الحاجة الي عمري ما فهمتها ....وعلابالي عمري لا نفهمها

[podolsky]

السلام عليكم
تبعو معايا مليح ....
الدنيا هاذي ....كيما علابالكم ...كثر فيها كلشي ماشي مليح ..الكذب ,الخدع ,الحقرة ’ الزوخ ,الغدر ’ السرقة , الفسق , خرجان الطريق ,التمنشير ,الرشوة ,الاغتصاب. العقوق , و و و و ..القائمة طويلة بزاف
لكن في المقابل ...روح اهدر مع اي واحد ...بلا ما تخير اي واحد ...على هذه المصطلحات وبكل ثقة يذمهالك ...ويعطيك دروس ومحاضرات تقول راك تهدر مع مصلح ولا عالم جليل ...
على سبيل المثال ....لمتنا هذي ....ياك اغلب اعضائها جزائريين ...ياك نمثلو كل شرائح المجتمع ....ياك نمثلو كل جهات الوطن ....كامل الاعمار....كلا الجنسين راهم اعضاء في اللمة
روح دور في كل اقسام المنتدى تلقى غير المتربي والشريف والامين والجونتي والناس ملاح سيتي و......حبيت نعرف وين راحو الناس الي هدرنا عليهم في اول الصفحة ......ما تقوليش الناس هادو ما يكونيكتيوش....

وارهو السيد..... الي نشوف فيه يطير فيا
واراهو السيد ....الي سلفو دراهم يزليني فيهم
واراهو السيد ....الي كل ما نهدر معاها يخرج علي طريق
وارهو السيد ....الي اغتصب الي سرق الي سكر الي حقر الي ضلم
وراهي الطفلة .....الي كل ما نخرج من دارنا تقابلي بنصف جسدها او اكثر خارج مجال اللباس
وراهي الطفلة .....هاذي واعرة شوية نفوتوها خير
واش ....نقارضو في لحضة
ولا الهدرة شيئ ...والواقع شي
ايا نجربو
خير اي موضوع .....على سبيل المثال الكذب مثلا
خير اي شخص تقابلو ....وسقسيه ..واش رايك في الكذب ..وشوف واش يقولك ...زيد سقسي لاخر وزيد لاخر وزيد الاخرى
والله ديفوا نبقى حاير ...وين راهم يروحو الناس الي ماشي ملاح ....ولا الناس كامل تكذب والله مافهمت .
نورونا خاوتنا ....

 

[MANMONA]

السلام عليكم وي راني معاك ا خويا في الهدرة اللولا كاين هاذو لحوايج الي ذكرتها بزاف في مجتمعنا او هاذو لحوايج هما الي خلاو الدنيا ماشية او تفسد كل ما يطول الزمان بينا كل ما تكثر لحوايج الي مش مليحة او ايروح زمان النية مي انت راك تحوس عليهم يبينولك روحهم في اللمة ولا وش ههههههههههه كل انسان هنا يتظاهر بلي راهو ناس ملاح يعرف ربي مليح ماكانش واحد يكتبلك موضوع ايقلك فيه راني سراق او نحب نمنشر في الشعب ولا راني زواخ و كذاب ماكانش منها هاذي مي ربي اعلم بواش في لقلوب مي ماننكرش بلي كاين عباد ربي ايبارك هنا تحطهم على الجرج يبرا كيما راني نشوف والله اعلم وش راح انقلك ياخويا هاذي الدنيا او لازم العبد ما يطلعش بزاف او ايهبط مشاكلها في راسو لا يهبل او تتفر فيه عيش انت كيما يرضى ضميرك او انسى الناس المهم انت تكون ناس ملاح برك تقبل مروري خويا

 

[boutarfaya_2]

راك تتكلم ذهب......


الجماعه اللي راك تهدر عليهم راهم هنا.....بصح عندهم أقنعة راك عارف يخافو من الضوء


موضوع في بلاصتو ....و في وقتو بارك الله فيك
​

 

[podolsky]

السلام عليكم وي راني معاك ا خويا في الهدرة اللولا كاين هاذو لحوايج الي ذكرتها بزاف في مجتمعنا او هاذو لحوايج هما الي خلاو الدنيا ماشية او تفسد كل ما يطول الزمان بينا كل ما تكثر لحوايج الي مش مليحة او ايروح زمان النية مي انت راك تحوس عليهم يبينولك روحهم في اللمة ولا وش ههههههههههه كل انسان هنا يتظاهر بلي راهو ناس ملاح يعرف ربي مليح ماكانش واحد يكتبلك موضوع ايقلك فيه راني سراق او نحب نمنشر في الشعب ولا راني زواخ و كذاب ماكانش منها هاذي مي ربي اعلم بواش في لقلوب مي ماننكرش بلي كاين عباد ربي ايبارك هنا تحطهم على الجرج يبرا كيما راني نشوف والله اعلم وش راح انقلك ياخويا هاذي الدنيا او لازم العبد ما يطلعش بزاف او ايهبط مشاكلها في راسو لا يهبل او تتفر فيه عيش انت كيما يرضى ضميرك او انسى الناس المهم انت تكون ناس ملاح برك تقبل مروري خويا

وعليكم السلام
مارسي عليك ختي
ههههههههههههه
انا مانيش نحوس عليهم ....او بالاحرى حيروني تشوفي في الواقع ...تلقاي الناس كامل فالصو ...الا القليل ......تهدري معاهم تناقشيهم ......تلقايهم كامل الله يبارك

المهم انت تكون ناس ملاح

اجابتي ما راح تفيدك بوالو ...وين تعرفي الصح بلاك نكون منهم
​

برك تقبل مروري
مقبول ختي ....ومارسي عليك

خويا
قليل من يعرف قيمة هاذ الكلمة

 

[podolsky]

راك تتكلم ذهب......


الجماعه اللي راك تهدر عليهم راهم هنا.....بصح عندهم أقنعة راك عارف يخافو من الضوء


موضوع في بلاصتو ....و في وقتو بارك الله فيك
​

السلام عليكم
العفو خويا
ههههههههههه عجبتني ...يخافو من الضوء

راك تتكلم ذهب......


الجماعه اللي راك تهدر عليهم راهم هنا.....بصح عندهم أقنعة راك عارف يخافو من الضوء


موضوع في بلاصتو ....
عجبتك لبلاصة ..في خاطرك والله غير نخليه هنا وما نحركوش من بلاصتو


و في وقتو
خويا راهي 12 نتاع اليل

بارك الله فيك
وبارك الله فيك
​

 

[boutarfaya_2]

السلام عليكم
العفو خويا
ههههههههههه عجبتني ...يخافو من الضوء

راك تتكلم ذهب......


الجماعه اللي راك تهدر عليهم راهم هنا.....بصح عندهم أقنعة راك عارف يخافو من الضوء


موضوع في بلاصتو ....
عجبتك لبلاصة ..في خاطرك والله غير نخليه هنا وما نحركوش من بلاصتو


و في وقتو
خويا راهي 12 نتاع اليل

بارك الله فيك
وبارك الله فيك
​

هههههههههههههههههههههه

هههههههههههههههههههههههههههههههههههههه
​

 

[MANMONA]

ههههههههههههه باين عليك ناس ملاح او ماكش منهم عليها راك دايخ تحوس عليهم بين الاقسام تاع المنتدى ههههههههه انا راني هاربة من ضرك لا تلقاني بااااااااااااااااااااااااي

 

[Adel Adel1]

ببساطة
معضم مستعملي الأنترنت يتميزون على الآخرين برجاحة العقل و التعلم السريع و الإعتبار
باللمة نجد العديد من العبر حتى الفرد يتعلم منها طيقة التعامل
كما ني أرى أن كل أعضاء اللمة عشاق ودليل مايجري بالقسم الذي أشرف عليه

 

[بنت الـ25]

ماجاتش العقليات هادي غير فالمنتديات.....راهي في الواقع تاني
و بيان سير في العالم الافتراضي اللي هوالمنتدى تلقاه متخبي ورا الشاشة ويظهر بالصفات غير لي حابها هو
وكاين ناس فالواقع الحقيقي تحير فيهم..كل يوم بوجه....مي منقدروش نبدلو هاد الحقيقة المرة
موضوعك عجبني بزاااااااااف​

 

[otikana]

ااه عقليتك فوور تمشي معاية وهدي الدنيا ماتستاهل والو اناا لنقلك التهى بالعبادة نتاعك واخدم لدنيتك ولخرتك غير واش عطاك ربي واالناس لخرين انساهم يعني ماتخصصلهمش وقت في حياتك وعافاك الله منهم وبعدك على طريق الشر والحسد

 

[مغرورة بأنوثـتي]

مشكور خويا موضوع في القمة وسبقتني ليه
لأنو انا كيما انت حيرتني هاد العقلية ومفهمت والو
الواقع تصيب كامل الحوايج اللي ماشي ملاح وكي تدخل المنتدى
تحس روحك ماشي دزيري
وعمرك ماعشت في الدزاير



تقبل مروري​

 

[حنوون]

هذا الناس مش انت اللي تحاسبهم في رب هو اللي يحاسبهم والي علينا احنا نقراو الرد مالهم ونستفيد منهم حتى لو كان الشخص يكذب او في عيوب واللي نعرفوه ان كل الناس ما تخلى من العيوب ماراح يردو على الناس و يقولولهم يكذبو او يسرقو حت لو هم كذابين وسراقين اكيد راح ينصحوهم ويخلوهم يتعلمو من اخطاهم هذي هي الدنيا وانت اصلا شو اللي تبغيه من الناس اخلاقهم الطيبة ولا عيوبهم احنا ما نقدر نحكم على الناس في رب العباد هو العالم ما في الصدور

 

[Manar19]

خويا هدا النوع من الناس للي تحوس عليهم كي تعاشرهم وتتعامل معاهم تقدر تكشفهم ..... مي باه يجيو لهنا ويقولولك ها نحن دا هدي موحال.... واحد مايجي لهنا يوقولك انا كداب ... انا سراق .... و الخ..... مشكور على الموضوع.... تحياتي

 

[ouafi.dz.34]

سلام خوية لعزيز الغاشي لي راك تهدر عليهم كاينين هادي رسمي بصح صعيبة شوية باش تقدر تفيق بيهم دير في بالك بلي وكان واحد ماتخالطوش مليح ماراك رايح تعرف عليه والو المهم ربي يطيحنا علا حساب نيتنا وصاي اعطيك الصحو خونا

 

[مغرورة بأنوثـتي]

هذا الناس مش انت اللي تحاسبهم في رب هو اللي يحاسبهم والي علينا احنا نقراو الرد مالهم ونستفيد منهم حتى لو كان الشخص يكذب او في عيوب واللي نعرفوه ان كل الناس ما تخلى من العيوب ماراح يردو على الناس و يقولولهم يكذبو او يسرقو حت لو هم كذابين وسراقين اكيد راح ينصحوهم ويخلوهم يتعلمو من اخطاهم هذي هي الدنيا وانت اصلا شو اللي تبغيه من الناس اخلاقهم الطيبة ولا عيوبهم احنا ما نقدر نحكم على الناس في رب العباد هو العالم ما في الصدور

صح ماشي احنا اللي نحاسبوهم مي ماشي نهار يطرح موضوع من المواضيع هادي متلا السرقة و الغدر و المعرفة و...........و...............
يقوللك واش راك تقول ؟احنا رانا عايشين بخير و هاد الموضوع كامل ماكاش منو
ياخي رانا هنا باش نستافادو و ونتعلموا من مختلف العقليات
ماشي باش نكدبوا على رواحنا

 

[MĺŹǾ žĕĥÔŖ]

خوياااااااااااااااااااا صراحة كلامك يقيس بزااااااااااااف ومعانيه كبار

وهادوك الناس كيما قالووا خواتي منافقين

صافي هوما بوجه ويبانوو بوجه ويخافووو باش يبانوووو

والله غير موضوعك هاااااااااااااااااااااايل ربي يحفظككككككككككككككك

 

[بحر الأحزان]

بإختصار
سراق ماهوش راح يجيك ويقولك أنا سراق عس روحك مني
حاجة أكيد راح يخبي روحو ويلبس قناع الملاك لي ميغلطش وقال الله وقال الرسول هاذي حاجة باينة​

 

[salah.f]

وعلاه راك تحوس عليهم انت ياخويا كي مايقيسكش هاديك هي وانت كي راح تهدر مع واحد ولا وحدة تقدر تميزوا لكان هو انسان صالح ولا انسان فاسد وبطبيعة الحال لكان مراهش صالح راح تجبد روحك عليه وهو خليه بينوا وبين مولاه لكان هو فالمنتدى قال الله و قال الرسول و هو في حقيفتوا انسان طالح هدا يكون نوع من انواع النفاق و رانا عارفين جزاء المنافقين وياخويا نخليو البير بغطاه خير لانوا صراتلي حكاية مع انسانة هنا فالمنتدى قعت بلا راس و مشكووووووور اخي على الموضوع وتقبل مروري

 

[نجاة40]

يا خويا اقعد هك راك مليح لوكان تحب تفهم راك توحل المهم اذا شفت واحد بدا يخرط ويهدر بالحكم والامثال راهو 0 على الشمال حاشا لي مايساهلش​

 

[ملاكي]

اكيد واحد ما رح يقول على روحو انا كداب ولا منافق و لا خداع ولا ...ولا ....ولا
هادي حاجة عادية
اذا ماقدرش في حياتو العادية يبان بصور كيما راهو حابها هنا يقدر
و بالاك هو ماراهوش يشوف في روحو كداب و لا خداع ولا منافق ولا...ولا...........
مرسي خويا على الموضوع