فهموني .. كيفاش ندير

[SOUMA.]

السلام عليكم
واش راكم ؟ إن شاء الله تكونوا تمام
اليوم مشكلتي هي أني لدرك مازلت معرفتش لاكان راني ناجحة ولا لالا!!!!
درك أنا كنت أولى جامعي نظام LMD ، دخلت لراتراباج في السداسيين
وطبعا الراتراباج -2- دخلتلهم في جوان
المهم أنا لدرك ما علاباليش داخلة ثانية ولا أولى جامعي
كي رحت للجامعة قالولي مازال لافيشاج ، وكي قلتلهم على التسجيل
قالولي ارواحي بالأحد وسجلي ثانية جامعي
كيفاه نسجل سنة ثانية وانا بالاك نعاود؟
التسجيل قبل لافيشاج؟؟؟؟؟:confused1:
راني محيرة وراسي مبلوكي
وما فهمت والو
كي حكيت مع خويا قالي 5 سنين وانا في الجامعة ، وجامي صرات تاع واحد داخل يقرا وما علابالوش برحو ناجح ولا نون
تاع الداتر مش مصدقيني قالولي منجحتيش وما حبيتيش تهدري
فهموني يا الخاوة ، هادي هي الجامعة .. وودايما يصراولكم الحوايج هادو؟ واللي صرالو هكا يقولي كيفاش يدير ..؟؟؟؟؟؟؟؟؟
​

 

[programmeur]

جامعتكم حالة خاصة
هنا كلمو معانا في جويلية بقاو غيل نتائج تاع الرترباج ماراني عارف ادا مدوهم ولا مزال
يا اختي كي قالولك سجلي سنة ثانية سجلي ودربي النح وخلي البير بغطاه
وحبيت نقولك بلي موضوعك مكانه قسم التعليم الجامعي
وشكرا

 

[Dr.CrAzY]

بالك نجحتي بالكريدي
يخي كي كون عندك 30 كريدي تنجحي
مي يبقاو لي موديل لي ماخرجتيهمش يتبعوك
​

 

[Moha le sage]

الجامعة هذيك خليها على ربي .. و bien sur يصرا كثر من هاك

ياو جماعة تقرا droit بعثوهم ترونسفار gestion ... خرين كي عاودو العام راحلهم الترون كومان .. ولقاو روحهم في سبيساليتي ..

وش نقلك استناي لافيشاج وخلاص وربي فيه الخير

بلاد ميكي معندك ما تستناي من جامعاتها

 

[SOUMA.]

جامعتكم حالة خاصة
هنا كلمو معانا في جويلية بقاو غيل نتائج تاع الرترباج ماراني عارف ادا مدوهم ولا مزال
يا اختي كي قالولك سجلي سنة ثانية سجلي ودربي النح وخلي البير بغطاه
وحبيت نقولك بلي موضوعك مكانه قسم التعليم الجامعي
وشكرا

خايفة نسجل سنة ثانية ومن بعد يهبطوني سنة اولى ونزيد نعاود نسجل
الجامعة ولات أصلا مش جامعة لا تنظيم لا والو
**
اوكي واحد من المشرفين ينقل الموضوع للقسم الخاص
شكرا لمرورك
​

 

[SOUMA.]

بالك نجحتي بالكريدي
يخي كي كون عندك 30 كريدي تنجحي
مي يبقاو لي موديل لي ماخرجتيهمش يتبعوك
​

عندي 35 كريدي
بصح هو وين يعرفني حتى يقولي سجلي سنة ثانية
والله ما فهمت حاجة؟؟؟؟؟؟؟
الناس راهم سجلو وقويب يدخلوا يقراو
واللي دخلوا راتراباج ام قاعدين
​

 

[SOUMA.]

الجامعة هذيك خليها على ربي .. و bien sur يصرا كثر من هاك

ياو جماعة تقرا droit بعثوهم ترونسفار gestion ... خرين كي عاودو العام راحلهم الترون كومان .. ولقاو روحهم في سبيساليتي ..

وش نقلك استناي لافيشاج وخلاص وربي فيه الخير

بلاد ميكي معندك ما تستناي من جامعاتها

والله صح عندك حق
على الأقل يقولولي نجحت ولا لالا
لاكان منجحتش ندير ترونسفار حاجة اخرى تساعدني اكثر
واذا نجحت راني نكمل عادي
بصح البلاد هادي يخربطولك حساباتك كل
راني نستنى .. وربي يجيبها في الصواب
شكرا لك

​

 

[عطر الندى]

ربي يكون في عونك

 

[soror]

مادامك طلعت للجامعة اتوقعي كل شيء

وماتستغربيش من الحكاية

ياحسرة على ايام الليسي

دك الجامعة ........

وش نقول ربي يكون في عونك
​

 

[Dr.CrAzY]

عندي 35 كريدي
بصح هو وين يعرفني حتى يقولي سجلي سنة ثانية
والله ما فهمت حاجة؟؟؟؟؟؟؟
الناس راهم سجلو وقويب يدخلوا يقراو
واللي دخلوا راتراباج ام قاعدين
​

اه 35 كريدي مالا نجحتي
ويبقاو لي موديل لي دخلتي فيهم راتراباج
اذا ماشافش اسمك في لميكرو ولا لاليست
صح عجب كيفاه يقولك روحي سجلي برك:confused1::confused1::confused1:
هههه والله يالجامعة عشنا وشفنا فيها
​

 

[فؤاد الورقلي]

السلام عليكم

ايه كيما قال احد الاعضاء راكي ناجحة لكن عندك الكريدي

وزيدي تاكدي مليح مزال الحال
وفقك الله

 

[N@riM@N]

انا ع حسب مارني فاهمه من صحيباتي انتاع لجامعه:biggrin::biggrin:
شوفي ختي انتي تقدري تسجلي 2جامعي
مي يبقلك كريدي ف1جامعي
يعني تقراي لعام هاد لموديل الي مطلعتيهمش ف 1جامعي
مع لموديل انتاوعك انتااع2جامعي واذا محبتيش تعودي طرو شارج
عاودي لعام وخلااص وان شاءلله لافيشاج انتاعكم يطلع مليح​

 

[aMiNa-K]

نورمال اختي يصراو des cas هكدا
مايديليبيريوش حتى لسبتمبر
روحي سجلي في الجامعة نورمال و استناي لافيشاج تماك تعرفي ادا طلعتي و لا لالا​

 

[SOUMA.]

ربي يكون في عونك

آمين
شكرا لك

 

[SOUMA.]

مادامك طلعت للجامعة اتوقعي كل شيء

وماتستغربيش من الحكاية

ياحسرة على ايام الليسي

دك الجامعة ........

وش نقول ربي يكون في عونك
​

ايه والله يا حسراه على ايام الليسي
راح النظام
شكرا لمرورك
​

 

[SOUMA.]

اه 35 كريدي مالا نجحتي
ويبقاو لي موديل لي دخلتي فيهم راتراباج
اذا ماشافش اسمك في لميكرو ولا لاليست
صح عجب كيفاه يقولك روحي سجلي برك:confused1::confused1::confused1:
هههه والله يالجامعة عشنا وشفنا فيها
​

آمين من فمك لربي
كون غير نكون ناجحة
ومازالنا نزيدو نعيشوا ونشوفوا
ربي يكون فالعون
شكرا على مرورك مرة أخرى
​

 

[SOUMA.]

السلام عليكم

ايه كيما قال احد الاعضاء راكي ناجحة لكن عندك الكريدي

وزيدي تاكدي مليح مزال الحال
وفقك الله

وعليكم السلام ورحمة الله وبركاته
امين شكرا لك
وبالتوفيق للجميع

 

[** غزال الصحراء **]

جامعتكم حالة خاصة
هنا كلمو معانا في جويلية بقاو غيل نتائج تاع الرترباج ماراني عارف ادا مدوهم ولا مزال
يا اختي كي قالولك سجلي سنة ثانية سجلي ودربي النح وخلي البير بغطاه
وحبيت نقولك بلي موضوعك مكانه قسم التعليم الجامعي
وشكرا

ينقل و ربي يوفقك !

 

[SOUMA.]

انا ع حسب مارني فاهمه من صحيباتي انتاع لجامعه:biggrin::biggrin:
شوفي ختي انتي تقدري تسجلي 2جامعي
مي يبقلك كريدي ف1جامعي
يعني تقراي لعام هاد لموديل الي مطلعتيهمش ف 1جامعي
مع لموديل انتاوعك انتااع2جامعي واذا محبتيش تعودي طرو شارج
عاودي لعام وخلااص وان شاءلله لافيشاج انتاعكم يطلع مليح​

لالا طرو شارج ولا نعاود العام
بصح النجاح راهو بالكريدي كي منخرجش العام ومنعرف
شكرا لك أختي ناريمان
​

 

[SOUMA.]

نورمال اختي يصراو des cas هكدا
مايديليبيريوش حتى لسبتمبر
روحي سجلي في الجامعة نورمال و استناي لافيشاج تماك تعرفي ادا طلعتي و لا لالا​

اوكي اختي ان شاء الله نطلع ادعيولي
​