و الله ندخل ونشوف.......؟راك حلفت ادخل وعطينا رايك بصراحة

[serine199]

السلام عليكم

محتاجة رايكم فموضوع مرة بيه إحدى صديقاتي وهي قصة واقعية ممكن تعطوني رايكم او نصيحة ليها رايحا نحكيلكم قصتها
هي علي علاقة مع واحد تقول بلي يحبها وهي تاني تقطعت علاقتها معاه لمدة شهرين ماتعرف عليه والو أمبعد رجع يعيطلها قالها كان عندو شغل زعمة كان يوجد فروحوا باش يخطب بصح الكارثة ان ماشي هي واحدة أخري سمعت من عند أخت كيوجهات قاللها ماكنش منها .طلبت اتشوف عودتل السؤال بصح هدى المرة قاللها صح بصح مانيش انا لروح ماما .جاوبت انت ماعندكش راي سكت قالها واش فيها نتزوج بيكم بين زوج. ومرة ف رمضان ماقللهاش بلي راه هنا هو يخدم ف تيارت كيخرجت شافت مع واحدة ليد فليد ويضحك من قلب كيما قالت هي وكيتقولو ارواح تخطب يقللها راني نوجد فروحي مليح
أنا ماعنديش خبرة في الأمور العاطفية قلت نشوف أعضاء اللمة يعطيونا راي نتاعهم راني نستنا
أنا قلتلها أخطيك منو ووكلي عله ربي ماكاش قدو و زيد يقلك كما تدين تدان
كيما دار لبنت الناس رايح يصرلو فوحدة من العائلة نتاعو

 

[IMANO77]

باينا ختي يتمسخر تخطيه خيرلها ويجيها مكتوب انظف منو

 

[kamilia18]

اول حاجة كيما قلت اختي ان في هذي الدنيا كما تدين تدانثاني حاجة نورمالمن كي قطعها شهرين كانت تنساهثالث حاجة حكماتو متلبس يعني ما بقى منقولك السيد هذا حاب يتمسخر و كي قلقاتو بحكاية الزواج بدا يتهرباختي قليلها ربي يعوضك ابن حلال خير منو يعرف قيمتكو اللي يحوس عليك يجيك للدار متستنايش تروحي عندو

 

[هــــيلدا]

هذا باين بللي تاع بنات قولي لصاحبتك تخطيه وتهني روحها ربي يجيبلها رزقها
وضرك مكانش لي ميحوسش على بنت فميلة أنصحيها تخطي هاذ الحوايج وللي خلق ميضيعش

تحياتي

 

[انسان عادي]

الزمن الي رانا عايشنو يصرا فيه كل شيء والانسان المليحة يصير فيه قبيح اذا من الاحسن الانسان يبعد على

الشر ويغنيلو كيما يقولو واما اذا كان يحبها صح علاش راح لبنت وحدا اخرى الي لسبب واحد وهو انو يلعب ببنات

الناس اما اذا كان حاب يتزوج كيما راه يقول وانو يحبها صحا راح يعمل من اجلها كل شيء وراح يضحي بكل شيء

من اجلها نصيحتي ليها قصدي لصديقتك هذي انها تقلو يقرب من باب الدار احسن ليها وليه ويسهل كل شيء

على روحو اما اذا حبت الغراميات خليها تروح ليه وتكمل معاه وراح تكون نهايتها كيما الي قبلها وممكن اكثر

وقوليلها نصيحة لوجه الله انو زمن الغرميات مات وماتو معاه احبابو
​

 

[serine199]

يعطيكم الصحة علي ردودكم كامل بصح راهو يقول حت ونقولك علي السبة ماكيش رايح تفهميني و يما هي لخطبتلي بنت خالتي .بلاك كشم كاين بينو وبينها العلم لله أنا نصحتها وهي دبر راسها كيما كالها الأخ"اما اذا حبت الغراميات خليها تروح ليه وتكمل معاه وراح تكون نهايتها كيما الي قبلها وممكن اكثر" ننتظر أراء واحد اخرى نشالله

 

[فؤاد الورقلي]

السلام عليكم


لو كان جا يحبها راه خطبها من اول مرة قبل ما ينافسوا فيها شخص اخر كاين شباب يحبوا يقصرو ببنات الناس تلقاه في كل شارع داير وحدة ويهدر معها ولكن مش راح يخطب اي وحدة فيهم واذا سالتوا يقولها كيفاش نخطب وحدة كنت نمشي معها وممكن راح تخوني كي نتزوجها هذا الكلام كل الشباب يقولوه مع البنات ليقصروا بيهم لذا ديروا بالكم مليح يا بنات من هذا النوع من الشباب والله يهدي

شكرا اخت وفقك الله وابعد عنك اولاد الحرام


السلام عليكم

 

[406_nassim]

يا الاختي وهي وعله تتكلم معاه في تلفون وادا يحبهاا قليلها تقلو ادا تحبني تعرف الدار وتعرف بابا وخلاص متزيدش تعيطلي

ونبعد يخمم يقول هدي بنت فمليا ويجي يخطب

 

[Dr.CrAzY]

تحير صحـــ باينة تمسخيرة من لول
تشوف ويشوفها ومع طفلة أخرى و يضحك ومانعرف وش
وش التخربيط لي مدايراتو في روحها
كلمة وحدة تجي تخطبــ ولا لا
اذا قال لا ربي يسهل ابعد ياشر
اذا قال وي الله يباركــ
مش لحلال خير !!!!!!
​

 

[ملكًة الاحسآس]

باينة ،فاش راها تسنى درك ياك شافتو بعينيها مع واحدة خلاف
لوكان جا يحبها يخطبها من الاول.
انت اهدري معها ونصحيها باش تنحيه من راسها على خاطر هذا واحد نتاع تمسخيــــــــــــر​

 

[كرستين]

السلام عليكم
هذي صاحبتك لازم تبعد عليه في اقرب وقت ممكن
علاه منتقوش الله في انفسنا و منعطوش لنفسنا قيمة
الا حنا ما قيمناش نفوسنا ما كانش لي راح يقيمنا

 

[*قطر الندى*]

باينة يتمسخر بيها
قوليلها اخطيك منه و ربي عنده ييسر

 

[ASMA17]

ياختي راهي باينة هادا راح حاب يتمسخر
تخطيه خيرلها
و كيما قلتي كاين ربي و هو لي غادي يخلص فيه

 

[nina bonoise]

قلها تخطيه و تتهنى

 

[جامع الأفراح]

باينة أكيد و مؤكد غير تبعد عليه ولا كاش ماسرى بيناتهم؟

 

[أميرة مجنونة]

من :انسان عادي :وقوليلها نصيحة لوجه الله انو زمن الغرميات مات وماتو معاه احبابو *الله يرحم هاداك الفم لي خرجت منه هاد الجملة *
ماعندي مانزيد نقول وصيها باش تنحيه من راسها هادا ماكان.

 

[fahima m]

خليك منو الي باعك بيعو والي شراك اشريه واعرف دائما وما تنسايش
خووووووووووووووووووه في السسسسسسسسسسوق

 

[MIRNA816]

خليها منو خيرو في غيرو و ربي يعوضها بواحد يستاهلها بولد لحلال

ربي يحفظ جميع بنات المسلمين

 

[ملكة زماني]

هذا مكانش من دعوتو خلاض خير تخطيها منو

 

[سماح4]

هذا راه يتمسخر بصراحة تخطيه خيرلها غير تضيع وقتها معاه