موضوع لليجان ... والبنات sans تقرعيج .. ( كيما تقولو )

[Moha le sage]

اهلا خاوتي وش راكم .........

كل واحد فينا كيفاش يعقب وقتو ......... انا حاب تقولولي الصح في واش تعقبوه ( اذا خفتو ... ما تجاوبوش ) وواحد مايلعبها زعما من الجامع ما يخرجش ..كونو سامبل .. و صارح وانطح كيما يقولو

راح نعطيكم ليست .. وكل واحد يجاوب بواش يناسبو ....... بعقلية ليزالجيريان


1 : تريح في قهوة ( قهوة وقارو ..خير من سلطان في دارو )

2 : تلعب ديمينو ( قفلة على دوبل سيس و اشكيلي حجارك )

3 : تدير سبور .. بالون ..ميسكيلاصيون ( تحوس تولي اتاكون كيما ايطو ..ولا ميسكلي كيما ارنولد)

4 : النت... الشات .. منتديات ( هاذي لمة و هاذي سكايب و هاذي منتديات خرى )

5 : مع صحابك في تاع الكارطي والحومة ( شوفو وش صرا لهيه .. راها حكمتلي مع بومبة .. )

6 : مع لي جو Vيديو .. كيما PES و لخرين ( نخير البارصا ولا الريال و نتا العب بواش تحب نربحك )

7 : البابيفوت ولا البيار ( الخاسر يسلك ..ولا تلعبو رباعا ..ولا ماتش بيار بالقدر )

8 : التسركيل بالموطو ..ولا الVيلو ( طالع مع كارطي هابط مع كارطي ..تلقى الموفمون تقاري )

9 : تريح توال صاحبك لي في حانوت ولا طاكسيفون ( هو ضايقة روحو و نتا حاب تحكم بلاصة دافية و ما يجوش توالك الصامطين )

10 : تتمشى في الطبيعة ولا في بارك .. ( MP4 ولا ليكوتور تاع برطابلك و طالق غنية تاع فيفتي ولا لطفي ولا وحدة سيلين .. )

11 : تلعب الضاما ولا الشطرنج ( حاكمة عليك ونتا من لي grands فيها .. والي تحكمو غير ب تلاثة وضامة ولا كاسباروv في الشطرنج .. 4 تحريكات echec et mat )

12 : تتفرج في الفيلمات لي تكريهم ولا تليشارجيهم ولا في البارابول دبي و MBC( واحد يحب الهندي و شاروخان ولاخر لاكسيون جات لي .. ولا فيلمات رعب ولا افونتير .. )
13 : ............................... كشما نسيت حاجة ما ذكرتهاش ديرها من عندك :biggrin:



راني نستنا في ردودكم .. وكيما يقولو الكوراج خير من المال ( قالو احكم الكوراج واعطيني المال:laugh: )

 

[** غزال الصحراء **]

أنا ما ذكرتلي والو يا خويا موح , الديمينو و الشطرنج جامي حبيتهم ..

البالو من العام لي فات في الشامبيونا تاع الليسي كي ما ديناهاش كرهت مالgري

كنت نطير خخخ مي راهي باينتلي في الناطاسيون.. في الMp3 و أنا ندور

طالق عقلية NaS كسر راسك و لا أبنيه .. النت عندي ام اس ان و لا اللمة و لا Dzrap

سي تو كي نكثر يوتوب لي فيلم اه خوك مدمن على الجديد سيرتو في دومان المافيا .
​

 

[** غزال الصحراء **]

على فكرة , طركان البارح في مندى كورا واش صرا في ميزك ؟

دارو إشاعة بلي سعدان جاب لاعب من

فريق إمستردام لماتش مصر إسمو ( صون سمير ) Sans smire ههه

و العرب قاع مصدقين و قاع.. و بزيادة دارولو تصويرة خخخ

و الله لا حاجة تضحك تعرف بلي مالgري تو الفكاهة حاضرة عند الغاشي

برك جبتهالك على تاع Sans تقرعيج أيا في لامان .
​

 

[nada242008]

:001_unsure::001_unsure: hالله غالب التقرعيج يمشي في الدم سيرتو كي توصي
سامحوني:crying:

 

[اللؤلؤة المصونة]

ههههههههههههههه
كيما قالت حنونتى ندى راااااااااه ساري فدمنااااااااااااااااااااا



اممممممممممممم ماعرفت كيفاه نسلك راسي

ايااااااا بون كوراج وكيما قالللكمــــــ الصراحه هي الكل.........((ماديوروهاش سيريو))​

 

[moni92]

وحدة ماهي فيهم انا من الليسي للدار وبس ماكاين والو زيادة

 

[Manar19]

4 : النت... الشات .. منتديات ( هاذي لمة و هاذي سكايب و هاذي منتديات خرى )
ولكدب علاه.... واش صاري نقولوه...... حاليا راني مع النات وما تبعه..... مشكور

 

[ملاك92]

الله غالب التقرعيج ...................................يمشي في الدم
تقبل مروري واسمحلي هههههههههههههه

 

[نهاد الجزائرية]

ايه خويا نسيت حاجة مهمة بزااااااااااااااااااااااااااااااااااااااااف وقاع ليجون يديروها
يقضو نهارهم كامل في الرقاد
هههههههه ماتكدبوش كامل اديروها
يعطيك الصحة خويا وجوميسكوز باسكو نارمالومو ماندخلش مي راك عارف الله غالب تقرعيج

 

[omar16]

ههههههههههه حبيت نشكرك على هدا الموضوع لانو مليح بزاف
كيما انا كي نود باين واش ندير نروح نقرى و كي نجي لعشية نشعل البيسي و نكونيكتي و من بعد كي يجيو خاوتي نلعبو pes2009اللي نموت عليها و كي نكملو نروح نتعشى و من بعد على 9.30 دايما نتجمعو ولاد حومة عند دارنا ههههههههههه و نلعبو بتي بوا حتى 11.00 و من بعد نولي نكونيكتي كي العادة حتى 2.30 ولا 3.00 صباح باش نرقد و هادي هي حياتي

 

[ملاك92]

ايه خويا نسيت حاجة مهمة بزااااااااااااااااااااااااااااااااااااااااف وقاع ليجون يديروها
يقضو نهارهم كامل في الرقاد
هههههههه ماتكدبوش كامل اديروها
يعطيك الصحة خويا وجوميسكوز باسكو نارمالومو ماندخلش مي راك عارف الله غالب تقرعيج

هههههههه صح كاينة هادي ختي نهاد ...............هههه :thumbup1:
اكي تعرفي ..............:biggrin:
الرقاااااااد وبيع البلاد

 

[نهاد الجزائرية]

ههههههههههههههههه بيانسور ختي ملاك وهما يعرفو حاجة واحد اوخرا غير هدي

 

[beautiful -soul]

مادامك كتبت في العنوان موضوع لليجان والبنات sans تقرعيج ....اكيد راح ندخلو ونقرعجو :001_smile: ونتا ماقلتلناش نهارك كيفاش ؟؟؟؟؟؟؟؟؟

 

[Elif DZ]

انا و الله أذهب للدراسة و أقوم بديني على اكمل وجه هذا ما يستحق الذكر مني

 

[beautiful -soul]

اوكي ظرك نحكيلكم

نعقب وقتي ف زوج حوايج ...........الله غالب حاكمني مرض بورقدون(يعني نحب نرقد ههه).....+ ديما حدا لميكرو ..هادي منتديات كورة...هاذا سكايب ..و راكم عارفين الواحد قاعد قاعد لازم يصيد شوية بط...هههه
الفاهم يفهم
♥ الشهبندر♥​

هههههههههه يومياتك ولا اروع ربي يدوم ............فهمناها تصايد شوية بط.........

 

[beautiful -soul]

هههه أظربي النح كيما يقولوا .تخافي البط يفوقلنا و يهرب يطير ههه​

ماتخافش سرك في بير بصح البط هدا ذكي بالبزاف تخاف يفيقلك هههههههههه

 

[oussama R10]

2 : تلعب ديمينو ( قفلة على دوبل سيس و اشكيلي حجارك )

3 : تدير سبور .. بالون (برك) بلا ميسكيلاصيون ( تحوس تولي اتاكون كيما ايطو .)

4 : النت... الشات .. منتديات ( هاذي لمة و هاذي سكايب و MSn و هاذي منتديات خرى )

هذا هوا
عقيلة dz من بكري

مشكورر خويا موووح
رانا توحشنا مواضيعك
​

 

[beautiful -soul]

هههه اذا فاقلنا نقولولو جيناكم بالحسب و النسب ...وش رايك

مانظنش يقبلك البط على خاطر واعر بالبزاف :biggrin: ...........يا خويا رانا خرجنا على الموضوع ههههههههه :angel_not:

 

[امينة لبرايجية]

ياماما عليكم انتم ليجان ههههههههههه

 

[الظل الطويل]

اهلا خاوتي وش راكم ......... و الله الحمد لله, و انت وش راك؟ ماكش تبان بزاف..غير الخير ولا هبلوك بالمواضيع المنقولة:biggrin:

كل واحد فينا كيفاش يعقب وقتو ....وكاين لي ميعقبوش ههه..... انا حاب تقولولي الصح في واش تعقبوه ( اذا خفتو ... ما تجاوبوش ) ياخي قلت الكوراج خير من الدراهم,مالا شد الدراهم و اعطيني شويا كوراج وواحد مايلعبها زعما من الجامع ما يخرجش ..كونو سامبل .. و صارح وانطح كيما يقولو وعلاه لي يروح الجامع مشي سامبل:confused1:

راح نعطيكم ليست .. وكل واحد يجاوب بواش يناسبو ....... بعقلية ليزالجيريان هيا متكثرش التقرعيج بركـ:thumbdown:


1 : تريح في قهوة ( قهوة وقارو ..خير من سلطان في دارو )والله يا القهوة..غير في رمضان والسهرات نتاعها بركـ..منيش نتاع قهوة ودخان

2 : تلعب ديمينو ( قفلة على دوبل سيس و اشكيلي حجارك ) و الله ديمينو فليل ساعات كي تحكم على عناد بين جماعة نجي نقصر شويا.

3 : تدير سبور .. بالون ..ميسكيلاصيون ( تحوس تولي اتاكون كيما ايطو ..ولا ميسكلي كيما ارنولد)اه هنا نتفاهمو..البالو والقدام والشاطر يربحنيـــ..نطيرها لزيدان

4 : النت... الشات .. منتديات ( هاذي لمة و هاذي سكايب و هاذي منتديات خرى )ايه النت متخطاش من البالون للنيتو كاش موضوع منقول نديروه خخخخخخ.

5 : مع صحابك في تاع الكارطي والحومة ( شوفو وش صرا لهيه .. راها حكمتلي مع بومبة .. )ايه كي تفرغ اللمة وتولي مواضيع بايخة نخرج نريح مع صاحبي

6 : مع لي جو vيديو .. كيما pes و لخرين ( نخير البارصا ولا الريال و نتا العب بواش تحب نربحك ) اواه هديك ايامات زمان
ضرك منيش نلعب فيها.

7 : البابيفوت ولا البيار ( الخاسر يسلك ..ولا تلعبو رباعا ..ولا ماتش بيار بالقدر )والو خاطيني هديك الصوالح..راك عارف العقلية:angel_not:

8 : التسركيل بالموطو ..ولا الvيلو ( طالع مع كارطي هابط مع كارطي ..تلقى الموفمون تقاري )والو متخلينيش ماما نخرج بيها..تخاف عليا من الطريق

9 : تريح توال صاحبك لي في حانوت ولا طاكسيفون ( هو ضايقة روحو و نتا حاب تحكم بلاصة دافية و ما يجوش توالك الصامطين ) ايه عندي صحيبي عندو تاكسي فون و الغاشي مكاش مالا نطلعولو شويا مورال..راكـ عارف مالي الحوانت فيسع يكرهو.

10 : تتمشى في الطبيعة ولا في بارك .. ( mp4 ولا ليكوتور تاع برطابلك و طالق غنية تاع فيفتي ولا لطفي ولا وحدة سيلين .. )وشمن طبيعة صحيبي مكاين والو.

11 : تلعب الضاما ولا الشطرنج ( حاكمة عليك ونتا من لي grands فيها .. والي تحكمو غير ب تلاثة وضامة ولا كاسباروv في الشطرنج .. 4 تحريكات echec et ايييييه شحال عندي ملعبتهاش..كي تتلاقا بيها سلمي عليها بزافmat )

12 : تتفرج في الفيلمات لي تكريهم ولا تليشارجيهم ولا في البارابول دبي و mbc( واحد يحب الهندي و شاروخان ولاخر لاكسيون جات لي .. ولا فيلمات رعب ولا افونتير .. )كاشـ فيلم رعبـ كاش اكشن....
13 : ............................... كشما نسيت حاجة ما ذكرتهاش ديرها من عندك :biggrin:

نسيت الجامع تاركان..سيرتو نهار الجمعة خخخخخخ

راني نستنا في ردودكم .. وكيما يقولو الكوراج خير من المال ( قالو احكم الكوراج واعطيني المال:laugh: )والله هات المال وشد الكوراج
مادرنا بيه والو

واش الاجابات عمي تاركان
ان شاء الله يكون الوقت مريقل شويا
هيا بصحتنا التوقيتا
مرسي على الموضوع بزاف هايلـــ

تحياتيـــــــ..
​