حب ولا خلي....

[ملاكي]

السلام عليكم
بلا مقدمات نبدى الموضوع

انا عندي وحدة صاحبتي
عندها خوها كرهلها حياتها
مايخليهاش تتنفس من الدار الليكول ... و من الليكول للدار
و داير عليها طفل يقرى معاها يعسها
و زيد حتى هدا الطفل ما فيهش رحمة ربي
مهبلها ....يقوللها تهدري معايا ولا نكذب على خوك
مسكينة كل يوم تجي زرقة لليكول
و القراية وكان ماشي باباها وكان راهي حبست
و زيد قشها و كرطابها كل يوم يتفركت
.............
كي تشتكي ليماها ولا لباباها
يقولولها خوك و يخاف عليك
راهو يعرف وش كاين في هدا الوقت
..............
و خوها هذا داير في برة غير اللي ماتندارش
ماكاش طفلة مخليها في حالها
...............
كاين اخوة يحبو و يخافو على خواتاتهم
مي كيما هدا ما نظنش بلي يحبها و يخاف عليها
نظن يخاف على روحو

انتوما وش رايكم في واحد هكدا؟ و إذا كاين بيناتكم واحد هكذا؟
و السلام عليكم

 

[**laila**]

هذا واحد مريض هذا

ربي يصبرها

و راي مش غير هي

كاين اللي أكثر
​

 

[m.maroo]

هادا مريض

مرسي ختي عالموضوع
​

 

[ريما الجزائرية]

ربي يهديه هذا انسان مريض مسكينة واش راح دير ربي يصبرها ونتمنى متحبسش لقراية نتاعها لخطرش تبالي هذا هو المراد نتاع خوها.

 

[ملاكي]

شكرا على المرور

 

[aMiNa-K]

السلام عليكم​

كما عنوان الموضوع.. هدا حب ولا خلي ههههه
صح الاخ مليحة يعس ختو بصح ماشي هكدا.. اللي حاسين بالنقص يديرو هكدا.. يقولو كما يديرو البنات ختي تانيك تدير كما هوما الور يعسها بزاف.. و زعمة راهو راجل كي يدير هكدا.. و نسى بلي كما يدير في بنات الناس.. رح يجي واحد و يخرجها في اختو.. en plus الفيد وش يدير.. لوكان جا خدام و عندو شغالات تشوفي ادا يحوس على اختو.. صباح الخير مايقولهالهاش​

و مادام والديها اهم ساكتين ماعندها ماتدير.. و مدام ماراهي داير والو.. مكاينش على واش تخاف
تصبر و خلاص​

 

[HASSAN]

ماشي لهاذي الدرجة

 

[Manar19]

ختي هدي تصرى وبزاف في المجتمع تاعنا....وكما تعرفو للي يدير هكدا مع ختو يسمى راهو موسوس بويسك كما قولتي مداير حالة مع لبنات ... وهدا النوع من الناس عندو انفصام في الشخصية... سي فغي الطفل لازم يخاف على ختو ويراقبها مي موش بالطريقة السلبية هدي....ومام انا عندي وحدة حبيبتي تعاني من المشكل هدا وكنت كي نشوف خوها مرندف مع وحدة نعيطلها تليفون ونقولها وجدي روحك ليوم تاكلي طريحة وفهمكم كافي..... شكرا على الموضوع ...تحياتي

 

[foufa34]

كما يقولوا السفيه يظن ما فيه هدا مهبول وش يدير هو في بنات الناس داير في بالوا بلي ساهل باه يندار لاختوا ...لا خاطر علبالوا بلي كما تدين تدان ....ربي يصبرها عليه

 

[M!ss D!or]

هادا مريض

مرسي ختي عالموضوع ​

 

[امينة ك]

هدا واحد مريض .صح يخاف على ختو مي ماشي لهذ الدرجة.لفوت نتاع يماها وبابها. حنا ما علينا غير نقولوا ربي يصبرها ويصبر لي عايشين كيما هي