|||مـاهو موقفكمـ ان قمت بـ ....؟؟؟|||

[chemssou007]

بسمــ الله الرحمن الرحيمــ

ان النظامـ "لي راهي تمشي بيه" الدولة الجزائرية "مــا ساعدنيش" لأنني أعتقد انني أقدر أن أفجر طاقاتي و أن أبدع و بامكاني أن أضع بصمتي قبل ممــاتي ...

و بمــا أنني I Can Get No Satisfaction في طلب العلمـ في مختلف المجالات و حبي الشديد للاكتشاف و رغبتي في تمضيتي وقتي في أشيــاء تجعلني أفخر بنفسي يومـ أقرر كتابة مذكراتي و كرهي الشديد للروتين و للراحة (فيومـ نموت سنستريح)...


كل هذه الأسبـاب و غيرهــا جعلتني أفكر جديـا بمغادرة الجزائر !!!!

لقد بقي لي عام و نصف قبل انتهاء مشواري الدراسي...بعد ذلك أريد التوجه الى بلد آخر بقصد الاقامة الدائمة و كذا السفر الى البلدان الأخرى بغرض دراسة الحضارات و الثقافات...

هنــا بيت القصيد فأنا شخص لدي الجنسية الفرنسية الأصلية (غير مكتسبة)، لكنني رغمـ ذلك فضلت البقـاء هنـا في الجزائر، لكنني عندمـا رغبت أن أسافر و أغادر الجزائر الى بلاد أخرى (علمـا أنه بامكاني اختيار أي بلد للاقامة فيه) اتهمني البعض أنني خـائن لوطني لأنني سأهرب منه على حد وصفهمـ!!!

فهل تعتقدون أنني بفعلتي هذه أنني "خائن" و "راني ما نحبش بلادي لي قعدت فيها " 20 سنة و قدمتلها مـا أملك و كنت مخلصا لها و كنت طالب علمـ مجتهد و مواطنا شريفا ...

أريد فقط أن أرضى على نفسي و أن أكون فعالا، فأنظمـ الى جمعيات و حركات سياسية و أكون طرفا في التغيير اضافة الى أنني الانضمـامـ لأحد الجامعات الأوروبية التي أكدت لي في مراسلات سابقة أنها ترحب بقدومي اليهـا و انضمامي لها...

لا أريد البقاء في الجزائر ليكتب بعد ذلك في سيرة حياتي " أنني عندي ليسانس، خدمت، تزوجت، مت، انتهت الحكاية" أريد فعلا أن أضع بصمتي و لو كان ثمن ذلك أن أبتعد عن العائلة و الوطن....

لا أريد أن أتهمـ في الخيانة بعد مغادرتي أرض الوطن!!!

أود فقد أن أجعل مذكرياتي يوما مـا مليئة بالأحداث ليس رياءا و انمـا لأرضى عن نفسي....

لأنني هنـا قد ضيعت 15 سنة من حياتي دون أن أضع بصمتي في شيء، و لكنني أعلمـ أنه لدي القدرات لأبدع، فأنني أكتب المقالات لكن لا أستطيع التوجه الى مكتب الجريدة "الفلانية" لأنهمـ سيسخرون مني اضافة أن " المعريفة" تحرق جهود الجادين في العمل...

لدي آرائي السياسية و الفكرية لكن للأسف لمـ أنظمـ الى أي حزب سياسي لأنني أعلمـ مسبقا أنها مجرد تزيين للساحة السياسية الجزائرية...

انضممت الى المنظمات الطلابية و لكنني انسحبت لعدمـ وجود الجدية و عدمـ تمكني من احراز نقاط في مسيرتي نحو التغيير...

لكن بالرغمـ من ذلك تمكنت و بالمراسلة فقط من نشر أفكـاري و طلب العلمـ و المحاورة مع "العلمـاء" و تحقيق تغيير نسبي....هذا بالمراسلة فقط نحو الدول الأخرى ...

لذلك أريد أن أذهب....أن أغادر...أن أهاجر...أن أهرب...."سميها وش حبيت"...

Mais

"كيما قلت، مانيش حاب نمــوت و نكون مجرد مواطن عادي درس، عمـل، شرى سكنى، تزوج، مات"


يا خاوتي جاوبوني يستراح قلبي !!!!

أنــا هراب ؟؟؟ خـــائن؟؟؟ منــافق؟؟؟

بكــل صراحة


تحيــــــــــــــاتي


~~~Change We Need~~~​

 

[امورة المنتدى]

الانسان مهما يبتعد عن بلادو مي بصح يبقى يحن ليها و يتوحشها و يتمنى يشوفها ويندم على النهار اللي خلاها فيه البلاد البلاد اه يا لبلاد كل واحد يحب بلادو ربما رحت من البلاد باش تكسر الروتين ولا باه تتبع لامودا اللي gاع لي جان داروها مي هادي ماشي خيانة
صح خو

 

[ايمان 02]

يا خويا والله غير نوافق في الرأي اكيد ما تعتبرش خائن لبلدك لانك عملت المستحيل من اجل اثبات وجودك في بلدك لكن لم يتحقق الامر لذا فالحل الوحيد هو الهروووب او اللجوء الى من تجد عندهم يد العون

 

[صفوة الوفاء]

السلام عليكم
(((يا خاوتي جاوبوني يستراح قلبي !!!!)))
سأجيبك حسب نظرتي للحياة...

أنــا هراب ؟؟؟...اجل انت هآرب فار من واقع يبدو مرآ..الشجآع
من يقف للمشآكــل و يقول انا لهآ
الشجاع..من يقول...انا للتحديات....
مآذآ ستفعل هنآك سترسم حياة...سيخلدك التآريخ وبعد؟؟
سيسطر في تحت سيرتك في الحياة مايلي
كان شاب ذاهمة ..قوي...سافر الى هنآك...حتى تمكن من ابراز ذاته
ام ان بقيت هنا...و حاولت ثم حاولت تزوجت باأمل..و روح التحدي
و طلقت اليأس...و حتى وان لم يكتب ان اخترعت..او كتبت..
لكن النآس المثقفة...الخبيرة ستسطر في تحت سيرتك الحياتية...
انه... المتميز...من بين الناس رغم ورغم ...لكنه كان


خـــائن؟؟؟ منــافق؟؟؟....لا اراها في احد من عباد الله
لكن اقول لك اخلص النية..
فيمآ مضى..كانت لي نظرة مثل نظرتك الان
لكن
...بلاد احتضنتني و بلاد خيرني ربي ان اعيش و استخلفه فيهآ كيف لي ان اتركهآ...
بين الايآدي الشريرة تتقطع...و انا هناك بعيدة...اتمتع




تحياتي الايروكية=حياتك كلها حلول ان شاء الله

 

[aMiNa-K]

السلام عليكم و رحمة الله و بركاته

يا خويا ادا راك تشوف في روحك صح محقور.. غير روح.. و ندعولك طريق السلامة
في بلادنا العباد اللي كما انت يدفنوهم و هوما حيين.. مايخلوهم يديرو والو.. و ادا شافوهم تنشطو شوية يجبدولهم التابي من تحت رجليهم.. و كي يروحو يرجعوهم رخاس و مايسواوش.. يعني ماشي سالكين منهم لا هنا و لا الهيه

ادا راك تشوف في روحك راك كابابل و تقدر تمد.. روح الله يسهل عليك.. لوكان تقعد تمرض برك
حط بصمة و خلي اسم موراك.. و رايحين يتفكروك و كل مايجبدو اسمك يقولو هدا جزائري (في حياتك يمنشرو فيك و كي تموت رايحين يتفكروك)

شوف وش يخرج عليك.. ماتديرش على هدرة الناس

​

 

[صفوة الوفاء]

شوف وش يخرج عليك.. ماتديرش على هدرة الناس​

و تبقى جميعهآ اراء.......و كلهآ تدخل ضمن هدرة الناس
استفتي قلبك؟؟

 

[chemssou007]

الانسان مهما يبتعد عن بلادو مي بصح يبقى يحن ليها و يتوحشها و يتمنى يشوفها

صحيح، فمن الغرائز الانسانية أن يشتــاق المرء لمكــانه الأول حتى لو كان ذلك المكان لا يرقى الى المستوى المطلوب...

فسأشتـــاق فعلا الى البلد التي تربيت فيهـا و نشأت عايها و لكن لن أدع المشــاعر تضيع لي حيــاتي...

ويندم على النهار اللي خلاها فيه البلاد البلاد اه يا لبلاد كل واحد يحب بلادو

هل سـأندمـ في حالة المغادرة؟؟؟ لا اطلاقا لأنني متأكد أن ثمــار جهدي هنــاك سأقطفها و أن أهدافي ستتحقق و لا أقصد بالأهداف (منصب عمل و زوجة )...

و كل شخص يحب بلادو؟؟؟ نعمــ صحيح، لكن الحب تضحيــات يا أختي..​

ربما رحت من البلاد باش تكسر الروتين ولا باه تتبع لامودا اللي gاع لي جان داروها مي هادي ماشي خيانة

ربمــا لمـ تفهمي القصد من مغادرتي فـأنا لا أعني بكسر الروتين أنني أقومـ بالترفيه عن نفسي و ''نروح نحوس'' بل بكسر ذلك الجمود الذي أعيشه هنـا...

هنــاك يمكنني الانضمــامـ الى الحركات السياسية و يتمكن قلمي من الكتـابة في الجرائد و المجلات و أتمكن من توضيح توجهــاتي للآخرين، و أتمكن من التعلمـ بشكل جدي و ليس التعلمـ الجاف ...

انــا أختي ''ديمودي" " لا مود تاع لــي جان خليتهـا ليهمـ" فأنا لن أغادر بلدي من أجل جمع أموال أو " باه نحوس و ونشري طوموبيل " أو " باه نتزوج بطفلة عندها عينين زرق" فأهدافي تتعدى هذه الرؤية الصبيــانية...

صح خو

صــح ختـــي


~~~Change We Need~~~​

 

[chemssou007]

يا خويا والله غير نوافق في الرأي اكيد ما تعتبرش خائن لبلدك لانك عملت المستحيل من اجل اثبات وجودك في بلدك لكن لم يتحقق الامر لذا فالحل الوحيد هو الهروووب او اللجوء الى من تجد عندهم يد العون

شكـــرا على رأيك الذي أثلج صدري

تحيــاتي

~~~Change We Need~~~​

 

[chemssou007]

السلام عليكم
(((يا خاوتي جاوبوني يستراح قلبي !!!!)))
سأجيبك حسب نظرتي للحياة...

أنــا هراب ؟؟؟...اجل انت هآرب فار من واقع يبدو مرآ..الشجآع
من يقف للمشآكــل و يقول انا لهآ
الشجاع..من يقول...انا للتحديات....
مآذآ ستفعل هنآك سترسم حياة...سيخلدك التآريخ وبعد؟؟
سيسطر في تحت سيرتك في الحياة مايلي
كان شاب ذاهمة ..قوي...سافر الى هنآك...حتى تمكن من ابراز ذاته
ام ان بقيت هنا...و حاولت ثم حاولت تزوجت باأمل..و روح التحدي
و طلقت اليأس...و حتى وان لم يكتب ان اخترعت..او كتبت..
لكن النآس المثقفة...الخبيرة ستسطر في تحت سيرتك الحياتية...
انه... المتميز...من بين الناس رغم ورغم ...لكنه كان


خـــائن؟؟؟ منــافق؟؟؟....لا اراها في احد من عباد الله
لكن اقول لك اخلص النية..
فيمآ مضى..كانت لي نظرة مثل نظرتك الان
لكن
...بلاد احتضنتني و بلاد خيرني ربي ان اعيش و استخلفه فيهآ كيف لي ان اتركهآ...
بين الايآدي الشريرة تتقطع...و انا هناك بعيدة...اتمتع



تحياتي الايروكية=حياتك كلها حلول ان شاء الله

أختي الفــاضلــ ـة

أولا الشكر موصول لك و أحييك على صراحتك

يــا أختــاه...ان الخطب الانشائية شيء و الأفعال الواقعية شيء آخر...عندمــا أسمعك ترددين كلمات كالتحدي و الواقع و الشجــاعة... الزواج بالأمل لا يمكنني أن أرد عليك الا بتصريح صغير هو أن كل ما ذكرته ينتمي للمدرسة العاطفية و في الواقع من يتخذ الأسباب هو الذي ينجح.... و مــا ذكرته لا يوجد الا في الرويات، فكل العلمــاء و العظمــاء اضطروا الى الهجرة و بعضهمـ دفن في بلاد غير بلاده...

الرسول صلى الله عليه و سلمـ لمـ هــاجر رغمـ أن مكة هي أحب الديــار الى قلبه؟؟ لأنه لمـ يحقق التغيير و لمـ يحقق أهدافه في مدة زمنية اعتبر أن البقــاء أكثر هو خســارة للقضية....

نفس الموقف يحصل لي الآن "أظن أن كل وقت يمر علي و أنا لا أزال هنـا سيجعلني خــاملا أكثر و يبعدني عن أهدافي ....''..

فان رأيت أدنى أمل أنني سـأتمكن من تطبيق توجهــاتي و أفكــاري هنــا لبقيت و لكان ذلك أفضل لي و لكن الجزائر لمـ تتغير في ايديولوجيتها منذ زمن الاستقلال ما عســاي أفعل؟؟ "كل يومـ نقول غدوا"...


المهمـ تحيــ ـاتي الأخويــ ـــة


~~~Change We Need~~~


​

 

[chemssou007]

السلام عليكم و رحمة الله و بركاته


يا خويا ادا راك تشوف في روحك صح محقور.. غير روح.. و ندعولك طريق السلامة
في بلادنا العباد اللي كما انت يدفنوهم و هوما حيين.. مايخلوهم يديرو والو.. و ادا شافوهم تنشطو شوية يجبدولهم التابي من تحت رجليهم.. و كي يروحو يرجعوهم رخاس و مايسواوش.. يعني ماشي سالكين منهم لا هنا و لا الهيه

ادا راك تشوف في روحك راك كابابل و تقدر تمد.. روح الله يسهل عليك.. لوكان تقعد تمرض برك
حط بصمة و خلي اسم موراك.. و رايحين يتفكروك و كل مايجبدو اسمك يقولو هدا جزائري (في حياتك يمنشرو فيك و كي تموت رايحين يتفكروك)

شوف وش يخرج عليك.. ماتديرش على هدرة الناس

​

كلامك زادني اصرار و قد ركزت على الأسباب الحقيقة التي دفعت بي نحو هذا القرار


تحيـــــــاتي


~~~Change We Need~~~​

 

[shahrazad]

أنت لا هراب و لا خائن و لا منافق
هادا واش قدرت نقول لاني متأسفه بزااااف على قدرات شبابنا المدفونة
كل يوم راه حلم ينقتل ابداع ينقتل على يدين ناس مادابيهم هاد شي .
مادابينا يكون كاينين شباب متلك في بلادنا لكن ادا يقعدو باه يتحطم فيهم كلشي بعد مايصطدمو بالواقع تاعنا
غييير ماكلاه
سافر خويا و دير حاجة في حياتك هادا من حقك
و نتمنى من كل قلبي انك تحقق هدفك
حتا حنا رايحين نفتخرو بيك
و القرار قرارك وحدك الي راك مقتنع بيها ديييرها
ربي يوفقك
تحيــــاتي ​

 

[chemssou007]

أنت لا هراب و لا خائن و لا منافق

هادا واش قدرت نقول لاني متأسفه بزااااف على قدرات شبابنا المدفونة
كل يوم راه حلم ينقتل ابداع ينقتل على يدين ناس مادابيهم هاد شي .
مادابينا يكون كاينين شباب متلك في بلادنا لكن ادا يقعدو باه يتحطم فيهم كلشي بعد مايصطدمو بالواقع تاعنا
غييير ماكلاه
سافر خويا و دير حاجة في حياتك هادا من حقك
و نتمنى من كل قلبي انك تحقق هدفك
حتا حنا رايحين نفتخرو بيك
و القرار قرارك وحدك الي راك مقتنع بيها ديييرها
ربي يوفقك

تحيــــاتي
​

شكـــرا جزيلا على المــرور


تحيــــــاتي


~~~Change We Need~~~​

 

[بلد الوليد]

يا اخى انا واحد من الناس نفتخر بالرجال كيما انت حتى وهد الحاجه تخصك وتخص المستقبل نتاعك طلبت تسمع راينا
يا اخى اولا ماشى انت الاول لراح تغادر الوطن و ما راحش تكون الاخير و الصحابه رضوان الله عليهم نهار انقطعت بهم السبل امرهم النبى(ص) بالهجره الى الحبشه فرار لحفظ دينهم وارواحهم ورجعو معزين مكرمين
يا اخى ادا هجرت ندعيلك بالتوفيق انشاء الله بصح ننصحك تبقى الجزائر ديما فى قلبك و خليها دايمن تصيبك حتى ونتا بعيد عليهاو ماتكونش كيما لى كلاو الغله و سبو المله
"بلادى وان جارت عليا عزيزة..واهل وان جاروا عليا كرام"

 

[Adel Adel1]

وفقك الله
أقول أمر بسيط
أطلب العلم و لو في الصين

 

[fahima m]

يا اخي chemssou007 انا رايي انك في طريق ما نسمياش خيانة بصح راك حاب تسلك روحك بصح اذا كانت سعادتك خارج الوطن غير روح​

 

[لحن السعادة]

أنا راني معاك الف في االمية غير روح ومدورش وراك انا معنديش قدرات كيما الي عندك بصح راني حاسة بلي عايشة وأنا ميتة في هذ البلاد رغم اني مرأة ونتمنى اني نخرج من هذ البلاد نحلم بيها في الليل ونهار نخمم فيها كل ليلة
روح وربي يسهلك ويلي حب يهدر يهدر مينقص منك وميزيدش فيك

 

[02asma02]

اولا انا راني معاك باش تهاجر
لان اذا كنت انت تحس بالخيانة واش نقولوا على المسؤولين الي ما يمدوش يد المساعدة لامثالك
المهم يا اخي انصحك ان تهاجر وان تكون نفسك واذا ان شاء الله قدرك ربي ونجحت علميا وعمليا ما تنساش اولاد بلادك المحتاجين اليك نزيدك شيء انت لست الاول ولا الاخير لان كل مبدعينا وعلمائنا راهم في الخارج وانا نقول لو كان لقاو واش راك حاب انت بالتأكيد كانوا يفضلوا بلادهم
وشكرا

 

[chemssou007]

يا اخى انا واحد من الناس نفتخر بالرجال كيما انت حتى وهد الحاجه تخصك وتخص المستقبل نتاعك طلبت تسمع راينا
يا اخى اولا ماشى انت الاول لراح تغادر الوطن و ما راحش تكون الاخير و الصحابه رضوان الله عليهم نهار انقطعت بهم السبل امرهم النبى(ص) بالهجره الى الحبشه فرار لحفظ دينهم وارواحهم ورجعو معزين مكرمين
يا اخى ادا هجرت ندعيلك بالتوفيق انشاء الله بصح ننصحك تبقى الجزائر ديما فى قلبك و خليها دايمن تصيبك حتى ونتا بعيد عليهاو ماتكونش كيما لى كلاو الغله و سبو المله
"بلادى وان جارت عليا عزيزة..واهل وان جاروا عليا كرام"

شكــرا يــا أخي

و أنـا "مش من النوع" لي نعض اليد لي وكلتني و كبرت بخيرهـا


تحيــــــــاتي


~~~Change We Need~~~​

 

[chemssou007]

وفقك الله
أقول أمر بسيط
أطلب العلم و لو في الصين

شكــرا سيدي المشرف اسعدني مرورك


تحيــــــاتي


~~~Change We Need~~~​

 

[chemssou007]

يا اخي chemssou007 انا رايي انك في طريق ما نسمياش خيانة بصح راك حاب تسلك روحك بصح اذا كانت سعادتك خارج الوطن غير روح
​

مـ ـ ـ ـرورك اسـ ـ ـعـ ـدني


تحيــــــاتي


~~~Change We Need~~~​