لاgريسيون و لات جهار في النهار ( قصة صرات قدامي في رمضان ) ** فريق أمل اللمة **

[** غزال الصحراء **]

السلام عليكم خوتي تاع اللمة الجزائرية و تاع par tt ...
هاذي المرة مش راه نطول في المقدمات و راح نخلي السوجي مسوس نبداو ...
ليا أيامات في 19 رمضان بالاك ولا 20 كنت جاي من الماناج جوايه ال 1 تاع الليل ايا كاينة وحد الجيهة ظلمة شويا
بين الماناج و واحد لافيل ( اللي نسكن فيها ) ايا لقيت 3 من ناس حاكمين واحد و مgريسيينوا ناحيلو البورطابل
و هو قاعد يقولهم يا ودي خالوني انروح برك البورطابل أدوه... و هاذو 3 ناس كبار في الاج على حساب ما يبانو 26 سنة و لا هاكاك
مي هو صغير يكون 18 و لا 19 و في لاطاي جاي باgي كيما نقولو ... و ثما انا ما لقيت ما ندير !!!!!
وقفت ثما نشوف فيهم يدزو فيه ( يبعدو فيه كثر و كثر ) ايا كملت نمشي رابيد و مبعد كي لحقت لكارتيا...
وليت بجماعتي ايا ما لقيت والو لقيت غير الريح يعني فراوها و كملو :crying: المهم لا علينا....
أنا هاذو واش نسميهم ؟ ماشي سراقة هاذو ولاو قطاع طرق كيما وقت الجاهلية لواحد و لا يمشي بمقولة لي خاف سلم
في أي بلاصة قادر يخرجلك واحد و لا جماعة ما تعرفش قاع واش يديرو فيك ... واش راح أنقولكم انا...
المهم أعرفوا وين تحطوا رجليكم و ما تمشوش و حدكم دايمن يليق يكون معاك على الأقل واحد
خطراش الدنيا صعابت و ما بقاش فيها لامان ,, و لبنات نقولهم ديما يليق يكون معاهم راجل
خطراش كي تولي وحدها و لا مع بنات أخرين راح يكونوا أول صيد لهاذو لعباد و أسهل صيد ثاني ... واش نزيد على هاذا
بارك الله فيكم على الإستماع كان معكم مراسلكم هشام من منتدى واش راك تهدر
تحياتي .
​

 

[exe]

أخويا الحافض ربي
​

 

[** غزال الصحراء **]

أخويا الحافض ربي
​

سبحانو .... شكرا أخي exe .
​

 

[عاشت فلسطين]

هاي المرة ما راح اعلق على الموضوع يا اخي لاني لم افهم ولا كلمة هههههههههه سامحني ...​

 

[حورية الجزائر]

فعلا
رانا فوقت الغولة والغول:confused1::confused1:
الواحد يمشي وهو خايف:crying:

شكرا على النصيحة
ونصيحتك على العين والراس
بارك الله فيك:angel_not:
​

 

[** غزال الصحراء **]

هاي المرة ما راح اعلق على الموضوع يا اخي لاني لم افهم ولا كلمة هههههههههه سامحني ...​

صديقي هاذي من قلب اللهجة الجزائرية ههههه , صدقني أنا أكتب في الموضوع و أتخيل في عاشت فلسطين في الصفحة كنت متأكد أنك لن تفهم شيئا :biggrin: .. القصة و ما فيها عن السرقة التي أصبحت في كل وقت و في كل مكان و قد حكيت لهم قصة سرقة حدثة أمامي في ليلة من ليالي رمضان هاذا في طريق عودتي من حديقة الملاهي ( الألعاب ).... و هي كانت ل3 شباب ضحيتهم شاب أصغر منهم في السن,, و أعطيت نصيحة في الأخير إلى كل فرد أن لا يتجول في أماكن مشبوهة و حده ( أماكن خطيرة و معزولة ) , و أن يكون برفقة شخص على الأقل أثناء تسكعه إن صح التعبير و للبنات أن يكون معهم رجل حين يقصدون التجول و خاصة بعيد عن الديار فتجولهم لوحدهم يجعلهم فريسة سهلة للقطاع و السارقين.. لأننا الان و بفضل إبليس أصبح لدينا قطاع طرق منضمين :scared:سلامي ليك يا حلو .

​

 

[** غزال الصحراء **]

فعلا
رانا فوقت الغولة والغول:confused1::confused1:
الواحد يمشي وهو خايف:crying:

شكرا على النصيحة
ونصيحتك على العين والراس
بارك الله فيك:angel_not:
​

و فيكي بركة عجبني التعبير تاع الغول و الغولة ...
​

 

[عاشت فلسطين]

اتفق معك الراي في ان لا يخرج احد وحده تحديدا من صغار السن او البنات في المناطق الغير مأهولة بالسكان وحقيقة انت دائما تطرح ما فيه خير للامة والناس تسلم كثير على اختيارك المواضيع ...​

 

[programmeur]

شكرا لك اخي غزال على النصيحة
يا خويا انا شفت عجب الدنيا وكاين ناس شافو اكثر مني
كاين لي في دارو وسرقوه وفي الاخير تشكو فيه موس
نحكيلك وحد القصة صرات لواحد فاميليا عنده جاره تانيك من الاهل
هو قال راه كاين لي يعسلي داري كي نكون خاطر
وحد المرة جاو عنده ليزيميقري و راح بعد على دارو كي رجع صابها فارغة
كي دارت الشرطة تحقيق صابت جارو لي هو فاميلا تاعو هو لي كان وراء الفكرة تاع السرقة

ايا انت دير لامان في الناس
شكرا

 

[c.ronaldo]

allah yastore

 

[شذى الجنة]

ربي يحفظنا ويسترنا برك​

 

[Badech]

يا خويا حرت غير في هاذي

راهم في رمضان ويسرقو منين يسرقو من المسجد​

 

[D aucun]

ربي يستر لانو اذا حكيت نخاف يبراكوني تاني ولا اون سيجامي

 

[belgacem39]

السلام عليكم

شوف خويا

هاد لاgريسيو راهي ولات حاجا

ربي يسترنا عاديا

مالا الواحد لازملو ديما يبعد عن الشر ويغنيلو

مايمشيش في لبلايص المشبوها وما يحطش نيتو للناس كامل و و و و و

راك عارف الدنيا صعيبا

ولي يحقر اجي نهار ويحقروه

ربي اسمهنا اخبار الخير

شكرا على الموضوع
​

 

[** غزال الصحراء **]

اتفق معك الراي في ان لا يخرج احد وحده تحديدا من صغار السن او البنات في المناطق الغير مأهولة بالسكان وحقيقة انت دائما تطرح ما فيه خير للامة والناس تسلم كثير على اختيارك المواضيع ...​

الله يجازيك عزيزي , و شكرا على الكلام الراقي .
​

 

[** غزال الصحراء **]

شكرا لك اخي غزال على النصيحة
يا خويا انا شفت عجب الدنيا وكاين ناس شافو اكثر مني
كاين لي في دارو وسرقوه وفي الاخير تشكو فيه موس
نحكيلك وحد القصة صرات لواحد فاميليا عنده جاره تانيك من الاهل
هو قال راه كاين لي يعسلي داري كي نكون خاطر
وحد المرة جاو عنده ليزيميقري و راح بعد على دارو كي رجع صابها فارغة
كي دارت الشرطة تحقيق صابت جارو لي هو فاميلا تاعو هو لي كان وراء الفكرة تاع السرقة

ايا انت دير لامان في الناس
شكرا

مرسي على التدخل أي , و صح كل واحد شاف لعجب في حياتو كيما يقولو عيش تشوف ,, و القصة لي حكيتها هي لي جي عليها تاع ( حاميها حاراميها ) ربي يهدي ما خلق شكرا .
​

 

[** غزال الصحراء **]

allah yastore

امين يا رب .
​

 

[** غزال الصحراء **]

ربي يحفظنا ويسترنا برك​

ان شاء الله , شكرا على المرور .
​

 

[** غزال الصحراء **]

يا خويا حرت غير في هاذي

راهم في رمضان ويسرقو منين يسرقو من المسجد​

ياو ماشي بعيدة حتى في المسجد بالاك يسرقو , مي هاذي في الليل و في طريق خاوية .. مرسي عليك قناص وين رهاي هاذيك تاع ( الفاهم يفهم :biggrin: )
​

 

[** غزال الصحراء **]

ربي يستر لانو اذا حكيت نخاف يبراكوني تاني ولا اون سيجامي

ايه عندك الصح شد سابعك لي خاف سلم :biggrin:
​