- إنضم
- 2 جوان 2009
- المشاركات
- 1,601
- نقاط التفاعل
- 23
- نقاط الجوائز
- 157
- آخر نشاط
السلام عليكم
يا جماعة البارح كونت ندور انا وصاحبي في الكروسة قالي احبس عند هداك الحانوت نشري كوممبار نتاع الميزان ملا راح دخل الحانوت جاني واحد جون صغير قالي سلام عليا ورديت السلام قالي يا خويا راها ختي صغيرة قلبها يوجع فيها كون دير فيا مزية تديها لسبيطار قتلو وراه المشكل اطلع ملا جاء صاحبي ركب معانا كي رحنا لدارهم جابها معاه طفلة صغيرة في وجها باينة مغبونة :crying: وجات معاها ماماها كي ديتها لسبيطار دخلتها ليرجونس وبدت مها تدعلي بالخير قلتلها معليش راني نقعد نسناكم ان شاء الله تكون بخير بنتكم ومبعد 10 دقايق قلت لصاحبي درك نجي رحت دخلت لداخل وبديت نشوف احوال الناس والله صدقوني سالت الدمعة هدا مريض داير اوpيراسيوا على القلب وهدا ... وهدا .... مقدرتش نحمل ومبعد رجعت لكروسة قلت لصحابي اقعد هنا درك نجي كي تخرج مرا مع بنتها وبنها قلها درك يجي رحت شريت ياؤورت وبنان وشوية ديسار وكي رجعت دخلت لسبيطار بديت نقسمها على المرضى ومبعد جاني واحد فرملي قالي ممنوع تجيب معاك الاكل هنا يا اخ قتلو علاش واش فيها حتى حرمتونا من الاجر قالي يا ولدي والله ممنوع قتلو معليش انا نمدها للمرضى المهم مترجعش عندي ومبعد رجعت المرا مع ولاداها وصلتهم لدراهم سقسيتها ياتر واش احوال بنتك قتلي راهي لباس خير من كانت ومبعد رجعت لدار بديت نطلع ونهبط عرفت قيمة الصحة مليح قلت واحد راقد متهني واحد في سبيطار واحد منع عليه الطبيب بعض المأكولات واحد ياكل كما يحب سبحان الله وزدت عرفت مليح صحة هي كلش
وتفكرت حديث الرسول صلى الله عليه وسلم عندنا سالته عائشة رضى الله عنها قالت له يارسول الله عندما تفتح لي ليلة القدر مادا اقول واش ندعي قال لها قولي - اللهم انك عفوا تحب العفوا فعفوا عني هدا دعاء شامل في خير الدنيا والاخرة
سبحان الله اسمحولي والله حبيت نحكيلكم مقدرتش نخبيها في قلبي
سلامي لكم
يا جماعة البارح كونت ندور انا وصاحبي في الكروسة قالي احبس عند هداك الحانوت نشري كوممبار نتاع الميزان ملا راح دخل الحانوت جاني واحد جون صغير قالي سلام عليا ورديت السلام قالي يا خويا راها ختي صغيرة قلبها يوجع فيها كون دير فيا مزية تديها لسبيطار قتلو وراه المشكل اطلع ملا جاء صاحبي ركب معانا كي رحنا لدارهم جابها معاه طفلة صغيرة في وجها باينة مغبونة :crying: وجات معاها ماماها كي ديتها لسبيطار دخلتها ليرجونس وبدت مها تدعلي بالخير قلتلها معليش راني نقعد نسناكم ان شاء الله تكون بخير بنتكم ومبعد 10 دقايق قلت لصاحبي درك نجي رحت دخلت لداخل وبديت نشوف احوال الناس والله صدقوني سالت الدمعة هدا مريض داير اوpيراسيوا على القلب وهدا ... وهدا .... مقدرتش نحمل ومبعد رجعت لكروسة قلت لصحابي اقعد هنا درك نجي كي تخرج مرا مع بنتها وبنها قلها درك يجي رحت شريت ياؤورت وبنان وشوية ديسار وكي رجعت دخلت لسبيطار بديت نقسمها على المرضى ومبعد جاني واحد فرملي قالي ممنوع تجيب معاك الاكل هنا يا اخ قتلو علاش واش فيها حتى حرمتونا من الاجر قالي يا ولدي والله ممنوع قتلو معليش انا نمدها للمرضى المهم مترجعش عندي ومبعد رجعت المرا مع ولاداها وصلتهم لدراهم سقسيتها ياتر واش احوال بنتك قتلي راهي لباس خير من كانت ومبعد رجعت لدار بديت نطلع ونهبط عرفت قيمة الصحة مليح قلت واحد راقد متهني واحد في سبيطار واحد منع عليه الطبيب بعض المأكولات واحد ياكل كما يحب سبحان الله وزدت عرفت مليح صحة هي كلش
وتفكرت حديث الرسول صلى الله عليه وسلم عندنا سالته عائشة رضى الله عنها قالت له يارسول الله عندما تفتح لي ليلة القدر مادا اقول واش ندعي قال لها قولي - اللهم انك عفوا تحب العفوا فعفوا عني هدا دعاء شامل في خير الدنيا والاخرة
سبحان الله اسمحولي والله حبيت نحكيلكم مقدرتش نخبيها في قلبي
سلامي لكم
