عيدكم مبارك احبابي اصدقائي اخواني في منتدى اللمة

[Moha le sage]

باسم الله المستعان و الصلاة والسلام على خير الانام


اولا حبيت نشكر كل شخص بعثلي برسالة تهاني بالعيد

عادة نبعث انا الاول .. لكن لضروف ما قدرتش نبعث لكامل لي نعرفهم واللي غاليين على قلبي ..كانو في الاول 100 .. لكن ذرك عندي تقريبا 600 صديق وما قدرتش نبعثلهم كامل

الكثير فيكم لي عمبالو نسيتو .. ولا في بالو كي صرت مشرف ما لتيتش بيه ..

والحقيقة اني ما وليتش نصيب الوقت الكافي باش ندير اي حاجة

توحشتكم كامل و توحشت الحكايات معاكم .. بصح الله غالب ربي عالم بضروفي

يقلك اوجد لصديقك 70 عذرا ... انا عندي 5000 عذر

الارض تدور والزمان يتبدل والناس تتبدل ... بصح انا نقعد انا .. محمد هو محمد

واللي يديرني فوق راسو نحل عينيا ونغمض عليه ..

متنساوش بلي راني خوكم هنا ونا بلا بيكم مانحسش بلي راني عايش

بزاف لي نوالفوهم ويروحو .. ومدامني في العيد ..وماعلاباليش العيد الجاي اذا راني هنا معاكم

واذا راكم هنا معايا ..نقلكم صح عيدكم كامل وتقبل الله مني ومنكم

و اعاده الله علينا بالصحة والعافية

بهاذ المناسبة ايضا ..نطلب السماح من اي عضو صدر مني باتجاهو اي تصرف غير لائق

نطلب السماح من اي واحد يقدر نكون قستو بكلمة .. وبدوري راني قدام ربي مسامح الناس اللي

قاستني اواذاتني واللي ظنت بيا اي ظن .. والعفو عند المقدرة

علابالي بلي الكثير منكم فضل يكونيكتي في اللمة على الخرجة برا في العيد ..


علابالي بالي الكثير فيكم عندو صحابو في اللمة اكثر من برا ..

علابالي بالي فيكم لي معندوش صحاب واحباب حقيقين في الخارج ..و عوضهم بناس يرتاحلهم في اللمة

و راني عارف بلي الوقت تبدل والحياة صماطت .. وشايف بلي ماراناش نمشو و نزورو كيما بكري للاقرباء تاوعنا .. او لاصحابنا .. او حتى المرضى في السبيطارات .. او موتانا اللي في لقبور ربي يرحمهم .. الوقت تبدل والعقليات ثاني ..

وباش ميكونش حال اللمة كيما حال حياتنا البرا ...خليو هاذ المنتدى يكون عائلتنا الكبيرة .. نفرحو لفرح اي واحد فينا ..و نحزنو لحزنو .. ونوقفو معاه في مصائبو .. و نعقلو الغالط .. و نعلموالصغير ...

رسالة تحية و اشواق للناس لي راهم غايبين .. لضروفهم .. راني متفكركم

ونغتنم هاذ الفرصة باش نقدم التهاني للاعضاء الجدد ..والي ميعرفو حتى واحد .. نقلهم رانا هنا ان شاء الله

واللي يطلب صداقة ما نردهاش

رسالة للزوار .. ليك نتا اللي مزال ما سجلتش في هاذ المنتدى .. اللي تقرا في هاذ الموضوع ورايح .. ارواح سجل معانا .. تلقى صحاب و احباب .. تلقى ناس نتفيدك و تستفاد منها




أحبكم في الله


اخوكم محمد

​

 

[sousou bba]

 

[نقطة حبر]

عيد سعيد وكل عام وانت بخير ويعود عليك بالصحة والعافية والسعادة والفرح
صح عيدك
ولكل اعضاء اللمة

 

[abidou 20081]

والله ياخويا محمد ماعندي مانقول كثر ملي راك قلتو وعمري مانشك لحظة في صدق نواياك
ياخويا الراجل باين ربي يحفظك وربي يخليك وكيما قلت تاني اللمة عائلة كبيرة فيها من كل أقطار الوطن
ربي يحفظهم و من موضوعك خويا نعاود نقدم أحر التهاني وأصدق الأماني بمناسبة العيد لك ولكل عائلتك الكريمة
حفظها الله ورعاها الذي أنجبت لنا شخص مثلك في نبله وحسن خلقه كما أتوجه إلى جميع الأعضاء اللمة الجزائرية
برسالة ود وإخلاص وأرقى عبارات المودة والنهاني بنفس المناسبة راجيا من الله أن يسعدنا جميعا ويحيطنا برعايته​

 

[safa rym]

مارسي خويا محمد...ربي يعيشك ...المهم كي نعودو في بالك برك لاشتى حتى ماتبعثش ..كل واحد و ظروفو..مي ديما كبير..
أنت ثاني عيدك مبارك تعيّد بالصحة و الهنا أنت و العايلة الكريمة كامل ان شاء الله يا ربي العقوبة للعام الجاي​

 

[mimi.dz]

ربي يخليك خويا محمد ومتهمش الرسالة
علابالنا كامل بللي قلبك كبير ومتنساش خاوتك
وحتى احنا مننساوكش
راك ديما في البال
عيدك مبارك وكل عام وانت بالف صحة وسلامة
ربي يوفقك

​

 

[shéryfa luna]

merci bezef tarkan 3la héd sujet
3jabni bezef et je ss sur rah
yekounou fih bezef mocharkat
pck yelam chaml kool ela3dae
صحا عيدكم كامل ناس اللمة
وكل عام و نتوما بخير

​

 

[MoOn TeArS]

عيد سعيد و ينعاد عليكم بالخير
ميرسي ربنا يخليك
يا محمد
و
في رعاية الله​

 

[n@abil]

السلام عليكم ورحمة الله تعالى وبركاتة
والله يا محمد خويا هدرتك توزن ذهب ربي يحفظك خويا ويخليك لوالديك واحبابك وللمة ان شاء الله
عيدك مبارك كل عام وأنتا بألف خير نتا والعائلة الكريمة
بالصحة والهناء ان شاء الله
ربي يدومها الفرحة على قلوب المسلمين كامل​

وإن شاء الله تبقى اللمة دايما عايلتنا لي نحبوها ونحافظو عليها
وأيدينا مرفوعة لربي سبحانو تدعي ربي يحفظنا من كل شر
سلامي للجميع صح عيكم
سلام عليكم​

 

[كلي امال]

السلام عليكم و رحمة اللله تعالى و بركاته
صحا عيدكم و كامل العائلة و كل عام و انتم بخير
يا ربي يتقبل منا و منكم و ينعاد علينا بالصحة و الهنا
و راك مسامح خويا على خاطر خيرك سابقك
سلام​

 

[narimane]

 

[اردني عاشق الجزائر]

كل عام وانتم بخير

 

[السوفي حمة]

مساء الخير خويا محمد
وصحة عيدك مرة ثالثة
وعيد مبارك لكل أعضاء اللمة وخاصة الذين دخلوا وتركوا بصمة في موضوعك هذا
أخي محمد لا أشك أن أي انسان عرفك حق المعرفة يقول فيك ما قلته في بيانك، لأن من عرف محمد كـtarkan عضو اللمة أو مشرف المنتدى العام سيعرف أنه هو نفسه محمد السطايفي، هذا الانسان الذي من ذهب والذهب لا يحول أبدا أخي محمد.
وهذه الرسالة أكبر دليل على أن معدنك أصيل في عز مشاغلك تهتم بمشاعر أصدقائك وأحبابك.
بارك الله فيك أخينا وأدامك الله أخا وصديقا لنا
وحفظك الله وحفظ لك الوالدة الكريمة ورزقك بنت الحلال
​

 

[Mr mino]

السلام عليكم

صح عيدك خويا الموح وان شاء الله كل عام وانت بالف الف الف خير

والله خويا الموح انت راك في القلب ومايهمش الرسالة بلا ما تبعث كي نتفكروك

وتتفكرنا خلاص ثما شغل راك بعثت

انت عقلك كبير وانسان روعة خويا الموح وتستاهل كل خير ربي يكبر بيك وينورك

وصح عيدك مرة تانية والف مرة ليك وللعائلة كامل

مارسي كثير خويا الموح لعزيز

تحياتي ليك
​

 

[chiraz*noor]

*السلام عليكم*​

عيد سعيد خويا محمد وكل عام وانت بالف خير وينعاد عليك بالخير
ان شاء الله انت الي تسمحلنا ماشي حنايا ربي يخليك لينا
يدوملك فرحة العيد
مرسسسسسسسسسسسسسسسسسسي​

 

[dana1993]

كل عام ونت بخير وعافية
ادام الله عليك وعلينا الفرح والسعادة
مشكور بارك الله فيك اخ محمد​

 

[hind*alg-]

صحة عيدكم لكامل الاعضاء

 

[حجابى شرفى]

السلام اخي وكل عام وانت بخير وتقبل الله مناومنكم وانت اسم على مسمى وراك تحمل اسم افضل خلق الله وبارك الله فييييييييييييييييييييييييييييييييييييييييييييييييييك

 

[Łøst Fłôwęr]

صح عيدك خويا محمد وكل عام وانت بالف خير

اعاده الله عليك بالخير و البركة.

وهذه من عندي علابالي تحب القاطو :biggrin:

مي خلي شوية لافامي

الله يحفظك ويهنيك

سلام

​

 

[pRiAnCa*mCeE]

merci mon frére mohamed wellah rak fort dima tkhamem lmasslahat ellama wech ngoul ana dhok...saha 3idkom kamel ta9abal ellaho mina waminkom merci bcp autre fois...

oui sra9tha men 3andek hadhi...ma3lich rak tssal