ماشي غير انت يالبحر اللي راك تعاني...الجزء1

[tarek 09]

............


.....

..

.

جيتك يا البحر غير باه تصبرني

الساعة رجعت أنا نصبر فيك


راني حاس بحالك راك غايضني

ران حاس بلي راه صاري فيك

منين راح الصيف ورجعت الشتا وليت وحداني

الغزلان اليوم الكل هجرت عليك

ماشي غير انت يالبحر اللي راك تعاني

حتى أنا الحgرة هي اللي جابتني ليك

حتى أنا حبيب قلبي راح وعاداني



ونسى بلي كان معايا فالحب شريك


مازلت نتفكر بلي راح وخلاني

ولو نعدلك همي يا البحر في همك انسيك

حاكم الورقة نكتب والدمعة في عياني

يالي بكيتي هدا القلب تدور الدنيا ونبكيك

علاه راك تبكي
الوليه هي اللي تبكي وتزيد
الخالي دارو مازالو واقف وصنديد

صابر لربي مالgري قلبو مجراح
الخير فاضل وكل يوم كاين جديد
واللي بغات تروح من عندنا مسموح

غير تروح وانشوفوها وين توصل

ومع التالي نشوفو كيفاش تخلاص عليها
اللي هربت على الرجال لابد تحصل
وتبكي بالدموع على اللي ضاع من يديها
الراجل ماجاياش يبكي ويحلل

الخالي دارو عمرو المرا مايركع ليها
بغات تروح ..الطريق راه يفوت جمل وندعولها ربي يهنيها
فيق يا الرايس فيق وين راك رايح على راسك

ناس بكري قالو
محنة تنسي محنة حتى للقبر

الى اللقاء في الجزء الثاني






​

 

[dahman kz]

مشكور طارق خويا على القصيدة والكلمات الرائعة
يعطيك الصحة.
​

 

[SO GooD]

(الشيخ الهامل )

بارك الله فيك خويا


​

 

[لحظة أمل]

حتى أنا حبيب قلبي راح وعاداني
ونسى بلي كان معايا فالحب شريك
مازلت نتفكر بلي راح وخلاني
ولو نعدلك همي يا البحر في همك انسيك
...
merci wrak 4 nta3 essah
​

 

[فريد43]

الله الله عليك كلمات روعة وما يحس بيهم غير الي مجرب
مرسي خويا طارق
​

 

[tarek 09]

مشكور طارق خويا على القصيدة والكلمات الرائعة

يعطيك الصحة.​

الله يسلمك خويا دحمان
شكرا على المشاركة

 

[tarek 09]

(الشيخ الهامل )​

بارك الله فيك خويا ​

وفيك بركة
وي عندك الحق
شكرا لك اخي على المرور​

 

[tarek 09]

حتى أنا حبيب قلبي راح وعاداني

ونسى بلي كان معايا فالحب شريك
مازلت نتفكر بلي راح وخلاني
ولو نعدلك همي يا البحر في همك انسيك
...
merci wrak 4 nta3 essah​

شكرا لك يا لحظة أمل
حتى انت والرد نتاعك فور
تحياتي لك

 

[programmeur]

باااباااباااابااااباااا هاودي مين راك تجيب هدا الكلام
واش نقولك المخير تاع المخير يعطيك الصحة خوووو

 

[programmeur]

وزيد راني نقاع في الجزء الثاني خوو

 

[أميرة مجنونة]

الله ينورك خويا
طرح في القمة

 

[سماح4]

كلمات رائعة شكرا ليك ....مادامك فاللمة نضن ماكش وحيد.

 

[N@riM@N]

فور فور زيدنا كلمات خرين
هاااااااااااااااااااااااااااااااااااااااااايله​

 

[shahrazad]

شوف يا خـويا و تمعن
قول المولى فقـــرآنو
بدكري القلوب تطــمأن
و يخزي بليـس و عوانو
تفرح من بعــد الحزن
و الخير تتحل بيبانو
ان شالله يا ربي عليك يا خويا طارق
كلامك فووور بزاف
يعطيك الصحة ​

 

[tarek 09]

شكرا لكم على المشاركة في الموضوع

حفيظة شلفية
+
programmeur
+
أميرة مجنونة
+
سماح4
+
ناريمان
+
شهرزاد
الله يعطيكم الصحة​

 

[منار السبيل]

كلمات روعة الله يعطيك الصحة.و ما يحس بيهم غي لي مجرب
merci bien tarek

 

[tarek 09]

كلمات روعة الله يعطيك الصحة.و ما يحس بيهم غي لي مجرب
merci bien tarek

الله يسلمك منار
وشكرا لك على المشاركة