أرواح يا طالب , راك حاسب بلي الإضراب راه فايدك !!!

[** غزال الصحراء **]

السلام عليكم خوتي صحا عيدكم , كيما علابالكم رانا في الأسبوع الرابع تاع الإضراب ..

حتى لضركا الأساتذة داو نص مطالبهم ( تاع الليسيات ) و لخرين داو كامل و حبسوا

الإضراب نورمالمو .. و انا ما دمني في الليسي حبيت نطرح السؤال للأساتذة :

علاش تخمموا غير في واحكم واش هذا الطمع ؟

صح معليش أدو حقكم مي ماشي هاكا .. حنا لي عدنا الشهادات , مثلا أنا الباك

يعني خلات علينا صاي ضرك يدمرونا لي جور الجايين قالك تقراو عطلة و نزيدولكم

السوايع ..إلخ , ايه يا سي علاش تزيدني واش هاذي الأنانية ؟ راكم حاسين واش راه

صاري خوتي اي رايحة تتفر فينا و رايحين نطيبو , و على حساب ما قريت في الشروق

التلاميذ هددو بلي غير يكمل تاع الأساتذة يبداو هوما و السبة هي :

( طلب تخفيف البرنامج ) ايه هاذا حل إذا خففونا البرنامج و نحونا

قيمة لي ما قريناهش في ال4 سمانات هاكا نتفاهمو apart ça رانا في الريح

و فدرالية تاع أولياء التلاميذ قاعدة راقدة و تطلب الأساتذة يرجعو يقريو

نساو بلي راه فاتنا الكار .
​

 

[safa rym]

اي يا هشام خويا واش راح تدير......بلادنا مدايرة كيما هكذا........مايجي يتحل مشكل حتان يبانوا عشرة أكثر منو...و متطفّرة غير في نتاع الاقسام النهائية سورتو الباك...المهم أنت ماتتكلش عليهم أقرى وحدك و ان شاء الله تجيب لباك بمعدل مليح....تقبّل مروري أخي لكريم..راها تسال عليك ميما بزاف..وان شاء الله تلحقها العام الجاي و دير كيفها....تحياتي لك​

 

[متحدون]

صـــــــــــــ،،ح والله غيـر عندكـ الحـــــــــــــــــــق
خاصة طــــــــــــلاب الشهادات
ربي يــــــــــــــــــــــعاونكم ...
م ــــــــــــــــــــ تحياتي ــــــــــــــــ ع​

 

[zagane]

السلام عليكم
إذا من وراهاالحائط بعد التخرج راه في الفايدة

 

[** غزال الصحراء **]

و الله عندك حق يا خويا راهي جاية غير في التلميذ مسكين
و سيرتو تاع الشهادات و انا تانا في الليسي سنة 1 وحد الليسي مانحكيلكش و زيد الاضراب و ارواااااح تشووووووف

لا نتوما تاع الأولى و الثانية ما تتضروش بزاف بويسك تتحاسبو على واش قريتو سي تو

مي حنا عدنا مقرر لازم يكمل و تتحاسب عليه في الباك ربي يصبر و خلاص مرسي .
​

 

[nina bonoise]

انا راني نخمم غير في الباك راني نحس فيه قريب يطير

 

[** غزال الصحراء **]

اي يا هشام خويا واش راح تدير......بلادنا مدايرة كيما هكذا........مايجي يتحل مشكل حتان يبانوا عشرة أكثر منو...و متطفّرة غير في نتاع الاقسام النهائية سورتو الباك...المهم أنت ماتتكلش عليهم أقرى وحدك و ان شاء الله تجيب لباك بمعدل مليح....تقبّل مروري أخي لكريم..راها تسال عليك ميما بزاف..وان شاء الله تلحقها العام الجاي و دير كيفها....تحياتي لك​

أهلا عاش من شافك !!

صحا عيدك كل عام و أنتي بألف خير .. ايه يا ميما راهي راقدة في الخط طول

سلميلي عليها , ايه هاذاك ما يليق تقرى و حدك و صاي , مي و الله نقولك الصح

المورال راه في الزيرو و ربي يلطف و خلاص , الله يهنيك .
​

 

[** غزال الصحراء **]

صـــــــــــــ،،ح والله غيـر عندكـ الحـــــــــــــــــــق
خاصة طــــــــــــلاب الشهادات
ربي يــــــــــــــــــــــعاونكم ...
م ــــــــــــــــــــ تحياتي ــــــــــــــــ ع​

امين يا رب , الله يهنيك شريكي .
​

 

[ريم غريس]

أهلا خويا غزال الصحراء لالا ما تخافش الإضراب ماشي رايح يضرنا ديرها في بالك بلي وزارة التربية والتعليم رايحة تقرر لصالحنا على خاطر ماشي حنا إلي نتحملوا المسؤولية تاع الإضراب الأساتدة هوما إلي يتحملوها وزيد الإضراب راه في كامل التراب الوطني أنا تاني هاد العام الباك
ربي ينجحنا وخلاص

 

[** غزال الصحراء **]

السلام عليكم
إذا من وراهاالحائط بعد التخرج راه في الفايدة

بدون تعليق :scared:

 

[TamerLover]

** غزال الصحراء **

.. ربي يحفظكـ و يحميكـ و يقوينكـ و ينجحكـ خويــا..
.. كــلام صواب يا خويا ..
.. ديــر الي عليــكـ و مــا تخممش .. توكل على الله ..
.. ان شاء الله يتحسن الحــال و يصيــر تمــام التمــام ..

~ .. دمــت في أمـــان الله ..
​

 

[احساس طفلة]

احنا درنا 22 يوم بصح اليوم قرينا ودوك قالك تقراو بالسبت ويزيدولنا سوايع ياخو والله كرهنا وشنو هذا هما داروها واحنا تحصل فينا القراية ولات شارجي بزاف :angry: الله ينجحنا

 

[أميرة العيون]

سلام خويا على حساب الشوفة ماشي غير انتوما حتى حنا في الجامعة رانا كيماكم وعلى حساب الشوفة راحين نديروها نوي بلونش اي أسمحلي أني بلونش و كل مرة واحد ساعة الطالب ساعة الاستاذ وهي ماشية....... ماتقلقش روحك خويا درك يلقالها بوتفليقة الحل ويديرلكم جسر جوي من الثانوية للجامعة وأكل تروحو سون فيزا ( سون باك) هههههههههه

 

[bom]

أنا سمعت من وحد الاستاذ اذا كان تواصل الاضراب في الليسيات الى الاسبوع الرابع كامل رايح تكون ويقرروا سنة بيضاء ​

 

[jiji 94]

و الله يا هشام عندك الحق ......
بصح الديــن تاع الايام لي فاتت (21 يوم ) واش يخلفها ؟
ههههههههههه الاستدراك ؟........العطلة نتاع 15 يوم ؟......محال ......
​

 

[1992meriem1]

والله حرام عليهم
نقولها و ماما استاذة مقرفة مي راهي تحس بالذنب و غاضوها التلاميذ مساكن والله هي قالتلهم لي يحب يجي يقرا نقريه و مايديرش حصص الاستدراك مي ماحبوش
المهم انشاء الله لاثنين 30 نوفمبر نولو نقراو

 

[** غزال الصحراء **]

انا راني نخمم غير في الباك راني نحس فيه قريب يطير

و الله نفس الشعور :crying:
​

 

[السلطانة]

بصح خويا من حق الاستاد باه يضرب
كون جاو والديك معلمين تقدر الامر
حتى الاستاد انسان والراتب ماهوش كافينا خو
المعلم في بلادنا هو الاخير

 

[** غزال الصحراء **]

أهلا خويا غزال الصحراء لالا ما تخافش الإضراب ماشي رايح يضرنا ديرها في بالك بلي وزارة التربية والتعليم رايحة تقرر لصالحنا على خاطر ماشي حنا إلي نتحملوا المسؤولية تاع الإضراب الأساتدة هوما إلي يتحملوها وزيد الإضراب راه في كامل التراب الوطني أنا تاني هاد العام الباك
ربي ينجحنا وخلاص

أهلا ريم , و الله والو راهم قالو يريكيبيرو بطريقة بيداغوجية ربي واش من بيداغوجية

ضرك يهردونا قاع عسي برك ! و يكذب عليك لي قالك بوزيد راه يخمم علينا

سي رتو كي ولادو ما يقروش في دزاير :angry:
​

 

[** غزال الصحراء **]

والله حرام عليهم
نقولها و ماما استاذة مقرفة مي راهي تحس بالذنب و غاضوها التلاميذ مساكن والله هي قالتلهم لي يحب يجي يقرا نقريه و مايديرش حصص الاستدراك مي ماحبوش
المهم انشاء الله لاثنين 30 نوفمبر نولو نقراو

ياو المشكل قاع في النقابات , ما نلوموش كاين لي حاب يقري ..

مي لازم ينقصونا من البرنامج باش يكاموفلو واش دارو سي نو نديمارو حنا بإضراب

واحد أوخر و راح العام .. هاذاك هو راكي مراسلتنا كاش جديد من عند يماك ما تنسيش

خوتك .
​