40 تانية يا ربي معاود مليون مرة في المنتدى

هي زعما في اللول كامل كنا ضحايا كوبيي كوللي و ماكانش الي مافاتش عليها مي دروك الواحد راه يحاول يجيب حاجة من راسو هههههههههههههههه

ايا في لامان
​

 

[** غزال الصحراء **]

شكرا جزيلا عزيزي على الإلتفاتة و لكن كان في مكان التهجم على الأعضاء كان بإمكانك الضغط على أو طرح المواضيع التي قسمها خاطىء في منتدى الشكاوي و الإستفسارات , طلبات تفعيل العضوية و هذا لعدم تفاقم المشكل و يد بيد إلى لمة أفضل ان شاء الله ,أرجو أن مروري كان خفيف عليك يغلق .

السبب : ( منتدى واش راك تهدر هنا نتكلمو بلهجتنا الجزائرية و نتكلمو على واش راه يصرا في بلادنا ...)

يعني أمور المنتدى لها اماكنها .
​