الحمد لله بدأ قسم واش راك تهدر يحصل على لقب ( الحصريات )

[** غزال الصحراء **]

السلام عليكم سيداتي سادتي أهل اللمة الكرام

و الله راني فرحان كي نشوف مواضيع كيما لي راهي ليوم من أقلام مبدعة

بداو يفوتو في مرحلة الكوبي كولي هاذيك و رجعو لإبداع و سرد راقي لقضايا مختلفة

الأنماط و هذا شيء مفرح و بدأنا نتقدم من لقب قسم الحصريات و أردت أن ألفت

إنتباهكم إلى شيء معين و هو : ( من يريد نقل أحد هذه المواضيع إلى منتدى اخر عليه

ذكر المصدر و كاتب الموضوع أستحلفكم بالله ) المهم ضرك راح ندير شويا من

مواضيع ليامات هاذو ,,,التي راقتني من حصريات واش راك تهدر

و نتمنى قبل كل شيء تقتدو بيها و ديروها مثال على القسم :

هايا ادخلو ترحو ....راهو باطل
كان جا يسموني هكا نقتل روحي ...** امل اللمة **
حبسو ياجماعة ماشي كامل فقهاء كامل علماء
لاgريسيون و لات جهار في النهار ( قصة صرات قدامي في رمضان ) ** فريق أمل اللمة ** ‏
كى لقيتوهم بنات حقرتوهم ياخى حالة

لامــــــــــور طايــــوان
​

مواطن مرض بالجنون - أدخل لتعرف السبب -
جماعة اجريوا ليا رايح يطرطقلي عرق
كل سنة وحنا مرهوجين
جماعة راهو رايح يطرطقلي عرق الجزء 2
ثرثرة المرأة..
بلد المتناقضات
شوفو شوفو اخينا يدراgي في البنات.. و فلانة خرجت مع شحال من واحد.. شكون؟؟ هديك الملتزمة..!!
يا ذراري ظلمتو بزاف بنات النت .. ارواحو معايا نحللكم عينيكم ‏
البالو حاشاه .... الغاشي الراشي لي تلفتلو العقلية
جيزي وموبيليس يشجعو في لفساد
الكلمة راحت والرجلة داها الواد
« ~ جماعة الباك ~ » ربي يستر ‏
ربي يسترنا من البوليسية الفاسدين ...
وزارة الداخلية والخارجية...فوطي باش تتغير
واش راك تكذب !
الذبان في النهار .... والناموس في اليل (حوار exclusive )
آخر كلمة والمسابقات الكاذبة
Pas 2 Tahleb !!!!!!! **فريق أمل اللمة ** ‏
الحاجة الي عمري ما فهمتها ....وعلابالي عمري لا نفهمها ‏
صحاب الوقت .....فهموني تعيشوا
ناسنا بكري...و ناسنا ضرك...نخليلكم بقية الكلام

هاذي غير شويا أمثلة و لي كانت في صميم و هدف القسم ..

و بزاف بزاف , و الله صافي بليزير كي نلقاو هاكا ناس تكتب و تعبر من قلبها

و ربي يوفقكم حتى يولي القسم من لفوق للتحت قاع حصريات و مواضيع نحسد عليها

ملاحظة : قالك كن جميلا ترى الكون جميلا , و أضحك لدنيا تضحكلك .. نشوفو

إيجابياتنا باش نتقدمو للقدام و نتفاداو الأخطاء و السلبيات و ما نقعدوش غير تأكدو

على السلبيات و الشكوة من المواضيع ,,, برك بغيت نقول حاجة في الأخير

المواضيع اللي في مضمونها سؤال و لا حاب إقتراحات الأعضاء يعني مش تعبر على

حاجة في موضوع مكتفي ذاتيا ,, هاذيك ديروها هنا ركن الحوار و النقاش الجاد

هاذي شويا تايهتنا فيها :biggrin:

و ربي يهنيكم و يصونكم

من قلم أخوكم في الله هشام .

ملاحظة :

من قام بموضوع جدي في مضمون القسم يرى أنه يستحق

الإظافة مع الحصريات يضيفه هنا في الموضوع

برد

​

 

[pRiAnCa*mCeE]

هكذا احسن ان شاء الله نساهمو اكل في كتابة مثل هذه المواضيع ونتهناو من كوبي كولي
~ْ~مرسي~ْ~​

 

[** غزال الصحراء **]

هكذا احسن ان شاء الله نساهمو اكل في كتابة مثل هذه المواضيع ونتهناو من كوبي كولي


~ْ~مرسي~ْ~​

لله يبارك فيك أختي الغالية دائما مولعة المواضيع بإشراقتك .​

 

[pRiAnCa*mCeE]

لله يبارك فيك أختي الغالية دائما مولعة المواضيع بإشراقتك .​

هههههههه علاه تحشم فينا يا خويا
:biggrin:مرسي انا مولعة المواضيع باشراقتي وانت مولع المنتدى بمواضيعك:biggrin:​

 

[ابو شهاب]

هاهاهاها

راني انا معلمهم

مقلولكش بلي ابو شهاب خبرة في هذا المجال ثاني

نورمالامو انا راني رئيس هنا كل لانو شريفة راهي في البال ديما

بصح معليش هههههههههههههه

 

[killua0555]

حاجة مليحة و بربى كامل الاقسام يولو هكدا اوما للواحد يلقا وين يديفولى صح عيدكم

 

[حسان]

شرف شرف شرف كبير أن نكونون من المبدعيين و المنتدى اللمة هو الذي ينسخ منه و ينتشر في ربوع المنتديات و ليس العكس




​

 

[لحظة أمل]

حاجة مليحة
وان شاء الله من الأحسن للأحسن بكتييييييييير
​

 

[Moha le sage]

يعطيك الصحة يا هشام ... انا قد ما راني نفرز ... يغلبوني بالكوبي كولي ...بصح راني مداير اجوندا فيها المواضيع والروابط .. ..

في واش تهدر يكتبو مواضيع ...ونهار يجو للقسم العام يبداو ينقلو في المواضيع .. نتا تقول الفصحى خاطيتهم ولا معرف واش


الفايدة يعطيك الصحة و يخي قتلك اللي تلقاه كاتب بالفصحى في واش تهدر اعرفو موضوع منقول .. وديما تلقاه معاود غير 2 ولا 3 برك ...

والناس لي راها تنقل في المواضيع باينين ...ذراري و بنات ..كاش خطرة يقولي راسي دير ليست و نكتب فيها هاذ الاسامي باش يحبسو علينا الطوفان تاع المواضيع المنقولة

ان شاء الله نتعاونو ..

 

[** غزال الصحراء **]

ايه يا صاحبي في العام ربي يستر المكرر ب 4 و 5 راني ديفوا ندير الروشارش ثما راصي يتبلوكا

ايه تبانلي هاكاك الفصحة ناقصة و لا فاهمين بلي العام == المنقول :biggrin:

ايه راني غير نطير في تاع الفصحة غير لي مكرر مليار و ربي يعين و خلاص

و كيما قلت نتا الأسامي راهي باينة و مفيشية و عارفين رواحهم كاين لي يغلط مرة مرة

معليش قاع نديروها مي تاع دايمن كوبي كولي لاليس روج :cursing:

ايه موح ان شاء الله نتعاونو ..

 

[** غزال الصحراء **]

حاجة مليحة و بربى كامل الاقسام يولو هكدا اوما للواحد يلقا وين يديفولى صح عيدكم

ان شاء الله يا ربي و نتي رانا معولين عليك يا تسنيم يليق تكثرينا لي سوجي

أوكي ؟ ايا سلام و صحا عيدكم كامل .
​

 

[** غزال الصحراء **]

شرف شرف شرف كبير أن نكونون من المبدعيين و المنتدى اللمة هو الذي ينسخ منه و ينتشر في ربوع المنتديات و ليس العكس ​

بالفعل عزيزي حسان أنت من مبدعيها , الله يوفقك و يحميك من العديان تحياتي .​

 

[** غزال الصحراء **]

حاجة مليحة

وان شاء الله من الأحسن للأحسن بكتييييييييير​

ان شاء الله يا رب , ربي يوفقك أختي لحظة أمل .​

 

[[ايمآن]]

الله يبارك ويزيد عندك الحق قاع هذي المواضيع هايلة ومن واقعنا
متميزين دايما ان شاء الله
ميرسي هشام................

 

[** غزال الصحراء **]

الله يبارك ويزيد عندك الحق قاع هذي المواضيع هايلة ومن واقعنا
متميزين دايما ان شاء الله
ميرسي هشام................

الله يهنيك الغالية تحياتي الخالصة .
​

 

[Lonely Girl]

ايا رحمة ربي اف قتلونـا وكرهونا بالكولي زعمة جايبينها عربيه فصحى وهوما مش فاهمين فيها حبة تلقاه الموضوع لي كوباه مقراهش حتى ....والله هكدا خير بصح مزال اللي ملحقهمش الميساج نشالله يرجعلهم الريزو ويلحقلهم الميساج ههههه
هكدا وش راك تهدر ولا بطل
ميرسي غزال الصحراء
موفق ان شاء الله ...​

 

[nina bonoise]

التهنية مالكوبي كولي

 

[** غزال الصحراء **]

ايا رحمة ربي اف قتلونـا وكرهونا بالكولي زعمة جايبينها عربيه فصحى وهوما مش فاهمين فيها حبة تلقاه الموضوع لي كوباه مقراهش حتى ....والله هكدا خير بصح مزال اللي ملحقهمش الميساج نشالله يرجعلهم الريزو ويلحقلهم الميساج ههههه
هكدا وش راك تهدر ولا بطل
ميرسي غزال الصحراء
موفق ان شاء الله ...​

و الله لا صح تهنية من لكبار , ايه صح قداه من واحد يكوبي سوجي منقول و زيد ماشي قاريه .. مرسي على المرور مريومة و ان شاء الله ربي يكون الخير .
​

 

[** غزال الصحراء **]

التهنية مالكوبي كولي

من فمك لربي , مي مازال شويا بدينا برك :biggrin:
​

 

[nina bonoise]

من فمك لربي , مي مازال شويا بدينا برك :biggrin:​

من البداية و الى الامام