يا جماعة , الجيري تيليكوم هي لي بعدتني عليكم !!

[** غزال الصحراء **]

السلام عليكم , و الله توحشتكم حبابي و اللمة راهي دايمن في بالي و مانيش عارف كيفاش ندير​

مي واش تحبو لالجيري تيليكوم تثبت ضعفها بجدارة كيما الأغلبية تاع مؤسسات الجزائر , هاذي في 4 سمانات​

و حنا كل يوم عندهم كل خطرة يجبدونا سبة , خطرة يوقك لازم تبدل النيميرو من ( 02972 ) ل ( 02964 ) ايا بدلناه​

و مبعد قالك بالاك المشكل من الخيط قلنا بلي جيهتنا قاع مقطوعة ماشي غير حنا ,, و لي يبعثوهم باش يريقلو لخيوط هوما ​

أصلا خيوطهم مخلطين ايه , ضعف تسيير و خدمة معوجة الAdsl خالصة و الإنترنت ماكاش اليوم جا واحد لدار فرحت

قلت​

او راح يريقلها صاي ايا واش دار في ميزكم؟ ادا عليا النيميرو جديد تاع الفيكس و راح يعني شوفو العوج بإحترافية و زيد ​

بزيادة جاو ريقلو جماعة من جيرانا و فزدو تاع واحد اخرين كانت عندهم من قبل ,, و ضركا الأغلبية رانا بلا تيليفون و بلا​

Adsl و مام لي سيبار تاع جيهتنا كانو مسكرين بيوسك ما يقدوش يخدمو بلا كونيكسيون ايا ليوم راهم حلو و راني جيت​

باش نحكيلكم الشي هذا ,,, الملخص راني نتسنى مزال في الإخوة المحترمين جماعة الكومبليزو يجو كاش ما يخربو ​

( خلط خلط تطلع ملح خلط خلط تطلع زيت ) إلى ذلك الحين نقولكم نحبكم في الله تحياتي .​

 

[shahrazad]

ايييييييييه واش تحب هادي هي نورمالمو واسمها انقطاعات الجزائر !!!!!عجببب
حنا تان واحد الوقت هكا
اصببببببرررر هادا واش تقدر دير
و نشالله يتحل المشكل في اقرب وقت
و تولي تنور المنتدى
تحياتيييييي ​

 

[nina bonoise]

اهلا بالطلة تاعك يا هشام
المهم راك سافا خويا
رانا الكل يصرالنا المشكل هذا
الانترنات انا نخلصها شهر كامل يعطيوني 21 يوم 22 يوم
برك و يقصوها انا نقول بلاك الفيكس هو المشكل
مي لا لا راهوا تاع adsl السراقين
و كي نروحلهم يقولولي فض وقتها
شوفوا هذاك العجب
ابار سا اتهلا في روحك​

 

[asmaa_h]

هاذي راهي اشياء عادية عندنا نورمالمو رانا متعودين عليها المشكل لوكان صنعوه تمتم كون نخلعت ايا واش نقلك العقوبة للخالوطة الجاية

 

[IM@D-Dz]

الله يعينك خويا قالك ما يحس بالجمرة غير لي عفس عليها و نظن أنو الشعب الجزائري كامل عفس عليها

المهم ربي يهدي ولا يدي​

 

[zagane]

السلام عليكم
أولا على سلامتك
ثانيا كنت في هاد المدة جي عندي نعطيك خيط من معسكر راهي لا كوناكسيون مليحة عندنا
ههههههههههه
توحشناك يا ريم الصحرا
ريم = غزال

 

[N@riM@N]

اهلاااا خويا غزال الصحراء
واش راك؟شويا
أأأأأوه رانا gـــــــــاع كيفكيف
حنا بدلونا السبه قالونا راه كابل مقطوع في شركة ايفي
واحد السمانه واحنا فلعصر الحجري واش تحب
هاد هي دزاير​

 

[N@riM@N]

مرحبا بيكـ
((((((((((الرد تعاووووود))))
ههههه​

 

[maya31]

اهلا سي هشام عاش من شافك يا خويا
كيراك لاباس هههههههههههههههههههه

الجيري تيليكوم خلي البير بغطاه

جزائر ماراناش عارفين قيمتها الي راهم قابضينها راهم غير يخلطوو
ربي يجيبة الخير

ما عليش زيد اصبر بلاك يسقد
​

 

[remanous]

السلام عليكم

وين هادي الغيبة تواحشنا مواضييعك و طلتك في المنتدى

نتمناو المشكل تاعك يتريgلا و ترجع للمتنا

سلام

 

[سماح4]

نورت وبربي نشوفوك في اللمة في القريب العاجل.هذا حال العباد والعالم الثالث واش تحب.

 

[aMiNa-K]

السلام عليكم

و انا نقوووووووووول غزال الصحراء وين غبر :confused1: :confused1:
الله غالب هدي هي الدزاير.. الواحد يروح يشتكي يقولولو ماراكش وحدك راهي امة
يشتكي من النهارات اللي راحو يقولو رانا نقنا في التسعيرة غير مايشقاش

نووووووورمال هدي هي الدزاير

ان شاء الله ترجعنا بالسلامة
​

 

[aMiNa-K]

السلام عليكم

و انا نقوووووووووول غزال الصحراء وين غبر :confused1: :confused1:
الله غالب هدي هي الدزاير.. الواحد يروح يشتكي يقولولو ماراكش وحدك راهي امة
يشتكي من النهارات اللي راحو يقولو رانا نقنا في التسعيرة غير مايشقاش

نووووووورمال هدي هي الدزاير

ان شاء الله ترجعنا بالسلامة​

 

[** غزال الصحراء **]

مرسي عليكم قاع , راني نولي و نرد عليكم واحد واحد تحياتي .​

 

[** غزال الصحراء **]

ايييييييييه واش تحب هادي هي نورمالمو واسمها انقطاعات الجزائر !!!!!عجببب

حنا تان واحد الوقت هكا
اصببببببرررر هادا واش تقدر دير
و نشالله يتحل المشكل في اقرب وقت
و تولي تنور المنتدى

تحياتيييييي ​

اهلا بيك شهرزاد و الله لا مليحة هاذي تاع إنقطاعات الجزائر جوستومون تبانلي شويا و يبدلو

الإسم هذا يليق عليهم على الأقل يولو معذورين و كي قلتيلي أصبر كيما يقولو ( طفح الكيل ) أنا

نعرف الصابر ينال مي حنا صبرنا و ما نلناش .​

 

[عطر الندى]

هاذي هي خويا معندنا منديرو
المهم الحمد الله على سلامتك​

 

[سر القلوب]

اولا الحمد لله على سلامتك ونورتلنا اللمة يا غزااااااااااااااااااااااال
وثانيا هاذي تصرا عنا دائما ولكن تعودنا
وهادي هي لا لجيري
لالجيري ونموووووووووووووووووت عليك

 

[** غزال الصحراء **]

اهلا بالطلة تاعك يا هشام

المهم راك سافا خويا
رانا الكل يصرالنا المشكل هذا
الانترنات انا نخلصها شهر كامل يعطيوني 21 يوم 22 يوم
برك و يقصوها انا نقول بلاك الفيكس هو المشكل
مي لا لا راهوا تاع adsl السراقين
و كي نروحلهم يقولولي فض وقتها
شوفوا هذاك العجب

ابار سا اتهلا في روحك​

مرسي عليك , و الله لا صح راهم دايرين لعجايب

و الله ما فهمت أنا الكونيكسيون ميتة و زيد بتشناف .​

 

[** غزال الصحراء **]

هاذي راهي اشياء عادية عندنا نورمالمو رانا متعودين عليها المشكل لوكان صنعوه تمتم كون نخلعت ايا واش نقلك العقوبة للخالوطة الجاية

ايه وي يا أسماء كلش عادي في بلادي !

شكراعلى المرور .​

 

[** غزال الصحراء **]

الله يعينك خويا قالك ما يحس بالجمرة غير لي عفس عليها و نظن أنو الشعب الجزائري كامل عفس عليها​

المهم ربي يهدي ولا يدي​

ايه يا عماد راك جاري و راك عارف

و زيد المشكل لكبير هو كي يجو يريقلو واحد يفزدو لوخر ...​