الثقة بالنفس

[صانعة الاحزان]

بسم الله الرحمن الرحيم



هنبدأ مع أول موضوع ممكن يهم الشباب و هو ازاي يقدر الواحد يقدر يحقق الثقة بالنفس ليهلازم كل واحد يعرف إن الثقة بالنفس مش بتتولد معانا .. دي بتكون نتائج اكتسبها الشخص و طوّرها جواه علشان في النهاية تلاقي شخص معندوش صعوبة في التعامل مع الآخرين , متأقلم مع أي زمان و أي مكان , يقدروا يسيطروا على قلقهم.
بعد كده لازم نقول تعريف مهم , يعني إيه انعدام الثقة بالنفس
انعدام الثقة في النفس عبارة عن سلسلة مرتبطة ببعضها بتبدأ بـــ :
لكن هل انت فكرت مرة واحدة إنك تحاول تتخلص من الأفكار السلبية اللي عندك .. لازم تعرف إن التفكير السلبي ده زي ما تقول كده موت بطىء بالنسبة ليك , بتحطم بيه طاقتك و دوافعك .. علشان كده لازم تفكر و تبدأ مع أول خطوة لحل المشكلة : 1- انعدام الثقة بالنفس 2-التفكير في إن اللي حواليك شايفين و عارفين كل سلبياتك و إحساسك إن كل الناس بتبص ليك انت بس و ده بيؤدي للنقطة الثالثة 3-القلق بسبب الإحساس و تفاعلك معاه و ده بيتمثل في إنك بتعمل سىء أو تصرف ضعيف غيرمسؤول 4-الإحساس بالخجل من النفس , و ده بيؤدي إنك ترجع لأول نقطة خالص و هي انعدام الثقةبالنفس يعني زي ما قلنا سلسلة مرتبطة ببعضها .
أولاً : تحديد مصدر المشكلة
الإحساس ده ياترى مصدره إيه ؟ هل مصدره موقف محرج اتعرضت ليه زي الاستهزاء أو الإحراج أو مقارنتك بناس تانية .. هل السبب مثلاً فشلك لحد ما في الدراسة ؟ ..أو إن أحد المدرسين وجهلك انتقاد جرحك قصاد أصحابك و زمايلك ؟ ..و ياترى الإحساس ده لسه زي ما هو جواك ؟
أسئلة كتيرة جداً و دي أمثلة منها .. لازم تحاول تشوف كل الأسئلة دي و توصل لإجابات للأسئلة دي .. لازم تكون صريح مع نفسك و متحاولش تحمل أي حد تاني أخطاءك .. لازم تعرف إنك لو عملت كده مش هتوصل لحل سليم.حاول ترتب أفكارك , مثلاً استخدم ورقة و قلم و اكتب الحاجات اللي تفتكر إنها السبب في المشكلة دي .. كل سبب رئيسي أو فرعي كان سبب في المشكلة دي لازم تحدده.
ثانياً : البحث عن حل
بعد ما حددت مصدر المشكلة , تبدأ في إنك تدور على حل , و لازم تعرف إنك أول ما تحدد المشكلة بشكل صحيح هتبدأ تلقائياً في إنك تفكر في حل للمشكلة بس لو فكرت بشكل مظبوط في أسباب المشكلة ومن الأساليب اللي تخليك تقدر تفكر بشكل مظبوط حاول تشوف مكانهادي تقعد فيه و تحاور نفسك و ترتب أفكارك .. ياترى إيه اللي ممكن يخليني أسيطر على الشعور اللي جوايا و أقدر أثق بنفسي ؟
لو كان أصحابك أو قرايبك مثلاً من الأسباب في الإحساس ده , حاول إنك توقف الإحساس ده لأنه مش هيفيدك في الوقت الحالي لكن بالعكس هيهدم ثقتك بنفسك ويوقف تفكيرك في التخلص من المشكلة دي
ممكن تجرب الطريقة دي .. كلم نفسك و قول :
- لازم يكون عندي ثقة بنفسي و بقدراتي
-لازم أتخلص من الجانب السلبي في حياتي
ثالثاً : ثقتك بنفسك أساسها اعتقادك
قبل ما نكمل لازم تخلي بالك من شىء مهم , و هو إنك لازم متتكلمش كلمة واحدة ممكن تهدم ثقتك بنفسك لأن
الثقة بالنفس عبارة عن فكرة .. فكرة جوا دماغك .. حاول تزرع جوا دماغك إن لازم تغير الجانب السلبي من حياتك و تبني أفكار تديك دفعة بالنسبة ليك في التخلص من الجانب السلبي ده.
حاول إنك تنظر لنفسك على إنك شخص ناجح و واثق بنفسك و اسمع كلام نفسك و ابعد عن الكلام المحبط .. اعرف إن ارتفاع روحك المعنوية مسئوليتك انت بس مش حد غيرك علشان كده حاول دايماً إنك تكون سعيد متفكرش في حاجه تحبطك .. اعتبر إن الماضي ده كان وقت و عدّى و فكر في اللي جاي و اعرف إنك لازم تكون متسامح .. تقدر تسامح أهلك , قرايبك, أصحابك ممكن تسامح أي حد لأنك انت مش مسؤول عن الجهل و الضعف اللي عندهم و اللي أدى إنهم يقولولك كلام يحرجك و يحبطك حاول برضه إنك متقارنش نفسك بأي حد تاني أبداً .. حتى لو كلام بس جواك .. علشان متضيعش ثقتك بقدراتك و اعرف إن مفيش بشر عبقري و (بتاع كله) .. يعني لازم تركز على اللي بتقدر تعمله بس و حاول تطور هواياتك اللي انت بتحبها و تدور على كل جديد فيها , و من المهم جداً إنك تقرأ عن عن الأشخاص التانيين و ازاي قادتهم عزائمهم إنهم يقدروا يحصلوا على اللي كانوا فعلاً عايزينه .. و مش هتلاقي مثال على كده أحسن من سيدنا محمد (صلى الله عليه و سلم ) و أصحابه و تفكر مثلاً في قدرة تحملهم و صبرهم و جهدهم و عزيمتهم علشان هدف نبيل هو إعلاء كلمة الله تعالى و نشر دينه .
رابعاً : العقل و الثقة بالنفس
النقص الزيادة في الثقة بالنفس بيؤدي لذاكرة مش منتظمة , تخيل إن عقلك ده زي بنك .. بنك بتخزن فيه كل يوم معلومات و أفكار و لما بتواجه مشكلة بتقوم تسترجع من عقلك ده و تسأله : إيه اللي أعرفه عن المشكلة دي ؟ .. و عقلك يزودك بأفكار و معلومات متعلقة بالمشكلة دي .. علشان كده لما تواجه موقف صعب متفكرش أبداً في الفشـــل .. فكر في النجاح علطول .. فكر في الحاجات الإيجابية .. المواقف اللي قدرت تحقق فيها نجاح قبل كده .. متقولش أنا ممكن أفشل زي ما حصل قبل كده .. خلي فكرة انك هتنجح هي الفكرة الرئيسية في تفكيرك و حاول إنك تنسى كل الأفكار السلبية اللي في عقلك ..


​

عوامل تزود ثقتك بنفسك
​

​

# لما تحدد أهداف و تنفذها حتى لو كانت
أهداف صغيرة جداً ده هيساعدك كتير في زيادة الثقة بنفسك
# حاول انك تحس بتحمل المسئولية لأن ده هيخليك تحس بأهميتك .. خد خطوه لقدام و
متخافش .. نفذ كل اللي بتخاف منه و متخافش لازم تكون نشيط .. اشغل نفسك بحاجات
مختلفة .. استخدم عملك علشان تقضي على الخوف اللي جواك
# اتكلم مع نفسك دايماً بكلام إيجابي أول كل يوم و ابدأ يومك بابتسامه جميلة و
بتفاؤل و اسأل نفسك .. إيه اللي أقدر أعمله انهارده و يحقق معايا هدف إيجابي
# حاول تشارك بأي نقاش تكون فيه و كل ما تشارك في نقاش هتزود ثقتك بنفسك كتير و كل
ما اتكلمت في نقاش أكتر هيبقى أسهل عليك تتكلم بعد كده و اهتم انك تثقف نفسك و تزود
معلوماتك و تقرأ في مختلف المجالات علشان تمنع أي حد إنه يعرضك لموقف محرج و ابحث
عن مصادر موثوق فيها لمعلوماتك
# اشغل نفسك بمساعدة اللي حواليك , و اعرف إن أي إنسان هو زيك بالضبط عنده نفس
قدراتك و ممكن أقل لكن هو بيثق في قدراته أكتر منك
# اهتم دايماً بمظهرك , و متهملوش لأن مظهرك هو أول حاجة الناس بتشوفها
# متنساش الصلاة وقراءة القرآن ..هتحس بالطمأنينة و متحسش بالخوف .. تقدر تعمل كل
اللي في استطاعتك و متنساش تتوكل على الله في كل عمل​

 

[اماني12]

الثقة بالنفس هي بالطبع شيء مكتسب من البيئة التي تحيط بنا والتي نشأنا بها ولا يمكن أن تولد مع أي شخص كان .

مشكورة على الموضوع .