شكون الله يحفظوا ، إقولنا الدخلة تع ليكول وينتا ؟؟؟ باش نوجدو روحنا ، نجو ما نجوش ؟؟

[islamsamir]

السلام عليكم واش les gens راكم ملاح

حبيت نسقسيكون و مادابيا تاتوني الرسمي : وينتا الدخلة تع الليسي ؟ وينتا ندخلوا نقراو يرحم الشيخ
باش o moins واحد إوجد روحوا إشوف لا يشري سلعة و نزيد نخدم و لا c bon

1. ندخلوا في 8/9/2007 ، es que في هذه la date ؟
2.ندخلوا في 15/09/2007 ، ولا هذه ؟؟
3.مور رمضان ؟؟؟
4.date وحدوخرى ؟؟
5.مندخلوش ga3

الله يحفظكم خاوتي ،، ماتنساوناش و تجاوبونا في أقرب وقت و مادابيكم تاتونا الرسمي و الصحيح

ايا يا منعاش

 

[zagane]

السلام عليكم واش les gens راكم ملاح

حبيت نسقسيكون و مادابيا تاتوني الرسمي : وينتا الدخلة تع الليسي ؟ وينتا ندخلوا نقراو يرحم الشيخ
باش o moins واحد إوجد روحوا إشوف لا يشري سلعة و نزيد نخدم و لا c bon

1. ندخلوا في 8/9/2007 ، es que في هذه la date ؟
2.ندخلوا في 15/09/2007 ، ولا هذه ؟؟
3.مور رمضان ؟؟؟
4.date وحدوخرى ؟؟
5.مندخلوش ga3

الله يحفظكم خاوتي ،، ماتنساوناش و تجاوبونا في أقرب وقت و مادابيكم تاتونا الرسمي و الصحيح

ايا يا منعاش

وعليكم السلا م
ياخويا انا نسيت القرايا -انا مع لي قراو بكري- ومانيش عارف بلي الدخلة قربت كوما جبدتش انت.
بصح نوصيك توجد غير الطابلية والكرطاب تاع العام لي فات وحبس حتى تدخل لا خاطش كل عام وكتوبه وكاياته .
ولا دارولكم الشنوية في السنة الاولى ما عليك غير تتصل بصاحبنا الشنوي اللي صبح عضو مميز وراه ناس ملاح ونحييه.
كل عام يختارعوا الجديد في القرايا ويجربوه علينا الي ربح ربح واللى قعد قعد.

 

[ميشا دلوعة اللمة]

والله رانا عايشين على النية انت اقعد نهار لقلولك اليوم البس حوايجك وروح ياك ماشي عرس رجعت حجا عادية ولى وش قالوا المهم في سبتمبر
ليوم منرقدش فكرتني بيه وعلاش



الاسئلة شويا صعيب وانت عطيتنا الخيرات وش رايكم نقسم المبلغ ولى نغامر

 

[HITLER]

و الله مافهمت واش راك تقول يا أخي

على الأقل اكتب باللغة الفصحى في المرة القادمة

تقبل مروري

 

[islamsamir]

السلام عليكم و رحمة الله تعالى و بركاته

خويا لعزيز --- zagane ،، الله غالب انا واحد ماعلاباليش بالقرايا ، بصح كنت حاب نعرف باش نشوف لا نزيد نشري سلعة و نخدم في المارشي و لا c bon ، بزاف عليا ،، راك فاهمني باش نوجد روحي و أنا دوريجين ناتيها 7 أيام لوالا ... هاذي ما عيزاش كلام طبعا

ختي ---- ميشا دلوعة اللمة ،، و الله غير صح واش قلتي ، يانهار إولي نهار الدخلة surprise ، تكون برى تلعب إجي ليك الشيخ إقولك ايا وليدو تدخل تقرى !!! بلاد ميكي ، تمسخير ،،، en fin واش دير ؟ هذي هيا الدنيا !!

diablo2005 --- أخي العزيز ما كنت أقصده هو أني بحاجة إلى معرفة تاريخ الدخول المدرسي الرسمي لموسم 07/08 هذا كل ما في الأمر .... و لكي أزيد لك هذا المنتدى إسمه - واش راك تهدر - إذن نستنتج ان اللغة العربية فيه ممنوعة و مرحبا بلغتنا المكسرة -- الدارجة الحلوة --

و لكم مني أسمى عبارات التقدير و الإحترام

 

[islamsamir]

السلام عليكم

متكسروش ريسانكوم الدخلة راحا تكون في تاريخ 15/09/200000000007 للأسف ;( ;( ;( أنا واحد كنت حاب تكون مور رمضان بصح الله غالب معندي ما ندير غير الإضراب بصح مع التالي تنحشالي كي نروح نجيب el biyi من عند المراقب العامة تعنا ساليمة yeux دوبلي ... vive el lecce malgré القريا mora

و هذا هو الدليل بلي ندخلو في 15/09 من جريدة الخبر ليوم 23/08/2007

أيا يا منعاش و تهلاو في روحكم لي جون ........... www.salamo.vip-blog.com

 

[mohamed-riadh]

الله يرحم يامات الليسي
(angel)(angel)
الدخلة يوم 15 سبتمبر بعد يومين من دخول رمضان ان شاء الله
وبعد 4 أيام من الذكرى 6 لاحداث 11 سبتمبر :party::party::party:

 

[islamsamir]

الله يرحم يامات الليسي
(angel)(angel)
الدخلة يوم 15 سبتمبر بعد يومين من دخول رمضان ان شاء الله
وبعد 4 أيام من الذكرى 6 لاحداث 11 سبتمبر :party::party::party:

راني نبكي شتا :rain::rain: .... ندخلو صايمين للأسف الشديد ، الشيخ نولي نشوف فيه noir & blac و نكونو تانيك حازنين على 11/09 الذكرى السادسة ... o bien فرحانين ؟

c domage بصح ما بقاليش بزاف و نتوجه للحياة العملية الحقيقية لي هي ( نشد الصور صباح و ليل و نعس الطالع و الهابط ) الأفضل بكل بساطة

 

[عاشقة اللمة الجزائرية]

ايه علابها l'algerie راهي هي التاليا

معلبالكش وينتا ندخلو نقروا انا نقولق puisque راك تخدم علاش راك تحوس على la date


ايه جماعة مالكم راكم ما تشوفوش أحوال الجزائر كفاه راهي

انا الحق قلبي كلاني عليها راهي غايضتني بزاف

زيرو رواحكم من جال البلاد لي وكلتكم و قراتكم باطل و في الاخير ما تردولهاش جميلها














أختكم في الله عاشقة اللمة الجزائرية

صافية















اللمة لمتنا و لمت جماعتنا

 

[islamsamir]

يا أختي كنت حاب نعرف باش نشوف لا نشري سلعة باش نبيعها في السوق ... لخطرش لوكان شريتها و دخلنا في 8/9/2007 امبعد انا واش ندير بيها ،، نخليها للعام الجاي باش نبيعها ؟؟؟

ها بنادم لازم إدير حساب لعمرو ،، ما يرميش روحو في الواد

 

[zagane]

السلام عليكم

خويا اسلام نوصيك
هديك الخدمة رزق محدود والقراية رزق ممدود
لا افراط ولا تفريط

 

[islamsamir]

و خسارة عليك خويا محمد ،، انا نخدم برك باش ما نكثرش على دارنا المصروف تع الكتابات تع الدخلة و تانيك باش ما نجوش وقتي في صوالح عيانين في هذا الصيف

يا خويا ،، يقاس الإنسان بعلمه لا بماله