شحال يستقام الزواج عندكم-بقرة وبنتها-

[zagane]

السلام عليكم
بمناسبة كثرة الاعراس في هدا الصيف قررت ان افتح هدا الموضوع المهم لنتعرف على تقاليد بعضنا البعض في جزائرنا الواسعة وكتبته باللسان الدارج حتى يسهل التعبير بالكلمات المستعملة ايام الاعراس ..
اليكم الموضوع .......
حنا في معسكر لابغيت تزوج زواج بسيط دير 40 مليون على جيهة وتقسمها كالتالي...
وهادو اللي ما يتشرطولكش بزاف ويقولولك دير كيما الناس وبدا تدير كيما الناس انت....
عندك 5ملاين تاع المهر
وعندك 10ملايين جهاز تاع دهب (لا درت بلاكيور يفيقولك وتغرق)
وعندك 5 ملايين جهاز تاع لباسات (;وفيهم الهدايا من الالبسة لي فاميلتها وفاميلتك والا يزعفو عليك)
وعندك 4ملايين كبشين اقرنين مليحين لا عاهة بهما ويقولو باع باع كي تبقلى تحط فيهم قدام دارهم والا.....
وعندك 1مليون طعام وخضار وخبز واومولغسيل الاواني والزبدة-وهده الاحصائيات قبل ما يولي السميد ب95الف والخضر زادت غلات
وعندك 500الف مصاريف العقد والامام الي يقراء الفاتحة
هدا للعروسة اللي هي من جيهتها كدالك راهي تجر في جيب ابوها المسكين..ومارانيش عارف شا تشري ولا كون راني قلتلكم ..

ادن25مليون ونصف تروح بطريقة غير مباشرة الى العروس.
وجا الان دور العريس اللي ما صاب وين يشوف والحمد لله السكنة كاينة.....
6 ملايين شومبرا تاع مساكين.
وعنده 1مليون لباس خاص به لليلة العرس.
يوم الاربعاء اي الفاتحة 1مليون يؤجر به الحافلات الصغيرة لنقل المدعوين الى مكان العروسة ادا كان بعيدا.
وعنده4مليون فراش وغطاء بسيط.
وعنده5ملايين نهار الزردة الكبيرة كول و اشرب وهرب .
وقيلا 40 مليون مانيش غالط
ان شاء الله اكون قد بالغت في هدا الرقم ليتزوج البعض باقل منه ولكنها الحقيقة المرة..
وهناك المسكين من يخرج مدان بمبالغ طائلة بعد الزواج مايصيب يشوف في الدين والا المصروف تاع البيت الغالي ..
وكاين اللي يزوج اولاده وبناته ومازال فيه الدين نتاع عرسه هو بروحه .
ادن الزواج اصبح مشروعا راس ماله يفوق 40مليون وفائدته في الاخير هي انشاء اسرة سعيدة ملؤها المحبة والتعاون ويا لها من فائدة عظيمة عندما يطلق الانسان العزوبية ويمرح ويفرح مع زوجته واولاده وبناته..
ويصبح لامه لقب جدة وابيه لقب الجد والخال والعم والخالة والعمة لاخوته واخواته.

ولكن كيف السبيل الى هدا المال كله..
فهل هدا هو السبب الحقيقي للعنوسة والعزوبة في كل ولاية من الجزائر
وشكرا

 

[Douna]

أخي zagane أبدعت
مخليت والوا غير قلتوا

 

[zagane]

السلام عليكم

أخي zagane أبدعت
مخليت والوا غير قلتوا

شكرا لك وعلى ابداعك انت ايضا في مواضيعك
بصح ما قلتش في بلادكم شحال يلزمك للعرس ولا خفت لا تخلع الناس.
وشكرا لك مرة اخرى على المرور والتعليق يا اخي Douna

 

[عادل]

السلام عليكم
اخى والله ما لقيت واش ندير نضحك ولا نبكي على الواقع المعاش وهو فعلا كما قلت ولكن اعتقد انك أخطأت في المبلغ فهو يزيد بعشرة ملاين اى 50 مليون وليس 40
صدقني اخى احترت في هذه المشكلة وزد كما قلت السميد راه زاد والزيت راه 50 الف مزيا احنا لقبايل عند الزيتون :nerd: لكن هناك مقولة عندنا تقول بلى ربي يساعد على البناء والزواج فهذه الامور يسلكها ربي
نقلك نتوكلو على ربي و نخلو لحساب بعد الزواج ;(
مشكور اخى بارك الله فيك لكن اضافة هو عندنا العرس مشي يومين عند ثلاثة ايام
​

 

[zagane]

السلام عليكم

السلام عليكم
اخى والله ما لقيت واش ندير نضحك ولا نبكي على الواقع المعاش وهو فعلا كما قلت ولكن اعتقد انك أخطأت في المبلغ فهو يزيد بعشرة ملاين اى 50 مليون وليس 40
صدقني اخى احترت في هذه المشكلة وزد كما قلت السميد راه زاد والزيت راه 50 الف مزيا احنا لقبايل عند الزيتون :nerd: لكن هناك مقولة عندنا تقول بلى ربي يساعد على البناء والزواج فهذه الامور يسلكها ربي
نقلك نتوكلو على ربي و نخلو لحساب بعد الزواج ;(
مشكور اخى بارك الله فيك لكن اضافة هو عندنا العرس مشي يومين عند ثلاثة ايام
​

شكرا لك يا اخي على التعليق
ولكن يا اخي عادل لم اخطئء في 40مليون وانما قلت هو المبلغ البسيط والادنى في ولاية معسكر وفي ولاية اخرى ممكن المبلغ الادنى يكون 1مليون كيما ممكن يكون 100مليون او اكثر.
ويقولو القبايل ما يديروش الدهب وراك تقول عندكم الزيتون املا ساهل عندكم.
وكيما نتوما عندكم الزيتون حنا عندنا البطا طا بزاف .
وبالفعل ربي يسلك هده الامور تاع الخير كيما نعرف كاين بزاف ماكانش عنده دورو ودار هاك وهاك وتزوج ومن بعد الزواج ربي ناب عليه واصبح لابس بيه .
ويقول كاين المرءاة الربوحية اتجي وتجيب معها الخير وهدا في بعض الاحاديث النبوية وارد.
ربي يسهل لي كل انسان في هدا الامر
وشكرا لك على الرد المف يا اخي عادل.

 

[mohamed-riadh]

ههههههههههههههههههههههه
لازم يديرولنا زواج facilité :redface::redface:
ولا كل واحد يشد بناتو عندو

 

[عادل]

السلام عليكم
العفو اخى واش رايك راني لقيت لحل انا بزيتون والجين ( الفظة ) وانت بالبطاطا نتشاركو هكذا انت تنقص من الزيت والدهب وانا نفص من البطاطا الى راها ب 70 دج حل واش رايك فيه :evilgrin:
​

 

[zagane]

السلام عليكم

ههههههههههههههههههههههه
لازم يديرولنا زواج facilité :redface::redface:
ولا كل واحد يشد بناتو عندو

شكرا لك على الرد والتعليق.

 

[zagane]

السلام

السلام عليكم
العفو اخى واش رايك راني لقيت لحل انا بزيتون والجين ( الفظة ) وانت بالبطاطا نتشاركو هكذا انت تنقص من الزيت والدهب وانا نفص من البطاطا الى راها ب 70 دج حل واش رايك فيه :evilgrin:
​

حل مليح لوكان كل الجزائرين يتعاونوا بينهم وكل واحد يتنازل على اقصى حد يقدر عليه وشكرا لك على الفكرة يا اخي عادل .

 

[ميشا دلوعة اللمة]

اشكرك اخي على طرحك للموضوع الحساس الذي تعاني منه الجزائر خاصة
والله في الحقيقه هو مشكل وفي نفس الوقت جاب معاه مشاكل اخي
مثل زيادة نسبة العنوسة وتاخر سن الزواج لكلا الطرفين
وهذا مرا يدينا لمشكل اخر
وراينا في اونه الاخير انتشار الدعارة
والاعتداة الجنسيه
وغيرها من المشاكل
مشكور اخي الفاضل على مواضيعك المهمة والحد حساسة اتمنى ان تبقى دوما متميز بمواضيعك
تقبل فائق التقدير والاحترام من اختك ريم الفلا​

 

[zagane]

السلام عليكم

اشكرك اخي على طرحك للموضوع الحساس الذي تعاني منه الجزائر خاصة
والله في الحقيقه هو مشكل وفي نفس الوقت جاب معاه مشاكل اخي
مثل زيادة نسبة العنوسة وتاخر سن الزواج لكلا الطرفين
وهذا مرا يدينا لمشكل اخر
وراينا في اونه الاخير انتشار الدعارة
والاعتداة الجنسيه
وغيرها من المشاكل
مشكور اخي الفاضل على مواضيعك المهمة والحد حساسة اتمنى ان تبقى دوما متميز بمواضيعك
تقبل فائق التقدير والاحترام من اختك ريم الفلا​

شكرا غلى المرور والاضافة يا اخت ريم فعلا مشكلة واحدة تجر الى مشاكل جمة
وشكرا مرة اخرى على المرور.