هذا موقف ممكن يصرالك ادخل واعطيني رايك

[لحن السعادة]

سلام عليكم
هذا بربي ان شاء الله راح يكون اول موضع انا نشارك فيه
تخيلو معايا يا البنات انك تحبي واحد والواحد هذا بعيد عليك بزاااااف في ولاية اخرى وقبل متعرفيه كنتي حابة تزوري هذيك الولاية وجات فرصة باش تروحيلها قالك باباك اليوم ويكاند هيا وين تحبو تروحو نديكم تحوسو وفي هذاك اليوم كان واحد تعرفوه معاكم في الدار كي انت اقترحتي الموضوع.باباك قبل ورحتو حوستو وجيتو وفاتو ايام توصلك هدرة من لافامي بلي راك حاطة عينك على واحد من هذيك الولاية وهي حكاية مكانش منها اساسا قلقك الموضوع بزاف خصوصا ان الهدرة زادت وتعرفو الناس كي تلقى موضوع تعجن فيه .....
ياسيدي مفاتش بزاف على هذي الحكاية وجاك نهار تعرفتي فيه صح على واحد من هذيك الولاية وكانت مجرد مصادفة وانت جامي حطيتيها في بالك حبتيه :001_tt1:وبيناتكم مشروع زواج :thumbup1: في هذا الوقت جاو يخطبو فيك كيما يقولو عريس ميتفوتش وانت مقبلتيش لقيتي الهدرة القديمة خرجت
وظرك فات واحد العام وشهور والايام راكم عارفين تجري منحسولهاش وهذا الي تحبيه راح يجي يخطب وراك خايفة تثبتي التهمة عليك بلي من قبل تعرفيه وكيما تعرفو هذي هدرة ماشي ساهلة واش رايكم واش ديرو في هذا الوضع
الكل يجاوب يا البنات ويالرجال

 

[هاوية المنتديات]

أنا بنسبة ليا حاجة متيقنة منها ومرتحتلها نديرهم برغ من كلا الناس لأنو مراهم يعيشو فيا ولا راهم يوكلو فيا
لأنو لوكان تسمعي كلام الناس عمرك ماراح تكوني مرتاحة لأنو عمرهم ماراح يبطلو هدر
وفالأخير هادا مجرد رأيي​

تقبلي مروري​

 

[عطر الندى]

والله انا واش دخلني فالناس ما عندي منديرلهم الناس تقعد تهدر مهما نديرو ​

 

[بحر الأحزان]

بالنسبة ليا إذا كنت نحبو وحاسة بلي راح نعيش معاه حياة كلها سعاد وهناء فالناس اخر إهتماماتي لأنو راحتي وقراراتي قبل اي شيء
لحياة تخلاص وهدرت الناس متخلاص
هات برك يلقاو موضوع يبداو يكسرو في جوز فوق راسك
ولي يتبع هدرت ناس في حياتو مراح يعيش نهار مسقم راح يحس بأنو ديما مقيد ومخنوق​

 

[●¦[ الــفـــارس ]¦●]

لي يسمع لكلام ناس رايح يقعد روطار

كل واحد يدير لي في راسو ​

 

[لحن السعادة]

مرورك أصديقائي عطر صفحتي
بصح تخيلو معايا داركم ميقبلوش لسبب معين تكون في مقبلوش تعشي في هدرة الناس
شكرا لكم وربي يهنيكم ​

 

[بحر الأحزان]

مرورك أصديقائي عطر صفحتي

بصح تخيلو معايا داركم ميقبلوش لسبب معين تكون في مقبلوش تعشي في هدرة الناس

شكرا لكم وربي يهنيكم ​

شوفي أختي أهلك إذا كانو يحبوك محال يوقفو حيط بينك وبين سعادتك لأنو هم كبار وعاشو وعندهم خبرة أكثر منا في الحياة ويعرفو بلي ماكنش واحد سلم من هدرت ناس​

 

[لحن السعادة]

بحر الاحزان مرورك افرحني ورأيك أراحني
شكرا لك

 

[سوميثا]

أنتي عملي الي يريحك و كلام الناس ما عندك فيه كي يلقاو حكاية جديدة ينساو الي فاتو يبداو التمنشير في الشىء الي جديد

 

[BarBi3]

ماديريش على الناس و الله تمرضي روحك برك
الناس يهدرو سمانة عليك و شهر على وحدة خرى
ما توقفيش حياتك و سعادتك على هدرتهم
ديري واش تحبي و واش يقولك راسك
و اذا على داركم اذا قبلتي انتي ماشكيتش يرفضو
و اللي فيه الخير يقدمولك ربي ان شاء الله


​

 

[لحن السعادة]

سوميثا وbarbi3 ربي يهنيكم ان شاء الله شكرا على رئيكم
وربي يجيب يلي فيه الخير ان شاء الله

 

[nina bonoise]

وش دخلني في هدرة الناس
انت ديري لي عليك و اخطيك من القيل و القال

 

[هشام مادي]

ارضاء الناس غاية لاتدرك.
وادا كنت صاحبة هدا الموقف ديري واش يخرج عليك متشوفيش للناس بالتوفيق اختي الكريمة.

 

[دلال سطيف]

والله انا واش دخلني فالناس ما عندي منديرلهم الناس تقعد تهدر مهما نديرو

 

[Dj katia]

happen like this with u
??

wallah maw9ef s3ib mais momken nachr7elhom

w n9oulelhom kolech kan perchance

thx
​

 

[لحن السعادة]

وش دخلني في هدرة الناس
انت ديري لي عليك و اخطيك من القيل و القال

يعيطك الصحة على الرد ومرورك الطيب
ربي يجيب يلي فيه الخير ان شاء الله

 

[لحن السعادة]

ارضاء الناس غاية لاتدرك.
وادا كنت صاحبة هدا الموقف ديري واش يخرج عليك متشوفيش للناس بالتوفيق اختي الكريمة.

شكرا لك ربي يحفظك لوالديك الواحد يدعي ربي ويقول ربي سهل

 

[لحن السعادة]

والله انا واش دخلني فالناس ما عندي منديرلهم الناس تقعد تهدر مهما نديرو

راكي تشوفي هدرة الناس عادت موضوع الساعة واش ديري معاهم يلقاو حاجة يجبدوها هات برك يلقاو واحد يبداو يخرجو في الدعايات عليه وميرحموهش
يعطيك الصحة على مرورك

 

[لحن السعادة]

happen like this with u​

??​

wallah maw9ef s3ib mais momken nachr7elhom ​

w n9oulelhom kolech kan perchance​

thx ​

شوفو الدنيا موقف كيما هذا على قد ماهو بسيط على قد ماهوصعيب كي تدخل فيه الهدرة الناس
وشكون راح يفهمهم بلي مصادفة والله مصادفة مع العقلية كامل نعرفوها
شكرا على مرورك الطيب الذي عطر صفحتي

 

[djillo20]

هي لوكان نجو ف الصح تاع الصح الي كاتبها ربي مرحبا بيها