عاونوني

[قطر الندى36]

قالولي راكي ضعيفة ولازم تسماني شوية malgré انا لاطاي نتاعي تعجبني مي خطيبي قالي لازم تسماني شكون منكم لي يعرف حاجة مليحة تسمن نتمنى متضحكوش عليا الله غالب.

 

[مفآهيمـ الخجل]

هادي حاجة عادية كاين بزااف اللي تصرالهم

كولي العسل و المكسرات بزااااف

انا هادا وش نعرف
​

 

[nada242008]

واحد ما يضحك عليك برك كون درتي موضوعك في بلاصتو
كاين سيرو تاع الحلبة في الصيدليات راهم يشكرو فيه

 

[zaki02000]

أختي لا يوجد من يضحك المكسرات هي التي تسمن و لكن لا تأكلي الكثير منها المهم تقبظي لاطاي لي يبغبها خطيبك

 

[رشيد ابو ايوب]

اختي قالو الشيكولة مليح تسمن مليح انا راني نسي فيها

 

[جوانا]

راكي تحوسي تسمني أختي كولي المكسرات​

 

[mimi17]

كولي المكسرات الشكولاطة وكذلك اشربي الحلبة

 

[im£ne]

انا ختي نقولك الحلبة..بصح لازم تتحملي ريحتها

​

 

[منتصر]

والله حسب الضعف تيعك
اذا كان راك ضعيفة بزاف نقصي الحركة
واكلي مليح برك

 

[هــــيلدا]

الحلبة مفيدة اختي

 

[قطر الندى36]

شكرا على كل الردود

 

[**laila**]

العجين

مقرونة سباغيت

حاجة دسمة

والحلبة مليحة تفتحلك الشهية
​

 

[بحر الأحزان]

المكسرات والشوكولاطة والحلبة
ومتتحركيش بزاااااااااف باش متحرقيش الدهون​

 

[** غزال الصحراء **]

ينقل ل :

منتدى الصحة والحياة

 

[chiva.]

راحة البال يا ختي

 

[ندى الجزائرية]

اذا حابة تسمني في وقت قصير ديري الحلبة مع العسل وكولي ملعقة كل يوم.ولازم تتحملي ريحتها الله غالب.
وكولي تاني الشيبس .
وربي معاك.

 

[el faycal]

انا نضحك على خطيبك .

 

[Rouaida75]

السلام عليكم


انان مع البنات
كولي الحلبة والمكسرات والشكلاتة
وماتحرميش نفسك من الفواكه وربي يقويك

 

[oum joumana]

انا في رايي اقعدي كيما راكي انشالله بعد الزواج راكي رايحة تسماني لانو انا كنت هكذا حتان راني دورك نعمل في رجيم باش ننزل في الوزن بعد الولادة

 

[nawal1980]

شوفي يماك ولا واحدة من الفاميليا لقراب متلا عمتك او خالتك ولا سمان غير ايفيتي تسماني مور الزواج قاع يسمانو