محمد الشفيع
:: عضو مُشارك ::
السلام عليكم احبابنا
حبيت اليوم نهدر بالدزيري
على خطراه باه تفهموني
يحدث هذا في الوادي
وبالاك في بلايص أخرى في بلادنا العزيزة
اللي تعبوها وتعبونا فيها
البارح واليوم عقبنا كونكور تع الشيوخا
عربية وهو اختصاصي
نحكيلكم شويا على المهازل اللي راهي صاريه
لما جينا نحطو الدواسا تاعنا
لقينا قيشي واحد في آخر بقعة في الولاية في ثانوية منها للخلا
يعني تحكم كورسا باه توصل وتدفع عشرة الاف
لما توصل تلقى قدامك 50 رقبة تسنى
فيهم اللي شيخ
واللي يشيخ بينا
3 او 4 سوايع باه وصلنا للسي خونا اللي يحكم في الوراقي
وراقي فارغة كلها مع 30 الف
وتروح تروح
ما قدروش يدخلونا للليسي الداخل فيه الدفا والراحة ويعملو 4 قيشيات
اها فاتحين قيشي باه يكرهو الناس في اعمارها
نفس الشخص اللي يحكم الملفات هو بذاته كل عام
يعني داير كونطرا مع الدنيا هو اللي يسكاني الشيوخا نتاع الواد ديما
جا وقت المسابقة
حكمنا طاكسي ووصلنا لمقر الامتحان
قالك يا جماعة لالا راهم بدلوها
سبيناهم بالظرافة بصح
ورحنا حكمنا طاكسي ثانية ودخلنا للمؤسسة الجديدة
لقينا طابلو واحدة في الاف الاسماء
كلاوها البنات بالقراية
يعني عيب انداحسوا النساوين
خليناهم حتى قريب راحت نص ساعة من وقتنا وما عوضوهاش
المشكل
عطاونا يومين
اليوم الاول فيه ثقافة عامة
قالك وشي هي مقومات الشخصية الجزائرية
انا قلتلو الخشونية والرجولية والقساوة تاع الراس
بصح بالفصحى
قلتلهم هي عقليتنا صعيبة بصح هكذا خلقنا ربي وما راحش نتبدلوا
وعلى هاكذاك خرجنا فرنسا ذراع على باباها
ونبعد القايلة داروا عملتهم
لغة اجنبية فيها قريب 8 اسئلة لمختص في العربية
قولولي واش يدير الشيخ تاع العربية في الفرونسي او الانجليزي
كلها باه ينقصو فرص النجاح وباه المورال نتاعنا يولي تحت الصباط
جا واحد يخرط قاللنا جابوا لجان من برا الولاية باه تولي المسابقة نزيهة
قلتلو لا نزيهة ولا علجية
كلها كذب وتمسخير وضحك على الشعب
في الامتحان جا شيخ ينصح فينا كيما ولاد الابتدائي
قال حطو نقاط عريضة قريب ننطق نقلو اسكت خلينا نفكرو
واليوم العربية جابولنا نزار يسب في العرب
ويقول رانا متخلفين
ويسقسيو على النمط والحداثة
يعني هذا واش خص الشيخ تاع الليسي باه يقدر يطور مستوى الولاد
المهم ختمت هدرتي قلتلهم
بارك الله فيكم على النزاهة ولا حول ولا قوة الا بالله
وندعي ربي على السراقين والمزورين والمعارف يجازيهم ربي بالعدل في الدنيا والاخرة
قولوا آمين
حبيت اليوم نهدر بالدزيري
على خطراه باه تفهموني
يحدث هذا في الوادي
وبالاك في بلايص أخرى في بلادنا العزيزة
اللي تعبوها وتعبونا فيها
البارح واليوم عقبنا كونكور تع الشيوخا
عربية وهو اختصاصي
نحكيلكم شويا على المهازل اللي راهي صاريه
لما جينا نحطو الدواسا تاعنا
لقينا قيشي واحد في آخر بقعة في الولاية في ثانوية منها للخلا
يعني تحكم كورسا باه توصل وتدفع عشرة الاف
لما توصل تلقى قدامك 50 رقبة تسنى
فيهم اللي شيخ
واللي يشيخ بينا
3 او 4 سوايع باه وصلنا للسي خونا اللي يحكم في الوراقي
وراقي فارغة كلها مع 30 الف
وتروح تروح
ما قدروش يدخلونا للليسي الداخل فيه الدفا والراحة ويعملو 4 قيشيات
اها فاتحين قيشي باه يكرهو الناس في اعمارها
نفس الشخص اللي يحكم الملفات هو بذاته كل عام
يعني داير كونطرا مع الدنيا هو اللي يسكاني الشيوخا نتاع الواد ديما
جا وقت المسابقة
حكمنا طاكسي ووصلنا لمقر الامتحان
قالك يا جماعة لالا راهم بدلوها
سبيناهم بالظرافة بصح
ورحنا حكمنا طاكسي ثانية ودخلنا للمؤسسة الجديدة
لقينا طابلو واحدة في الاف الاسماء
كلاوها البنات بالقراية
يعني عيب انداحسوا النساوين
خليناهم حتى قريب راحت نص ساعة من وقتنا وما عوضوهاش
المشكل
عطاونا يومين
اليوم الاول فيه ثقافة عامة
قالك وشي هي مقومات الشخصية الجزائرية
انا قلتلو الخشونية والرجولية والقساوة تاع الراس
بصح بالفصحى
قلتلهم هي عقليتنا صعيبة بصح هكذا خلقنا ربي وما راحش نتبدلوا
وعلى هاكذاك خرجنا فرنسا ذراع على باباها
ونبعد القايلة داروا عملتهم
لغة اجنبية فيها قريب 8 اسئلة لمختص في العربية
قولولي واش يدير الشيخ تاع العربية في الفرونسي او الانجليزي
كلها باه ينقصو فرص النجاح وباه المورال نتاعنا يولي تحت الصباط
جا واحد يخرط قاللنا جابوا لجان من برا الولاية باه تولي المسابقة نزيهة
قلتلو لا نزيهة ولا علجية
كلها كذب وتمسخير وضحك على الشعب
في الامتحان جا شيخ ينصح فينا كيما ولاد الابتدائي
قال حطو نقاط عريضة قريب ننطق نقلو اسكت خلينا نفكرو
واليوم العربية جابولنا نزار يسب في العرب
ويقول رانا متخلفين
ويسقسيو على النمط والحداثة
يعني هذا واش خص الشيخ تاع الليسي باه يقدر يطور مستوى الولاد
المهم ختمت هدرتي قلتلهم
بارك الله فيكم على النزاهة ولا حول ولا قوة الا بالله
وندعي ربي على السراقين والمزورين والمعارف يجازيهم ربي بالعدل في الدنيا والاخرة
قولوا آمين
