الشاب جبري و اخرالبومه " مخو فارغ "

[karim073]

​

السلام عليكم و رحمة الله

طبعا من العنوان تعرف بلي رانا نحكو على الفن

ايا قولولي الله يخليكم الفن في الجزائر ولا عفن من بعد ماكان يغني و شامخ و ديما شاعل ( يا الشمعة )

من الشيخ رجعت للشاب

كاين فرق بين سبحان الله يا لطيف و بين نديرك عمري ونسميك مدامتي يو يو يو

و احنا جايبينها غير شطيح ورديح

الشعبي و قاسوه بونبارداوه بالديجي و الراي يبقى طول عمرو راي

بيني وبينكم واش معناها كلمة راي .......

مي الشعبي انا نقلكم واش معناه فن للشعب ومن الشعب يريح البال ويعالج كتير من القضايا

فيه العبرة و فيه من الذكر و الحكم

سؤال : واش رايكم


داني داني دان سكران وعيان


سامحوني على الالفاظ الله غالب الراي خاطي انا :thumbdown:
​

 

[** غزال الصحراء **]

و الله أنا من نقاد الراي و من الذين لا يحتملونه مع إحترامي لعشاقه

خاصة السونتيمونطال و الله ما نحملو

( الراب و الشعبي ) ملاح لأنهم صوت الشعب .
​

 

[BarBi3]

يشرفني ان اكون اول من رد على موضوعك
و الله عندك الحق
ضرك ولينا نحشمو نسمعو هاذ الراي في la voiture
كي نكونو en famille
الصح كاين des chanson ملاح
بصح كاين الخامجين اللي نحتقر روحي كي نسمعهم

مشكووور موضوع جميل
​

 

[H@teM]

موضوع في القمة كل وقت وقتوا ضرك الجيل تاع ضرك
يحب غير الشطيح والرديح وعلى الزهو
بصح انا نسمع بزاف الشعبي وخاصة كمال مسعودي
​

 

[soror]

انا مانسمعش الراي خاطر كلامهم كامل على هاد الحوايج
​

 

[ايمان48]

واش انا من الغرب والرااي هو الاغنية الاصلية لينا المهم انا نعشق الراي والدوفان وعبدو وبلال وناس الغرب كاامل وهدا اللي ما يحبنااش

 

[ايمان48]

واسمه هو كدار جابوني ماشي جبري اتوونسيوون على بلادي نزعف

 

[سماح4]

أنا ما نسمع والوا لا راي لا شعبي لا شرقي لا وااااالو تهنيت ما عندي صالحة فالغنا ....كاين أمور أهم وأشياء كثيرة ترفه بيها على روحك ....نسمع لغنا في لعراس برك.
بصح عندك الحق على الاقل الشعبي الاصيل فيه الاحترام أما الراي يهدرو فيه غير على السكرة حاشاكم.يعني أغلبية اغانيه.

 

[ميسومة الدلوعة]

انا نحب الراي ونموت عليه و تاني سطايفي مي الشعبي ما نحبوسش خلاص عيان بزاف

 

[braidjia34]

ياخويا انا نحب الراي مي ماشي اي راي نحب هواري منار يغني فور و سقسي لي مجرب يغني غنا مليح يعني لي يعرفو يقولي واش ر ايو فيه

 

[programmeur]

محنتي تبغي الروبلا .....ههههههههههه
شوف يا خويا نعرف واحد كان يسمع لوحد الاغنية "التفاح والبعويدة طريق الجامعة مهويدة" هههههههههههههه
بسبابها ولا يشرب ويسكر

 

[karim073]

واسمه هو كدار جابوني ماشي جبري اتوونسيوون على بلادي نزعف

ياك ماخربتش في الدستور ولا جوعت الشعب :biggrin:

​

 

[karim073]

شكرا لكل الاعضاء الذين تفاعلوا .....

صافي بليزير يا الخاوة :001_wub:

 

[karim073]

محنتي تبغي الروبلا .....ههههههههههه
شوف يا خويا نعرف واحد كان يسمع لوحد الاغنية "التفاح والبعويدة طريق الجامعة مهويدة" هههههههههههههه
بسبابها ولا يشرب ويسكر

صح كاي منها

خلي برك ما تزيدش تفضحنا

ربي يهدينا

 

[ايمان48]

عندك الصح ادا سمعت الاخيرة نتاع منار شابة بزاااف

 

[kamely]

انا خاطيني قاع هادوك الراي و الشرقي
انا مهني منهم...نسمعhard rock / metal
كيما three days grace​

 

[jiji 94]

شكرا لك على الملاحظة للشعب المغلق من عضوية مخه ههههههههههههههههه​

 

[maya31]

شوف خويا مام انا ما نبغيش راي
مي كل واحد و يبقى عندو راييو كاين الي يبغيه و كاين الي لا

و شفت عضوة كتيت الراي يمثل الغرب

ختي نقولك كي راكي تقولي هاكي يقولك راي ماشي مليح و ما فيهش كلمات مليحة هادي صح كاين منها ما ننكروش تسما كي نتي راكي تقولي بلي يمتلنا تسما حنا تاني نولو ماشي ملاح و الغرب غير تع زهو و ضحك

اختي حبيبتي جامي تخلطي الغنا مع هاد الحوايج


و الراي كان بكري اما دروك خسروه

ربي يهديهم




​

 

[ملكة زماني]

نقول الصح انا غير القصبة لي تعمرلي راس
داني داني دان سكران وعيان


هذي ماعندها حتى معنى
الغاشي كانل حفظها وعجباتو

 

[ايمان48]

اللي يكره الراي مكانله ادا يسمعه وهادي قلها ابوكا وووو