شو رايكم في هدا الموقف

[رورو الجزائرية]

​

امبارح كنت انا و امي راجعين لدارنا و كان لازم نركبو الكار باش نرجعو ركبنا و قعدت انا و امي و كان و رايا انا شاب بعد شوي و انا قاعدة نحس بحاجة ورايا شكيت بهداك الشاب و امبعد قلت يمكن غالطة و المرة الثانية قلت يمكن ماشي بلعاني المرة الثالثة خلاص قلت انشوف واش كاين اتلفتت وشفت ايد الشاب الي ورايا و اول ما تلفتت جبد ايدو طلع الدم لراسي و بصراحة حشمت من امي و الناس الي قاعدة قلت نتلفتلو نخزرلو باش يفهم روحو كي تلفتت لقيتو شاب في الثلاثين تقريبا و خزرلي و ضحك انا قلت ماشي راح يفهم بالخزرة لاهو صغير و حركات مراهقة و لاهو حشمان من روحو المهم قلتلو احترم نفسك و امي سمعتني و فهمت الموضوع اعطتو هي تاني كلمتين على راسو الي غاضني في الموضوع انو ولا شاب و لا راجل اتكلم الكل خزرولنا و سكتو مكان حتى واحد نطق و كانو موضوع عادي و ميهمهمش و تاني حاجة انا غاظتني روحي انا بنت لا عمري خرجت و انا متبرجة و لا عمري لبست حاجة امبهرجة انا متحجبة و محترمة نفسي اعلاه الناس متحترمئشي نفسها
من غير منطول انا حبيت نعرف واش رايكم في هدا الموقف الي نعرف و متاكدة انو هدي الايام يتكرر بزاف قلولي واش راح كنتم اديرو لو كنتو مكاني و واش درتو كي تعرضتو لحاجة كيما هكدا و يا شباب اعلاه تتحرشو بالبنات؟؟؟؟؟؟؟؟؟؟؟؟؟؟؟؟؟؟؟؟؟ ​

الله يهدي شبابنا قولو امين​

 

[Manar19]

ختي لمواقف هدو يصراو بزااف .... وديما الضحية هي الطفلة وكما قولتي تنوضي تعيطي وتبهدليه يرجعوك نتي للي غالطة اول حاجة يقولوهالك احكمي دارك مايصرالك والو.... وتاع واحد ينطق ويقول علاه هدي غير انسايها كل واحد يقولك المهم مهيش ختي.... انا منكدبش عليك صراتلي وهدي هي حالة للي يركب فالكار بدلت بلاصتي وقصيت لحكاية.... حاولي تريحي في بلاصة منين لبنات وصايي... تحياتي ليك

 

[رورو الجزائرية]

شكرا اختي على ردك بصح راكي تعرفي الانسان يضطر احياننا و من جيهتي انا نكره الكيران لكن كل واحد و ضروفه و كون مجتشي ضروفي اضطرتي باش نركب و الله ما نركبها​

 

[dida007]

انا انقلك حاجة
الولد جامي يقدر ايدير حاجة كيما هادي من تلقاء نفسوا
ويمكن سامع اعليك احكاية ولا كاش حاجة ومش بالضرورة تعرفيه خطاك في هذي الدنا الي يعرفوك اكتر من الي تعرفيهم هادي كامل نعرفوها
ونزيد انقلك في هادا الوقت البنات هم الي يتحرشوا بالدراري
يعني تشرلوا وتغمز وغيرها من الحركات.........راك عارفة
والله الشباب خاطيهم المشكل فالبنات ايديروها ويرجعوها على الذكور


ملاحظة انا اتكلم عن عامة البنات ولم اقصد شخص معين​

 

[رورو الجزائرية]

و الله يا خويا راك غالط 100/100 و انا ما دخلني في البنات درك انا نحكيلك على روحي انا كيما قلت متحجبة ومنلبسش حتى حاجة ملفته للانتباه او ضيقة و قعدت انا و امي و كان تصرفي عادي جدا يعني منيش كي لبنات الي يضحكو بصوت عالي او يهدرو و لا يغمزو و اهم حاجة انا بنت محترمة و الي متاكدة منو ان اي واحد يعرفني يقلك محترمة و تمشي و عنيها فلرض بصح كاين منها بنات كيما قلت و كاين منها ثاني شباب ايمانهم ضعيف و الشيطان يديهم و ين يحب

صح والله راني غلطانة ممكن تجاوبني

 

[مـــــلاك]

لوكان جيت انا و الله غير نعطيه زوج كلمات تاع لاز يقعدو يحرقو في قلبو و نوض و نبدل بلاصتي ، واحد حيوان و مشي متربي ميستاهلش نضيع وقتي معاه نعطيه زوج كلمات برك بصح يقتلو
انا لحمد لله مصراتليش بصح لوكان تصرالي نعرف وش نهدر
و الله متفهمي كيفاه ديري متحجبة مشي متحجبة ، و حتى تكوني دايرة جلباب ميطلقوكش ربي يهديهم
حاشا البعض الي دايرين القدر لرواحهم و التالي الي يدير هكذاك اعرفيه "رخيس"​

 

[shahrazad]

كيفاش هادي الشباب خاطيهم قاع !!
علاه ملايكة ؟؟؟؟؟!
ياخي كيما كاين بنات ماشي مربيات
كاين شباب كيفكيف هادي هي الدنيا
و الله يا ختي الموقف هدا ديما نسمع بيه و الله غير البارح صحبتي حكاتلي واحد جاست دارو واحد جون عيان gاع مع انو هي تلبس غييير الحجابات و انسانه ماشاء الله
قاتلي من الدهشة مالقيت واش ندير ولا نقول
يعني الطفلة ادا بدات التعيط دير تبهديلة لعمرها و الناس رايحين يهدرو فيها هي
و كي تسكت و الله قلبها و كرامتها يضروها بزااف
كاين دي جون ماشي مربيين و اصلا مافيهمش ريحة الرجله
و علابالهم كي يديرو هكا لطفلة هي ماتقدر دير والو على هاديك يستغلو ضعفها
ربي يهدي ماخلق و ربي يستر على كل طفلة محترمة و بنت ناس
تحياتي ليك ختي

​

 

[رورو الجزائرية]

شكرليكم اخواتي عندكم الحق و الله غير الواحد احتار معرف كيفاه يتصرف فهالدنيا الي عادت احوالها متشقلبة

 

[pixau_dz]

والله يا خاوتي انا تغيظني لما تتكلمو على الشباب ولم ؟؟

لخطأ شاذ أو اثنان مزال البراكة القدام

 

[رورو الجزائرية]

اكيد خويا نعرفو بلي صباع يدينا ماشي كيما بعض و بلي كاين شباب فيهم الخير و البراكة بصح انا نشوف بلي هدي الظاهرة راهي تزيد يوم عن يوم و بصراحة اكثر راني متقلقة من الشباب الي ميدروش هدي العمايل لكن ساكتين كانو معادش كاين نخوة فيهم
بارك الله فيك​

 

[pixau_dz]

أي نخوة اللي بتتكلمي عنها والله انا نشوف أنو رانا في زمان أصبح الحرام مباح والمباح حلال

رانا في عالم لا يتسم بالاصول سواءا شباب او شابات

 

[aMiNa-K]

السلام عليكم

كنتي تبدلي بلاصة و تهني روحك.. و ادا تقلقتي صح ابداي تعرشي.. تشوفي كيفاش يولي صفر و يهبط ف prochain arrêt.. بصح كيفاش الغاشي بقاو ساكتين.. احنا ينوضو ليهم و مايخلولهمش

الله يهديهم برك​

 

[رورو الجزائرية]

مافهمتش الموضوع ممكن تفهمني وانا راح نجوابك ​

شو رايك بالتحرش الي يقومو بيه بعض الشباب

 

[asmaa_h]

و الله يا اختي وانا صرالي نفس الموقف مع شاب يمكن عمرو 35 سنة و الله كون صبت كون كليتو ما هوش حتى صغير باه الواحد يهدر معاه الناس ماهيش تحشم

 

[رورو الجزائرية]

أي نخوة اللي بتتكلمي عنها والله انا نشوف أنو رانا في زمان أصبح الحرام مباح والمباح حلال

رانا في عالم لا يتسم بالاصول سواءا شباب او شابات

و هدا الزمان هو زمانا احنا الي صنعناه احنا الي خليناه كيما هكدا و احنا لازم انغيروه مش لازم نبقو على هدي الحالة و نقولو الله غالب ​

 

[رورو الجزائرية]

و الله يا اختي وانا صرالي نفس الموقف مع شاب يمكن عمرو 35 سنة و الله كون صبت كون كليتو ما هوش حتى صغير باه الواحد يهدر معاه الناس ماهيش تحشم

فالدنيا صار الواحد خايف حتى يتكلم لانو دايما الحق في الطفلة دايما الراجل بريء و خاطيه و هي الي غواتو منيش انعمم اكيد كاين خواص و ربي يهدي شبابنا بنات وولاد

 

[رورو الجزائرية]

انا نضن لي عينه يبقى مستوار يستر راحو ويحسب نفسو قبل مايحسب ناس اخرى​

انا نتكلم على ناس كلهم ...ماشي على طارف واحد بنساء برجال​

ام بخصوص التحرش. والله راهي في الجزائر كلها الواحد ارجع يحشم يخرج مع يماه ولا باباه في السوق ولا المرشي.... والله واحد الوقت ياحفيض برك​

المهم الله يهدي شبابنا وبانتنا تاني​

سلامي​

المشكلة يا اخي انو الواحد يكون مستور و محترم و كل شي بصح ميسلمش من التحرشات و المعاكسات معرفش الواحد واش يدير

 

[oussama R10]

الله يهدي

وراهي سن مراهقه
وقاع شباب يتحرشوا

وديما نقولو الله يهدي
​

 

[رورو الجزائرية]

اولا شكرا على المشاركة ثانيا اسمحلي مهيش سن مراهقة راهم شباب فوق الثلاثين متخلوش المراهقة شماعة الاخطاء

 

[أم عبد الرحمان]

و الله يا أختي هذا الموقف صرالي بكري و كنت مع زوجي و غير خمّمت باش نقول لزوجي حسّيت قلبي راح يخرج من الخوف ممّا سيحدث لو أخبرته المهم سكت و خلّيتها في قلبي و وكّلت ربّي
يا أختي كاين ناس صحّ الطفلة هي اللي تناديهم باش يعاكسوها بالتبرّج تاعها و المشية و الضحكة بصّح كاين ناس تان و الله عندهم مرض في القلب و لّا مرض نفسي منين يشوفو مرا يولّو كي لكلاب ربّي يسترنا و الله سقسيني أنا حاجة ما تبان فيا حتّى وجهي و مستور بصّح هكّاك و ما طلقوش يا لطيف!!