هاذ الدنيا تفـــــارق وتلاقي مــرة تجيــــــب ومرة تـــدي
واحـــــد فيـــــنا ماهو لاقي روحـو وراحتو فالدنيا هاذي
عارف راكي حابة تفــارقي مــــــاهوغرضك ولا غرضي
فاهمك وبلى ما تنطــــــقي و بـــالمكتوب رانــي راضي
المهم خرّجـــت كـل وراقي حبيـــــتك و مديـــــتـلك يــدي
انتي الي بغيــــــــتي تطلقي الله غالب ماجاتش من عندي
فـــاللخر انا خـرجـــت نـقي صافي وافي وفيـــت بوعدي
ما رحت غـربي ولا شـرقي حبيتك وحدك وكـــنت وحدي
عملت كل مـــــاهو شـــاقي علاجـــال غير بــاش تقعدي
باش طريقك يكون طـريـقي وولادك نشالله يكونوا ولادي
كنت حاسب ليــــا تصــدقي لمــــا كنــــتي فيـــا توعدي
عارف ماقدرتيش اتـــطبقي معليش روحي راني راضـي
على الأقل كــــان من حـقي نعرف علاش بغيـــتي تغدي
وتخليــــني عمـري البـاقي نكملـــو وحــدي هايـم وحدي
ايلا كــــــان المشكل رزقي مــــــا تقنعتيــــش بلي عندي
نقولك هاذي حاجت خالقي والرزق عمـــرو كــان بيدي
انا وحــــــدي درت طريقي مـــــــاخلاوليش بويا وجدي
نحب نجيب الحاجة بعرقي او واش كتبلــــي ربــي ندي
حبيتي تطيري روحي اسبقي انا نمــــشي غير في غرضي
من قلبي نتمنالك تلحــــقي وتعيشي ميــــــات سنة بعدي
وتلقاي كامل واش تسحقي ويد وحدوخرى خير من يدي
بصح خـايف ياك من حقي نخاف عليــــــك مالدنيا هاذي
فيها السعـيد وفيها الشاقي مـرة تجيــــــــب ومرة تدي
مرة تلايم النـــاس وتلاقي وهاذ المـــــرة خلاتني وحدي
وحدي غارق بين وراقــي نكـــتب ونخمم نجيــب او ندي
ونكتب في نهـــاية عشقي الي خلاصت بدمـــــــعة فخدي
والله نقولك كــان تصدقي ماغاضتنيش كي رايحة تبعدي
غاضني حبي ليك وصدقي وشا فوتت معــــــاك يا وعـدي
بعتثلك هاذ الزوج وراقــي قلت عسى تفهمي قصــــــــدي
ما كتبتهمش انا من عشقي وما سالتش الدمعة فـــــــــخدي
با ش تحني عليا وتشفقي خاطر انتيا الي راكي تغـيضــي
كتبتلك غير باه تفيـــــــقي وتشكري ربــــــــي أو تحمـدي
واحـــــد فيـــــنا ماهو لاقي روحـو وراحتو فالدنيا هاذي
عارف راكي حابة تفــارقي مــــــاهوغرضك ولا غرضي
فاهمك وبلى ما تنطــــــقي و بـــالمكتوب رانــي راضي
المهم خرّجـــت كـل وراقي حبيـــــتك و مديـــــتـلك يــدي
انتي الي بغيــــــــتي تطلقي الله غالب ماجاتش من عندي
فـــاللخر انا خـرجـــت نـقي صافي وافي وفيـــت بوعدي
ما رحت غـربي ولا شـرقي حبيتك وحدك وكـــنت وحدي
عملت كل مـــــاهو شـــاقي علاجـــال غير بــاش تقعدي
باش طريقك يكون طـريـقي وولادك نشالله يكونوا ولادي
كنت حاسب ليــــا تصــدقي لمــــا كنــــتي فيـــا توعدي
عارف ماقدرتيش اتـــطبقي معليش روحي راني راضـي
على الأقل كــــان من حـقي نعرف علاش بغيـــتي تغدي
وتخليــــني عمـري البـاقي نكملـــو وحــدي هايـم وحدي
ايلا كــــــان المشكل رزقي مــــــا تقنعتيــــش بلي عندي
نقولك هاذي حاجت خالقي والرزق عمـــرو كــان بيدي
انا وحــــــدي درت طريقي مـــــــاخلاوليش بويا وجدي
نحب نجيب الحاجة بعرقي او واش كتبلــــي ربــي ندي
حبيتي تطيري روحي اسبقي انا نمــــشي غير في غرضي
من قلبي نتمنالك تلحــــقي وتعيشي ميــــــات سنة بعدي
وتلقاي كامل واش تسحقي ويد وحدوخرى خير من يدي
بصح خـايف ياك من حقي نخاف عليــــــك مالدنيا هاذي
فيها السعـيد وفيها الشاقي مـرة تجيــــــــب ومرة تدي
مرة تلايم النـــاس وتلاقي وهاذ المـــــرة خلاتني وحدي
وحدي غارق بين وراقــي نكـــتب ونخمم نجيــب او ندي
ونكتب في نهـــاية عشقي الي خلاصت بدمـــــــعة فخدي
والله نقولك كــان تصدقي ماغاضتنيش كي رايحة تبعدي
غاضني حبي ليك وصدقي وشا فوتت معــــــاك يا وعـدي
بعتثلك هاذ الزوج وراقــي قلت عسى تفهمي قصــــــــدي
ما كتبتهمش انا من عشقي وما سالتش الدمعة فـــــــــخدي
با ش تحني عليا وتشفقي خاطر انتيا الي راكي تغـيضــي
كتبتلك غير باه تفيـــــــقي وتشكري ربــــــــي أو تحمـدي
