ملودية الجزائر تعود بفوز من خارج الديار وتعمق الفارق في الريادة

[abidou 20081]

حقق فريق مولودية الجزائر فوزا ثمينا عاد به من خارج الديار وبالضبط من ملعب باتنة وبنتيجة 2 مقابل هدف 1 وسجل للملودية اللاعب الحاج بوقش في الشوط الأول بعد تنفيذ تماس على شكل ركنية من اللاعب بابوش ليستغل اللاعب بوقش الوضعية وبقدفة قوية يسكنها شباك الحارس الباتني عويطي وبقيت النتيجة على حالها لغاية إنتهاء الشوط الأول عند بداية الشوط الثاني إستغل لاعبو شباب باتنة رجوع المولودية الجزائرية إلى الخلف للحفاظ على النتيجة المكتسبة ليكثفو الضغط على مرمى الحارس زماموش ليحققو مبتغاهم ويعدلو النتيجة عن طريق اللاعب الباتني أمير بورحلي وبمجرد تعديل النتيجة خرجت مولودية الجزائر من منطقتها لتفرض ضغط رهيبا على الدفاع الباتني بغية تسجيل هدف الفوز وعلى إثر قدفة من اللاعب بومشرة يرتمي عليها اللاعب الباتني عريبي بيده ليعلن الحكم عن ضربة جزاء واضحة وشرعية ينفذها اللاعب بابوش وبطريقة جميلة جدا مسجلا الهدف الثاني لفريق مولودية الجزائر بعدها يشهر الحكم البطاقة الصفراء الثانية لللاعب بابوش ويطرد من المقابلة في لقطة غريبة لم يشاهدها إلا حكم اللقاء بحيث يريد حرمان اللاعب من التعبير عن فرحته ليواصل فريق المولودية ماتبقى من المقابلة ب 10 لاعبين فقط حتى إنتهاء اللقاء بالنتيجة المذكورة 2مقابل 1 لصالح الفريق الزائر مولودية الجزائر
وبهذه النتيجة يعمق فريق مولودية الجزائر الفارق في ريادة الترتيب والعاقبة لمزيد من الإنتصارات لفريقنا المحبوب
​

 

[chinwi90]

شكرا على الموضوع mca a la vie a la mort​

 

[abidou 20081]

العفو أخي الشنوي ربي يخليك وربي يدوم الإنتصارات وبربي نفرحو إن شاءالله دمت ​

 

[el chinwi]

مبروك علينا وانشاء الله الفرحة تكمل بالربحة نتاع الحراش
بصح وين راهو عمرون

 

[el chinwi]

ومبروك على الباتنية لشرف تسجيل اول هدف على الحارس زماموش الذي بقيت شباكه نظيفة طيلة اللقاءات الماضية

 

[abidou 20081]

مبروك علينا وانشاء الله الفرحة تكمل بالربحة نتاع الحراش
بصح وين راهو عمرون

ما تخافش كامل يهنو بربي إن شاء الله مايكون غير الخير بصح قبل الحراش كاين إتحاد العاصمة
وراهم مرقوها الحكام يخدمو على فرق أخرى والبطاقات لي داتهم المولودية فالماتش مارقين بزاف
باش مايلعبوش الماتش الجاي
بالنسبة الباتنة لي سجلت على زماموش الهدف الوحيد مند بداية البطولة خويا نقولك ماكانش منها رايح تكمل الشامبيونة حتى واحد مايمركي عليك وهذي جامي صرات فالعالم وكان الشرف لفريق شباب باتنة ولي أمير بورحلي باش يكون هو لي يسجل الهدف الوحيد على زماموش
بربي إن شاء الله الفرحة هذا العام إذا ماكسروناش الإنتهازيين كيما رانا نشوف غير يسمعو المولودية راهي مليحة يكلبو والعياذ بالله الله يلهيهم في رواحهم

 

[el chinwi]

ما تخافش كامل يهنو بربي إن شاء الله مايكون غير الخير بصح قبل الحراش كاين إتحاد العاصمة
وراهم مرقوها الحكام يخدمو على فرق أخرى والبطاقات لي داتهم المولودية فالماتش مارقين بزاف
باش مايلعبوش الماتش الجاي
بالنسبة الباتنة لي سجلت على زماموش الهدف الوحيد مند بداية البطولة خويا نقولك ماكانش منها رايح تكمل الشامبيونة حتى واحد مايمركي عليك وهذي جامي صرات فالعالم وكان الشرف لفريق شباب باتنة ولي أمير بورحلي باش يكون هو لي يسجل الهدف الوحيد على زماموش
بربي إن شاء الله الفرحة هذا العام إذا ماكسروناش الإنتهازيين كيما رانا نشوف غير يسمعو المولودية راهي مليحة يكلبو والعياذ بالله الله يلهيهم في رواحهم

ميرسي خو يا عبيدو وحتى لو يعطينا مئة بطاقة
الشمبيونا لينا برك والانتهازيين ماعندهم مايديرو حنا ملبكري مالفين بيهم

 

[chinwi90]

العفو أخي الشنوي ربي يخليك وربي يدوم الإنتصارات وبربي نفرحو إن شاءالله دمت ​

امين ان شاء الله
مناش ملاح​

 

[abidou 20081]

ديما قولها وعاودها ماناش ملاح بالنسبة للخلاطين تاع الصح والفنا مايديرو والو إذا اللاعبين فاقو بالعفسة
بصح كاين نقطة نقولهالك من درك تاع الحكام يبداو يكسرو فينا ماشي غير بالبطاقات ودرك تشوف
زكارة ماراناش راكعين برك ومنين نجيبو الشامبيونة بربي نجيبوها رجلين وعرق ماشي كابة
دمت ربي يخليك *

 

[karim007]

ميرسي خو يا عبيدو وحتى لو يعطينا مئة بطاقة
الشمبيونا لينا برك والانتهازيين ماعندهم مايديرو حنا ملبكري مالفين بيهم

ههههههههههه بركا متضحك فينا :thumbdown:
​

 

[abidou 20081]

ههههههههههه بركا متضحك فينا :thumbdown:
​

واش هو المضحك هنا خويا ماعجباتكش واحد يحب فريقو ولا كيفاش هذي وأنا نظن هذ الهدرة لي قالها مامس حتى واحد خلونا من لحوايج تاع الإستفزاز لي ماعندها حتى معنى يرحم والديكم​

 

[el chinwi]

ههههههههههه بركا متضحك فينا :thumbdown:
​

واش ماكش مليح خويا كريم

 

[من الماضي]

الف الف الف الف مبروك لاروع نادي و احسن انصار

العقوبة للشمبيونا ان شاء الله هذا العام عامنا​

 

[abidou 20081]

الف الف الف الف مبروك لاروع نادي و احسن انصار

العقوبة للشمبيونا ان شاء الله هذا العام عامنا​

ربي يبارك فيك وربي يدوم لفراح إن شاء الله بصح دايما نقولو ماناش ملاح 2
بربي إنشاء الله الشامبيونة هذ العام وتزهى الدزاير كامل ياربي
نورتي الصفحة وربي ينوك دمتي بألف خير وهناء إن شاء الله ​

 

[عمار صادق]

 

[abidou 20081]

شكرا على المرور العطر أخي شارب دمت بألف خير إن شاء الله ​

 

[ismail]

مع شناااوة خويا كونك هاااني عندك ما تشوف
وتبقى زهواااني ولبيبليك شايع في قاع لافريك
ولغيورين يحسدو فينا عيناني
في .لاتريبيل تقول راك في الارجنتين.لعلام والعكري
يعطيك الصحة خويا عبيدو نشاء الله فار ديليو شومبيوني

 

[abidou 20081]

مع شناااوة خويا كونك هاااني عندك ما تشوف
وتبقى زهواااني ولبيبليك شايع في قاع لافريك
ولغيورين يحسدو فينا عيناني
في .لاتريبيل تقول راك في الارجنتين.لعلام والعكري
يعطيك الصحة خويا عبيدو نشاء الله فار ديليو شومبيوني

إن شاء الله خويا إسماعيل وقبل كل شيء نتمنى تكون راك لاباس وريحت شوية من الحادث وربي يشافيك إن شاء الله قدر الله ماشاء فعل
في ما يخص فريقنا المحبوب ملودية الجزائر ديما نقولو ماناش ملاح وربي يحفظنا ويسترنا من عينين الحسادين وبربي إنشاء الله شامبيوني وتزهى الدزاير كاملة فار دي ليون ديما فالعلالي وبلاصتها لازم تكون ديما الفوق
ربي يخليك وربي يحفظك خويا إسماعيل دمت *

 

[karim007]

واش هو المضحك هنا خويا ماعجباتكش واحد يحب فريقو ولا كيفاش هذي وأنا نظن هذ الهدرة لي قالها مامس حتى واحد خلونا من لحوايج تاع الإستفزاز لي ماعندها حتى معنى يرحم والديكم​

لوكان جيت تعرفو صح كون متهدرش :angel_not:
​

 

[abidou 20081]

لوكان جيت تعرفو صح كون متهدرش :angel_not:
​

.................