ارجوكم ساعدوني اليوم قبل الغد

[ماقتة الصهيون]

:crying::thumbdown: ارجوكم ساعدوني تبانلكم قصة تافهة بصح راني رايحا نهبل
انا كنت نقرا في ليسي واحد مع صحاباتي والفت بزاف الاجواء تما بعيدة شوي على البلاسة لينسكن فيها على هادي بدلني بابا سيف عليا لثانوية كان صبت كان بطلت قرايتي على جالها عبادها معقدين عباد منعرفهمش مشفتهمش في حياتي هبلت واش دير معاهم ماكش مليح لكان هدرت في القسم يضحكوا لكان شاركت و لا كشما درت حاسبيني متكبرة و انا و الله مافيا هده العقلية زدت قعدت قدام زوج بنات معلباليش وش درتلهم يديرولي في وحد ليجاست
انا منيش من النوع اللي ميديفونديش على روحو بصح نقول معليش ايامات وتتنحالهم هاد الهقلية يكرهوني وش نقول يضحكو عقدوني راني قاعدة و نسمع فيهم يمنشروا و منقدرش نديفوندي على روحي نقول بلاك التلاميد الاخرين و ليبروف يقولو ماشي متربية جات جديدة و ماهيش محتارمة روحها

واش ندير هبلت

 

[أم نعمة]

ما تسمعي بحتا واحدة عيشي حياتك نورمال هوما كي يشوفو بلي اثرو فيك يزيدويقلقوك تابعي حياتك كيما بكري و لهاي في قرايتك وما ديريش حساب الناس ودرك تشوفي كيما تقيميهمش ينسوك

 

[من الماضي]

اختي الكريمة ماشي شرط يكون الديفو فيك

حنا عندنا عقلية كي يدخل لينا واحد جديد نبينوا رواحتينا قدامو

بصح نقولك حاجة حاولي تبينيلهم بلي انتي خير منهم

و ما ترديش عليهم لخاطر اذا رديتي و قيمتيهم يحسبوك صح كيما راهم متخيلين

mais كي تبينيلهم بلي انتي انسانة مليحة بروحهم رايحين يحشموا و يطلبوا السماح

***

ربي يوفقك و ينجحك في قرايتك​

 

[شاكيرا]

يا اختي ضوك غير بالشويا ويوالفوك وتولي تبغي وين راكي تقراي قضية وقت برك

 

[sissouma]

عيشي حياتك نورمال وبينيلهم بلي نتي خير منهم و ماتقيميهومش قاع بينا بلي يغيرو منك علا هذا يظلو يهدروك فيك و هوما عندهم عقدة هيا نتيا علبيها يظلو متلهيين بيك

 

[ماقتة الصهيون]

شكرا على الردود يا اروع اصدقاء من غدوا انشاء الله نبدا نجرب مع هاد العباد

 

[يسرى 2008]

اختي انا نقرا في المدرسة وبالنسبة ليا انا منتخلاش على مبادئي
واتدكري انو اساس النجاح هو الدفاع عن النفس والقوة والمجهود
واكثر حاجا اتعاملي ببرودة
قدامهم
انا تاني يعملولي هكا
وانا راني ننصح فيك بصح من داخل راني مجروحة
خاطر للاسف احنا نقدرو ننصحكو الناس بصح منقدروش ننصحورواحينا
عموما انا كي جات عنا السنة طفلة جديدة
مليحة وزينة شافوها الدكورة ولاو الكل يروحولها ويتعرفو عليها
والكل يهدرو في اسمها
ويتمناو يقعدو قدامها حتى انهم يتعاركو على البلايص على جالها
هما حبوها خاطر عندها التعامل مليح معاهم وزيد من عقليتهم
وجاتنا وحدة جديدة سمينة
جيست دخلت في القسم
المراقب يعرفنا زعما عليها
هدرو الكل منحبوش الباشعين في القسم
اخرجي
الطفلة تشوكات بدلت
صح الامر صعب لاني نعرفو
بصح انا الي نقرا معاهم ديجا نعرفهم من 3 سنين الكل
وقريت معاهم
وكاين منهم الي قريت معاه من الابتدائي
وهدرتهم عادية بصح في وقت الجد كان جيتي قارية
يجيوك الكل ويقولولك نعتيلي
وقتها انت اعرفي وش تعملي واعطي قيمة للنفسك

 

[abidou 20081]

تحية طيبة وعطرة أختي العزيزة ماقتة الصهيون لعنهم الله

نقولك ختي دايما منين الواحد يوالف بحاجاويبدلها تجيه شوية صعيبة ومايقدرش يتأقلم تم تم
لكن تأكدي بلي مع الوقت رايحة تلقاي روحك وتلقاي لي روبر تاوعك مليع في الليسي الجديد هذا ماتنسايش
بلي راكي جديدة عليهم وماشي بالساهل باش نعرفي العقلية تم تم بصح مع الوقت تعرفيلهم ونقولك بلي تاني ماشي الفايدة في كثرة لصحاب ممكن طفلة ولا زوج أحسن من عشرين ونصيحتي ليك ماتحاوليش تفرضي روحك عليهم باش تبقى قيمتك ديما الفوق ماشي تكبر لكن من عادة الإنسان لي يلقى ولا يحس بروحو جابدين عليه الغاشي يبدى يتصرف بتصرفات ماشي من طبيعتو يعني يحب يفرض روحو دراع عليهم لكن خلي المستوى والعقلية تاعك يفرضو رواحهم هكذا رايحين يجوك مع الوقت ويقولولك حنا من اللول كنا نشوفو فيك هكذا ولقيناك هكذا وتصرى بزاف هذ الأمور ماتعمريش بها راسك ورايحة تتجاوزي هذ المرحلة
ربي يوفقك وربي ينجحك ودمتي بألف خير وهناء إن شاء الله​

 

[ماقتة الصهيون]

ميرسي نصائح ج رائعة بارك الله فيك