كيفاش جاكم الامتحان؟؟؟؟؟؟؟؟؟

[Midia]

اليوم والكل عارف انو اليوم بدات الاختبارات في جميع الثانويات
كل واحد يحكيلي كيفاش عقبها
صعيبة ولا ساهلة
انا بالنسبة ليا كل شيء جاني ساهل الاجتماعيات والفرنسية
كون تشعلي السكانير انوريلكم المواضيع
كل واحد يقولي كيفاش عقب الامتحاااااااااااااااان؟؟؟؟؟؟؟؟
​

 

[zineb92]

حنا الحمد لله تقول ساهلين لكن النقاط مزيرين والله ماتوقعت هيك
ولله الحمد ​

 

[السلطانة]

ان شالل ربي يوفقكم اخوتي اخواتي
وتجيكم باقي المواد سهلة

 

[الجزائر الحرة]

hamdou lilah rani khdamt w brabi njib des bonne note

 

[نبض الحياة]

اليوم واش نقلك يعني مليحة ماهي صعبة ما هي سهلة ................

 

[نبض الحياة]

نشوفو غدا ان شاء العلوم واش راهي حاطتلنا..............الله يجيب الخير............:crying:

 

[mohamed ali 1992]

الحمد لله على العمومـ
أغلبيـة الاختبارات في المستـوى
​

 

[poli]

ايه انا راني خايفة من الاجتماعيات غدوة اليوم تربية اسلامية والله تقول امام ههههههههه

 

[ملكة الكبرياء]

منقدر نقلك عليهم والوا حتى نشوف لي نوت

 

[RaNiA]

درنا علوم وفرنسية و اجتماعيات نورمال في المستوى
دركا عندي عربية ,,,​

 

[بثيــــنة 19]

الحمدلله ربي كان معانا وانشاءالله خير
ربي يوفقكم

 

[mister lonely]

أنا مانقول لا واعرين لا ساهلين لي قرا راه يدي ولي ماقراش راهي طفرت فيه ,هذي الساعة الحمد لله .

 

[AnGel_LoVe]

حنا درنا الفيزيك و السيونس , أونـgـلي و تاريخ و جغرافيا

لي خدمت فيها مليح التاريخ و جغرافيا

الكوبياج داير حالـة​

 

[houda1005]

والله يا ختي غير الحمد لله فالورقة يعني خدمت بصح راني شاتية ساعة رقاد رقبتي طارت وراسي باغي يطارطق مالتعب.....................عيييييييييييت
راني نستنى بفارغ الصبر وقتاش نتهناو من هاذو الامتحانات ونريحو كثرمن مراني مستنيا نقط تاوعي
والله غير توحشت وقتاش نزيد نقعد قدام منتداي المفضل...................منتدى اللمة
عييييييييييت................عييييييييييييييت

 

[نبض الحياة]

اليوم درنا علوم طبيعية..........فيه تخربيش..................والاجتماعيات................طويل كثيرا لم يكفينا الوقت............

 

[muIstafa]

الحمد لله .........اليوم كملنا الإختبارات المواد كلهم خدمت فيهم لاباس غير الانجليزية صعيبة شوي والفيزياء فسدتها الصباح :crying: إن شاء الله نجيبو معدل مقبول​

 

[نبض الحياة]

الحمد لله .........اليوم كملنا الإختبارات المواد كلهم خدمت فيهم لاباس غير الانجليزية صعيبة شوي والفيزياء فسدتها الصباح :crying: إن شاء الله نجيبو معدل مقبول​

ان شاء الله ما يكون غير الخير اخي................

 

[im£ne]

راها الدعوة مخلطة عليا.....مخدمت واااااالو اليوم
في الرياضيات

 

[مفآهيمـ الخجل]

الحمد لله

و خدمت مليح تاني

ربي يوفق الجميع
​

 

[mister lonely]

​

الكوبياج داير حالـة​

هههههههههههههههههه واحد ماراه ناويلها على خير ههههههههههههه.
حنا درنا العلوم والمات والعلةم اسلامية هذو بربي ان شاء الله ندي علامة كاملة مي انgلي 0 ,لا علينا رانا مالفين نريكيبيريوها . ربي يوفق الجميع .