ترحيب لكل مهندس

[POLIYANA]

السلام عليكم
مليح انو نكون انا اول عضوة نحط موضوع في هاد الفرع من قسم المرحلة الجامعية ..
انا ادرس هندسة صيدلانية سنة اولى ماستر
اي استفسار حول الفرع او حول اي شيء بخصوص الهندسة انا موجودة
سلام ​

 

[ayoub_online]

شكرا لك أختي على الموضوع

و بالتوفيق لك في منتدى اللمة​

 

[الظل الطويل]

شكرااا ليكـ اختي
الحقيقة فرحت لافتتاح هدا الفرع
فرع الهندسة
لاني ادرس هندسة ميكانيكية
ربي يوفقكــــــــ​

 

[amina9008]

شكرا لكي والله فرحت بزااااااااااااف كي لقيتك عندي مدة وانا نحوس على من يجاوبني على استفساراتي

اولا ربي ينجحك في الماستر ولعقوبة للدكتوراه

راني حابة نسقسيك وان شاء الله منكونش ثقيلة ظل

انا من ولاية باتنة ندرس سنة 2 علوم وتقنيات وراني حايرة مع الإختصاص على خاطر معنديش معلومات فالمجال هذا ونتمنى تعاونيني ، انا كنت نقرا فالثانوية علوم تجريبية وبغيت نكمل فمجالي اللي متمكنة فيه اكثر من فضلك قوليلي على الإختصاصات العلمية بلى الهندسة (الكهربائية والميكانيكية والمدنية) وفالحقيقة اختصاصك حيرني ومكنتش علابالي بيه والله نكون ممنونة ليك لوكان تعطيني المعلومات هذو

 

[ayoub_online]

شكرا لكي والله فرحت بزااااااااااااف كي لقيتك عندي مدة وانا نحوس على من يجاوبني على استفساراتي

اولا ربي ينجحك في الماستر ولعقوبة للدكتوراه

راني حابة نسقسيك وان شاء الله منكونش ثقيلة ظل

انا من ولاية باتنة ندرس سنة 2 علوم وتقنيات وراني حايرة مع الإختصاص على خاطر معنديش معلومات فالمجال هذا ونتمنى تعاونيني ، انا كنت نقرا فالثانوية علوم تجريبية وبغيت نكمل فمجالي اللي متمكنة فيه اكثر من فضلك قوليلي على الإختصاصات العلمية بلى الهندسة (الكهربائية والميكانيكية والمدنية) وفالحقيقة اختصاصك حيرني ومكنتش علابالي بيه والله نكون ممنونة ليك لوكان تعطيني المعلومات هذو

السلام عليكم

أولا أنا لست صاحب الموضوع

لكن لا مانع إن أعطيتك نصيحة لعلها تفيدك

بما أننا ندرس نفس الشعبة و لكن أنا أدرس في السنة الثالثة أما أنت في السنة الثانية

فأنا قد اخترت تخصص هندسة مدنية و أظن أنها هي الأحسن من جميع الإختصاصات

فهذا التخصص يضمن لكي مستقبل زاهر رغم أنه صعب نوعا ما

إلا أنه تخصص رائع ولن تندمي أبدا إن اخترت هذا التخصص

وبالتوفيق لك في حياتك الدراسية​

 

[POLIYANA]

السلام عليكم

أولا أنا لست صاحب الموضوع

لكن لا مانع إن أعطيتك نصيحة لعلها تفيدك

بما أننا ندرس نفس الشعبة و لكن أنا أدرس في السنة الثالثة أما أنت في السنة الثانية

فأنا قد اخترت تخصص هندسة مدنية و أظن أنها هي الأحسن من جميع الإختصاصات

فهذا التخصص يضمن لكي مستقبل زاهر رغم أنه صعب نوعا ما

إلا أنه تخصص رائع ولن تندمي أبدا إن اخترت هذا التخصص

وبالتوفيق لك في حياتك الدراسية​

انا معاك في الشي الي راك تقول فيه ان الهندسة المدنية تخصص مليح بالصح ليك نتا كرجل
انا تاني حرت بزاف كي جيت ندير التخصص وحبيت هندسة مدنية بالصح بدلت رايي لقيتها ماتصلحليش انا كفتاة لانو كيما راك تعرف الفتاة في مجتمعنا ماتقدرش تخدم فالطرقات وتتابع المشاريع و........ راك تعرف​

 

[POLIYANA]

شكرا لكي والله فرحت بزااااااااااااف كي لقيتك عندي مدة وانا نحوس على من يجاوبني على استفساراتي

اولا ربي ينجحك في الماستر ولعقوبة للدكتوراه

راني حابة نسقسيك وان شاء الله منكونش ثقيلة ظل

انا من ولاية باتنة ندرس سنة 2 علوم وتقنيات وراني حايرة مع الإختصاص على خاطر معنديش معلومات فالمجال هذا ونتمنى تعاونيني ، انا كنت نقرا فالثانوية علوم تجريبية وبغيت نكمل فمجالي اللي متمكنة فيه اكثر من فضلك قوليلي على الإختصاصات العلمية بلى الهندسة (الكهربائية والميكانيكية والمدنية) وفالحقيقة اختصاصك حيرني ومكنتش علابالي بيه والله نكون ممنونة ليك لوكان تعطيني المعلومات هذو

اهلا بيك صديقتي مينة متشرفة بمعرفتك
ممكن كي تكوني هنا تصلي بيا عن طريق الرسائل الخاصة ونفهمك مليح على الاختصاصات الموجودة ونحاول نجاوبلك على استفساراتك
ماتنسايش راني نستناك :biggrin:
​

 

[amina9008]

سلام راني حابة نرسلك رسالة خاصة مي كتبولي (ليس لديك صلاحية إرسال رسالة خاصة قبل 100 مشاركة)
صح انا منيش حابة هندسة مدنية وكهربائية على خاطر تليق للرجالة انا حابة اختصاص يليق بالمرأة واختصاصك حيرني وعجبني بزااااااااف
قوليلي كي تتخرجي ان شاء الله واش راح تخدمي ، واش هما الإختصاصات لخرين

شكرا ليك واسمحيلي إذا طولت عليك

 

[POLIYANA]

سلام راني حابة نرسلك رسالة خاصة مي كتبولي (ليس لديك صلاحية إرسال رسالة خاصة قبل 100 مشاركة)
صح انا منيش حابة هندسة مدنية وكهربائية على خاطر تليق للرجالة انا حابة اختصاص يليق بالمرأة واختصاصك حيرني وعجبني بزااااااااف
قوليلي كي تتخرجي ان شاء الله واش راح تخدمي ، واش هما الإختصاصات لخرين

شكرا ليك واسمحيلي إذا طولت عليك

معليش امينة معليش
كاشما احتجتي خليلي هنا ونرد على استفساراتك حول التخصص ان شاء الله
انا قريت علوم وتقنيات وهيا فيها 4 تخصات يعني هندسات هههههه
هندسة مدنية génie civile
وهندسة كهربائية génies électrique
وتاني هندسة ميكانيكية génie méquanique
وهندسة طرائق génie des procédés
هادو هوما
انا الحق خممت مليح وسقسيت بزاف هوما كاااااااااااااامل ملاح والله وشفت ميولي وقدراتي لقيت انو الهندسة الميكانيكية والمدينية يصلحو اكتر للرجالة
وتاني كهربائية كيف تاني صعيبة بزاف قالولي متشنشفين فيها بقاتلي اللخرة هندسة طرائق الحق انا ماكنتش نسمع بيها وماعجبنيش اسمها كنت حاطتها ماعرف واش كاش طعزات ههههههههههه
بالصح كي سقسيت واشي هيا لقيتها كيمياء والاسم برك مبدل
وفيها تخصص هندسة كيميائية ويخدمو فالبترول والحوايج هادوك ماشابه
وتاني بيئة وتخدمي في المخابر تاع التنقية تاع المياه وتخدمي في المصانع وراكي تعرفي تاني كلشي من هاد القبيل ....
واللخرة الي درتها انا هي هندسة صيدلانية génie pharmaceutique ونخدمو في صناعة الادوية وتاني في المخابر تاع الادوية وكل شيء متعلق بالدواء وتاني فالمستشفيات في الصيدليات ......
والحاجة المشتركة بين هادو التخصصات انك تقدري تخدمي في اي بلاصة على اساس انك قبل كل شيء راكي تخصص كيمياء بغض النظر عن التخصص الي راكي مدايرتو فيها يعني وين تلقاي تخلاط تقدري تطوني في المصانع بانواعها في المخابر بانواعها في سوناطراك سونالغاز و........ بزااااااااااااف واش نحكي وواش نخلي راني كتبت حتى شبعت عييت :biggrin::biggrin:
نتمنى نكون فدتك ولو شوية برك واعطيتك صورة ​

 

[amina9008]

شكرا راكي كفيتي ووفيتي بارك الله فيك اختي جاوبتي على كل استفساراتي

ربي ينجحك ويعطيك ما تتمناي

 

[amina9008]

POLIYANA rani nsit nsaksik 3la decouverte wach khayarti f 2 eme
année 3la khatar galouli spécialités tat3alak b découverte

 

[POLIYANA]

POLIYANA rani nsit nsaksik 3la decouverte wach khayarti f 2 eme
année 3la khatar galouli spécialités tat3alak b découverte

يخي فالسنة اولى علوم وتقنيات واني نركزلك راهي LMD
والسنة التانية لاسيري الاولى مازالت جدع مشترك علوم وتقنيات ولاسيري التانية درت Génie des procédés
اني قتلك راهي كيميا
والسنة التالتة درت فيها تاني سبيسياليتي génie pharmaceutique رانا نخدمو فالدواء .
وراهم يخرجو فينا خرجات لصيدال وللشركات خلاف بريفي نشوفو ونديرو تقارير على نوع الدوا وكيفاه ووووووو.... ان شاء الله تعجبك وكاشما تحتاجي راني هنا :biggrin:
​

 

[amina9008]

اوكي فهمتك شكرا ليك

 

[Mr mino]

السلام عليكم

شوفي اختي نقلك حاجة الفرع اللي راكي تقراي فيه والله فرع شباب وجديد مي المشكل نتاعه راه lmd

مي نقلك اقراي وعلى ربي هو اللي يوفق

اما في ما يخص الهندسة المدنية انا ادرس سنة خامسة جامعي فرع هندسة مدنية مهندس دولة وكيما قال الاخ

ايوب الهندسة المدنية من الفروع الجيدة مي للراجل المرا صعيبة عليها شويا بويسكو فيها الخرجات

والديبلاصمو عدا مكتب الدراسات هو الوحيد اللي يوالم المرا

المهم ربي يوفق الجميع ولي يحتاج اي مساعدة في الهندسة المدنية نقدر نعاونوا

شكر



​

 

[HOUSSEM_90]

شكرا لك على الموضوع
أنا أدرس هندسة كهربائية

 

[redanet]

[

السلام عليح اختي
ممكن نساعدةك في المجال الهندسة المدنية هي شعبة
كما نقول في مثلنل السهل الممتنع واوصيك لمن يحب هذه الشعبة اة الذهاب اليها فانك تبذل جهدين في ان واحد
جهد الدراسة وجهد الثاني تقوم بازيارات لمكاتب الدراسات والى ميادين العمل chantier) والله يوفق الجميع وشكرا​

 

[redanet]

اسماع 2090 السلا عليك

 

[redanet]

اسماء السلام عليك​

 

[PinkHeart]

ميرسي على هاد الموضوع الهايل ويت نقدرو نفيدو ونستفادو من بعض

حبيت نقوليك اختي بوليانا ولامينه ماكاش اختصاص للرجال وللمرا لالا

حنونه المراه اثبتت نفسها فكل المجالات

وانا طالبه هندسه معماريه تقبلي مروري

 

[POLIYANA]

ميرسي على هاد الموضوع الهايل ويت نقدرو نفيدو ونستفادو من بعض

حبيت نقوليك اختي بوليانا ولامينه ماكاش اختصاص للرجال وللمرا لالا

حنونه المراه اثبتت نفسها فكل المجالات

وانا طالبه هندسه معماريه تقبلي مروري

اكيد لان المرا قدرت تدخل في مجالات بزاف بالصح قصدنا كاينين اعمال تكون صعيبة على المرا خاصة ادا كانت عندها مسؤولية ودار وولاد وكانت الخدمة بعيدة على الدار يعني فيها طرونسبور شوية صعيبة
​

​