حاسة بالحقرة.....................قولولي اذا غالطة

[جولنار]

السلام عليكم
والله ما جاني نوم نضت من بلاصتي وجيت نفرغ واش في قلبي
صح قولولي ياخي حنا كامل جزايريين وعندنا عادات مشتركة رغم اختلاف المناطق

علابالكم بللي العروسة كي تكون مخطوبة العايلة نتاع راجلها في الاعياد و المناسبات يجيوها ويجيبولها العيد نتاعهاmais انا راني مخطوبة واحد ما عيطلي واحد ما جاني

وااله كنت نبكي وقلبي معمر انا حسيت بالحقرةوعلاااااااااااااااه.انا بنيتي شريت لعجوزتي وشيخي وسلافاتي كااااااامل des cadeaux والله ماما و بابا ماشريتلهم wfinalementواحد ما عبرني وعلااااااااااااااااه هاذي حقرة
عندي صحاباتي هوما تاني مخطوبات واحدة جاوها من الشلف,وحدة جاوها من بجاية وانا بيناتنا60km ماجاوني ما حوسو عليا,انا قلت شيخي هو بابا وعجوزتي هي يما وانا normalementيديروني كيما بنتهم

و الله ما فهمت واش ندير دارنا غاضهم الحال وfiancé نتاعي راهو مسافر ودار عجوزتي حقروني اكثر من مرة mais هادي اللي غاضتني بزاف

قولولي واش نعمل الله يستركم
قلبي معمر





​

 

[سجل أنا جزائري]

و عليكم السلام أختي

كل واحد و عقليتو المهم أنك تكوني متفاهمة مع خطيبك

حاولي تتحمليهم في وجه خطيبك و ثاني احكي مع خطيبك على هذي ما تخبيش في قلبك

و اذا ما قدرش يلقى حال ما ديريش منها مشكل

 

[اسمه_ان]

متقلقيش روحك اختي

اذا كنتي متفاهمة مع خطيبك وكان هو يقدرك ويحترمك

هوما كبري قلبك عليهم

ومتدريش ممكن غدوا تروحي ليهم

وتلقايهم ناس ملاح ويعجبوك

وقولي الحمد لله على كلشي

تقبلي تحياتي​

 

[amira51]

اختى لحبيبه
المهم انك انتى و خطيبك متفاهمين
متحسي بالحقره ماوالو مزلتى مخطوبه وتقولي هكدا
مالا كي تزوجي كيفاه حنونتى​

 

[naim_biskra]

ربي يعطيك اصبر اختي واش راح اديري هداك الي كان لازم اعليك تصبري

 

[ouafi.dz.34]

شوفي مول النية هو لي يوصل ومايغيضكش الحال عليهم ختي الزينة والمهم انت راكي ديتي نضرة عليهم يعني مرة اخرا تعرفي كيفاش تصرفي معاهم ربي يكون في عونا ان شا الله

 

[Adel Adel1]

ديري في بالك أنتي رايحا تزوجي لي خاطبك مش ؤايحا تزوجي والديه
هوما ممكن كيعاد ولدهم فالخارج ناتهلاش

نتي ديري معاهم الخير و كتري منو غير باش ترضي الزوج تاعك و حتى ولو فوق القلب

من حكايتك باينا قلبك بيض و باينة صغيرة معنتها مازال مافتيش 23 و لا 24

نصيحة من عندي ديري البوسيبل مع والديه على جالو هو و ماهمكش فيهم هوما​

 

[ملاك الليل]

قاع ماديريش في بالك .....ومتكبريهاش تخربي حياتك في الباطل
كوني ذكية في التعامل الواحد تاني مين يطلع شناه يبدا يخلط وقيمتو لنفسو تولي لا حصر لها
وصح اللي قال.....
ان انت اكرمت الكريم ملكته....وان انت اكرمت اللئيم تمردا

 

[nina88]

لكان راكي متفاهما مع خطيبك علاه تحوسي عليهم انت درتي لي عليك ربي يهديهم
مهم ان شاء الله تتزوجي و يعوضك على كل شي

 

[العمانية]

السلام عليكم ورحمة الله وبركاته

اللي فهمته من كلامك انك مخطوبة واشتريت هدايا العيد لحماتك وعمك وحمياتك وهم ما عبروكي.
عزيزتي ما له داعي تضايقي حالك، المهم انت عملتي بأصلك وبينتي انك كلك ذوق وعمرك لا تنتظري المقابل بالنسبة لاي عطاء اعملية لوجه الله
وعيوني يمكن اهل زوجك ما قصدهم التمسيلهم العذر وتأكدي قلبي اكيد هالمبادرة قربتك الهم وورفعت قدرك عندهم.

الله يوفقك يارب ويتمم عليكي بالخير

مع التحية

 

[السلطانة]

لازمك تكوني قاوية اختي هادي هي الحياة
تغيض صح
احكي مع خطيبك وانشالله مايكون غير الخير

 

[* أميرة الأحلام *]

أن نقلك الحق الفايدة في الهناء والتفاهم بين الطرفين وليس الاهل والاهل احترميهم مثل والديك ولاتندمي لانهم يعتبروا بمثابة الوالدين ربي يحفظهم الاثنين
​

 

[sleepingbeauty]

حبيبتي بالاك كاين ناس ما عندهمش هاد العادات
و كل واحد و ضروفوا ما تقلقيش روحك اختي
المهم انت و خطيبك تكونوا ملاح​

 

[sourire2010]

و عليكم السلام ختي

نقولك نتي قيمتيهم في وجه ربي و وجه خطيبك ما طلعي ما تهبطي ربي يجازيك نشاء الله و الخطرة الجاية أتفكري والديك قبلهم ههههههه
المهم
ما تزيديش تقيميهم و تشوفي كيفاش يجرو موراك ههههههه
راني نتمسخر شوفي ختي امشي بنيتك و احكي لخطيبك الحقيقة و خليها على ربي ما تقوليليش برك راح تسكني معاهم ؟؟؟؟؟
ربي يوفقك و يهنيك بالاك ربي يهديهم
نتمنالك السعادة و دوام الفرحة
أعرضينا كي تتزوجي حنونة

 

[فيروس 18]

شوفي اختي احنا كانت عندنا عكس مشكلتك بصح نحكيلك باه ممكن تقدري تفهميهم احنا تاني مكناش نروحو عند خطيبة اخي الي مسافر بصح هي و اخي كانو متفاهمين و حنا كنا راضيين عليها بصح منعرف بالاك متولهناش بالاك تلهفنا بالاك تولهنا بحوايج خلاف و الله منعرف و بالدات مشافيش علاه انا اصلا منحبش ندخل في هادو الامور بصح و الله هي ضرك عايشة معنا في الداروالله كي اختنا واحد عمرو ما لحقها و هي ضرك مراة قدامنا تحمد ربي تقول علي العيلة الي طاحت فيها و هي ضرك كي عرفتنا فهمة بلي احنا مكناش قاصدين منروحوش بصح صرات هكاك
و انا من رايي حاولي تلقايلهم عدر الامور متكونش ديما كيما تبان و حاولي تهدري مع خطيبك و فهمي منو و علي العموم طولي بالك هادو الامور ديما فيهم هاد الهرج و ممبعد تفوة نورمال
و ربي يجيب الي فيه الخير

 

[الأستاذ مصطفى]

هاو أعذريهم ممكن فقراء وماعندهمش وماحبوش يحشمو رواحهم ويجيبولك حاجة ماتعجبكش
أو ماعندهمش هاذي العادة كيما حنا
أستريهم يستروك

 

[asma2090]

يا حنونة حبيت نقلك حاجة وحدة قالك ادا القمرليك النجوم راها تباعة برك ربي يوفقك​

 

[chiva.]

هدي والله حقرة نرومالو يجيبولك عيدك كيفاش ناس هدوم يخموا بصح ختي حبيت نسقسيك معليش؟

 

[امورة المنتدى]

بالاك هوما عوايدهم هاكا اصبري حنونة

 

[جولنار]

والله والله والله فرحتوني بزاف بالردود نتاعكم,بالصح تنحالي الزعاف والغش كيما قريت واش كتبتولي

من قلبي يعطيكم الصحة

انا le jourوين كتبت موضوعي هذا كنت زعفانة وما جانيش نوم مالقيتش وين نفرغ قلبي mais اليوم انا فرحانة اللي عرفت وين نفرغ قلبي

حبيت نقول بللي انا خطيبي الحمد لله حنا متفاهمين وهو انسان بزاااااااف مليح معايا وماشاء الله عليه ربي يحفظهولي انشاء الله,انا حبيت نفرحواكي نعامل يماه كيما ماماmalheureusement عايلة خطيبي بالاك مايخموش كيما انا

الحاجة هاذي صح غاضتني mais انا رايحة ننساها وندير ماكان والو ونشالله مايشوفو مني غير الخيرورايحة نحطهم كي ماما وبابا

merci bezef nes ellama
عاونتوني الله يعاونكم​