الدزيريين و الرومانسية.. !!!

[aMiNa-K]

السلام عليكم و رحمة الله و بركاته​

مساء الخير لمة.. ان شاء الله تكونو انتيك و بيا :001_cool:​

--------------------​

من عنوان الموضوع باين على واش راني حابة نهدر.. على الدزيرين المتزوجين و الرومانسية اللي بيناتهم.. عندي شوية حكايات نحكيهم:​

*شحال من مرة نكونو راقدين في الليل حتى نسمعو الدواس و العياط و نوضو مخلوعين.. حتى نقرعجو من التاقة نلقاو فلان يداوس مع مرتو في نص الليل.. هو يعيط و هي تعيط.. هو يضرب و هي تضرب.. الماعن يطايرو من التاقة.. والناس تسلك و حالتهم حالة​

**و تانيك مرة واحد يقصر مع مرتو برك.. بصح هي ماكانتش في قوصطوها هو يقصر و هي رامياتو في الثقيل.. حتى جبد عليها بكف.. بصح هي ماحملتهاش راحت حكمت باب تاع خزانة و عطاتو بيه للوجه ههههه.. و ارواحو انتوما و سلكوهم.. الناس خلاوهم يضاربو حتى عياو.. مع اللخر داوهم في زوج للسبيطار ​

***و وحدوخر مسكين ربي بلاه.. تزوج بواحدة فايتاتو فلاطاي.. ناضو يداوسو كلمة تجيب كلمة.. الشيطان زاد كبرها حتى ضربها.. غاضتها عمرها حكماتو رفداتو و رماتو برا.. و الناس كامل تشوف :scared:​

و الله هم يضحك و هم يبكي​

اغلبية اللي راني نحكي عليهم.. كانو كيما قيس و ليلى قبل الزواج.. و مور الزواج شوفوهم ولاو كي القط و الفار.. و المليحة كامل المراة ولات تخلف الضربة.. والو ماتكرديش تضرب نخلف.. و تطفر في المسكين اللي يتزوج بوحدة كانت تدير سبور.. كاراطي او الجودو او التايكواندو​

​

وطاااا.. وووطااااا
ووووططاااااااااااااااااااااا​

قالك العنف اصبح مظهر من مظاهر الرومانسية في القرن الواحد و العشرين :lol:​

-------------------------​

المهم​

عندي شوية اسئلة للشباب و البنات:​

les femmes d'abord :angel_not:​

* ادا ضربك زوجك.. تخلفي الضربة؟؟؟؟
و لا تقعدي غير تدمعي؟؟؟
و لا ترفدي قشك و تروحي لداركم؟؟؟
ولا واش يكون الموقف تاعك؟؟؟
نبدا بروحي نواجب.. راهي حكمتلي في راسي.. راني صبت صالة يعلمو فيها التايكواندو.. لازم نولي ماتر.. و من بعد نولي نمشي بالمقولة الشهيرة تاع غاندي :lol:: (la maison ne fait pas de credit.. تغلط تخلص) ​

و دوكا السؤال وجه للشباب​

* ادا جاك كاش نهار و كنت زعفان و غلطت ضربت مرتك.. بصح هي ماسكتتش رفدتلك مقلة و عطاتك بيها للراس.. وش رايح يكون الموقف تاعك قدام الامم المتحدة؟ :laugh:


و دوكا اسئلة موجهة للجميع

* بكري كانت الحالة مستورة .. وعلاش ولينا نشوفو الازواج يداوسو في الزنقة؟
*وعلاش الاغلبية ولاو يعرفو الاسرار الزوجية تاع جيرانهم؟
*و قيلا الواحد يبقى براسو خير.. علاش علينا هاد المشاكل كامل؟​

هيا جاوبوني :glare:​

--------------------------​

صحا فطوركم
و تقبل الله الصيم و القيام​

 

[الكابيست]

لا للعنف في الملاعب عفوا العنف بين الزوجين
​

 

[لحظة أمل]

* ادا جاك كاش نهار و كنت زعفان و غلطت ضربت مرتك.. بصح هي ماسكتتش رفدتلك مقلة و عطاتك بيها للراس.. وش رايح يكون الموقف تاعك قدام الامم المتحدة؟ :laugh:

هكا يستاهل كيف هو مايقدرش يحمل ويحكم اعضابو
انا تاني مانيش حديد ونحب نفرغ قلبي بكاش دبزة والا كف
Looool الله لايوصلنا لمتل هاد الافعال
هكاك لايتسمى هو راجل ولا نكون انا مرا
​

 

[ملكة زماني]

* ادا ضربك زوجك.. تخلفي الضربة؟؟؟؟ لالا
و لا تقعدي غير تدمعي شوية بررك
و لا ترفدي قشك و تروحي لداركم؟؟؟ لالا هذي منديرهاش

ولا واش يكون الموقف تاعك؟ نغضب ونجيب وقت مانهدرش معاه وانا في داري

 

[السطايفية]

* ادا ضربك زوجك.. تخلفي الضربة؟؟؟؟ لالا طبعاا احتراما له
و لا تقعدي غير تدمعي انا تغيضني بزاف كي واحد يظربني و لا يعيط عليا و اكيد رايحا نبكي
و لا ترفدي قشك و تروحي لداركم؟؟؟ لالا هذي منديرهاش

ولا واش يكون الموقف تاعك؟ نغضب ونجيب وقت مانهدرش معاه وانا في داري و يعيا بزاف باش نولي نهدر معاه لاخاطر نفسي عزيزة عليا بزاف
و شكراا على الموضوع

 

[ميسومة الدلوعة]

نرجعلو الدربة وبيانسير تغيضني روحي نولي نبكي وباه نروح دار ماليا لالا نواجه المشكل انا ونخرجلو قلبو

 

[exe]

في كل المناطق هاذ الضاهرة
راه مش حكاية باب الحارة أو مسلسل تاع مهند

راه واقع هافطنو ربي يخليكم
​

 

[SaMi_o7]

يا خاوتي هذا الواقع وقع على روسنا

نورمال

كلشي ولا نورمال
​

 

[marouane19]

الرجل ماعندوش الحق يظرب الزوجة تاعو ظرب مبرح
والراة تاني ماشي من حقها تردلو
الاسر تاعنا مبنية على ساس ديني ضيف برك
كون جاء الايمان قوي مانشوفوش هته المظاهر

 

[BellojojO]

الرجال تاعنا ماعندهومش رومنسيااا

اييه انا مانوصلش روحي باه يضربني
وكان ضربني نردها فاسيلمون ههههه
ماضربنيش بابا يضربني هو

مي ادا كنت نحبو
الضرب من عند الحبيب تفاحة ههه
مانقولكش نسكت مانسكتش
مي نقعد في داري مانروحش لدارناا هك راح تكبار الحكاية

موضوع بااهيي​

 

[SOUMA.]

ادا ضربك زوجك.. تخلفي الضربة؟؟؟؟ لالا امبوسيبل وعلاه سماوه راجدل باه تضربوا مرتو؟؟؟؟
و لا تقعدي غير تدمعي؟؟؟ مندمعش بصح منحكيش معاه ايامات حتى يجي هو هههههه
و لا ترفدي قشك و تروحي لداركم؟؟؟ لالا منديرهاش منحبش العفسة هادي
ولا واش يكون الموقف تاعك؟؟؟ والله نسكت ونتغشش ومنحكيش معاه ايامات حتى يبادر هو ويحكي معايا واذا كنت انا الغالطو نطلب السماح
​

 

[H@teM]

اصلا ولات هاده الضاهرة منتشرة بزاف في المجتمع
ونورمالموا العشرة الزوجية تكون مبنية على مودة ورحمة بين
الزوجين وسعات الشيطان يلعب عليهم برك ويرجعوا نورمال
اما في انو لمرا ترد للراجل الضربة نضن الحل اكم عارفينوا
مشكورة اختي على الموضوع وصحا صيامك
​

 

[sleepingbeauty]

* ادا ضربك زوجك.. تخلفي الضربة؟؟؟؟

بيانسور بلا هدرة هو يضرب و انا نضرب
​

و لا تقعدي غير تدمعي؟؟؟

ما ندمعش باه ما يفرحش يقول راني غلبتها
​

و لا ترفدي قشك و تروحي لداركم؟؟؟

ايه هادي لازم نديرها يرفد عليا يدو وانا نسكت عليه
لاكان سكت عليه يوالف و يعود يديرها دايما
​

ولا واش يكون الموقف تاعك؟؟؟

عندي بنت عمتي تحبني كتر من عينيها و تدير الجيدو حزام بني قريب توصل للاسود قالتلي اذا قلقك كاش واحد عيطيلي برك مالا هادا هو الحل تاعي
ههههههههه
يعطيك الصحة اختي مواضيعك دايما فوور
​

 

[نجمة رجاص]

لا للعنف في الملاعب عفوا العنف بين الزوجين ​

ههههههههههههههههههههههههههههههههههههههههههههههههههههههههههههههههههههه

الملاعب والله دمك خفيف

 

[aMiNa-K]

لا للعنف في الملاعب عفوا العنف بين الزوجين ​

ههههههههههه
راهي ولات الدخلة باطل للنسا.. دوك نتالبوكم تما.. و المصيبة ادا الراجل يسيبورتي ايكيب و مرتو تسيبورتي ليكيب لخرى ههههههه
ليجان يخلطوها وحدهم فلي سطاد.. يزيدو يجو نساهم هههه
الدنيا كامل تولي تشوف فينا :laugh:

مليح العنف في الملاعب :yahoo:

ميرسي خويا
و صحا فطورك

​

 

[aMiNa-K]

* ادا جاك كاش نهار و كنت زعفان و غلطت ضربت مرتك.. بصح هي ماسكتتش رفدتلك مقلة و عطاتك بيها للراس.. وش رايح يكون الموقف تاعك قدام الامم المتحدة؟ :laugh:​

هكا يستاهل كيف هو مايقدرش يحمل ويحكم اعضابو
انا تاني مانيش حديد ونحب نفرغ قلبي بكاش دبزة والا كف
Looool الله لايوصلنا لمتل هاد الافعال
هكاك لايتسمى هو راجل ولا نكون انا مرا​

ههههههههههههه
اختي ماشي كف و لا دبزة يدك توجعك..احكمي مقلة و ديركت للوجه :angel_not:
و هكدا ما هو راجل و لا انتي مراة.. علاش مازال كاينين الرجال و النسا هاد الوقت

ميرسي اختي
و صا فطورك​

 

[aMiNa-K]

* ادا ضربك زوجك.. تخلفي الضربة؟؟؟؟ لالا
و لا تقعدي غير تدمعي شوية بررك
و لا ترفدي قشك و تروحي لداركم؟؟؟ لالا هذي منديرهاش

ولا واش يكون الموقف تاعك؟ نغضب ونجيب وقت مانهدرش معاه وانا في داري

ايه راكي مليحة هكدا.. كل مرة تبكي شوية و تغضبي :glare:
حتى تولي عندو عادة.. و عالدورة كف ههههه
و اقعدي في دارك :glare:

ميرسي اختي
و صحا فطورك​

 

[سماح4]

ههههههههههههها اذا ضربني راجلي نحسسوا بالخطا نتاعو بصح ما نعاود نرجعلوا ما نروح لدارنا...هههها
نعرف واحد ضرب مرتو ياخي شدتو بعضة حتى سال الدم..هههههههههههههههههههههههههههههههههههههههههههههههههههههههههههههههههههههههههههههها
هم يضحك وهمك يبكي...

 

[maya31]

اهلا امينة واش راكي ههههههههههه
شفتي الرومانسية نتع الجزائريين
انا ولد خالي غير كيما تزوج قال لمرتو روحي غسلي لماعن قاتلو لالا
جاب بيدو ما و قاسو عليها و غسلتهم بحوايجها مشمخين

حنا الجزائريين معروفين بالتعصب الزائد و الهدرة بزوور و بالفوور

يعني كل واحد يهدر يزقي


استناي درك نجاوبك
* ادا ضربك زوجك.. تخلفي الضربة؟؟؟؟ هههههههه شوفي امونتي ادا كنت نستاهل هاديك الضربة و لا غلطت ما عليش مي لوكان يحقرني هههههههههه نخلفها و نزيد وحدة بونيس معاها
و لا تقعدي غير تدمعي؟؟؟ هي يقولك سلاح المراة سلاحها مي ماراهيش تفوت في هاد الوقت
و لا ترفدي قشك و تروحي لداركم؟؟؟ لالا جامي
ولا واش يكون الموقف تاعك؟؟؟ قتلك الحقرة ما نحبهاش ادا حقرني يا ويلو مي ادا انا غلطت غلطة الي نستاهل عليها ضربة فماعندي مشكل


ههههههههههه

مرسي امونتي موضوع فووور يستاهل التقييم

صحا صحورك
​

 

[aMiNa-K]

* ادا ضربك زوجك.. تخلفي الضربة؟؟؟؟ لالا طبعاا احتراما له
و لا تقعدي غير تدمعي انا تغيضني بزاف كي واحد يظربني و لا يعيط عليا و اكيد رايحا نبكي
و لا ترفدي قشك و تروحي لداركم؟؟؟ لالا هذي منديرهاش

ولا واش يكون الموقف تاعك؟ نغضب ونجيب وقت مانهدرش معاه وانا في داري و يعيا بزاف باش نولي نهدر معاه لاخاطر نفسي عزيزة عليا بزاف
و شكراا على الموضوع

ميرسي اختي ​