فيقو مع رواحكم شوية

[فريد43]

السلام عليكم واشراكم لباس شوية عليكم
انا حبيت نفتح هاذ الموضوع اكثر من مرة ومن بعد نبطل
نبداو بسم الله

خاوتي انا واحد من الناس الي ماقدرتش نفهم الاكثرية تاع الاعضاء يعني تلقا عضو عندو شهرين ولا ثلاثة ملي سجل روحو هنا في اللمة وتلقاه عندو مشاركات 2000 ولا اكثر والاغلبية ماشي مواضيع تلقاهم ردود يعني هاذيك الكلمة تاع مشكور على الموضوع نورت الصفحة وكاين وكاين بلا ما نحكي على هاذي انا يظهرلي بلي نديرو مواضيع نفيدو ونستفادو منها ماشي نبقاو غير مارسي وهاذاك التبلعيط تاع الهدرة على خاطر ماعندهم حتى فايدة وفي الاخير نقول لجميع الاعضاء اسمحولي اذا قست واحد منكم وارجوا ان تتفهموني

ربي اكون في عون المنتخب الوطني
​

 

[قط بلا وذنين]

يسرني ان اكون اول من يرد و اريد ان اقلك عندك الصح في هذي

 

[bessmounette]

صح كاين مواضيع تستهل النقاش بصح كاين بعض لمواضيع ماتستهلش النقاش يعنى كل موضوع وكيفاه
مشكوررر
​

 

[wahid47]

مشكور أخي وعندك حق انا من رأيي الأحسن يكون عدد المواضيع اكتر من الردود

 

[فريد43]

يسرني ان اكون اول من يرد و اريد ان اقلك عندك الصح في هذي

اسعدتني زيارتك اخي بصح نتمناو تتنحا هاذ الاشكالية :confused1:
​

 

[فريد43]

صح كاين مواضيع تستهل النقاش بصح كاين بعض لمواضيع ماتستهلش النقاش يعنى كل موضوع وكيفاه
مشكوررر
​

وانا ثاني راني معاك في هاذي بصح المشكل الكبير ماكانش مناقشة في المنتدى يعني تتعب مع موضوع باش تكتبو وتلقا واحد افوت عليه ويقولك ماااااااااارسي شغل راهو خارج مجال التغطية
​

 

[nada242008]

صح يا خويا عندك الحق بصح مش كل المواضيع تحتاج الى نقاش .كاين مواضيع فيها معلومات ولا وصفات طبخ ماعليك غير تشكر صاحب الموضوع. وانا نشوف بلي مش شرط تعود عدد المواضيع اكثر من الردود يعني ماكلاه الواحد يدير موضوع فارغ
تقبل يا اخي ردي .مع كل الاحترام لرأيك

 

[فريد43]

صح يا خويا عندك الحق بصح مش كل المواضيع تحتاج الى نقاش .كاين مواضيع فيها معلومات ولا وصفات طبخ ماعليك غير تشكر صاحب الموضوع. وانا نشوف بلي مش شرط تعود عدد المواضيع اكثر من الردود يعني ماكلاه الواحد يدير موضوع فارغ
تقبل يا اخي ردي .مع كل الاحترام لرأيك

انا ماقلتش كامل اختي انا قلت كاين اعضاء معمرين المشاركات تاعهم غير بكلمة مارسي واخواتها يعني تلقايه عندو 20 موضوع ومن جهة اخرى عندو 1600 ردود
وانا على حساب ماراني نشوف ضرك الناس الي عندهم مشاركات بزاف ماحبوش اردو علي على خاطر زعفوا مني (انا راني نقصد الردود تاع مارسي واخواتها )مانيش قاعد نعمم
​

 

[Iman89]

يعطيك الصحة خويا فريد على الطرح
مي العقلية لي دايرة حالة هاد ليامات عادت الردود بالمعارف يعني مايشوفو لا للعنوان لاوالو يشوفو شكون صاحب الموضوع وادا كان واحد من معارفهم يجريو يردو عليه هاد الانانية ان صح التعبير راح تقضي على بزاااف اعضاء وماتخليهومش يبانو...تقبل مروري...دمت بود

 

[سوميثا]

في بعض الأحيان كلمة شكر تعبر على ألف كلمة وزيد تاني لوكان جاو كامل يكتبو مواضيع ماراح يبقى حتى واحد يرد ومن بعد يوليو يكتبو علاش ما تقيموش المواضيع ؟ وعلاش ما تردوش على المواضيع نتاعي ولو بكلمة شكر؟ و زيد تاني الجديد راه ديما كاين و الي ما عندوش واش يكتب ماكالاه يدخل يبلعطنا كاش تبلعيطة ويقول هذا موضوع و كي يتحذف على خاطر ماشي موضوع يقولك علاش حذفتولي موضوعي ؟
تقبل مروري و شكرا

 

[مسعود-92-]

عندك حق فى ان بعض المواضيع تافهة
كل واحد وعقليتو ميش الناس اكل كيف كيف
لكن انت وش عليك
عادي الي ميعجبكش متردش عليه شيء عادي
وربي يجيبها فى الصواب
وشكرا علي الموضوع
​

 

[karim073]

يعطيك الصحة خويا رايك صواب وماكش غالط

لازم نطوروا و نرتفيو بالردود و هذا اذا كان فيه مواضيع تستاهل طبعا

لانو أغلبية المواضيع حدث ولا حرج

تقبل مروري​

 

[فريد43]

يعطيك الصحة خويا فريد على الطرح
مي العقلية لي دايرة حالة هاد ليامات عادت الردود بالمعارف يعني مايشوفو لا للعنوان لاوالو يشوفو شكون صاحب الموضوع وادا كان واحد من معارفهم يجريو يردو عليه هاد الانانية ان صح التعبير راح تقضي على بزاااف اعضاء وماتخليهومش يبانو...تقبل مروري...دمت بود

خلي برك الي في القلب راهو في القلب وكيما قلت حتى في الردود تلقى فيها المعريفة شغل راك رايح تعطيه خدمة كي يرد ولا مايردش انا نظن بلي المنتدى داروه باش نتناقشو في بعضانا ماشي باش نبجلو واحد على واحد شوفي انا واعوذ من كلمة انا مانقراش اسم صاحب الموضوع المهم كي نروح ونطل على موضوع او يعجبني مايهمنيش الي كتبو قدر ما يهمني المغزى
يعطيك الصحة اختي ايمان على المرور
​

 

[فريد43]

عندك حق فى ان بعض المواضيع تافهة
كل واحد وعقليتو ميش الناس اكل كيف كيف
لكن انت وش عليك
عادي الي ميعجبكش متردش عليه شيء عادي
وربي يجيبها فى الصواب
وشكرا علي الموضوع
​

والله يا خويا غير يوجعك قلبك وتنطق بالسيف بصح المشكل ماشي في الي يعجبني ولا مايعجبنيش المشكل في الي يعمرو الردود تاعهم بكلمة مشكوووووووووووووووووووروتلقاه مايتعبش روحو خلاص وهمو الوحيد يطلع ويعود عضو كبير في اللمة
نورت الموضوع اخي مسعود
​

 

[فريد43]

يعطيك الصحة خويا رايك صواب وماكش غالط

لازم نطوروا و نرتفيو بالردود و هذا اذا كان فيه مواضيع تستاهل طبعا

لانو أغلبية المواضيع حدث ولا حرج

تقبل مروري​

ان شاء الله ياخويا يفهموا جميع الاعضاء الهدرة تاعك ويطبقوها لان المنتدى كبير وهرم من اهرام الجزائر الغالية لانه اكبر منتدى يجمع الجزائريين
دمت مميز اخي كريم
​

 

[عطر الندى]

والله غير يعطيك الصحة على هاذ الموضوع
انا تاني روماركيت هذا الشي كاين اعضاء يهمهم برك يزيدو فالمشاركات ​

 

[nina bonoise]

انا اصلا نحب نرد على المواضيع برك
نحب نحكي و نقسر كي يكون موضوع مليح
مرسي

 

[إيـــ م ـــآن]

عندك الحق المواضيع يزدارو باش الناس تعطي رأيها ماشي تقول مشكور

ومشكور على الموضوع :biggrin:​