دعوة للمقبلين على شهادة البكالوريا

[abdelmalek88]

صباح الخير ​

واش لاجونيس رني باغي نقولكم راني نوجد للباك لغات اجنبية وراكو عارفين احوال لقراية هدا العام ما تفرحش من اضراب لاختبار ..............المهم اللي راه مقبل على الباك يدخل ويقولينا واش الاحوال معاه وكي راه داير وكيفاش راه يوجد راني نسنى فيكم وربي يوفقنا جميع ان شاء الله ​

 

[tayeb1960]

ان شاء الله في جويلية تكل الشخشوخة
يارب تربح ب15
سهل ماتخافش اقرى والتوكل على ربي
وميخلعكش لا الاضراب ولا بن بوزيد

 

[لينة32]

السلام عليكم
أنا ثاني عندي الباك علوم تجريبية
واش نقولك خويا
le programe est chargé
و الأساتذة يزربو باش يكملوه بأي طريقة
وحنا ربي يكون معانا
ربي يوفقنا كامل.

 

[abdelmalek88]

ان شاء الله ياربي يوفقنا مشكورين على المرور

 

[SaRa MosTa]

واش نقولك انا السنة عندي الباك عامي الاول
وشعبة اداب وفلسفة.والله مراني عارفة والو في الفلسفة ولا ادب
المهم رانا نتبعو فيهم كيما بغاو....وقالو كاين اضراب في جانفي يلا ملبولهمش المطالب تواعهم..الله يستر
وشكراا اخي

 

[أمــ وليــد الجزائرية]

انا تان باك تسيير واقتصاد

اعلبالكم الدعوة راهي تخوف

بدات تصعاب ربي يوفقنا ياربي

​

 

[hassina]

salam por tous le monde eda3wa rahi s3iba bzaf ou dart bda ykwa mais rabi m3ana wèsh nkoulou hata haja mahi sahla ana 3anneè langue ad3ouli yrham waldikoum

 

[farida91]

انا ثاني باك هذا العام علوم تجريبية
لحد الان الحالة ماشية عادي
الاساتذة يمشو نورمال مايزربوش ولا
لازم حنا نقراو والباقي على ربي
وربي ينجحنا ان شاء الله​

 

[abdou4400]

انا تان عندي باك هذ العام تسيير واقتصاد
واش نقول راني نمشي و نهدر وحدي
راني خايف نهبل قبت ما نجوز الباك
الله يصبرنا و يكون في عونا انشاء الله

 

[نقطة حبر]

انا اول عام ليا شعبة لغات وان شاء الله نجيبوه كل

 

[دموع القمر]

انا تاني باك علوم تجريبية

و بصح الاضراب راه مازال كاين اخر

مالا الي باغي يقرا

غير يحضر في الدار و يدير كورس

و ربي يوفقنا كامل
​

 

[ملاك النور]

أنا تاني هادا أول عام ليا في باك علوم
والله الأمور بدات تصعاب اليوم أكثر من أمس
ماعندي مانقول غير ربي ينجحني وينجح الجميع
قولوا آمييييييييييييييييييييين
​

 

[naGam]

انا اداب وفلسفة العام هاذا باك واول عام والله ماراني عارفة واش ندير ومارانيش عارفة كيفاه نحظر شغل وحدا تقرا في الابتدائي وجابوها للباك قولولي واش ندير الله يستركم

 

[الطموح]

انشاء الله نجيبوه بكل بمعدل مليح ok ...........