- إنضم
- 25 مارس 2009
- المشاركات
- 3,254
- نقاط التفاعل
- 29
- نقاط الجوائز
- 1,017
- آخر نشاط
نبداو على بركة الله
تبعو بلعقل درك تفهومو المعنى
*********
الجزائر بلاد العالم كامل يعرفها باسم بلد المليون ونصف المليون شهيد
هاذ باينة قع الجزائريين يزوخو بيها
بصح كان نوليو سنين للخلف
لايام الامير عبد القادر
و لأيام لالاّ فاطمة نسومر
او حتى لايام علي لابوانت وغيرهم بزاااااااااف
مساكن متمتعوش بالحرية
منهم اللي ولد وهو مقيد حريته مسلوبة من طرف الاستعمار
والمشكل لكبير جامي عاش حر ويعرف قيمة الحرية
الحرية اللي هاذ الجيل فسد المعنى نتاعها
تلقى راجل سكران يقولك حريتي ماكش فراي
تلقى طفلة ماهيش محجبة تقولك نورمال حرية
تلقى شباب يلعبو ومخليين قرايتهم يقولولك الحرية
تلقى الاعلام مداير ........ راكم علابالكم مكالاه نقول كي تهدر يقولولك الحرية
تلقى فلان وفلانة زعمة الحب كي تقولهم يقولك هاذ الحرية
وزعمة صح يعرفو معنى الحرية ؟
الحرية حاجة مقدسة تابعة لكل جوارح الانسان
بصح علاه يا ربي هاذ الجيل محبش يفهم بللي الدنيا ماهيش غير صياعة
بللي الدنيا ماهيش انك تدير واش تحب تحت اسم الحرية اللي ماكش اصلا فاهم معناها
الحياة حاجة كبيرة امتحان من عند ربي سبحانه
شهداءنا فهمو هاذ الشيء بصح احنا مزالنا مفهناش
نهار تقوم القيامة في هذاك الوقت يقول الانسان واش دارهالي
زعمة اسم الحرية رايح ينجيه من واش دار؟
زعمة كي يقول حريتي ربي رايح يغفرلو ؟
وانتوما واش رايكم في اللي يدير رايو تحت مسمى الحرية؟
ويا ترى انتوما منهم ؟
وبلادكم واش قدمتولها ؟ باه ضحيتو على جالها ؟
داركم هذاك البيت الصغير اللي ساتر عائلتك واش درت باه تخليه حر ؟
واش درت باه ترجع لهاذ الدنيا ولهاذ لعباد معنى الحرية الحقيقي ؟
انا وحدة من الشعب ما درت والو غير اني كتبت هاذ الجرنال
وفي الختام نطلب السماح
:angel_not:
