من الحب ما قتل

[sousouu]

انا حبيت اليوم نحكيلكم حكاية وفي نفس الوقت مشكلة صرات هاذو ليمات في القالة واحد قتل وحدة وشوهها بسيف يا سبحان الله الناس يقولو بلي كان يحبها ويموت عليها و هي مايش حباتو وحتى اهلها علابالهم بيلي يديرنجي فيها وشكا بيه باباها 3 مرات ووالو المشكلة في عمرو 19 سنة برك وهي عندها 15 سنة وحد النهار هي مسكينة راحت تقرا ليكور تبعها حتى لوصلت للبلوك و ضربها بسيف وما كفاهش هاذا برك زاد ضربها في كرشها وشوهها على وجهها و واحد ما حب يفتح عليها الباب وهي تعيط يا سبحان الله خافو كل منو على خاطر دروقي قتلها مسكينة وراح وعلاه على خاطر يحبها هل الحب اليوم يدير هك هل الرجال تاعنا يخممو هك و هو رح يعيش نورمال بعد ما قتلها انا قلتلكم واعطوني رايكم صح من الحب ما قتل

 

[سفيرالعشق]

انا في رأيي ميحبهاش كيما نعرفو الحب يمكن كان حاب يختلي بيها وهي رفضت هادا رأيي وربي يهدي​

 

[sousouu]

ممكن صح بصح انا حايرة في الوقت اللي وصلنالو

 

[سجل أنا جزائري]

ما شكيتش هذا كامل حب

قريت هذي القصة أنو هذه الفتاة شكات بيه و سجنوه بسبب سرقة هاتفها النقال و معاكسته الدائمة لها

و بعد ما خرج من السجن توجه مباشرة اليها و قتلها بدافع الانتقام

 

[somiasahraoia]

قريتها في الشروق ولا الخبر

 

[وردة جزائرية فواحة]

الله يعافينا....شباب في عمر الزهور يضيعوا حياتهم بسبب تفاهات..........قال حب قال؟؟؟؟
مازالو مراهقين ما يعرفو والو على الحب....على كل هذا واش راها تصدرنا الفضائيات...يحي و لميس...نور و مهند و دك عاصي و أمير....و المراهقين الضحية يحبو يعيشو البطولة ...لكن الواقع مريررررررررررررررررر
و الله راهم يخلصو غالي مساكن نحاولهم البراءة بالسيف..........
ربي يهدي ما خلق
​