الجزائريين و الضحك

[pulse of life]

السلام عليكم خوتي
هذا اول موضوع ليا في اللمة ان شاء الله يعجبكم :001_wub:

دايما في الدول العربية يقولو على الجزائريين انهم ناس ما تضحكش :thumbdown: و ما عندهومش روح النكتة hmy: و ناس جدية ما تعرفش تبتسم يعني على العام مشنفين

حتى مرة شفت واحد قاللهم في الجزائر jamais و الا قليل باش تشوف واحد يضحك في الشارع و الا يبتسم :confused1:

انتوما واش رايكم في هاد الموضوع ؟؟؟





.
..
....
......


نبدا انا نقلكم رايي تبانلي بلي حنا ناس زاهية و ناس تحب تضحك بصح مش اي حاجة تضحكنا يعني ماشي بهالل فمنا مفتوح على العام
و نشوف انو احنا عندنا نكتة بروح السخرية و نفهموها غير احنا في ما بينا يعني مش احنا اللي معندناش روح النكتة هوما اللي مايفهموش العقلية و الروح الجزائرية

that's it
thanks

 

[programmeur]

ههههههههههههههه قتلتيني بالضحك
حنا شعب نحب الضحك بصح نتنارفو بلخف
قالك غيل تخرب في العقلية تصيب الانسان تحول من انسان الى وحش والله يستر
أما داك الانسان اللي يقول بلي الشعب الجزائري لايحب الضحك انا نقوله الضحك في وقته والعمل في وقته ياعالم العلماء
الجد في وقت الجد والضحك في وقت الضحك
هدا اللي قالها باين مخلط الضحك مع الجد كيما تخلط شعبان مع رمضان في وحد العام

 

[القطة الزهرية]

يابنتي عكسو الحديث انا نظن بلي اكتر شعب يحب ضحك حنا ودليل انا نموت على الضحك مي مشكل تقريبا جميع الشعب الجزائري شديد التعصب وما ضحكناش حاجة تافهة وشكراعلى الموضوع نتمنى المزيد

 

[البسكرية1990]

بالعكس حنا شعب زاهي مش شرط نشوفو هذا في الشوارع نتاعنا خطراه في الشارع كل واحد رايح يقضي صلاحو والوقت ما يسمحش مي في ديارهم ديما زاهيين والحمد لله

 

[poli]

سير هردوها توجور يضحك كيما تاع واحد ينسى بزاف قالك مرة ضحك نسى فمه محلول هههههههه ماتضحكش هههههههههه

 

[السلطانة]

ههههههههه والله راكي غالطة في مفهومك هادا
ماكانش شعب زهواني قد الشعب الجزايري راه كامل يحب يضحك

 

[نرمين]

اواه هوما اللي مايفهمولناش عقليتنا بزاف فور عليهم على بيها
احنا نظحكو بالكود غير حنا اللي نديكوديوه وكيما يقول خونا عقليةdzياو راهي واعرة وكون يفهموها تجيهم انفلونزا جديدة امالا يقعدو نوايا خيرلهم

 

[pulse of life]

ههههههههههههههه قتلتيني بالضحك
حنا شعب نحب الضحك بصح نتنارفو بلخف
قالك غيل تخرب في العقلية تصيب الانسان تحول من انسان الى وحش والله يستر
أما داك الانسان اللي يقول بلي الشعب الجزائري لايحب الضحك انا نقوله الضحك في وقته والعمل في وقته ياعالم العلماء
الجد في وقت الجد والضحك في وقت الضحك
هدا اللي قالها باين مخلط الضحك مع الجد كيما تخلط شعبان مع رمضان في وحد العام

انا نقولكك ان شاء الله يكونو اداو و فهموا الدرس و مايزيدوش يخلطو فينا
وشكرا على الرد

 

[asmaa_h]

مديريش عليهم ياو هوما مالاد مونتال

 

[pulse of life]

ههههههههه والله راكي غالطة في مفهومك هادا
ماكانش شعب زهواني قد الشعب الجزايري راه كامل يحب يضحك

يا اختي انا راني قللك هوها اللي مايفهموش اما احنا توجور زاهيين و توجور الروبلة

 

[AMOUNA+MIMA]

شكرا جزيلا والضحك في مواقفه وكيما قلتي مش اي حاجة تضحكنا

 

[Mouni Miss]

au contraire,ana nchouf beli adahk ma yfara9nach,adzireyine yadahko mem ki ykono mahmomin,ma3andhomch le choix soit adahk soit yeswissidiw..

 

[pulse of life]

au contraire,ana nchouf beli adahk ma yfara9nach,adzireyine yadahko mem ki ykono mahmomin,ma3andhomch le choix soit adahk soit yeswissidiw..

ان شاء الله دايما زاهيين

 

[Dr.CrAzY]

مانظنش مافهمولناش بركــ صعيبة عليهم الـــــ dz
حنا شعب غير الضحك اللي مايخطاناش
​

 

[sleepingbeauty]

قوللهم يروحو يشوفوا برك الفيديوات تاع التمهبيل اللي درناهم على المباراة تاع مصر يعطيوهم الخبر
ماكانش اللي دمو خفيف كيما احنا
صح كاين عباد مشنفين تقول عليهم شربوا الخل بصح ماشي كامل علاه يعمموا
شكرا على الموضوع​

 

[Midia]

ههههههههههههههه
راهم هما الحابسين
علاش قاسهم بهالل كيفهم
على العام يضحكوا
يخي عقلية يخي
البهلول لخوه
واقيلا حابينا انكونوا كي
مرت الدايم الله
هههههههههه
على العام وفهمها مشرع وغير تضحك
ههههههههه
والله غير مهابل
كل حاجة في وقتها
احنا نضحكوا مرة ونسكتوا مرة
ماشي على العام الماشينة ترحي
يخي بلالت يخي
مرسي موضوع هااااااااايل
​

 

[بنـ MaPa ـت]

أما أنا نقولك بلي راهم غالطين بالبزاف ,ديجا شوفو غير للأفلام دياولنا ماشي محترمين و كوميدي??........أوزيد شوفو غير لأعضاء اللمة ماشي زهوانيين..المهم حنا ماكان ما دخلنا فيهم ,كل واحد يفهم عقلية بلادو والحمد لله كي جينا شعب موحد, الله يحفضنا من عيون الحسادين...شكرا على الموضوع..

 

[fufa22]

الشخصية الجزائرية مشفرة قليل لي يفهمها
والي يعجبك نفهمو عقلية اي مجتمع عربي وهوما ما يفهموناش
ههههههههههههههههه​

 

[شهد .]

احنا شعب زاهي بزاف ويحب الضحك بصح هوما النكت تاعهم بايخة
احنا نضحكو على حاجة تضحك مش غير نضحكو على حاجة تافهة كيفهم
و الضحك بلا سبب من قلة الادب​

 

[pulse of life]

الشخصية الجزائرية مشفرة قليل لي يفهمها
والي يعجبك نفهمو عقلية اي مجتمع عربي وهوما ما يفهموناش
ههههههههههههههههه​

حنا في حنا و البراني يسامحنا
لا نحلبو ولا نصاحبو