لكل من يدرس سنة اولى علوم تسيير ويهمه الامر

[sam_houssem]

السلام عليكم
خاوتي راني حاب نقوللكم فكرة بالاك تعجبكم

واش رايكم كامل لي تقراو بروميار جاستيون نديرو عفسة نتلمو كامل ونعاونو بعضانا مثلا لي عندو اي بحث ولا دروس يقدر يعاون بيها الباقي يجيبها

خاطر فريمون البحوث مهمة في التنقيط وتدي شوي وقت هكذا نوفرو الوقت ونجيبو نقط بزاف باه طلع عامك على بكري وتكون في بحبوحة

بربي انشاء الله رايح نجيبلك شوي بحوث وانشاء الله تستفيدو كامل
​

 

[blanchehayat]

مارسي خويا حسام والله غيل هادي حاجة مليحة بالبزاف.​

 

[sam_houssem]

مليح منين عجباتك هاذى الفكرة مي يضهرلي غير انا وانت
ماعليش البراكة في القليل خلاص نعاونك وتعاونيني مي بشرط القهوة عليك

​

 

[blanchehayat]

hhhhhhhhhhhhhhhhhhhh
ماكن حتا مشكل .

 

[sam_houssem]

يعيشك يا زميلتي في الدراسة

ايا خلاص وجدي روحك نبداو في اقرب فرصة

 

[lalakarimanouri]

البحوث تهبلكم عندكم واحد في مدخل الاقتصاد انت تختار الموضوع وننصحكم بالعولمة او الازمة 2008 فيهم خدمة بصح العلامة لاباس بها وبحث في المحاسبة "مبادئ المحاسبة و فروضها" و بحث في القانون انا اخترت نطاق تطبيق القانون وبحث في الاحصاء الوسط الهندسي نسيتو ومتلقاو فيه والو وعلم اجتماع المنضمات وكانو اساتذة مهبولين على البحوث الله غالب مكانش وش يقري ومبعد يهلك في النقاط

 

[sam_houssem]

البحوث تهبلكم عندكم واحد في مدخل الاقتصاد انت تختار الموضوع وننصحكم بالعولمة او الازمة 2008 فيهم خدمة بصح العلامة لاباس بها وبحث في المحاسبة "مبادئ المحاسبة و فروضها" و بحث في القانون انا اخترت نطاق تطبيق القانون وبحث في الاحصاء الوسط الهندسي نسيتو ومتلقاو فيه والو وعلم اجتماع المنضمات وكانو اساتذة مهبولين على البحوث الله غالب مكانش وش يقري ومبعد يهلك في النقاط

خويا يمكن انت راك تحكيعلى بحوث في نظام lmd
اما في التسيير نظام كلاسيكي
كاين بحث في مدخل الاقتصاد وكاين واحد في اقتصاد المؤسسة برك

وعلى كل حال مشكور خويا وربي يحفضك

 

[Sweet Baby]

السلام عليكم
واش راكم
و الله غير هدي فكرة مليحة بزاف أنا تاني راني وحدة منكم و نتمنى الي يعرف على علوم التسيير حاجة يخبرني أنا درتها و ما ني حاصية فيها والو و ان نشاء الله نستفادو من بعضنا
و حاجة أخرى بديتو تقراو ولا غير حنا مزال مانبداو
و شكرا لكم

 

[moldan]

السلام عليكم
أعزائي الطلبة يمكن لكم مطالعة مشاركاتي الخاصة بي
فأنا متخرج ومتحصل على deua في المحاسبة والضرائب وكذلك ليسانس علوم التسيير تخصص مالية
كما أنه من أهم مواضيعي المشارك بها ***** موسوعة اللمة الاقتصادية ----- تحتوي على جميع الكتب والبحوث في التخصص بحوالي 250 كتاب و250 بحث
وحظ موفق للجميع
آه ماراكمش وحدكم راني معاكم بالحفا...
جزائري فالدم.

 

[blanchehayat]

هاي خويا حسام بديتوا القراية ولا مزال .​

 

[sam_houssem]

مرسي عليكم كامل
واختي حياة احنا بدينا غير هاذ السمانة برك
سامحوني بزاف كنت غايب مي بربي ما نزيدش نغيب

 

[the-coder]

سلام عليكم
أنا راني كيم نتوم جديد في علوم التسيير و بنتلي مليح ربي يكون فل عون و كي تبنلي حاجة مليح راني نحطه
سلام