.. () :: قاتلك ماما ابعثيلي قوالب القاطو :: () ..

[Badech]

بسم الله الرحمن الرحيم​

بعد الصلاة على سيدنا محمد​

السلام عليكم​

والله باين الموضوع من عنوانه​

إيه حاب كان نوكل هذاك القاطور تاع النجمة ولهلال ههههههههههههههههه​

قدار عليا ما كليتوش​

ضرك تهز كعبة قاطو تحطها في فمك تزعف
معمرة لوز وعسل ويا لطيف​

قليل ضرك في دار تلقا القاطو هذاك تاع بكري

يا حسرى على الأيام الخوالي

كلشي راح ما بقى والو

المهم​

كل واحد يقلنا واش من قاطو طيبتله امو ( خالتي واس أسمها نسيتو )​

وإن أمكن يصوره لينا​

والسلا افضل ختام​

ـالفـ اهم يفـ ـهـ م
سامحوني على الإزعاج
لا يهمـ ني ردك او تقـ ـ ـييمك المهم ان تـ ستفيـ د
رمضان كريم على الجميع
إقرا جيـ ـ دا ما بيـ ن السـ ـطور​

 

[طيور الجنة21]

الفكرة حلوة ومليحة ياسر اعطيك الصحة

شوف احنا درنا المقروظ اكيد

بركاك من الطمع ماتقولش آي اعطاتني البلاط كامل
هاهي الذواقة تاعك

 

[طيور الجنة21]

ودرنا بوسو

 

[ميسومة الدلوعة]

انا اصلا ماما ما طيبش لقاطو تكمونديه من برة نحلفلك بربي لدرك ما حليتش ليبواط وشفت واش شرات كي نشوف نقلك

 

[Badech]

الفكرة حلوة ومليحة ياسر اعطيك الصحة

شوف احنا درنا المقروظ اكيد

بركاك من الطمع ماتقولش آي اعطاتني البلاط كامل
هاهي الذواقة تاعك

​

​

​

ههههههههههههههه​

مشكورة أختي على المرور​

والله المقروط احسن قاطو عندي هههههههههههههههه​

ـالفـ اهم يفـ ـهـ م
سامحوني على الإزعاج
لا يهمـ ني ردك او تقـ ـ ـييمك المهم ان تـ ستفيـ د
رمضان كريم على الجميع
إقرا جيـ ـ دا ما بيـ ن السـ ـطور​

 

[طيور الجنة21]

والبارح درنا الكروكي

 

[ميسومة الدلوعة]

علابالي دارت في الدار غير مقرود والغربية والبقلاوة وشي لاخر ما علاباليش

 

[طيور الجنة21]

انا اصلا ماما ما طيبش لقاطو تكمونديه من برة نحلفلك بربي لدرك ما حليتش ليبواط وشفت واش شرات كي نشوف نقلك

ميسومة يعني ماحشمتيش كي هدرتيها أمك وعندها الحق مسكينة مشنوقة مع خدمة الدار و انت واش تديري ولا اللمة خيباتك...ههههههههه
​

 

[طيور الجنة21]

ههههههههههههههه

مشكورة أختي على المرور

والله المقروط احسن قاطو عندي هههههههههههههههه

ـالفـ اهم يفـ ـهـ م
سامحوني على الإزعاج
لا يهمـ ني ردك او تقـ ـ ـييمك المهم ان تـ ستفيـ د
رمضان كريم على الجميع
إقرا جيـ ـ دا ما بيـ ن السـ ـطور​

الله يسلمك وصراحة أنا كي نشوف المقروظ معناتها العيد وصل
​

 

[طيور الجنة21]

ومعولين اليوم نديروا قرن غزال
وكاين ألي يسميوه كعب غزال
​

 

[طيور الجنة21]

و انت قناص واش من لي قاطو درتو
نشوف فيك ضارب النح واش خايف نقولك هات نذوق
​

 

[bahloul saddam]

حنا درنا 6 قاطوات نعرف غير المقروض منهم والباقي الاسم تاعهم بالشينوية

 

[ميسومة الدلوعة]

ميسومة يعني ماحشمتيش كي هدرتيها أمك وعندها الحق مسكينة مشنوقة مع خدمة الدار و انت واش تديري ولا اللمة خيباتك...ههههههههه​

ما جيتي غير الاكبر فنيانة وحبستي ما نعرف ندير والو خايبة تاع الصح او قولي شكون تعيس الحظ الي رايح يديك

 

[انتصار*]

حنا درنا 6 قاطوات نعرف غير المقروض منهم والباقي الاسم تاعهم بالشينوية

مالا درتو كوكتال تاع زلابية هههههههههههههههههه​

 

[S@miRios]

هه انا يما غير ما يجي العيد تتفن في القاطو ،
و بابا ما عليه غير يخلص ،، المهم احنا هذا العام درنا ليسابلي بالشيكولا ، و جاراك شان هه
و خوخة و زوج قاطوات مانعرفش اسمهم و الله ..

​

 

[jiji 94]

السلام عليكم ورحمة الله
هههههههههههه
مكان حتي قوالب .............حط التمر و اللبن .........​

 

[لحظة أمل]

تفكر فينا على الصباح جوعتينا
ماما دارت المقروط والقطايق
وقرن غزال والمعمول
وحايد اخرين اسمهم شوية بيزار
علابالي واحد فيهم اسمو بنين
مي وش نقولك اسم على مسمى
​

 

[ziassia]

امممم احنا واش درنا قاطو درك نقولك ​

درنا العرايش نورمالمو هكذا يسموه​

​

و درنا المقروط ​

​

و الجلجلانية ​

​

و الجوزة ​

​

و هذا نورمالمو يقولوا ليتاغت ​

و المشوك

​

نورمالمو هذوا هوما اذا منسيتش​

مشكوور على الموضوع ​

و صحا عيدكم ​

 

[killua0555]

فكرتونى على الصباح هو صح انا فنيانة الله غالب بصح كى جى للحلوة نحب نخلطها وة نتفنن ماما تتفننن و انا نخلطها برك فهمتونى هههههه
مالقرى هاد العام بلاقريب و حالتى حالة بصح خلطت و قاومت
درنا غوزدوسابل
و جاراك
ليسابلى
و بقلاوة
و مازالهم هوما يخلطو انا جبت روحى ههههه نولى مور الفطور

 

[programmeur]

الله غالب مانعرفش اسماء تاعهم انا نعرف ناكل برك
سيوا دمير هدا مكان
نعرف زوج صوالح بقلاوة والمقروط والشي لاخر نعرف ناكله
اااه نسيت باش نقولك سني تاع الباقلاوة راه غيل حدا الميكرو في الليل ندير معاه حرب يا انا يا هو
والنهار العيد ربي يجيب الخير ههههههههههههههه