حرك قلمك و جرب المتعة تاع الكتيبة

[** غزال الصحراء **]

السلام عليكم و رحمة الله تعالى و بركاته

أنا في بالي بلي أسهل حاجة هي تعبر و تحكي بلهجتك و هاذا لي تلقاه في

منتدى واش راك تهدر

هاذي المرة رايح طول نحكي مع الناس لي جامي دارت موضوع يعني

تلقاه يرد وقاع و كي تدخل للملف الشخصي تاعو تلقى 1000 مشاركة و لا أكثر

غير ردود و موضوع ما كاين يا خويا حرك قلمك صديقي , و الله المتعة تاع الكتيبة ما كانش

كيفها قاع نحي على قلبك عبر ياخي هنا حرية التبعبير ( في حدود معينة طبعا )

أحكي و فاجي على روحك انا كي يكون عندي مشكل و نحكيه هنا نحس بروحي ريحت

و الله لا الغمة تتقلعلي خاصة كي نلقى ناس فاهمتني و مشاركتني أحزاني وأفراحي

و قداه من خطرة نطيحو في مشاكل و حوايج و ما نلقاوش لشكون نحكو و شكون ينصحنا

ها راك هنا مع خاوتك و في أهلك حرك قلمك , شاركنا أفكارك يا اللي جامي درت سوجي

أنا ثاني و الله كنت نجي نتيليشارجي و نروح و كي نكثر نقول ( شكرا على كذا )

بصح بعد ما ذقت البنة و الحلاوة تاع الكتيبة و كيفية توصيل الفكرة من القلم وليت هاوي و مدمن كتابة

و الله أنت اللي جامي درت موضوع ضركا كي تقرى السوجي روح دير



و ورينا واش عندك يا الله يا خويا يا ختي

حركوا أقلامكم النيرة و أرونا إبداعاتكم ..


​

 

[asmaa_h]

و الله يا اخي غزال الصحراء انا نحب نكتب مواضيع لكن مين نجي نكتب ىنلقى روحي خرجت عن الموضوع كامل املا نديقوتي و نبطل كتيبة

 

[** غزال الصحراء **]

و الله يا اخي غزال الصحراء انا نحب نكتب مواضيع لكن مين نجي نكتب ىنلقى روحي خرجت عن الموضوع كامل املا نديقوتي و نبطل كتيبة

صح أسماء هاذي تصرى بزاف و قاع تجينا , مي يليق تحطي راصك و ما تفشليش ما دام

عندك فكرة حابة توصليها لازم توصليها ! و دايمن ريفيزي الموضوع بعد الكتايبة و راني

نتسنى في موضوع من المقطوعين من قلمك .
​

 

[Dr.CrAzY]

عندكــــ الحق وان شاء الله تكون رسالتكــ وصلت للأعضاء
​

 

[** غزال الصحراء **]

عندكــــ الحق وان شاء الله تكون رسالتكــ وصلت للأعضاء
​

ان شاء الله خويا , شكرا على المرور .

 

[صريحة]

انا من الاعضاء الي تحكي عليهم انا نكره نكتب ولا باحر ملقيت واش راح نكتب كلش نقلوه
وزيد درت موضوع واحد في الشعر روح طل عليه فيه رد واحد 22 زائر
على العموم تقبل مروري
​

 

[josefcom]

تسلم يديك على الموضوع الرائع وان شاء الله نشوفو مواضيع جديدة وأفكار جديدة من وجوه جديدة

​

 

[إيـــ م ـــآن]

قبل ما نجي لهاد المنتدى كنت نكتب بزااف ومواضيع طوال وباللغة العربيةا الفصحى مي التفاعل ماكانش gـاع قليل لي يرد عليك ولا يناقشك
مي كي دير موضوع تاع جياحة زوج سطور الغاشي gـاع تلقاه زدم ​

 

[عاشت فلسطين]

الكتابة ليس بالموضوع الصعب وبامكان اي انسان أن يقوم بكتابة أي موضوع أو حتى نقل موضوع من أي مكان آخر ولكن ليس هذه الطريقة الوحيدة لتوصيل فكرتك للناس وأيضا الردود هامش كبير لإيصال أي فكرة تريدها فعندما تكون متصالحا مع نفسك ومع افكارك فانه بامكانك ايصال الفكرة في اي مكان وفي اي زمان وبكل الطرق وتخيل لو قام الكل بالكتابة ولم يعلق احد سيصبح المنتدى عبارة عن مجموعة من المقالات والكتابات شأنه شأن المكتبة المليئة بالكتب القيمة ولكن بدون رواد وقراء وعندما تجد عضو لديه الف تعليق فإنه بذلك يكون قرأ الف موضوع لا تنسى هذه التكملة ...
تسلم كثير لطرحك للموضوع وانا اليوم حاولت اقرأ موضوعك اكثر من مرة لان هناك بعض الكلمات لم افهمها وردي جاء بناء على ما فهمته من خلال موضوعك ومرة ثانية تسلم للموضوع الرائع من العضو الاروع في المنتدى ...​

 

[** غزال الصحراء **]

انا من الاعضاء الي تحكي عليهم انا نكره نكتب ولا باحر ملقيت واش راح نكتب كلش نقلوه
وزيد درت موضوع واحد في الشعر روح طل عليه فيه رد واحد 22 زائر
على العموم تقبل مروري
​

ايه المشكلة تاع الردود هاذيك حكاية وحدة أخرى

المهم صريحة ان شاء الله ديرينا سوجي هنا في القسم رانا نتسناو

تحياتي .
​

 

[** غزال الصحراء **]

تسلم يديك على الموضوع الرائع وان شاء الله نشوفو مواضيع جديدة وأفكار جديدة من وجوه جديدة

​

ان شاء الله يا رب

ربي يعيشك خويا .
​

 

[** غزال الصحراء **]

قبل ما نجي لهاد المنتدى كنت نكتب بزااف ومواضيع طوال وباللغة العربيةا الفصحى مي التفاعل ماكانش gـاع قليل لي يرد عليك ولا يناقشك
مي كي دير موضوع تاع جياحة زوج سطور الغاشي gـاع تلقاه زدم ​

راكي غالطة ! الواحد لازم يعرف كيفاش يطرح الموضوع هذا مكان

و ما تنسيش بلي تقدري تمشي موضوعك بالدعاوت ( عن طريق الخاص )

تحياتي إيمان و رانا نتسناو في الجديد من قلمك .
​

 

[mizora]

عندك الحق خويا انا تاني منهم بصح مازال ما والفتش بالقوانين

 

[** غزال الصحراء **]

الكتابة ليس بالموضوع الصعب وبامكان اي انسان أن يقوم بكتابة أي موضوع أو حتى نقل موضوع من أي مكان آخر ولكن ليس هذه الطريقة الوحيدة لتوصيل فكرتك للناس وأيضا الردود هامش كبير لإيصال أي فكرة تريدها فعندما تكون متصالحا مع نفسك ومع افكارك فانه بامكانك ايصال الفكرة في اي مكان وفي اي زمان وبكل الطرق وتخيل لو قام الكل بالكتابة ولم يعلق احد سيصبح المنتدى عبارة عن مجموعة من المقالات والكتابات شأنه شأن المكتبة المليئة بالكتب القيمة ولكن بدون رواد وقراء وعندما تجد عضو لديه الف تعليق فإنه بذلك يكون قرأ الف موضوع لا تنسى هذه التكملة ...
تسلم كثير لطرحك للموضوع وانا اليوم حاولت اقرأ موضوعك اكثر من مرة لان هناك بعض الكلمات لم افهمها وردي جاء بناء على ما فهمته من خلال موضوعك ومرة ثانية تسلم للموضوع الرائع من العضو الاروع في المنتدى ...​

صديقي , أنت مميز و أنا أعلم هذا .. هناك فرق ما بين من يقرأ المواضيع و يستفيد

منها و من يقول ( شكرا شكرا ) و من يناقشها و يتميز بكلمته في الردود و ربما ردوده

أحسن من المواضيع نفسها ,, يبقى الأمر هو ضرورة إثبات الكلمة و تثبيتها بمواضيع

هذا فقط ما أرمي إليها , شكرا جزيلا على المرور يا غالي و اسف جدا على اللهجة :001_unsure:
​

 

[** غزال الصحراء **]

عندك الحق خويا انا تاني منهم بصح مازال ما والفتش بالقوانين

اهلا بيك , أنتي راكي جديدة و ب60 مشاركة ما نلوموكش ان شاء الله نشوفوك في القمة

و نتسنو مواضيعك , أنا راني نحكي على هاذوك لي عندهم بزاف مشاركات و مبعد ما تلقى

عندهم حتى موضوع ربي يعيشك و يهنيك ختي تحياتي

ملاحظة : واش دخل ( ما والفتش بالقوانين ؟؟ ).
​

 

[كلي امال]

السلام عليكم و رحمة الله تعالى و بركاته ​

واش نقولك انا كنت نكتب غير ردود قصيرة و من بعد بديت نحط ارائي كيماه نشوفها في الصح و خاصة في مواضيع النقاش و بفضل مواضيع تاع اعضاء هنا تحمست و قلت نكتب مواضيع كتبت زوج مواضيع من بعد مالقيتش عليهم الردود اللي تزيد تحمسك و تزيد تكتب امالا مازدت كتبت مازدت خممت نكتب و حتا ردودي نقصت

سلام​

 

[nina bonoise]

انا و الله يجي في بالي موضوع
كي نبدا نكتب نخرج على مضمونه ههههه
نولي نفاصي كلش

 

[** غزال الصحراء **]

السلام عليكم و رحمة الله تعالى و بركاته ​

واش نقولك انا كنت نكتب غير ردود قصيرة و من بعد بديت نحط ارائي كيماه نشوفها في الصح و خاصة في مواضيع النقاش و بفضل مواضيع تاع اعضاء هنا تحمست و قلت نكتب مواضيع كتبت زوج مواضيع من بعد مالقيتش عليهم الردود اللي تزيد تحمسك و تزيد تكتب امالا مازدت كتبت مازدت خممت نكتب و حتا ردودي نقصت

سلام​

هاذي بكري شويا كانو المواضيع ما يلقوش الإهتمام , مي ليوما راني شايف بلي

موضوع في مدة قصيرة يفوت ال20 رد مهما كانت الطبيعة تاعو ,, ان شاء الله ما

تحبسيش الكتيبة تحياتي الخالصة و شكرا على المرور .
​

 

[اسمه_ان]

شكرا لك اخي ان شاء الله يكوون تفاعل أكبر وكتابة أكثر​

 

[** غزال الصحراء **]

انا و الله يجي في بالي موضوع
كي نبدا نكتب نخرج على مضمونه ههههه
نولي نفاصي كلش

اهلا لينة

وي هاذي راهي قالتها العضوة ديجا يعني مشكل عادي و يصرى لكل واحد , مي ما

يليقش تفشلي عاودي أبني الفكرة و أبعثى

:biggrin:
​