دزاير خير مصر .... حاجة مشفتهاش حتى الآن

[mimi.dz]

دزاير خير من مصر .... حاجة مشفتهاش حتى الآن

شوفو علابالي اي واحد دخل راهو نارvاه العنوان قبل ما يقرى الموضوع

الله غالب هاذ هي الحقيقة ( راني نكذب هههههههه بيانسير دزائر خير )

كامل اللي يهدر يقول الجزائر خير من مصر

وكل مصري يقول العكس

درك لازم نحكمو العقل ماشي العقلية dz

علابالي كامل فهمتوني

نبداو على بركة الله نرجعو لواش قال عمرو اديب ( اعلامي مصري )

قالك احنا حضرنا الجزائر واحنا علمناكم لعربية واحنا طورنالكم بلادكم واحنا اللي حررنا الجزائر

والجزائريين بيانسير مسكتوش

ولد العلمة فارس قالهم في الاغنية نتاعو :

اذا انتوما درتو هاذ الشيء برك احنا بلاد الشهداء ومكناش محتاجينكم

كي بعثو واحد ولا زوج بعد الاستقلال مادارو فيها والو

ومتنساوش بللي الهواري عاونهم في حرب 73 وكان ماشي احنا

راهم راحو فيها ( كان غير معاونهمش )

وعبد الناصر ( هاذو وما الرجال ) بكى في دزاير في ساحة الشهداء

يعني مستعرف

وفارس ولد العلمة رجعهم لزمان بكري وفكرني بللي جدودنا اللي بناو القاهرة

هيا نفوتو لجيهة اخرى

نهار جاو للجزائر الورد اللي خلقو ربي كامل جابوه واستقبلناهم احسن استقبال

لا ضربناهم ولا حتى سبيناهم

كي رحنا ليهم ........................ ( قاع علابالكم ) والمشكل كذبو كلش

والله يعني شحال متمنية نلقى مصري توالي ويناقشني في هاذ الموضوع ويبرهنلي بللي حاجة ما

صرات وبللي هوما ثاني استقبلونا احسن استقبال وبللي مصر ام الدنيا صح ( كيما راهم يقولو )

واللي تغيض وتقطع القلب الناس اللي سمعنا بللي ماتو ( ربي يرحمهم )

والحراير اللي ............ ( حسبنا الله ونعم الوكيل )

درك كل واحد هدر حاجة

مي قولولي درك اللي هدر واش دار؟؟؟؟؟

خليوهم يهدرو اسمعو وطيشو وراكم

اللمة كامل راهي مقلبة اليوم والله تقريب نفس المواضيع مي كل واحد يهدرفي الموضوع

درك والله كاينين مواضيع يبردو القلب ( ميرسي بزاف ليكم )

بصح احنا ولاد الشهداء ** بلادنا بلاد النور ** احسن بلاد ** وشعبها احسن شعب

وتحيا الجزائر منا حتان للصباح وبربي نروحو كاليفي

ونتمنى منكثروش في الهدرة مع .......

السكوت على ........ جوابه

ولاّ واش قلتو ؟

احنا بربي للمونديال رايحين ورجالنا في السودان رايحين يديرو اللي عليهم

واحنا هنا قاطعنا منتجاتهم وقنواتهم وحتى هوما راهم طالبين العفو ( درتها بيديك حلها بسنيك )

والهدرة كيما سبق وقلت مادات ماجابت غير تبرد القلب هههههههه

هيا يا ليزالجيريا بينو اصلكم صح وقولو تحيا بلادنا وربي ينصرها ويخليهالنا

وانشاء الله كاليفي

وكثرو من الدعاء ماشي من السبان

اي كثرت الهدرة

نخليكم على خير


​

 

[sakoura 007]

يعطيك الصحة أختي
هادي هي الهدرة لمليحة
​

 

[جوانا]

مارسي حنونة على الموضوع و ان شاء الله كاليفي​

 

[وردة الامل]

​

 

[سجى الجزائر]

ان شاء الله كاليفي

 

[Sarita]

يعطيك الصحة بصح كان ليق نديرو هادوك les sujets تعرفي نبردو قلبنا
وبالنسبة للمقاطعة قاطعنا الحمدلله
وراني نبوستي الفيديو على اليوتيوب تع Boycottez Djezzy

 

[TamerLover]

~ .. الســــلام عليــــــــكم ..

.. مـســاكي ورد يــا أحلى من الورد ..
.. راكي طلعتــي لي المــورال ختي mimi.dz ..
.. بموضوعكـ الزين هــذا ..

.. احنــا الرجــال و الرجــال في وقتنــا قليل ..
.. غــدوة ان شاء الله في الســودان يهولوهــا ليجــان ..
.. يفــروحنــا الاعبين و يرفــع راسنــا الشيــخ سعدان ..

~ .. دمــتي في أمـان الله ..
​

 

[muIstafa]

ما عندي ما نقول غير

One TwoThree Viva L'algerie​

 

[FOOZA]

يعطيك الصحة

 

[براءة]

بربي ان شاء الله الفرحة لينا واحنا اللي نفرحو غدوة,الجزائر مازالها بخير بلا مزية حتى واحد.
حسبنا الله ونعم الوكيل فيهم وربي يجيبنا حقنا.
​

 

[دودو لبزاف]

الهدرة في السودان
​