بكل صراحة واش رايكم في هاذ الشخصية؟؟؟

[Happy Girl]

السلام عليكم ........
:confused1:يا أخواني وأخواتي نطلب منكم تقييم شخصي احد زملاء العمل .....
العمل معاه مستحيل نطيكم مثال كي تطلب منو مساعدة يقبل على الفور اوتبان عليه علامات الرضى بصح كي ييكمل يشك في روحو ولا يشك بلي طلبتي مساعدة تاعو لهدف اخر مانعرف :confused1:..يروح يمنشر فيك او يتحدث على عيوبك او زعمة بلا بيه مانديرو والو او يعجبك الحال كي تصارحو ينفي واش قالو عليه
والعجيب يزيد ينتقم منك بطريقة نسائية ........مثلا يسنى ويكتا جي الفرصة باه يحشمك قدام المسؤولين باه ماتقدر ديرلو والو بصح باه يواجه فاس A فاس جامي ........
ويلا واجهناه يهرب بمعنى الكلمة ........و الله غير ساعات نحس روحي راني نخدم في الحمام معاه الخدمة غير بالقيل والقال
المشكلة انو عندو فراس ingenieur en mecanique متزوج لاباس عليه مخسرينو طبايعو ........... مافهمتش حب الانتقام من كل واحد بدون سبب فسرولي حالتي باه مانظلموش

 

[mir@cle]

أولا في حكاية "يمنشر فيك قدام الغاشي" فالمفروض مايغيضكش الحال لسببين ..الأول من ناحية الدين فهو بالتمنشير هذا من وراك يخفف من سيئاتك ..يعني ربي سبحانو يجيبلك حقك منو أول بأول ....وثانيا صدقيني الراجل اللي دائما يهدر في عيوب الناس من وراهم باستمرار يصغر في عيون الناس حتى لو كانت العيوب اللي يذكرها حقيقية ... ومدام يوصلك وش راه يقول عليك فأكيد الناس مش دايرة لكلامو اي أعتبار وكشفوه أمامك باش تصارحيه...اما النفي بعد ماصارحتيه فهذا شئ متوقع وأنا ماضنيتش راح يعاود يدير نفس الشي ..أو يمكن يديرو بالصح يكون هادي المرة محتاط أكثر وحذر لا يوصلك الكلام
أما حكاية التحشام قدام المسؤولين فمن قالك أنها طريقة نسائية ؟؟؟ هي لاطريقة نسائية ولا رجالية... هي طريقة طفولية..وحلها هو انك تتجنبي الأمور اللي ممكن ينتقدك فيها امام المسؤولين وماتبينيلوش عيوبك ..و تصارحيه مباشرة وتسأليه "وش اللي مضايقك مني بالضبط؟؟؟" ... لأنو مستحيل الأنتقام هذا يكون غير مبرر ..والا فهذا مرض نفسي في هاذي الحالة ادعيلو ربي يشافيه ويهديه ​

 

[لحظة أمل]

الاخ ميراكل قال كلش
وكل واحد وطبايعو ومستحيل تقدري انتي والا غيرك تبدليه
لأنه الطبايع جبل والجبل مايتبدل مايتكسر اصبري
وفرات ماش رايحة اطيح النيفو كيفو واللي يقدر يسامح
ومايهزش في قلبو يعيش مرتاح البال وحقو او عند ربي يديه
​