الي عندو حل يدخل

[sami44]

السلام عليكم يا اهل اللمة العزاز
كي نبغي نفرغ قلبي نجي غير للمة ما عنديش انتيم يسمعلي ويصبر معايا
واللمة قلبها كبير

:thumbdown::thumbdown::thumbdown::thumbdown::thumbdown:
كنت عايش قصة حب عندي عام
الي نبغيها جامعية
صح هي بنت ناس وما عندي ما نقيس فيها
انا نخدم ديكوراتور متخصص
حبة حبة درت سجل تجاري نخدم عند روحي
وعندي زوج عمال فيهم براكة
انا من الاول ما صارحتهاش بالعمل تاعي
كنت حاب نخليها تبغيني كيما عرفتني
اول مرة
نهار كنت خدام عند الخواص
عندي حوالي شهرين صارحتها بلي راني معول
نجيب العجوز وانجي نخطب
كل سمانة تقولي خلي للسمانة الجاية
وحنا على هذ الحالة حتى السمانة الماضية
قلتلها لا لازم تصارحيني واش كاين
على خاطر العجوز راهي مقلقة بعد ما طمعتها
مع العلم ان خاوتي متزوجين بقيت غير انا

:thumbdown:
وبعد كل هذا
اسمعو ما قالت
قالتلي عندك-lassurance-ولا لا
قلتلها واش دخل لاسيرونس في الزواج
قالتلي نبغيك مي الله غالب
الراجل الي ماهوش مسوري ماهوش مضمون
علا بالي بلي ماشي كلامها
مي قاسني بزاف

قبل ما تكمل كلامها قطعت التلفون
عندها سمانة راهي تعيط ما عرفتش واش نقولها
بالله عليكم
ما العمل راني هامل..
مشلوش
كرهت الزواج
:crying:
انا صح كرهتها
بصح ما قدرت نرد عليها
ما قدرت نخليها تعيط


​

 

[bom]

صراحة قريت موضوعك راسي وجعني ......

موقف صعب ربي يكون في عونك خويا​

 

[Adel Adel1]

لا صعب و لا شيئ فقط دير في بالك حاجة وحدة
في المواقف المصيرية لي يتقرر عليها مستقبل و مستقبل الآخرين يكون تفكيرك بالعقل ليس بالقلب

ماتخممش بقلبك تلقى الحل وحدك
​

 

[sami44]

صراحة قريت موضوعك راسي وجعني ......

موقف صعب ربي يكون في عونك خويا

مشكور اخويا
الله يخليك
​

 

[أميرة الفولاذ]

:thumbdown:
وبعد كل هذا
اسمعو ما قالت

قالتلي عندك-lassurance-ولا لا
قلتلها واش دخل لاسيرونس في الزواج
قالتلي نبغيك مي الله غالب
الراجل الي ماهوش مسوري ماهوش مضمون
علا بالي بلي ماشي كلامها
مي قاسني بزاف

ما فهمتش اخي التأمين للي سقساتك عليه
الخاص بعملك ولا واش بالضبط

اواذا ما عندكش التأمين ما غاديش زعمى تقبل بيك ؟؟

أنا نظن لو تزيد تعطيها فرصة باش تشرحلك وجهة نظرها يكون أحسن
خصوصا لو انت تحبها وهي تحبك
وزيد مين راها تعيطلك بلاك حست بغلطتها وحابة تصلحها لازم ترد عليها وتعرف واش حابة

هادا هو رأيي وان شاء الله ربي يجيبلك للي فيه الخير

وزيد يا اخي الواحد قبل لا يتزوج المفروض يدير استخارة حتى يعرف اذا البنت للي رايح يتقدملها صالحتله ولا لالا




​

 

[sami44]

لا صعب و لا شيئ فقط دير في بالك حاجة وحدة
في المواقف المصيرية لي يتقرر عليها مستقبل و مستقبل الآخرين يكون تفكيرك بالعقل ليس بالقلب

ماتخممش بقلبك تلقى الحل وحدك
​

اخي عادل مشكور
ردك اسعدني
​

 

[sami44]

:thumbdown:
وبعد كل هذا
اسمعو ما قالت


ما فهمتش اخي التأمين للي سقساتك عليه
الخاص بعملك ولا واش بالضبط

اواذا ما عندكش التأمين ما غاديش زعمى تقبل بيك ؟؟

اخت اميرة
هي كي سقسات على التامين
على خاطر حاسبتني نخدم عند واحد خاص
ماشي عند روحي
مشكورة على المرور
ردط اسعدني

 

[shahrazad]

السلام عليكم
قالتلي عندك-lassurance-ولا لا
قلتلها واش دخل لاسيرونس في الزواج
قالتلي نبغيك مي الله غالب
الراجل الي ماهوش مسوري ماهوش مضمون

يعني نفهم انو هي ماهيش قابلة بيك بلا لاسورونس
هكااا؟؟​

 

[sami44]

السلام عليكم
قالتلي عندك-lassurance-ولا لا
قلتلها واش دخل لاسيرونس في الزواج
قالتلي نبغيك مي الله غالب
الراجل الي ماهوش مسوري ماهوش مضمون

يعني نفهم انو هي ماهيش قابلة بيك بلا لاسورونس
هكااا؟؟
​

​

اانا ثان فهمت هكذا
اختي شهرزاد
مشكورة
​

 

[عمو أحمد]

يا ولدي انا ما فهمتش راك راح تتزوج امرى او راح تشري سيارة مسورية ؟؟؟

انا نشوف بلي الطفلة هادي مادية شوية

اذا كان معريفتك بيها سطحية و جديدة ننصح تعيد التفكير في الزواج

اما اذا كنت تحبها فلي رجعة للموضوع

ربي يكون معاك ولدي

​

 

[shahrazad]

[/CENTER]

اانا ثان فهمت هكذا
اختي شهرزاد
مشكورة​

واش تحب نقولك خويا سامي نتا دوك الحل المؤقت هو ترد عليها كي تعيطلك و لا نتا تعيط
باه تزيد تفهمها bien
واش قصدت وباه ماتقعدوش هكاا معلقين لزوج
ادا هي في رايها الراجل الي بلا لاسورنس مايتعاشش معاه
غير قولها الله يسهلك يابنت الناس
ربي يوفقك خويا سامي​

 

[sami44]

يا ولدي انا ما فهمتش راك راح تتزوج امرى او راح تشري سيارة مسورية ؟؟؟

يا عمي احمد
انا نقادرك بزاف
والرد تاعك عجبني
الله يرضى عليك
وللمة يخليك




​

 

[الجزاير بلادي]

الحوار أساس التفاهم
يليق تهدر معاها

 

[سجل أنا جزائري]

تكون عندها سبب قوي من وراء كلامها

ما قلتهاش هكذاك برك

انتي وين المشكل اذا رحت سجلت روحك في التأمين ياك راك خدام نورمال

ثاني شئ حاول يكون عندك فن الحوار ما تقطعش عليها حتان تفهم وعلاه قالت لك هكذا !

بالتوفيق لكم و ربي يجعكم في الحلال ان شاء الله​

 

[nadaldr]

دير la puce موبيليس و هني راسككك

هادي materialiste

 

[sami44]

الحوار أساس التفاهم

يليق تهدر معاها

مشكور اخي
ردك طلعلي المورال
تحياتي
​

 

[sami44]

تكون عندها سبب قوي من وراء كلامها

ما قلتهاش هكذاك برك

انتي وين المشكل اذا رحت سجلت روحك في التأمين ياك راك خدام نورمال

ثاني شئ حاول يكون عندك فن الحوار ما تقطعش عليها حتان تفهم وعلاه قالت لك هكذا !

بالتوفيق لكم و ربي يجعكم في الحلال ان شاء الله​

يا اخي لعلمك
انا مسجل في التامين
لكن هي ما علابالهاش

​

 

[sami44]

تكون عندها سبب قوي من وراء كلامها

ما قلتهاش هكذاك برك

انتي وين المشكل اذا رحت سجلت روحك في التأمين ياك راك خدام نورمال

ثاني شئ حاول يكون عندك فن الحوار ما تقطعش عليها حتان تفهم وعلاه قالت لك هكذا !

بالتوفيق لكم و ربي يجعكم في الحلال ان شاء الله​

يا اخي لعلمك
انا مسجل في التامين
لكن هي ما علابالهاش
تحياتي اخي
​

 

[sami44]

دير la puce موبيليس و هني راسككك

هادي materialiste

راني نقول اندير نجمة
لكن فكرت بعد ما قريت الردود تاع الشباب
المواجهة خير من الاختباء
تحياتي
​

 

[ADNANE-ESS]

الراجل الي معرهاش مسوري مرهش قرانتي اختنا بغاتك تكون سلعة
Étudiant du niveau collégial​