السيستام تاع القراية في البلاد راح مع ناس زمان ..** فريق أمل اللمة**

[** غزال الصحراء **]

السلام عليكم , خوتي أرواحوا فهموني في هاذي ..
أنا و صاحبي راحنا اليوم اللول لليسي سجلنا رواحنا و قاع و على فكرة الليسي قريب فارغ يعني يصفر ..
المهم حتى الأساتذة ماجاوش و اللي جا لاحنا شرة كيما تاع المراقبين وهي المراقبين ( ماذا بيكم غدوة ما تجوش المهم )
حنا رانا في 3 أيام ما رحناش قلنا حتى بعد العيد ايا جا اليوم و الشروق نشروا بلي الوزارة رايحين يبعثوا لأولياءنا إستدعاءات
و اللي ما يجيش يطردوه بعد 24 ساغة !!!!!! يعني يديروها بيديهم و يفكوها بسنيهم كون جاو وفرونا الإدارة و الأساتذة و شددوا من اللول
حنا ماذابينا سيرتو تاع الباك كل دقيقة رانا نسحقوها مي هوما ما داروش علينا و مبعد يبهدلونا مع الوزارة يعني غدوة أوبليجي قاع نروحوا
و على فكرة هاذي مش راح تصرى خطراش أنا غير لي نعرفهم واحد ما جا من بلادو مازال الناس راهي في عطلة
و يعني كي شغل حاجة جديدة علابالهم بسيستامنا بلي حتى البعد العيد و قاع ... ضركا يرجعونا غالطين بالسيف
أنا كي نروح و نلقى غير العساس واش ندير ؟ و الله ربي يصلح الحوال و هاذا ناتج لسوء التسيير , اللولة زادونا عام
و مبعد طابلية زرقة و السبت عطلة و إنتهاء العطلة أيامات قبل العيد
و الله بوزيد هاذا ماهوش يعجب .
​

 

[lounaa]

عندك الحق خويا
انا تاني رحت نهار لول
رحت نقصر شوي
على خاطر بزاف أساتذة
مايجوش مالقيت حتى
واحد
وقلت
والدخلة مور العيد وصايي

 

[** غزال الصحراء **]

عندك الحق خويا
انا تاني رحت نهار لول
رحت نقصر شوي
على خاطر بزاف أساتذة
مايجوش مالقيت حتى
واحد
وقلت
والدخلة مور العيد وصايي

ايه و ضركا كون ما تروحيش يبعثوا إستدعاء لولي أمرك و بعد 24 ساعة كي ما نجيش الطرد ديراكت ,, و الله بلاد ميكي .
​

 

[شذى الجنة]

احنا الليسي تاعنا معمر الله يبارك والاساتذة يجيو بصح ميقريوش نظالو غير نقصرو مع بعض ​

 

[** غزال الصحراء **]

احنا الليسي تاعنا معمر الله يبارك والاساتذة يجيو بصح ميقريوش نظالو غير نقصرو مع بعض ​

ايه بالاك تلقى ليسيات مي شويا , راني نحكي على الحالة العامة راهي تذكرت partout أخبار جورنال إذاعة .
​

 

[Lonely Girl]

يتحملو مسؤليتهم يمشيو بسي راسهم:angry: هوما تاني علاه قربو القراية حباو يتمنكرو خليهم بارسكو يشوفو غير وش يخرج عليهم برك
​

 

[** غزال الصحراء **]

ربـــي يوفقك​

ان شاء الله تقرى السوجي و تقولي رايك المرة الجاية , صحا فطورك .

 

[** غزال الصحراء **]

يتحملو مسؤليتهم يمشيو بسي راسهم:angry: هوما تاني علاه قربو القراية حباو يتمنكرو خليهم بارسكو يشوفو غير وش يخرج عليهم برك
​

ايه , و بزيادة راني رحت ليوم لليسي قلت للمراقب كون ما جيتش قريت الشروق كون ما جيتش قالي علاش واش قالو :huh: , المهم ما لقيت حتى واحد بلا العساس كان يسيق كلاتني الشميسة في باطل .
​

 

[angel_fly]

حنا الاساتذة الاغلبية ماكانش و التلاميذ لباس راهم يجيو
و حنا نروحو للاقسام نقصرو برك القراية تاع الصح حتى لبعد العيد و اليوم الصباح راني ما قريتش رحت و جيت فالسخانة برك

 

[** غزال الصحراء **]

حنا الاساتذة الاغلبية ماكانش و التلاميذ لباس راهم يجيو
و حنا نروحو للاقسام نقصرو برك القراية تاع الصح حتى لبعد العيد و اليوم الصباح راني ما قريتش رحت و جيت فالسخانة برك

على الأقل التلاميذ راهم يجيو حنا الليسي فيه غير الموظفين , تحسب التلاميذ تفاهموا .

 

[Rohana]

حنا رانا في سمانة وماكان والو لا شيوخة لا تلاميذ ما فهمنا والوا
او زيد حنا لغات اجنبية لحد الان مازال ماعدنا شيوخة تاع المواد الاساسية .
اوالقانون تاع الاستعادءات الشيوخة ماراهومش ماشي عارفين بيه. غير بن بوزيد اللي راه يهدر واحد ما ينفذ ما هما اصلا يجوا مور العيد و يجو ديرو علينا القوانين. يطبقوهم هوما قبل .او زيد هنا تاع الطبيات قانون ملغى لعدم توفرها في الاسواق الى اجل مسمى .

 

[شهنوزة]

انا ديما نروح مانصيب والو حتي الاساتذة ومكاش وزاد اعطونا التوقيت والله غير عجب 8الى12 و1 الى 5
ماني فاهم والو سيرتو احنا الباك كون اوموا قيمونا ولا جاء المدير هدر معانا عندك الصح ياغزال كنت حاسبة غير الليسي اتاعنا بصح راهم قاع كيفكيف
شكرا

 

[H@teM]

وش راح دير خويا حكم القوي على الضعيف
هوما يفصل وحنا نلبسوا
​

 

[مغرورة بأنوثـتي]

انا اليوم طلعت نشوف ساعا نخلعت ماكا حتى الواحد غير العساس والناظرة
والمقتصد يمد في الكتب وعلى 10:00 غلق وراح
عام السنا راهو باين من اللول .....

 

[oussama R10]

احنــا ليسي تاعنا فارغ
ومكاين ولاواحد راح أنا لذرك مرحتش
ونروح بعد العيد
والطرد هذا مكانش منو غير خوفو فينا برك
تخيل أنت بش يطردو 500 ولا 1000 تلميذ من كل ليسي
ولا كل سيام يااااااااااااو مكانش منها
راه متدخلش العقل خو واشبيك
نقلــكم حاجة خواتي : الي في راسكم ديروه ومايهمكم حتى واحد

ويعطيك الصحة على الموضوع
​

 

[khaled bilal]

هاداك هو الصح هوما صامطين او حنا فارغين شغل

 

[hell men]

انا حتى الان مازال مارحتش لليسي ماعدا يوم التسجيل كل شيء راه فارغ الا من اقلية بنات

بلاك مور العيد ان شاء الله

 

[maya31]

سي فري بن بوزيد شكلها بزاااف سيرتو مين دار الروغرام شاغجي بزاااف

مي نقولك الواحد كي يحب يقرى يقرى يا لوكان شا يديرولو

و يا خويا هشام اذا حبيت الباك بكرلو ماشي تقول لا خلي بعد العيد ندخل و من بعد و من بعد حتى تلقى روحك الحال صحى

ما عليش مام ما لقيت حتى واحد روح و اقعد و اقرى ما تقولش بارسكو هادوك ما دخلوش انا تاني ما ندخلش

علابالي سمطتها شوية مي ههههههههههه قلت الي في بالي
​

 

[N@riM@N]

انا مازال ماسجلت ومرحتش لهذك ليسي اصلا مش حابه نقرا سنا
وراني سمعت بلي كاين اضربات بعد لعيد ع طابليات و8سوايع انتاع لقرايه
قرينا ع ربي .......صح فطوووووورك
​

 

[** غزال الصحراء **]

حنا رانا في سمانة وماكان والو لا شيوخة لا تلاميذ ما فهمنا والوا
او زيد حنا لغات اجنبية لحد الان مازال ماعدنا شيوخة تاع المواد الاساسية .
اوالقانون تاع الاستعادءات الشيوخة ماراهومش ماشي عارفين بيه. غير بن بوزيد اللي راه يهدر واحد ما ينفذ ما هما اصلا يجوا مور العيد و يجو ديرو علينا القوانين. يطبقوهم هوما قبل .او زيد هنا تاع الطبيات قانون ملغى لعدم توفرها في الاسواق الى اجل مسمى .

مالا راكم غير كيفنا , حنا العلوم الطبيعية الأستاذات تاعها لي في الليسي قاع داو عطلا أمومة ,,,,يعني رحنا فيها مادة معاملها 6 ,, و على إلغاء القانون تاع الطابليات حنا ما سمعناش بيها قالونا دبرو ريسانكم خيطو صبغو كيما تشوفو .
​