التوقاب على .................حائط المبكى في الجامعة

[انها ملكة]

تحية الى كل الاعضاء
اردت ان اطرح اليوم موضوعا مهما وهو موضوع التوقاب على الافيشاج او حائط المبكى في الجامعة


بداية اود ان اسالكم .. هل منكم من تاتيه نقاطه او نتائج الامتحان قبل ان يراها بنفسه ؟

أنا عن نفسي حقا كرهت ....... صحيح أني لا أتعب بالدهاب الى الجامعة والقاء نظرة على نقاطي

لأنها تصلني بالحرف الواحد .. خاصة النقاط السيئة ولكني أستشيط غضبا عندما ألتقي باحداهن

في الكوس وتناديني من بعيد * آه صح فلانة اديتي 6 في ال module الفلاني وكدا في

moduleالاخر * ..... فعلا كرهت :cursing: :angry:

لمادا لايهتم هؤلاء بأنفسهم ؟..... لمادا يحملون عبء الناس فوق ظهورهم ؟......

والاغرب من هدا أن هناك أناسا لا تعرفهم ويدرسون في تخصصات أخرى يتحملون

المشاق وياتون للافيشاج ويبحثون عن اسمك ونقاطك من أجل التوقاب والتقرعيج حتى

وان كان مكان كشف النقاط في الطابق الخامس ........ عجب ؟؟؟



ثم هناك أمر آخر فاللوم ليس فقط على اولئك القرعاجين بل حتى على

الجامعة .....لمادا تنشر غسيلنا بهده الطريقة ؟ ألا يكتفون باعطائها لنا داخل المدرجات

والقاعات ؟

أم يجب أن يفضحونا ويبهدلونا ....خاصة لما تكون هناك فضائح من العيار الثقيل مثل

نقاط 3.... 0.25 .... وأشباهها فهم يتركونها معلقة مدة طويلة يعني تكفي لان يراها

القاصي والداني ...اما النقاط اللي تفرح القلب فيا دوبك 5 دقائق ثم يقومون بنزعها

مايخلوكش حتى تشلل عينيك بيها......





:angry::angry::angry::angry::angry::angry::angry:





أم مارأيكم؟

​

 

[ايمان 02]

حائط المبكى للي ما يقراوش طول العام وهوما مجمعين ويحوسوا في التالي يدوا مليح

 

[MIMI 1987]

كي ما تجيبيش مليح فاسي اسمك ساهلة

 

[السلطانة]

هههههههه والله غير يعطونا حقنا في النقاط برك
بصح كي يعلقوها يجي عندها charme خير هههههه
ايه اختي عندك الحق راهم يبهدلونا ويشنشفونا وsurtout
كي يعلقولك المقياس وليه ليه ينحيوه تولي تجري لبسيف تشوفي نقطة تيعك
للأسف هده جامعاتنا

 

[العاطفي]

خصهم يرسلوهنا في الايميل
ولا يديروله كيما ريسولتا نتاع الباك
في الانترنت
حساب الماتريكول نتاعك
​

 

[فؤاد الورقلي]

سلام
ههه
هذا هو حالنا
مي نورمالل جبت مليح او مش مليح
خلي لحب يهدر يهدر هذا هي الجامعة
النقاط من 1 الى 20
نورمال
وكيما قالت وحدة لحاب يقرا يقرا ومايتبهدلش

شكرا
ربي يوفق
​

 

[** غزال الصحراء **]

و الله صح راني شايفها العفسة هاذي , الوالدة العام لي فات كانو يجوها للدار يقولولها لينوت تاوعها

بنات ما تعرفهم même pas يجو ميتين بالسعادة يعطوها النقاط , و كيما قلتي غير النقاط اللي ما تتشبه الوالو , جــاين مليار كيلو على جال نقطة إقصائية !

و الله عباد Bad , واحد ماهو لاتي بروحو .

 

[programmeur]

الحمد لله مانحوس على الناس مايحوسو عليا
حتى وان حوسو عليا مايقولوليش لاخطرش ننشعهم هههههههه
عندي صاحبي ولا زوج يقولولي الزينة برك أما الشينة مايهدروش خلاص

 

[soheib1990]

هههههه متعمريش راسك أختي هادم اللحواج لازم تفتخري بيهم يطيرو العين
انا كي ندي نقطة مش مليحة نحكي للغاشي كامل ومن بعد كي يشوفوني نجحة يتشوكاو

 

[**أم البراء**]

والله يا ختي غير عندك الحقّ,احنا عندنا الواحد قبل ما يشوف لي نوت نتاوعو يفوت يقرعج على الغااااشي:yahoo::no_1:,مع اللي احنا لي نوت نتاوعنا شابين بزاااف (حنا نقراو ‘لاعم آلي ونقاطي نتاوعنا مكتوبين بالبينار...الــ0 :music_whistling:والــ1 يعني غير نقاط الكارثة:music_whistling وقبل ما توصلي لهاذاك الطابلو يجوا كامل يبشروووك اديتي هكذا وهكذا....:scared:وحتى آسمك ما كاش كيفاه تمحيه مسكرين الطابلو بالمفتااااح والله غير بهدلووووونا:tears::tears:

 

[صابر الجزائري]

ربي يهدي ما خلق​

 

[Iman89]

يعطيك الصحة...انا ياختي دي فوا مانشوفهومش خلاص غير تكمل لقراية نروح للدار نجري فاللخر تبعثهملي حبيبتي كامل...والحمد لله تخرجت وتهنيت من الهم تاع الجامعة

 

[sisila]

السلام عليكم
والله يا ختي sujet نتاعك جبدني بسيف
في الصح وعند الناس الي يفهمو لازم كل واحد يلتى بروحو وعائلتو وما يظلش يقرعج على الناس مي في وقتنا ماكاش واحد (حاشى الي ما يستاهلش) الي ما يجريش مور أخبار الناس (قالوها ناس زمان "الجمل ما يشوفش عرورتو يشوف عرورة صاحبو")
mais واحد الي يدير القلب ويروح للجامعة باش يقرا صح (معليش اللعب والتمسخير ساعات مي وقت القراية قراية) ما يخافش ويدا الناس شافو la note نتاعو وبرحو بيها حتى ويدا كانت ماشي مليحا (لأنو لكل جواد كبوة ولكل فارس هفوة).
enfin c mon avis

 

[imotag]

والله غير عندك الحق تلقى الغاسي بالساعات هوما يشوفوا في لنوت انتاع الغاشي تقرعيج

مي انا تاني نديرها نشوف لنوت انتاع لكلاسه كامل به نعرف شكون اللي خدم وشكون اللي يدي معريفه راكم تعرفوا الجامعه

مي هذيك حلاوتها كي عود في الافشاج كي مدوهالك تجي ماسطه
​