راني كرهت مع تصرفاتكم ... ان شاء الله تعاونوني

[Moha le sage]

السلام عليكم

يا اخواني يا احبابي رواد القسم العام علاش كل مرة نعاود الكلام ؟

كي تجو تنقلو مواضيع ديرو بحث عن عنوان الموضوع اللي راح تطرحوه .. علاش كل مرة تنقلو مواضيع مطروحة من قبل ؟ و علابالكم مليح بلي المواضيع المكررة تغلق

تحبو الحوايج الساهلين برك ..تدخلو لمنتديات اخرى تديرو كوبي و تجو للمة تديرو كولي

واش ياخذ من وقتك اذا درت بحث عن عناوين المواضيع ؟ ..اذا موجدتش العنوان مطروح اطرحوه

كل يوم 20 موضوع مكرر بزاف ...

والله من تكرار المواضيع الروابط وحفظتها .. كل واحد عمبالو راه يجيب في مواضيع جدد ..بصح الحقيقة راهو يجيب في مواضيع قدم و كاين منها بزاف ..

كل ما يسجل واحد جديد يجيب معاه 4 مواضيع مكررة و غالبيتها ماتنتميش للقسم العام .. و قادر يقرا قوانين القسم المكتوبين لفوق وييوفر عليا و على روحو جهد زايد


ملاحظة اخرى القسم العام ماهوش قسم الصور و ماهوش قسم القصص و ماهوش قسم الشريعة وماهوش قسم مواضيع العامية و الدارجة اللي راني نستعمل فيها ذرك باش تفهموني

الله يستركم اقراو هاذ الموضوع و ان شاء الله ما تحرجوني مانحرجكم .. نكره نغلق موضوع و نكره نهبط من عزيمة واحد حاب يشارك .. ان شاء الله تكونو متفهمين


https://www.4algeria.com/vb/showthread.php?t=159924


الكثير فيكم يظن بلي انا متكبر او راني ضد واحد فيكم ولا تاع وجوه ... والحقيقة انها راني نخدم في خدمتي و نحاول نجعل من القسم هذا مكان حيوي و فعال ماشي قسم ملصوقات و صور


خوكم محمد



.

 

[Parfum floral]

انشاء الله ما نطيحش في فخ المواضيع المنقولة و شخصيا نحاول دايما نجيب مواضيعي من راسي
و انشاء الله حتى اذا نقلت موضوع مهم او مفيد رايحة ندير recherche قبل ما نحطوا هذا وعد
و شكرااا ​

 

[منيرة.عنابة]

حاضر اخي الكريم اسفة
دائما اقع في نفس الخطا
(وضع مواضيع فيها الصور في المنتدى العام)
و هذا لاني ربما مازلت عضوة جديدة في المنتدى
لكن اعدكم اني ساخذ هذا التنبيه بعين الاعتبار في مواضيعي القادمة
وشكرااااااا للتنبيه واسفة للازعاج مرة اخرى​

 

[Moha le sage]

انشاء الله ما نطيحش في فخ المواضيع المنقولة و شخصيا نحاول دايما نجيب مواضيعي من راسي
و انشاء الله حتى اذا نقلت موضوع مهم او مفيد رايحة ندير recherche قبل ما نحطوا هذا وعد
و شكرااا ​

ربي يخليك ختي والله غير كلامك يطلع المورال اللي هبط .. تعبت كل يوم نفس الحكاية ..

في عوض اللي راني نجاوب على مواضيعكم ولا نطرح في مواضيع ..نص وقتي رايح في الغلق والبحث .. .. اي واحد في بلاصتي يكره و يطيحلو المورال .. من التصرفات هذو ..

تحياتي ليك وان شاء الله كامل يديرو كيفك ..

 

[shahrazad]

نشالله الكل رايح يقرى موضوعك و يتفهمو
ربي يقدرك على مهمتك خويا تاركان ​

 

[Moha le sage]

حاضر اخي الكريم اسفة
دائما اقع في نفس الخطا
(وضع مواضيع فيها الصور في المنتدى العام)
و هذا لاني ربما مازلت عضوة جديدة في المنتدى
لكن اعدكم اني ساخذ هذا التنبيه بعين الاعتبار في مواضيعي القادمة
وشكرااااااا للتنبيه واسفة للازعاج مرة اخرى​

ختي منيرة راني علابالي بلي جديدة .. ونا كل مرة نحاول نفهمك بلي كل موضوع عندو بلاصتو في اللمة ..كاين الله يبارك بزاف اقسام هنا .. وبتفكير صغير منك تقدري تحددي نوع الموضوع اللي راح تطرحيه و تروحي للقسم هذاك وتحطيه فيه ..
و القوانين راهم مكتوبين الفوق كون تقرايهم تفهمي كلش .. ونا شخصيا معندي حتى شئ ضدك ولكن نحاول نبهك فقط ..وان شاء الله تولي عضوة ممتازة و مرحبا بيك معانا راكي ختنا ومنا ..

تحياتي ليك

 

[Moha le sage]

نشالله الكل رايح يقرى موضوعك و يتفهمو
ربي يقدرك على مهمتك خويا تاركان ​

ان شاء الله ومن فمك لربي ختي شهرزاد ..

ربي يصلح امورك ان شاء الله ختي .. على كلامك الجميل

خوك محمد

 

[منيرة.عنابة]

شكرا اخي مرة ثانية عندك حق في كلامك بصح( بتفكير صغير منك) هههههه يعني انا غبية درك وان اكتشفتها المهم انا باذن الله نوعدك اني منزيدش نغلط و نعود كيما قلت عضوة ممتازة و الا زدت غلط نوعدك نلغي اشتراكي من المنتدى
​

 

[Moha le sage]

شكرا اخي مرة ثانية عندك حق في كلامك بصح( بتفكير صغير منك) هههههه يعني انا غبية درك وان اكتشفتها المهم انا باذن الله نوعدك اني منزيدش نغلط و نعود كيما قلت عضوة ممتازة و الا زدت غلط نوعدك نلغي اشتراكي من المنتدى
​

لالا حاشا ختي منيرة .. معنيتش القصد هذا لي فهمتيه .. تفكير صغير يعني باش تستوعبي المنتدى و تقسيمو حسب طبيعة المواضيع هذا مكان .. و كامل يلزملنا تفكير قبل منديرو اي حاجة ..

 

[* تسنيم *]

السلام عليكم
و الله خويا محمد عندك حق وراك ماتتكبر ماوالو راك تقول في الصح حتى واحد يتغشش
وربي يعينك

 

[باباي_25]

يا سي تاركان قلي نت كاش نهار كتبت موضوع بيدك جوبني بكل صراحة​

 

[Moha le sage]

يا سي تاركان قلي نت كاش نهار كتبت موضوع بيدك جوبني بكل صراحة​

يا اخي مانيش سي تاركان ... عيط محمد برك

مواضيعي في ملف شخصيتي ..روح لثم راك تلقى كلش ان شاء الله

 

[امينة.19]

ما عندي واش نهدر عندك الحق
بصح على تقيم المواضيع انا دايما نقيم المواضيع لي تساهل بصح انا بلاك قيموني زوج اعضاء من نهار دخلت للمة..............مانعرف وعلاه.

 

[nina-amina]

مشكور أخي Tarkan والله أنا عاد أنطيخ في هذا الفخ لكن في ركن كتب الطبخ بصح ريحى نعود نشوف الكتب للي كاين أو منجيبش بحالهم منا الخطاء و منكم السماح مشكور كثير والله إعونك علينا

 

[AZZOUAlg123]

يعطيك الصحة وربي يعاونك

 

[Moha le sage]

ما عندي واش نهدر عندك الحق
بصح على تقيم المواضيع انا دايما نقيم المواضيع لي تساهل بصح انا بلاك قيموني زوج اعضاء من نهار دخلت للمة..............مانعرف وعلاه.

المشكل في القسم العام هو المواضيع المكررة .. الي كل مرة تغرق فيه ..حتى كرهوها جميع الاعضاء و كرهو القسم العام من اجلها

اما التقييم فهو عادة حميدة بصح للاسف ما يمارسهاش الكثيرين ..

تحياتي ليك ختي امينة

 

[بلد الوليد]

لي حاب يعاود كلام الناس كيما القاه لازم ايخليه ولي شاخ وحاسب بلي عندو فى الراس زياده هديك يزيدها فى طبسيه يا اهل اللمه واحد شتاهد وتعب وبنا بنيانو من الساس معبرو قبل مايبنيه وففاه من البدايه بالاخلاص اسالوا المفسرين يعطوكم معانيه انا مادا بيه كل واحد منا يشتاهد على حساب مقدورو ويجيب مواضيع خاصه بيه نفيدو ونستفادو وربي يوفق الجميع ونشكر اخونا تاركان على هده الملاحظات والتنبيه

 

[نذير1]

انشاء الله الكل يفهم موضوع
بارك الله فيك ​

 

[Moha le sage]

مشكور أخي tarkan والله أنا عاد أنطيخ في هذا الفخ لكن في ركن كتب الطبخ بصح ريحى نعود نشوف الكتب للي كاين أو منجيبش بحالهم منا الخطاء و منكم السماح مشكور كثير والله إعونك علينا

صح هو التكرار منتشر بزاف في القسم العام بصح كين الاقسام الاخرى لي تعاني .. المشكل كل مرة يجي واحد جديد يعاود يطرح مواضيع شايفينها لخرين .. والجدد هاذو كل يوم يسجلو ..و تبقى نفس الحكاية تدور

ان شاء الله كامل قبل ما ينقلو موضوع في اي قسم يديرو بجث عن العنوان تاعو

تحياتي ليك ختي و يعطيك الصجة على كلامك الي يفرح

 

[مسلمة و افتخر]

والله خويا الكريم عندك حق و ربي يعاونك و ان شاء الله نكونوا عند حسن ظنك
​