matricule dz و العقلية طارق بنو زياد

[pulse of life]

re السلام عليكم

علابالكم و ما تخفى على حتى واحد بلي عندنا واحد 6 شهور و دزاير كاملة مقلوبة على la coup du monde و l'équipe national :001_wub:

و قاع علابالنا بلي الجزائريين des kamikazeshmy: ومهابل على الجزائر و البالون و مايخلعهم تا واحد و ما يخافو غير من المولى سبحانه و الغير الحقرة اللي ما يقبلوهاش :thumbdown:

و حاجة تاني معروفة بلي الجزائري تجيه بالملاحة يحطك فوق راسوا:angel_not: و اذا جيتو بالقباحة راك ظلمت روحك بروحك يعني راحت عليك pارتية :cursing:

المهم و الفايدة و الحاصول كاين واحد المظاهر اللي كي تشوفها تقول تاع الصح هادا شعب مهبول :scared:و المارش اريار مهرس

انا قلت اليوم كل واحد يحكيلنا على اي لقطة شافها و الا عبارة سمعها و عجباتو:yahoo: و الا ضحكاتو :laugh:




.....
...
..
..
.

شكرا :blush:

ماتنساوش الردود

 

[** غزال الصحراء **]

مرسي عليك , و دزيري ديما الماشاريار مفلوg ماشي غير مهرس جامي لا كان كاي

برك عدلي الموضوع و نحي النقطة تاع ( و لا أغنية سمعتها ) لأن مواضيع الأغاني ممنوعة و شكرا .
​

 

[pulse of life]

مرسي عليك , و دزيري ديما الماشاريار مفلوg ماشي غير مهرس جامي لا كان كاي

برك عدلي الموضوع و نحي النقطة تاع ( و لا أغنية سمعتها ) لأن مواضيع الأغاني ممنوعة و شكرا .
​

ماكاش مشكل خويا
بصح انا قصدت يحط غير مقطع من الاغنية

 

[** غزال الصحراء **]

ماكاش مشكل خويا
بصح انا قصدت يحط غير مقطع من الاغنية

راني فاهمك , مي هنا في اللمة ممنوع طرح أي مواضيع تخص الغناء

بإستثناء الرياضية و لا حتى مناقشة مواضيع الفن أو مقاطع الغناء

إن شاء الله تكوني فهمتيني Aya Sans z3eff .
​

 

[pulse of life]

راني فاهمك , مي هنا في اللمة ممنوع طرح أي مواضيع تخص الغناء

بإستثناء الرياضية و لا حتى مناقشة مواضيع الفن أو مقاطع الغناء

إن شاء الله تكوني فهمتيني Aya Sans z3eff .
​

ايه اغنية رياضية على الفريق و الا على الم.....
و مافيهاش زعاف يا خويا

 

[pulse of life]

راني نشوف بلي الردود في هاد المنتدى بالبسطون ؟

 

[Dr.CrAzY]

les algériens
ضحكني واحد السلفي كي فض الماتش حطو الديسك جوكي
دخل لللابيست وطاح عليها غير بالشطيح أيوا أيوا
حاجة أخرى حرت في الشعب ايماجيني خارجين يحتفلو وهازين السيوفة والشفر تقول رايحيين لغزوة
شكرا أختي على الموضوعــ

​

 

[fufa22]

ضاهرة جامي شفتها بلاك صرات غير وقت الثورة
واحد ما بقى في دارو الناس كامل خرجت كي النساء كي الرجال
الساعة 00:00 الغاشي جامي شفتها
هههههههههههههههه​

 

[الجيجلية]

أنا شفت الطلبة الأجانب اللي جاو من مختلف الدول الأفريقية الكل بالدرابوات وتيشرت نتاع ليكيب ودايرين ديسك جوكي ويسيبورطيو ويشطحو ههههههه حتا هوما رجعو عقلية dz يعطيهم الصحة​

 

[angel]

حاجة ماضحكتني كيما ضحكني مراسل الجزيرة تالمون فرح بزااااااف كيما تكاليفينا


بالكوستيم هآجدك راقد فالرض وهاز كرعيه لسما كي لولاد

ضحكني بزاف بزاف




​

 

[Badech]

ـبسم الله الر ـحم ــن الرحيمــ

السلام عليكم ورحمة الله وبركاته

المارشاريار طلاسي وعلى المونديال نباسي

ههههههههههه

هاذي غير نمصمصو بيها

صابرني ضرك نرجعلك ونديروا حالة بالضحك

ههههههههههههههههههههههههه

.. اللهم يا ع ـالي انـ صر منتخ ـبنا الغاليـ ..

.. ـالْفـَ اهِمْ يَفـْ ـهَـ مْ ..
سَامِـ حُونِي عَلَى الِإزْعَ ـاجْ
.. لَا يُهِمـُ ِني َردَكْ اَوْ َتقـْ ـ ِـييمَكْ المُهِمْ اَنْ تَـ سْتَفِيـ دْ ..
اللـهم أَعِ ـنِ عَلـ َى ذِكْرِكَ وَ شُـ كْرِـكَ
.. إِقْرَا جَيـِ ـ دًا مَا بَيـْ نَ السُـ ـطُورْ ..
لَا تَكُنْ كَمَا كَانَ بَعْضُهُمْ بَلْ كُنْ تَخَافُ إلَا الله
.. ــSilent Menــ ..​

 

[abdelmalek88]

راني نشوف بلي الردود في هاد المنتدى بالبسطون ؟

ماشي بالبيسطو شريكي ولا والو رانا هنا موضوعك روعة وشكون اللي مافرحش مع لاللجيري كاين بزاف حوايج صراو نهار الديفيلي مي الحاجة اللي مانسيتهاش هي انو الجزائر عنده رجال ماشي منافقين كيما قال عنتر يحي

 

[نور الانوار]

المارشاريار طلاسي وعلى المونديال نباسي

المارشاريار كلاسي وعلى المونديال نباسي ... ^^

الحاجه الغريبة : الحق ماجاني والو غريب الغاشي زاهي وانا منهم ..

مي عجبتني تاع يسيبورتيو بالـ tracteur وهازين الكاميرا في يديهم
تسما مظاهر تخلف مع تقدم واش تجيب هه​

 

[لحظة أمل]

انا تاني حرت في واحد السلافي
ديما سيريو كي ربحنا هولها بالشطيح والتزعريت
هههههههههه ياي قاعدة غير نشوف معاه ونتبعو وين يروح

 

[pulse of life]

راني نسيت انا ما قلتش
انا كاين حاجة اللي تاع اصح قلت هاذا شعب ماشي كيما لخرين
هاداك اللي وراوه في تيلي يتفرج في الماتش من فوق بوطو و اللي عجتني كيفاش كان عامل يعجبك معلق بين السما و الارض و زاد حاط قارو و يكمي فيه

اما الصواح اللي ضحكوني كاين وحد les vidéos في اليوتيب في khartoum tv و كاين واحد الفيديو تاع ابحث عن السعادة من حولك
كاين ثان واحد الاغنية راب يقول فيها زياني سيد الرجال و ميدو ست الكل *