يقولو الفرق بينا و بينهم نقطة.. قولولي قد منها النقطة هادي!!!!

[aMiNa-K]

السلام عليكم و رحمة الله و بركاته
مساء الخير لمة.. ان شاء الله تكونو بخير

و عيدكم مبارك.. و كل عام و انتم بخير
تعيدو و تزيدو

------------------------------------

شكون اللي مايعرفش يجاوب على السؤال: ما الفرق بين العرب و الغرب
و كامل يجرو يجاوبو و يقولو نقطة :thumbdown:

زعمة صح نقطة.. و لا غير في الكتابة برك
ايا نشوفو النقطة هدي قد منها

*هوما الهيه مجتمع مسن بصح دول متطورة.. احنا مجتمع شاب بصح دول فقيرة

*هوما الهيه دول فقيرة من الثروات الطبيعية بصح ياكلو منتوجات طبيعية و عندهم فائض في
المحروقات.. احنا دول غنية بالثروات بصح الماكلة تاعنا نستوردوها كامل و مخزون المحروقات راح ينفد
^
^
^
زيدو
^
^
^
* هوما الهيه معدل قراءة الكتب للفرد الواحد اكثر من 200 كتاب في السنة.. احنا عندنا دارو احصائيات صابوها معدل صفحات قلييييييلة بالنسبة للفرد الواحد

*هوما الهيه دايرين تحالف دولة وحدة تتقاس الدول لخرين كامل يوقفو معاها.. احنا خاوتنا في فلسطين و العراق كل يوم يموتو و تاوعنا جايبينها غير نحن نندد نحن نندد :thumbdown:

*هوما الهيه الطفل صغير ينوض مع الصباح يغسل ياكل يروح يقرا شوية و كي يولي يريفيزي شوية من بعد يلعب العاب تنمي الفكر تاعو شوية.. بصح احنا الطفل الصغير عندنا ينوض مع الصباح ياكل يروح يقرا بالضرب.. غير يجي مع العشية يرمي الكارتابل تاعو و ديركت للزنقة.. مايبانش حتى يطيح الليل

و الله عيـــــت و انا نقرن

هدا قاع.. ماتقولوليش رك الفرق بينا و بينهم نقطة برك
و ادا نقطة برك.. اما النقطة هدي راهي كبييييييرة بالبزاف

و لا راني غالطة؟

علاش هاد الفرق الشاسع.. بورتو نورمالمو احنا خيرمنهم.. دول غنية.. شعب شاب.. عندنا ادمغة الله يبارك
عندنا كلش.. بصح احنا دول عالم ثالث و هوما دول عالم الاول
هوما دول متطورة و حنا دول متخلفة :crying:
هيا جاوبوني.. راني نستنى :glare:​

 

[** غزال الصحراء **]

و زيد بزيادة هوما لهيه الأغلبية ملحدين يعني بلا ديانة و يكرمو الفقير و يصدقو عليه و يرأفو بالحيوان و يعاونو بعضاهم

هنا بدين الحق الإسلام و ما كاين والو هاذا شاري لبنتو كانيش و جارو ما تعشاش يقول لبنتو ما تبكيش

و زيد هوما حيوان في حضانة و حنا ما زلنا ناكلو في لحم بعضانا

هوما قالك خدمو لعجب غير من الغاز و حنا ما زلنا نجرو على قراعي تاع الغاز

او راح الماء هاو جاء الضو أفكر شمعة لا يجيك بعووووووو .
​

 

[aMiNa-K]

هوما عقول منتجه وحنا عقول مستهلك
شكرا لك اخي
سلاااااااااااام

ايه احنا شعب مستهلك من الدرجة الاولى
بصح هدا تانيك ماينفيش بلي كاين عقول ما شاء الله

ميرسي​

 

[aMiNa-K]

و زيد بزيادة هوما لهيه الأغلبية ملحدين يعني بلا ديانة و يكرمو الفقير و يصدقو عليه و يرأفو بالحيوان و يعاونو بعضاهم​

هنا بدين الحق الإسلام و ما كاين والو هاذا شاري لبنتو كانيش و جارو ما تعشاش يقول لبنتو ما تبكيش ​

و زيد هوما حيوان في حضانة و حنا ما زلنا ناكلو في لحم بعضانا ​

هوما قالك خدمو لعجب غير من الغاز و حنا ما زلنا نجرو على قراعي تاع الغاز​

او راح الماء هاو جاء الضو أفكر شمعة لا يجيك بعووووووو .​

صح عندك الحق
خصتهم غير الشهادة باش يدخلو للجنة
و احنا كما لت انت قاعدين ياكلو في بعضاهم.. كاين حتى الي يقولو نداصر يهودي و مانداصرش عربي

ماتفكرنيش في حكاية الما و التريسيي.. في العيد الكبير يقطعو الما.. طيح شوية شتا تروح التريسيي

الله يفرج علينا
صحيت خويا على الرد​

 

[abidou 20081]

تحية عطرة أختي العزيزة أمينة

ماشي غريبة عليا نلقى موضوع كيما هذا وخاصة من عضوة مميزة مثلك والله ياختي غير تستاهلي تاع الصح
رايح نبدى مشاركتي من مثالين ومنهم نقدرو نعرفو الفرق ما بينا وبينهم
الول قصة لعجوز يهودية عندنا فالجزائر كانت تسكن خطرة واحد الراجل لقى ولدها طالع فوق حيط ويفسد
هذ الراجل ضرب هذ الطفل وعيط عليه ومن بين لعياط عليه قالو ياواحد ليهودي سمعت هذيك لعجوز ليهودية لعياط وسمعاتو منين قالو ياواحد ليهودي خرجت هذيك لعجوز للراجل وقالتلو زوج كلمات برك
قالتلو الحمد لله ربي خلقنا يهود ويلقانا يهود شوف أنتوما ربي خلقكم عرب ويلقاكم يهود هذي النقطة اللولة
النقطة الزاوجة داعية إسلامي من كبار العلماء خرج لدولة أوروبية ولما رجع سألوه واش شفت في هذيك لبلاد قالهم لقيت الإسلام ومالقيتش المسلمين ومنين رجعت لقيت المسلمين وما لقيتش الإسلام
وهذا الفرق لي بينا وبينهم صحيح بيناتنا نقطة بصح هذيك النقطة تغير معنى أي كلمة تنزاد فوقها وعلى هذي النقطة هذيك تولي ب 100سنة فرق في كل المجالات أخرها المعاملة يعني داو علينا المعاملة الإسلامية وخلاونا المعاملة تاعهم هوما خدمو من أجل شعبهم وحنا خدمنا من أجل كروشنا هما عندهم المجتمع يتكون من أفراد وحنا عندنا المجتمع يتكون من فرد واحد هما عندهم ناكل ونوكل وحنا عندنا ناكل ولي شاط نرميه لكلاب حشاك هما عندهم العدالة وحنا عندنا الندالة وعلى بالك ربي سبحانو قالك يبارك قوم حققو العدل ولو كانو كفار وين حنا مسلمين زعما بلاطاي برك والعدل راكي عارفة موضوع قيم يعطيك الصحة وربي يحفظك وربي يخليك ويعطيك ماتتمني دمتي بألف خير وهناء
​

 

[** غزال الصحراء **]

صح عندك الحق
خصتهم غير الشهادة باش يدخلو للجنة
و احنا كما لت انت قاعدين ياكلو في بعضاهم.. كاين حتى الي يقولو نداصر يهودي و مانداصرش عربي

ماتفكرنيش في حكاية الما و التريسيي.. في العيد الكبير يقطعو الما.. طيح شوية شتا تروح التريسيي

الله يفرج علينا
صحيت خويا على الرد​

ايه هاذي هي , و في كل وقت يقطعو علينا في التريسيتي ..

و خاصة في الصيف في وقت الكليماتيزور و قاع كي يقطعوها ثم تجيهم حزمة تاع

دعاوي شر الناس قريب تموت صيف صيف

و يزيدو علينا هوما ! و يبقى الفرق بيننا و بين الغرب نقطة و لكن السؤال

في حجم و سعة تلك النقطة , يعني نقة هازا عجب ربي فوقها !

و يعرفو يقلدو الغرب غير في الجياحات و في الصح جامي كانو

المهم ربي يكون الخير ديما ديما رانا نتسناو في الجديد !
​

 

[منتخب الجزائر]

هناك يوجد الاسلام ولايوجد المسلمين وهنا يوجد المسلمين ولا يوجد الاسلام[

 

[killua0555]

صح بيناتنا نقطة بصح نقطة كى نحبو نشوفو واش فيها تتشاف بميكرو سكوب ممبعد تكبر فايتنا فى كلش فى تربية فى العلم فى تطور فى الوطنية تانى راح تقولولى مكاش الى يحب بلادو قد دزايرى بهدرة والغنا مخلاو والو بصح الصح العام الى فات قريناها واحد شينوازى يخدم برا و يحط فى بنك تاع بلادو باش يزيد استثمار فى دزاير يسرق من بلادو و يحط فى بلدان الناس باش يترفه و كاين كاين فروقات خلى برك يعطيك الصحة على موضوع

 

[aMiNa-K]

تحية عطرة أختي العزيزة أمينة ​

ماشي غريبة عليا نلقى موضوع كيما هذا وخاصة من عضوة مميزة مثلك والله ياختي غير تستاهلي تاع الصح
رايح نبدى مشاركتي من مثالين ومنهم نقدرو نعرفو الفرق ما بينا وبينهم
الول قصة لعجوز يهودية عندنا فالجزائر كانت تسكن خطرة واحد الراجل لقى ولدها طالع فوق حيط ويفسد
هذ الراجل ضرب هذ الطفل وعيط عليه ومن بين لعياط عليه قالو ياواحد ليهودي سمعت هذيك لعجوز ليهودية لعياط وسمعاتو منين قالو ياواحد ليهودي خرجت هذيك لعجوز للراجل وقالتلو زوج كلمات برك
قالتلو الحمد لله ربي خلقنا يهود ويلقانا يهود شوف أنتوما ربي خلقكم عرب ويلقاكم يهود هذي النقطة اللولة
النقطة الزاوجة داعية إسلامي من كبار العلماء خرج لدولة أوروبية ولما رجع سألوه واش شفت في هذيك لبلاد قالهم لقيت الإسلام ومالقيتش المسلمين ومنين رجعت لقيت المسلمين وما لقيتش الإسلام
وهذا الفرق لي بينا وبينهم صحيح بيناتنا نقطة بصح هذيك النقطة تغير معنى أي كلمة تنزاد فوقها وعلى هذي النقطة هذيك تولي ب 100سنة فرق في كل المجالات أخرها المعاملة يعني داو علينا المعاملة الإسلامية وخلاونا المعاملة تاعهم هوما خدمو من أجل شعبهم وحنا خدمنا من أجل كروشنا هما عندهم المجتمع يتكون من أفراد وحنا عندنا المجتمع يتكون من فرد واحد هما عندهم ناكل ونوكل وحنا عندنا ناكل ولي شاط نرميه لكلاب حشاك هما عندهم العدالة وحنا عندنا الندالة وعلى بالك ربي سبحانو قالك يبارك قوم حققو العدل ولو كانو كفار وين حنا مسلمين زعما بلاطاي برك والعدل راكي عارفة موضوع قيم يعطيك الصحة وربي يحفظك وربي يخليك ويعطيك ماتتمني دمتي بألف خير وهناء ​

اهلا خويا عبيدو
و تحية متبادلة

* زوج امثلة برك لخصت كامل الموضوع
يهود مايلحقوناش في التايهوديت هههه
بصح هاد التايهوديت غير بيناتنا برك حنا العرب.. واحد قاوري لوكان يصيبو يمسحولو رجليه ( حاشاك) :glare:

و هوما الهيه عندهم معاملة ما شاء الله حتى بيناتهم.. مربيين و يعرفو وشنو هو الاحترام.. و يحسو ببعضاهم..خصتهم الشهادة برك يدخلو للجنة.. و احنا نعرفو نشهدو برك و نهلكو بعضانا.. هدا ياكل في خوه

و راهم فايتينا بالف سنة ماشي مية سنة برك.. و رانا فرحانين بيها.. نستوردو من عندهم كلش.. نعطولهم القمح تاع الصح طبيعي.. و نجيبو القمح من عندهم تاع البيوت البلاستيكية مافيه حتى بنة
نبعثولهم انابيت تاع الغاز و احنا كاين اللي مازال يطبعو في القرعة تاع الغاز..
و باش يبانو متحضرين جبنا من عندهم لامودا تاعها.. اللبسة و الشعر المبيكي و الجياح.. و يقولو رانا حضارة :thumbdown:

*كي العادة خويا عبيدو ردودك قمة.. ماعندنا مانزيدو عليهم
بارك الله فيك
دمت و دامت ردوك


​

 

[aMiNa-K]

ايه هاذي هي , و في كل وقت يقطعو علينا في التريسيتي ..​

و خاصة في الصيف في وقت الكليماتيزور و قاع كي يقطعوها ثم تجيهم حزمة تاع ​

دعاوي شر الناس قريب تموت صيف صيف​

و يزيدو علينا هوما ! و يبقى الفرق بيننا و بين الغرب نقطة و لكن السؤال​

في حجم و سعة تلك النقطة , يعني نقة هازا عجب ربي فوقها ! ​

و يعرفو يقلدو الغرب غير في الجياحات و في الصح جامي كانو ​

المهم ربي يكون الخير ديما ديما رانا نتسناو في الجديد !​

اهلا خويا غزال مرة اخرى

شفت كيفاش التريسيتي عندنا.. في الشتا يقولك البرق و الرعودي.. و في الصيف يقولك لاشارج بزاف.. تروح اكثرمن تجي و لافاكتور كي تجي تصرع مولاها

الجياح ساهل باش نجيبوه.. الشطارة صعيبة.. نخلوها على ربي و خلاص

منور الموضوع خويا غزال.. بارك الله فيك

​

 

[aMiNa-K]

هناك يوجد الاسلام ولايوجد المسلمين وهنا يوجد المسلمين ولا يوجد الاسلام[

اهلا خويا منتخب الجزائر

مقارنة صعيبة بين هنا و الهيه

بارك الله فيك​

 

[aMiNa-K]

صح بيناتنا نقطة بصح نقطة كى نحبو نشوفو واش فيها تتشاف بميكرو سكوب ممبعد تكبر فايتنا فى كلش فى تربية فى العلم فى تطور فى الوطنية تانى راح تقولولى مكاش الى يحب بلادو قد دزايرى بهدرة والغنا مخلاو والو بصح الصح العام الى فات قريناها واحد شينوازى يخدم برا و يحط فى بنك تاع بلادو باش يزيد استثمار فى دزاير يسرق من بلادو و يحط فى بلدان الناس باش يترفه و كاين كاين فروقات خلى برك يعطيك الصحة على موضوع

اهلا اختي كيلوا
لوكان سميتي روحك لوفي خير هههه.. راني نشوف منو حلقات قتلني بالضحك :biggrin:
( راني نقصر برك)

* و كما قلتي فايتينا في كلش
التربية: شوفي الدراري صغار عندهم و شوفي الدراري صغار عندنا

في العلم: شوفي les etusiants تاوعهم و شوفي تاوعنا

و في الوطنية احنا فينا غير اللسان و نحبو الشطيح و الرديح برك.. في الصح مكان مكان.. و تالمو يحبو بلادنا يسرقو منها الدراهم و يحطوها في بنوك خارجية..

شحال تعياي تقارني و ماتلحقيش

* كالعادة مميزة بردودك اختي كيلوا
بارك الله فيك
​

 

[حنوون]

جنتهم فالدنيا وآخرتهم فالنار
واحنا فالجنة انشاء الله
ولا تحسدهم عالفاني لان الخلود عند الله مش فالدنيا بالعكس انا اشفق عليهم

 

[abidou 20081]

اهلا خويا عبيدو
و تحية متبادلة

* زوج امثلة برك لخصت كامل الموضوع
يهود مايلحقوناش في التايهوديت هههه
بصح هاد التايهوديت غير بيناتنا برك حنا العرب.. واحد قاوري لوكان يصيبو يمسحولو رجليه ( حاشاك) :glare:

و هوما الهيه عندهم معاملة ما شاء الله حتى بيناتهم.. مربيين و يعرفو وشنو هو الاحترام.. و يحسو ببعضاهم..خصتهم الشهادة برك يدخلو للجنة.. و احنا نعرفو نشهدو برك و نهلكو بعضانا.. هدا ياكل في خوه

و راهم فايتينا بالف سنة ماشي مية سنة برك.. و رانا فرحانين بيها.. نستوردو من عندهم كلش.. نعطولهم القمح تاع الصح طبيعي.. و نجيبو القمح من عندهم تاع البيوت البلاستيكية مافيه حتى بنة
نبعثولهم انابيت تاع الغاز و احنا كاين اللي مازال يطبعو في القرعة تاع الغاز..
و باش يبانو متحضرين جبنا من عندهم لامودا تاعها.. اللبسة و الشعر المبيكي و الجياح.. و يقولو رانا حضارة :thumbdown:

*كي العادة خويا عبيدو ردودك قمة.. ماعندنا مانزيدو عليهم
بارك الله فيك
دمت و دامت ردوك


​

أهلا بيك وربي يخليك ختي أمينة

وتاع الصح مايلحقوناش فالتايهوديت تاعنا والقرأن يقول الأعراب أشد كفرا ونفاق والله غير هما كي تجي تخممي تلقاي عندهم المبدأ تاعهم المعتقدات تاعهم تقول هكذا يعني حاجا متربيين عليها واحنا المعتقدات والمبدأ تقول عكس هذ لحوايج كامل بصح حنا نتبعو في أسوأ الأمور تاعهم لوكان غير جبنا
الإجابيات ماعليش وكيما قلتي القاوري جيفة حشاك قبل مايشهد بصح حنا ولينا نشهدو بيه ونسينا مولانا ولي حكمونا لوكان جاو يعرفو مولانا لوكان راهم لقوار يتحيولنا ماشي حنا لي رانا ملهوفين على جيفة همافاتونا بكل حاجا نورمالمون حنا اللولين فيها فاتونا بالعدل والإسلام تاعنا يوصي عليها واللولة فالأمور لي يوصي عليها وإذا ضاع العدل أدعي على الأمة بالربح والله ماتقعد على وجه الأرض
فاتونا بالمعاملة لي وصانا عليها مولانا والرسول صل الله عليه وسلم فاتونا بالتكنولوجيا لي رانا اليوم ولينا منين يكتشفو حاجا نروحو نجرو نقولولهم بلي هذي من الإعجاز القرأني ونعطوهم الأية ومنين عندناهذ العلم كامل وعلاش مانكتشفوهش وحدنا لهينا فالكرسي وفنهيش لحم بعضنا بعض والحروب نايضة في كل بلاصة على جال كرسي واش فيه هذ الكرسي يدخل للجنة بالعكس مقعد من النار وحنا متضاربين عليه وهذا دليل بلي حنا خرجنا على الملة وقت لي كانت الناس بكري تعرض عليهم المسؤولية يبات يبكي خايف منها درك راهم يرشوعليها يزيدو لحرام على لحرام عليها هما عندهم خدمو طريق جديدة فتحوها صرات فيها حادث إستقال الوزير حنا عندنا شعب ضايع ويقولك شعب إتكالي ماتقدرش تخدم على هذ الشعب أعطي الريح لرجليك وعلاش راك قاعد تنكطر في خير الشعب لي راه مرجعك وزير ولا فالسلطة هما عندهم المسؤول يتحاسب وحنا عندنا المسؤول أستغفر الله العالي العظيم حبو يرجعوه رب فوق الأرض هما عندهم المسؤول في خدمة الشعب وحنا عندنا الشعب في خدمة المسؤول قلبو الأية والشعب الفايق راه يدفع فالرشوة ويخلص على واحد أصلا راه كاليلو حقو ويزيدو ياخي عجب يزيد الماء لبحر وخلي وخلي لوكان الواحد يهدر ماتفراش واش جبنا حنا بالمقابل من الخارج جبنا الجياحة كيما قلتي والبسة العريانة وواحد الشوفات ومؤخرا دارو إستطلاع للرأي في فرنسا لقاو أغلب الفرنسيات ضد التبرج والتعري وقالولهم ماراناش سلعة وقيمتنا تنزاد منين نكونو ساترين رواحنا وحنا عندنا التقدم منين يعرو رواحهم الله لا يفيقهم وكاين واحد لمثل يقولوه الناس يختم حديثي ولي هو الله يكثر من الطنوحة باش يعيشو القافزين ربي يخليك وربي يحفظك وربي يعطيك ماتتمني ومهما دعيت ومهما قلت نحس بلي ماوفيتكش حقك تستاهلي كل الخير دمتي بألف خير وهناء إن شاء الله ​

 

[aMiNa-K]

جنتهم فالدنيا وآخرتهم فالنار
واحنا فالجنة انشاء الله
ولا تحسدهم عالفاني لان الخلود عند الله مش فالدنيا بالعكس انا اشفق عليهم

ممم
دنيتهم جنة و اخرتهم نار
و احنا.. دنيتنا نار و اخرتنا نار :glare:
راح تضمن تدخل للجنة؟؟؟.. عمباتلك ساهل باش ندخلو للجنة
وقيلا عمباتلك ندخلولها بالتنوفيق و الكدب و الحقرة و القلب البارد و و و و :thumbdown:
و لوكان جينا من اصحاب الجنة تبان علينا


الله يهدينا برك
​

 

[شهنوزة]

ممم
دنيتهم جنة و اخرتهم نار
و احنا.. دنيتنا نار و اخرتنا نار :glare:
راح تضمن تدخل للجنة؟؟؟.. عمباتلك ساهل باش ندخلو للجنة
وقيلا عمباتلك ندخلولها بالتنوفيق و الكدب و الحقرة و القلب البارد و و و و :thumbdown:
و لوكان جينا من اصحاب الجنة تبان علينا


الله يهدينا برك
​

يااختي واش انقللك والله غير جبتيها احنا مسلمين غير بالكلمة اما الاسلام ماهوش قاع عارفينو وين راه وزيد بزيادة الاسلام قال اقرا وقال العمل ولكن للاسف
امة اقرا لا تقرا وماشي في القراية برك حتى في الاخلاق احنا كاش واحد تصيبيه متخلق الا من رحم ربي
يعطيك الصحة على الموضوع والله احمد الشقيري بح مع الهدرة بصح الله غالب مايفهموش

 

[aMiNa-K]

أهلا بيك وربي يخليك ختي أمينة ​

وتاع الصح مايلحقوناش فالتايهوديت تاعنا والقرأن يقول الأعراب أشد كفرا ونفاق والله غير هما كي تجي تخممي تلقاي عندهم المبدأ تاعهم المعتقدات تاعهم تقول هكذا يعني حاجا متربيين عليها واحنا المعتقدات والمبدأ تقول عكس هذ لحوايج كامل بصح حنا نتبعو في أسوأ الأمور تاعهم لوكان غير جبنا
الإجابيات ماعليش وكيما قلتي القاوري جيفة حشاك قبل مايشهد بصح حنا ولينا نشهدو بيه ونسينا مولانا ولي حكمونا لوكان جاو يعرفو مولانا لوكان راهم لقوار يتحيولنا ماشي حنا لي رانا ملهوفين على جيفة همافاتونا بكل حاجا نورمالمون حنا اللولين فيها فاتونا بالعدل والإسلام تاعنا يوصي عليها واللولة فالأمور لي يوصي عليها وإذا ضاع العدل أدعي على الأمة بالربح والله ماتقعد على وجه الأرض

فاتونا بالمعاملة لي وصانا عليها مولانا والرسول صل الله عليه وسلم فاتونا بالتكنولوجيا لي رانا اليوم ولينا منين يكتشفو حاجا نروحو نجرو نقولولهم بلي هذي من الإعجاز القرأني ونعطوهم الأية ومنين عندناهذ العلم كامل وعلاش مانكتشفوهش وحدنا لهينا فالكرسي وفنهيش لحم بعضنا بعض والحروب نايضة في كل بلاصة على جال كرسي واش فيه هذ الكرسي يدخل للجنة بالعكس مقعد من النار وحنا متضاربين عليه وهذا دليل بلي حنا خرجنا على الملة وقت لي كانت الناس بكري تعرض عليهم المسؤولية يبات يبكي خايف منها درك راهم يرشوعليها يزيدو لحرام على لحرام عليها هما عندهم خدمو طريق جديدة فتحوها صرات فيها حادث إستقال الوزير حنا عندنا شعب ضايع ويقولك شعب إتكالي ماتقدرش تخدم على هذ الشعب أعطي الريح لرجليك وعلاش راك قاعد تنكطر في خير الشعب لي راه مرجعك وزير ولا فالسلطة هما عندهم المسؤول يتحاسب وحنا عندنا المسؤول أستغفر الله العالي العظيم حبو يرجعوه رب فوق الأرض هما عندهم المسؤول في خدمة الشعب وحنا عندنا الشعب في خدمة المسؤول قلبو الأية والشعب الفايق راه يدفع فالرشوة ويخلص على واحد أصلا راه كاليلو حقو ويزيدو ياخي عجب يزيد الماء لبحر وخلي وخلي لوكان الواحد يهدر ماتفراش واش جبنا حنا بالمقابل من الخارج جبنا الجياحة كيما قلتي والبسة العريانة وواحد الشوفات ومؤخرا دارو إستطلاع للرأي في فرنسا لقاو أغلب الفرنسيات ضد التبرج والتعري وقالولهم ماراناش سلعة وقيمتنا تنزاد منين نكونو ساترين رواحنا وحنا عندنا التقدم منين يعرو رواحهم الله لا يفيقهم وكاين واحد لمثل يقولوه الناس يختم حديثي ولي هو الله يكثر من الطنوحة باش يعيشو القافزين ربي يخليك وربي يحفظك وربي يعطيك ماتتمني ومهما دعيت ومهما قلت نحس بلي ماوفيتكش حقك تستاهلي كل الخير دمتي بألف خير وهناء إن شاء الله ​

و ربي يخليك خويا

قالك يهودي جاز على العرب و حبس.. قالهم بابابااااا التيهوديت لحق لعندكم و حبس

و احنا كي شعب كي دول.. كامل :thumbdown:
الريح في الشبك

و باش تعرف بلي تاع الصح حابسين.. كامل يضاربو على الكرسي.. و كامل علابانا بلي الكورسي راه مسؤولية كبيرة و هوما يشوفوه مصالح.. و الشعب باينسور يعرف غير يتحي

و المثل و الله جبتو سواسوا.. بصح يادرا شكون الطنوحة و شكون القافزين :confused1: :confused1:
ههههههههههه

راك ماشي غير كفيت و وفيت.. يعيشك خويا عبيدو
و بارك الله فيك
​

 

[aMiNa-K]

يااختي واش انقللك والله غير جبتيها احنا مسلمين غير بالكلمة اما الاسلام ماهوش قاع عارفينو وين راه وزيد بزيادة الاسلام قال اقرا وقال العمل ولكن للاسف
امة اقرا لا تقرا وماشي في القراية برك حتى في الاخلاق احنا كاش واحد تصيبيه متخلق الا من رحم ربي
يعطيك الصحة على الموضوع والله احمد الشقيري بح مع الهدرة بصح الله غالب مايفهموش

اهلا اختي شهنوزة

راكي تشوفي.. و الاخ يزيد يقول راهو يشفق عليهم
في وقت لازم نخممو على رواحنا و نشوفو كيفاش نسلكو احوالنا في الدنيا و الاخرة

و ماشي غير احمد الشقيري تبح.. علما تاع هاد الوقت مساكن كامل تبحو و هوما يعاودو في الهدرة

و انتي المشكورة على المرور اختي
بارك الله فيك​

 

[abidou 20081]

و ربي يخليك خويا

قالك يهودي جاز على العرب و حبس.. قالهم بابابااااا التيهوديت لحق لعندكم و حبس

و احنا كي شعب كي دول.. كامل :thumbdown:
الريح في الشبك

و باش تعرف بلي تاع الصح حابسين.. كامل يضاربو على الكرسي.. و كامل علابانا بلي الكورسي راه مسؤولية كبيرة و هوما يشوفوه مصالح.. و الشعب باينسور يعرف غير يتحي

و المثل و الله جبتو سواسوا.. بصح يادرا شكون الطنوحة و شكون القافزين :confused1: :confused1:
ههههههههههه

راك ماشي غير كفيت و وفيت.. يعيشك خويا عبيدو
و بارك الله فيك
​

ربي ينورك وربي يحفظك ختي أمينة
ونوافقك هذ المرة في حاجا ونعارضك في حاجا الأولى ليهودي لعنة الله عليه منين فات منا صح بصح ماحبسش هرب لقى يهود كثر منو والله غير غيبوهالو تاع الصح ومنين رجع لبلادو قالهم ديرو رايكم راهم كاينين لي كثر منا تايهوديت وعلى هذي راكي تشوفي فيهم واش راهم يديرو فالعرب وحنا من كثرة التايهوديت تاعنا رانا نندد مازال ههههههههه .
ومنين تقولي حناتاع كرسي ومسؤولية والله ماغلطتي والله غير يبيع دارو باش يشد منصب وشعب يتحي حشا لي مايستاهلهاش ونقولك حاضر فيها وشفتها بعيني شحال من زوالي مسكين عرس والله غير مسكين يسوفري والغاشي تطيح عليه من كل جهة واحد ماجاب معاه زوج كيلو بطاطا ولا طوماطيش الدحيس الماكلة والهربة تسلك ومنين جا واحد البرلماني عرس ولدو والله ثم والله غير لكباش تحبط عند دارو خلوهم لسي فلان من عند فلان هذا الباروك تاع عرس ولدو هههههه يزيدو الماء لبحر والله غير قلبك يحب يطرطق وعلى هذي ممكن سألتيني في الموضوع شكون هما الطنوحة وشكون هما القافزين وهنا نظن عرفتي نوعية من الطنوحة والنوعية القافزة لي يجيها كل شيء لباب دارها وكاين من أمثالهم بزاف منهم لي يقدم رشوة لعامل في مكتب هو أصلا محطوط لتم وخالص على ذيك الخدمة باش يخدملك أمورك يجي واحد من الطنوحة يزيدو رشوة باش يخرجلو ورقة وشكون الطنح وشكون القافز وكيفاش حبيتي المسؤول يخدم وهو لازملو الدهين باش يمشي والله غير يحسب كامل الناس كيف كيف وعلى هذي تلقايهم يتمرضو باش يخدمولك حاجا يقول
بالاك يفهم روحو كيما راهم موالفينو من قبل ومنين يشوفك حرش وتعرفلها يلعبها دار فيك مزية
وهو أصلا محطوط لتم يخدمها بلا مزيتو الله يهدي ماخلق وخلاص
ربي ينورك وربي يفتح في وجهك كل بيبان الخير ويحققلك كل أمنياتك دمتي بألف خير وهناء إن شاء الله
​

 

[s.oussama05]

https://www.4algeria.com/vb/showthread.php?t=155886